|
كلام في الـــ ( ممنوع )
|
أيها الأحبه
سلام الله يغشاكم ...
البوست ده حيناقش أمورنا في المجتمعات السودانية ... أمورنا الممنوع الكلام فيها أو عنها بأمر المجتمع
وهل كل ما هو ممنوع .. سيظل ممنوع ؟؟؟ وليه هو ممنوع أصلاً ؟؟
في بعض مفاهيم تربيتنا في بعض الأخطاء الشنيعة .. مثلاً في ما يتعلق بالجنس ... ثقافته مفاهيمو ... إلخ
ده مثال ( الحديث في الجنس ) ممنوووووووووووووووع .. بل وبيتم التعامل معاه وكأنه حرام شرعاً في العرف السودانوي
كثير جداً من المشاكل المجتمعية الآنية ناتجة عن هذا الأمر ( ممنوع ... ممنوع ... ممنوع )
طيب ...
كدي خلونا نجي وندلي بآرائنا الموجبه هنا في شن هو الممنوع وليه بقي ممنوع وشنو الإيجابية أو السلبيه في منعه أو منعنا منو ...
هناك كتابة جاءت علي شاكلة القصة ... حوالي الستة أعمال سأفرد لها مساحة هنا متمنياً أن أكون قد قدمت ما يفيد الناس كإضافة لأقلامكم الواعية هنا ..
نواصل وإلي لقاء ..
|
|
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: هناك كتابة جاءت علي شاكلة القصة ... حوالي الستة أعمال سأفرد لها مساحة هنا متمنياً أن أكون قد قدمت ما يفيد الناس كإضافة لأقلامكم الواعية هنا ..
|
ناصر انت اصلك اضافة نوعية
الممنوع هو تاثير سلطة المجتمع العرفية جيب القصص وتعال ننتكلم
Quote: نواصل وإلي لقاء ]] |
منتظرنك
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
في الحي في الحله في أي مكان قد يكون هناك من أتي وقد خلقه الله تعالي ببعض التشوهات الخلقية ( أعني هنا الإعاقة الذهنية مثلا ً) ونسميه بالعوقه ... وهذا العوقه ننظر له بأنه كما أنموزج للغباء .. تجده يعمل بجد ولا يكل ولا يمل ... إذا كانت هناك مناسبة ما (فرح أو كره لا قدر الله ) تجده هو من يقوم بكنس الفناء بالمكنسه وهو الذي يتفضل بغرف البالوعات ( ناس الشقق والسايفون يمتنعون) ههههههه ولكن ... هل نظرنا لبعد وجوده المخفي كإنسان آخر .. إنسان يمتلك مقومات الإنسان .. يعيش كما نعيش ؟؟؟ إحتياجات الغريزة لديه ... أين يقضيها وكيف ؟؟؟
إنفلا ... نص يقلب في دفارت صديقاً لي عرفته وخبرته وعلمت تفاصيل تفاصيله في يوم من أيام التذكر قبل أكثر من ثلاثين عاماً في قريةٍ نائيةٍ من قري جنوب كردفان ...
القصة تتناول أمر هذا القدور الــ ( عوقه) بيد أن القلم قد أصاف عليها الكثير
معاً نتابع ...
| |
|
|
|
|
|
|
Re: كلام في الـــ ( ممنوع ) (Re: طارق جبريل)
|
هااااا المسيخيت ... انت جيت ؟؟
طارق جبريل كيفنك اخوي ونعلك طيب ...
وبعدين ياخي مالك لي جايب لي الكم قيقا وكيلو بايت القوي ده ياخ .. سويت ليك شنو لآمن تجيب لي قيقراوي ده ياخ
ههههههههه
ادخل يا سيدي واديني المفيد
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: يدها تعبث بشعر صدره بعنف بائن .. تمررها علي جسده الرياضي المفتول العضلات .. تدخلها داخل سرواله وتمسك به .. يا لهذا الشئ الغريب .. وكأنه قضيب من حديد .. دافئ.. جاذب .. ولذيذ .. ظلاّ يتقلبان يميناً ويساراً علي الفراش ، وأنفاثهما اللاّهثة تتلاحق قويةً تدفء فناء الغرفة كلها حتي وجد نفسه محشوراً بين فخذيها ... صرخت بصوت هيستيري عند إيلاجه شيئه المتين في مكحلها .. تلوّت .. تأوهت .. أظافرها ترسم خطوطاً غير متوازية علي وجههِ وعُنقهِ عند لحظة التلاقح العظيم |
ابو الزفت
تعرف يا زول كلامك الفوق ده في وليمة لأعشاب البحر زاتو مافي
| |
|
|
|
|
|
|
Re: كلام في الـــ ( ممنوع ) (Re: جمال الباقر)
|
Quote: ابو الزفت
تعرف يا زول كلامك الفوق ده في وليمة لأعشاب البحر زاتو مافي |
أخي جمال الباقر
تحية واحترام لشخصك
شكراً ليك لإفساحك جزء من وقتك لقرائتي هنا ...
ويا أخوي أنا ماني زول كتاب يعلم الله ... بس تراها حروف ضايقتني وجات ومرقت علي سجيتها .. وكل النصوص جات ككتابه أولي .. يعني ما أعدت كتابتها وصياغتها من جديد
يا ريت لو نستذيد منك قولك في القول العام للنصوص
| |
|
|
|
|
|
|
Re: كلام في الـــ ( ممنوع ) (Re: محمد قسم الله محمد)
|
Quote: سرد جميل ولغه مسبوكه إن جاز لي التعليق علي النص. لكن ما ظنيتك لقيت ليك لجنة نصوص ورقابه تديك تصريح للنشر |
أخوي محمد قسم الله
تحية واحترام
شكراً لولوجك من هذا النفاج المتاكا علي أبواب القول الصريح في بعض الأشياء التي تحتاج منك لإضافات
أما وبخصوص النشر ... أهو نشرناتلاقيط مفرداتنا دي هنا ده ... ولو كنت بتقصد نشر الكتابة بتاعتي دي علي كتب ... فلا أعتقد يا أخي إني حصل وفكرت في ذلك لسبب بسيط للغاية ... أنا لست بذلك الكاتب الحصيف .. شكراً ليك مرة أخري وإن كنت أطمع في رأيك في المواضيع المطروحه
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
موضوع هذه الكتابه إستهلاك ...
يتناول أمراً هاماً أيضاً في إعتقادي ...
مسألة تحكم المجتمع في زيجات أبناءهم وبقوانين مجتمعية لا فكاك منها
ومشكلة أخري تكمن في طي النسيان أو التجاهل من جانب المجتمع
ألا وهي مشكلة الضعف الجنسي لدي الرجل والمرأة كليهما سيان
فهنا تكمن المشكلات وهناك أيضاً تكمن المشكلات في كلا الحالتين
وهذه الكتبة مجرد نقش علي حواف المشكلة لأجل تعريتها تمام التعرية أمام ناظرينا
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
سأتناول هنا نمط كتابتي التي أتت عاليه بشئ من التدقيق في قول كل النصوص
بدءاً ... إنفلات
إنفلات وقد تناولت أمراً بالغاً في التعقيد
عندما نناقش مسألة ما نسميه بالعوقه وهو بيننا ونجرده من كونه إنساناً مثلنا تماماً
له إحتياجاته الإنسانية والــ ( حيوانية) أيضاً
عندها قد تظهر بعض الأشياء التي تحدثُ في السِر
قد تُدهشنا تلكم الأشياء
قد نعلم بها بيد أننا نصمت من مناقشتها علانيةَ
وشئ آخر
الفاقد التربوي ...
بعد الأبناء عن آباءهم دون تربيتهم تربيةً جيدة
تنفلت الأشياء أيضاً فتظهر علي السطح كثيراً جداً من مُشكلاتنا التي صمتنا عليها كثيراً
| |
|
|
|
|
|
|
Re: كلام في الـــ ( ممنوع ) (Re: tayseer alnworani)
|
أمس كنت في عيادة طبيب بالمساء وأنا منتظر في الحوش المقشوش والمرشوش و الكراسيه مرصوصة ...قابلت فجأة رجل سبعيني كان جارنا في يوم من الأيام وبي وراه ماشية بنية سغنتوووووته لكنها مُضبلِنَه... إفتكرتو مريض لا سمح الله .. قلت ليه كفارة يا عمي ( فلان) مالك ؟؟ .. قال لي كفر الله سيئاتك ... أنا بخييييييييييير خيرين تلاته .. بس الوليه دي ربنا ياخد بيدها يا ولدي .. قلت ليه والحاجَه هسي وينها ... إلتفت تجاه الشافعة وقال لي أهي دي ... تعالي يا مَرَه سلمي علي ود أخوي ده !!!!!!
أقسم بالله قد يكون عمرها ما بين 14 أو 16 سنه بس ...
الشافعه دي يكون جاها ناسور بولي خلي بالك ..
يعني 14 ــ 16 سنه ويزوجوها لرجل سبعينييييي ....إنَّا لله ياخ إنَّا لله
دي الكتابه الجايه الأبت تمرق لسه ...
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
[B]في شباب كتار دخلوا هنا وقروا ولأنهم ما أعضاء عبر الأون لاين ... عبروا عن آراءهم في هذا الكلام الذي هو في الممنوع عبر الفيس بوك
وتحديداً القول الكُلي في قصة قدور العوقة وسماح وزوجها سليمان ...
شكرً ليهم
| |
|
|
|
|
|
|
Re: كلام في الـــ ( ممنوع ) (Re: محمد حيدر المشرف)
|
Quote: ناصر ..
ناصر يوسف !! اتلاقينا وين يا ناصر .. أو أنها الذاكره تشابهت عليها التفاصيل الجميله !! |
مرحب بيك أخوي محمد حيدر المشرف
ملفات الدنيا الضيقة ي بتكون خلت ملاقاتنا في يوم من أيام التذكر
أنا شخصياً الزهايمر ما مديني فرصة إني أتذكر
عموماً مرحب بيك ... ويا ريت لو نلقي عندك إضافة للكلام الذي هو في الممنوع
| |
|
|
|
|
|
|
Re: كلام في الـــ ( ممنوع ) (Re: محمد حيدر المشرف)
|
Quote: قدور العوقه تدوي ضحكاته الصاخبة بهو المكان ولأول مرة في حياته إذ لم يشاهده أحد ما بالقرية وهو ينضح فرحاً .. كان الأمر مريب .. شكك بعض شباب القرية في أمر هذا المعتوه.
|
وصف هذا العوقه ذهب بى نوعا ما الى الزين فى رواية الطيب صالح ,,, اضافتك جيده,, حيث الاستهتار بشخصية العوقه باعتباره مجرد معتوه يمكنه من مما وصفت وذات السبب يجعل طمع النساء فيه مأمونا ,,,,
عشان كدا ياناصر يااخوى موضوع (العوقات )دا مهم خلاس ياخ حقو الناس تتكلم فيهو اكتر
---------------------- فى ناس كتار عاملين رايحين من البوست دا ,,, ما تكتر المحلبيه
| |
|
|
|
|
|
|
Re: كلام في الـــ ( ممنوع ) (Re: أيمن التوم حسن)
|
Quote: وصف هذا العوقه ذهب بى نوعا ما الى الزين فى رواية الطيب صالح ,,, اضافتك جيده,, حيث الاستهتار بشخصية العوقه باعتباره مجرد معتوه يمكنه من مما وصفت وذات السبب يجعل طمع النساء فيه مأمونا ,,,,
عشان كدا ياناصر يااخوى موضوع (العوقات )دا مهم خلاس ياخ حقو الناس تتكلم فيهو اكتر
---------------------- فى ناس كتار عاملين رايحين من البوست دا ,,, ما تكتر المحلبيه |
أيمن التوم أخوي
كيفنك يا زول ...
شكراً لولوجك من هذا الباب وشكراً لإضافتك ... وإن كنت أطمع في المزيد
قلت لي ما أكتر المحلبيه ؟؟؟
أعمل رايح يعني ؟؟ ولا برضو أفرمل ؟؟؟
يا الحبوب تسلم مرة تانيه علي المرور والإضافة ..
ويا ود المشرف .. ما تبخل علينا ياخ .. وتعال برضو معانا في فرض الكفاية ده
| |
|
|
|
|
|
|
Re: كلام في الـــ ( ممنوع ) (Re: منال)
|
مرحب بيك اخ ناصر، الكتابة في الممنوع مرغوبة لكل من هب دب كمتفرج او متابع، لكن ثقافة العولمة، والانترنت اتاحت للناس عامة وجيل الشباب خاصة ان يتصارح مع مواد النت بحرية واريحية، مثلا تجد الرجل يهرب من ممارسة الجماع مع زوجته لمشاهدة الافلام الاباحية عبر النت واليوتوتيب، وتجد البنت المراهقة تبوح لعشيقها او حبيبها الخ بمشاعرها بطريقة تحررية وذلك عبر الشات، لذلك الممنوع اصبح مفضوح، ولكن عمليا وتطبيقيا، والنتائج ايضا تاتي تبعا لذلك عمليا، انهيار في المؤسسة الزوجية لاسباب تفضلت انت بذكرها مثل البرود الجنسي، خراب البيوت مثل الحمل سفاحا عبر اللقاءات السرية الحميمية التي تنطلق من النت وغرف الدردشة الخ.
فقط كنت اقترح عليك لو انك تناولت الظواهر الاجتماعية مباشرة وبطريقة تفتيتية من تفتيت، بدلا من السرد القصصي، وايضا اقترح تناول اي ظاهرة بمفردها وترك فرصة للناس ان ينتاقشوا حولها ثم الانتقال الي نقطة اجتماعية ساخنة منوعة اخري، وتاني مرحب بيك.
| |
|
|
|
|
|
|
Re: كلام في الـــ ( ممنوع ) (Re: محمود الدقم)
|
Quote: مرحب بيك اخ ناصر، الكتابة في الممنوع مرغوبة لكل من هب دب كمتفرج او متابع، لكن ثقافة العولمة، والانترنت اتاحت للناس عامة وجيل الشباب خاصة ان يتصارح مع مواد النت بحرية واريحية، مثلا تجد الرجل يهرب من ممارسة الجماع مع زوجته لمشاهدة الافلام الاباحية عبر النت واليوتوتيب، وتجد البنت المراهقة تبوح لعشيقها او حبيبها الخ بمشاعرها بطريقة تحررية وذلك عبر الشات، لذلك الممنوع اصبح مفضوح، ولكن عمليا وتطبيقيا، والنتائج ايضا تاتي تبعا لذلك عمليا، انهيار في المؤسسة الزوجية لاسباب تفضلت انت بذكرها مثل البرود الجنسي، خراب البيوت مثل الحمل سفاحا عبر اللقاءات السرية الحميمية التي تنطلق من النت وغرف الدردشة الخ.
فقط كنت اقترح عليك لو انك تناولت الظواهر الاجتماعية مباشرة وبطريقة تفتيتية من تفتيت، بدلا من السرد القصصي، وايضا اقترح تناول اي ظاهرة بمفردها وترك فرصة للناس ان ينتاقشوا حولها ثم الانتقال الي نقطة اجتماعية ساخنة منوعة اخري، وتاني مرحب بيك. |
أخي محمود الدقم ...
تحية طيبة واحترام
شكراً لإضافاتك النيرة
وشكراً لنصيحتك برضو وهي علي العين والراس .. لكن أهو نسوي شنو بس ..
المسألة جات كده ناخد القول في بعضو ونضيف ليه ويا ريت لو بيعمل شئ موجب في مجتمعاتنا نقول يا ريت
| |
|
|
|
|
|
|
Re: كلام في الـــ ( ممنوع ) (Re: منال)
|
Quote: دوما أقراك ياناصر
كل ماكتبته وستكتبه
قطرة من فيض
ولوعة من شجن
أأأأخ ياناصر ذكرتنى ايام كتبت انا قصتى مع اللازوردية
مودتى ياغالى ,,, |
أشكر ورورك أختي الغاليه
منال
وفي إنتظار اللازرودية
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
فلنفتح أبواباً مغلقات ... وبمثل ما حدث من هزةٍ عنيفة لدي الفاتيكان والمؤسسة الكنسية من أشياء لا أخلاقية
هل يمكننا فتح هذه الأبواب هنا ؟؟؟ هل تحدث مثل هذه الأشياء القبيحات كالتي حدثت لود إبليس في الخلاوي ؟؟ خلاوي تحفيظ القرآن وعلومه ؟؟
هو باب من نار ... فمن يتجرأ علي فتح أبواب جهنم هذه ؟؟
| |
|
|
|
|
|
|
Re: كلام في الـــ ( ممنوع ) (Re: منال)
|
Quote: واصل ياناصر
متابعنك ومستمتعين ,,,,,,,,, |
تسلمي يا منال عارفك قاعده هنا ده ومتابعه ولسه في نصوص تانيه جايه في السكه
ما عندك أي إضافة في قول النصوص ؟؟
في إنتظار قلمك الواعي يا زوله
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: وينهم ووينو قولكم في الكلام الفي الممنوع ده ؟؟؟؟
ولا ختيتو فيني رأي ؟؟؟ |
يا الحبيب بالعكس المشكلة نوع الكتابة الجانحة للادب تخلي الزول يقرأ اكتر مما يحاول يناقش والمتعة نفاج بيفتح على العقل وتظل القضية حاضرة بعقل مخلوط بروح النص
الشفيع وراق يازول مالكـ داير تدخلنا في الغلط ناصر يوسف زول فنان حقيقي وأنا بعرفه ردح من زمن لاغيرته ظروف ولا هزته محنة
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: الأوساخ إرتمت عليها وهي تعبثُ مع أمها بين فتات بقايا الآخرين .. تٌفتشُ عن بعض الفُتات ليقي جوع البطنِ .. أما الروح .. فلا تساوي شئياً يُذكر.. كشششششششه .. هكذا نطقها ( شيته ) كبيرهم و أضاف ... شتااااااااااااات خالي محطات ... الكل يفرُ بنفسه هارباً من غضبةِ الشرطة ... تعثرت الأم وهي تحاول جاهدةً النهوض بإبنتها لتفر بعيداً عن متناول رجال الشرطة الملاعين ومن ضرب سياطهم وهراواتهم التي لا ترحم ... حاولت جاهدةً الوقوف وكان تعثرها للمرةِ الثانية والثالثة .. وطفلتها ( تمبوشة ) بين كومةِ الأوساخ تصرخ وتئن من جوعها ... شيتة يحمل الطفلة ويهرول بها بعيداً ... أمها تحاول النهوض والجسدُ المنهك بفعل الجوع والسموم لا يستطيع الوقوف. السياطُ تُلهب جسدها النحيل ... هراوة غليظة تقعُ علي رأسها فتغيب عن الوعي .. ولا تفيق إلا وهي في مكانٍ آخر .. عند تمامِ منتصف الليل ..
|
افتح مزيدا من الابواب المغلقه
واسرج فى عتمة (قاع المدينه) نور قلمِ جرئ
يجردنا من اقنعتنا لتبقى الحقيقه العاريه
متابعين ياناصر
| |
|
|
|
|
|
|
Re: كلام في الـــ ( ممنوع ) (Re: أيمن التوم حسن)
|
Quote: افتح مزيدا من الابواب المغلقه
واسرج فى عتمة (قاع المدينه) نور قلمِ جرئ
يجردنا من اقنعتنا لتبقى الحقيقه العاريه |
ياسلاااااااااااام فعلاًقلم جرئ وفنان ودي العُقدة والحل والقضية ياقول هاشم صديق في مكان ما أمشي يا ناصر بحسب أخونا عاطف خيري في الدرب البطابق فيه خطوك صوت حوافركـ وقشششششششة ماتعتر ليك بجد بوست لذيذ وفيه ريحة مطر ...دعاش دعاش ..
| |
|
|
|
|
|
|
Re: كلام في الـــ ( ممنوع ) (Re: Ahmed musa)
|
بصراحة اخوي ناصر، وطالما انت طلبت راينا، نقول: قرأت الاولى والتانية ولم اكمل التالتة
قصصك اصنفها ضمن (الادب الرخيص)، او الفن الهابط الصياغة ركيكة ولم يبذل صاحبها اي مجهود لا توجد اي حبكة ولا يوجد هدف اخطاء املائية ........ تذكرني بروايات عبير، وقصص جنسية شاعت في النت باسم (عمو حمزة)
كان ممكن تتفادى العبارات الجنسية السافرة والتصريح الواضح براعة الكاتب تتجلى في ايصال الوصف وتمثيله بطرق ايحائية/رمزية تضطر القارئ لتشغيل مخه والاجتهاد للوصول لمرمى الكاتب تقديم الوصف الواضح الفاضح على طبق، الكل يجيده، اذاً اين هي اضافتك؟ آسف ان غلظنا عليك، فقد كتبت ما رأيته
--------------- اعد قراءة ما كتبه اخونا احمد موسى لا اظن وصلك ما يريده
تحياتي وودي
| |
|
|
|
|
|
|
Re: كلام في الـــ ( ممنوع ) (Re: الشفيع وراق عبد الرحمن)
|
Quote: بصراحة اخوي ناصر، وطالما انت طلبت راينا، نقول: قرأت الاولى والتانية ولم اكمل التالتة
قصصك اصنفها ضمن (الادب الرخيص)، او الفن الهابط الصياغة ركيكة ولم يبذل صاحبها اي مجهود لا توجد اي حبكة ولا يوجد هدف اخطاء املائية ........ تذكرني بروايات عبير، وقصص جنسية شاعت في النت باسم (عمو حمزة)
كان ممكن تتفادى العبارات الجنسية السافرة والتصريح الواضح براعة الكاتب تتجلى في ايصال الوصف وتمثيله بطرق ايحائية/رمزية تضطر القارئ لتشغيل مخه والاجتهاد للوصول لمرمى الكاتب تقديم الوصف الواضح الفاضح على طبق، الكل يجيده، اذاً اين هي اضافتك؟ آسف ان غلظنا عليك، فقد كتبت ما رأيته
--------------- اعد قراءة ما كتبه اخونا احمد موسى لا اظن وصلك ما يريده
تحياتي وودي |
الأستاذ الشفيع وراق
تحية واحترام لشخصك ولقلمك الواضح والصريح وهذا هو المبتغي
بدايةً أود أن أوضح لك شئياً هاماً للغاية ...
أنا لم أُنصب نفسي كاتباً أو قاصاً ولم أقل بأني ذلكم القاص الجييد والــ (حريف )
هي مجرد ( تلاقيط مفردات ) جاءت هكذا لتحكي عن مشكلات مجتمعيه نهرب منها ... كان بالإمكان أن أفتح Post بعنوان ... (مشاكلنا الجنسيةفي لمجتمعات السودانيه) وأن آتي وأنثر مجرد قول يفند تلكم المشاكل ... 1 - 2 - 3 - 4 ... إلخ .. بيد أنها جاءت هكذا في شاكلة كتابة بشكلٍ آخر .. قد لا يروق لك وقد يروق لآخرين ... ثُمَّ يا أخي العزيز ... أنا لم أقصد أن أكتب أدباً رخيصاً .. فما كتبته لا يعدو كونه أدباً يكتبه أديباً ما ... أنا لستُ بذلك الأديب يا أخي العزيز ... هي مجرد تلاقيط مفردات ليس أكثر ..
أما بشأن حديث أخي وصديقي الأستاذ الأفوكاتو والممثل والمخرج ( المتقاعد بالمعاش الإختياري أو الإجباري ) فأنا أحمد الله أحمل من الوعي ما يمكنني من مرعفة قول من لا أعرف فما بالك يا أخي .. من خبرته وعايشته سنيناً عددا كأخ وصديق وزميلٌ للدراسة ..
أختم بأنني والله سعيدٌ جدا لمداخلتك هذه .. وشاكر لك عليها شكراً يصل مبتغاه .. وما الكمال إلا من عند الله .. وما أنا هنا سوي تلميذ يتعلم من الآخرين .. ولكم أضفت إلي اليوم أستاذ الشفيع وراق إضافة أشكرك عليها بكامل الصدق
شكراً لك
وليتك لو تجد الوقت الكافي والمزاج الجيد للقراءة لقراءة ما تبقي من كتابات حتي تأتيني مجدداً لتضيف إليَ بعدا جديداً من رأي ثاقب وصريح حتماً سأستفيد منه .. وأيضاً أتمني أن تجرد الكتابة ن أحرفها السخيفات تلك وأن تتناول مضمون قول تلكم الكتابات كأشياء نستحي منها نحن كسودانيين ولا نقربها جهراً
شكراً لك أستاذ الشفيع وراق
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
الأعزاء
أحمد موسي
أيمن التوم حسن
شكراً علي المرور والقراءة والإضافه وإن كنت أطمع في المزيد
هي مشكلاتنا المجتمعيه التي نهرب منها فلنعريها إذن وما الضير فلربما تكون كحجر في بركه رببببببببببما
شكراً لكما كليكما
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
[green]قالها لي يوماً
أخي الأكبر الأستاذ الجليل
شوقي بدري
يا ناصر مثل هذه الكتابات ستخلق لك عداوات فــ ( سَردِب )
وها أنا مُسردِب شديد
تحياتي للعزيز
شوقي بدري
| |
|
|
|
|
|
|
Re: كلام في الـــ ( ممنوع ) (Re: Ahmed musa)
|
عودة سريعة
Quote: أما بشأن حديث أخي وصديقي الأستاذ الأفوكاتو والممثل والمخرج ( المتقاعد بالمعاش الإختياري أو الإجباري ) فأنا أحمد الله أحمل من الوعي ما يمكنني من مرعفة قول من لا أعرف فما بالك يا أخي .. من خبرته وعايشته سنيناً عددا كأخ وصديق وزميلٌ للدراسة .. |
يبدو ان (قراءتي) لمداخلات اخونا احمد موسى كانت (خاطئة)، فلك وله العذر
اخوي ناصر قرأت لك كثيراً في (سودانيات)، واعلم يقيناً قدراتك التي تؤهلك لكتابة افضل كان بامكاني المرور والتعليق (المجامل) وكان بامكاني ايضاً، كما فعل الكثيرون، المتاوقة والذهاب ولا من شاف ولا من درى ولكني رأيت الوقوف محاولة للتصحيح
| |
|
|
|
|
|
|
Re: كلام في الـــ ( ممنوع ) (Re: عليش)
|
كفشششششششششششششش وين يا حَبَه ... ياخي ما قلت ليك رسل لي سوقني معاك بلاد الــ (جِد ) سام ده ياخ .. هو لسسسسه عم ؟؟؟
وسوقني بعجله نمشي كمبو نساهر الليل هي جوبا دي بعيده .. نمشي كمبو نساهر الليل
ويا حليل جوبا وحليل صديقنا ستيفن والفاتح أتيم ملوك والأستاذ ديرك أويا الفريد
ياخي أنا مالي زي عاوز أفتح لي جرح ما حيندمل أصلاً هني ده
حبابك يا عليش .. وفي رجا قلمك يصب معانا في قول النصوص
كدي حاااااااااول إنك تلقي ليك فرقة زمن ولو بسييييط كده ياخ
تحياتي وأشواقي
| |
|
|
|
|
|
|
Re: كلام في الـــ ( ممنوع ) (Re: الشفيع وراق عبد الرحمن)
|
قرات بعضا من هذه القصص يا صديقى قراتها واحسست انها تلامسنا حقيقة نحن نخاف من الكتابة التى تجرنا الى مثل هذا التساؤل الذى طرحه الشفيع وراق لكنها حياتنا اليومية حياتنا التى نراها ولا نتحدث فيها فالامثال مثلا لها صيغات احيانا اسميها "غبية " خاصة تلك المرتبطة بالرق ما اكثرها وما اباسها ما تزال محل استخدام بين الناس والامثال المرتبطة بالنساء وتقزيمهن وحتى الرجال احيانا ينوبهم من الغثاء جانب شكرا لك ان فتحت هذه الابواب الممنوع الحديث فيها تحياتى
| |
|
|
|
|
|
|
Re: كلام في الـــ ( ممنوع ) (Re: سلمى الشيخ سلامة)
|
Quote: قرات بعضا من هذه القصص يا صديقى قراتها واحسست انها تلامسنا حقيقة نحن نخاف من الكتابة التى تجرنا الى مثل هذا التساؤل الذى طرحه الشفيع وراق لكنها حياتنا اليومية حياتنا التى نراها ولا نتحدث فيها فالامثال مثلا لها صيغات احيانا اسميها "غبية " خاصة تلك المرتبطة بالرق ما اكثرها وما اباسها ما تزال محل استخدام بين الناس والامثال المرتبطة بالنساء وتقزيمهن وحتى الرجال احيانا ينوبهم من الغثاء جانب شكرا لك ان فتحت هذه الابواب الممنوع الحديث فيها تحياتى |
يا بت ضواية تضوي الليل يا بت منسوجه بدم النيل يا بت يا شوق يا بُن يا ضي يا لون قريافك راميني عديل
وإن ... فأنا أشتاقك أيتها الفارعةُ الكلام تسألني عنك دهاليز هنا أمدر مان بكامل عبق المكان وأناسٌ كانت صحبتهم تُضئ لنا الحياة أو هل لي أن أشكرك اليوم هنا ؟؟ لا شكر فالشُكرُ أدني مرتبةً من الإحتفاء
بت أبوي الشيخ سلامه
ياخي .. تعالي تاني وولعي التُقابة دي بالله بي وعيك البعرفو أنا داك
وبـــــــــــس
| |
|
|
|
|
|
|
Re: كلام في الـــ ( ممنوع ) (Re: الشفيع وراق عبد الرحمن)
|
Quote: يبدو ان (قراءتي) لمداخلات اخونا احمد موسى كانت (خاطئة)، فلك وله العذر
اخوي ناصر قرأت لك كثيراً في (سودانيات)، واعلم يقيناً قدراتك التي تؤهلك لكتابة افضل كان بامكاني المرور والتعليق (المجامل) وكان بامكاني ايضاً، كما فعل الكثيرون، المتاوقة والذهاب ولا من شاف ولا من درى ولكني رأيت الوقوف محاولة للتصحيح |
ياا الشفيع وراق عبد الرحمن يا أخوي يا أستاذي الكريم
يعلم الله أنا سعيد جداً بمداخلتك القبل دي ... ثمَّ ثانياً ياخ أهو قلنا نحاول نتدرب علي الكتابة بشكلها العلمي المدروس .... يعني ماهية شروط القصة القصيرة .. فلربما ... رببببببما يجي يوم وأكون فيه قاص .. وده بيرجع ليك إنتَ في المقام الأول لأنك زي شايف فيني ممكن أكون قاص .. ودي شهادة يعلم الله .. لكن يا أستاذ وراق ... أنا ما فكرت في يوم من الأيام بإني أكتب كما يكتب حافظ حسين أو شاهين أو حبيب نوره هنا أو كما يكتب العلامه الطيب صالح أو ... ياخي ديل ناس كتابين بشكل ... تعرف لما أقراهم الناس ديل بكون محلق في عوالم تانية كقارئ من الدرجة الأولي ... القراءة للمبدعين بتمثل عندي غذاء عديل كده ... ليهم عبرك التحية والتجلة والشكر لإبداعهم الوصلني وقريتو ...
وزي ما قلت ليك ... كان من الممكن أجي وأقول يا أخوانا رأيكم شنو مسألة الزول الــ (عوقه) القاعد في حِلَتكُم ؟؟ أو رأيكم شنو في الضعف الجنسي لدي الزوج ومآلاته علي الزوجه المجبوره عليه من واقع ( البت لي ود عمها) ... أو رأيكم شنو في مسألة العنوسة أسبابها ومشكلاتها والعزوبية برضو ...
فالمسألة جات علي كده .. علي الشكل الجات بيه
وصدقني أنا ما زلت منتظر إضافاتك إنتَ في قول النصوص مش في النصوص ... عارف لغتي لغة موغلة في البساطة ولا ترقي لكي تقارع لغة الأدباء ... ياخي أنا عاوز رأيك في قول النصوص .. في المواضيع المطروحه ..
يا ريت يا أستاذ الشفيع .. يا ريت والله
شكراً ليك مرة تانية
في إنتظارك ... سَمِح ؟؟
| |
|
|
|
|
|
|
Re: كلام في الـــ ( ممنوع ) (Re: عليش)
|
رفعك الله درجات متتاليات ... كُبَارات وشحمانات يا كفش يا صاحبي
أها عملت لينا في موضوع الهجرة في بلاد الــ ( جِد ) سام شنو ياخ
طاااخ طرااااااااااخ ( دي بالله تديها للجميل سيما عرقله) ههههههه
| |
|
|
|
|
|
|
Re: كلام في الـــ ( ممنوع ) (Re: Ahmed musa)
|
ربما اليوم تكون في إضافة هنا
فقط .. للذين يقرأون ما نكتب .... إنتظروا ولو قليلاً جدا
الختان الفرعوني ... وحياة العنف ضد الأطفال .. ستأتيكم عبر كتابة جاءت تحملُ إسم
دَمٌ فاســــِد
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
دمٌ
لم تكن فاطمة تعرف المبيت خارج منزل أسرتها ، خمسة وأربعون عاماً من الألم والهوان والقهر قضتها هنا بين دهاليز منزلهم العتيق ، الليل يقاسمها سهادها ، ألفت النجوم ودورات القمر .. الليلُ كان شاهدها الوحيد علي قهرها وأنينها. تتقلب يمنةً ويُسرةً عساها التغلب علي الفعل القمئ.
لِفِراشِها خصوصيةً تفوقُ حَدَ الخيال ، لا أحدٌ ما بمنزلها يعرف ما هو لونُه أو شكله .. فهي آخرُ من يبسط فراشه ليلاً وأول من يرفع الفراش من ذاك الحوش العتيقِ بعد الفجرِ بقليل.
في ذاتِ يومٍ.. إنهمر الدَمُ من بين فخذيها بغزارةٍ لم تألفها من قبل وهي في مهد البلوغ . فَزِعت .. والخوفُ كان نصيرها الذي لا يرحم ,, دلفت إلي غرفتها متألمة وباكيةً في صمت والخوف المتعاظم يتوغل رويداً رويداً بين ثناياها. وكان العيبُ في مقام أسرتها أن تدلو أوتعترف بما صارت إليه من حال .. فظل الأمر حبيساً في دواخلها ألماً وأنعزالا.
والدمُ المنهمر قد إذداد في الإنهمار كما الشلالات العاتيات ، وكان يداهمها في الشهر أربعة مراتٍ عجاف .. وكان سبباً في تغيبها عن الدراسةٍ لفتراتٍ متفاوتات في الشهر الواحد. لم تشأ فاطمة إيضاحِ الأمر إلا إلي أعز صديقاتها سُهَي حينما أنهارت أمامها وقد دهمها الإنهمار فجأةً وهي برفقتها.
سُهي تكبرها بعامين ، خبرت الأمر من قبلها وعلمت من والدتها بتفاصيل الدم المنهمر ، ضحكت سُهي بصوتٍ جعلها تغضب منها وتحاولُ أن تضرِبها بحقيبة يدها. سُهي تتوقف عن الضحك .. يا بت .. المسألة دي عااااادي جداً بتحصل للبت .. كل البنات بتجيهن مرة في الشهر ، حتي أمك وأمي بتجيهن .. مالك عامله من المسألة عمائل .. هكذا أسرت لها سُهي بتفاصيل الأمر وهي في لحظة صمتٍ طويل تخرج منها كلماتها بصعوبةٍ بالغة ... لكنها بتجيني أرررررربعة مرات يا سُهي .. أنا ما بقدر أنوم بالليل صدقيني ..
د. عثمان عم سُهي كان متخصصاً في أمراض النساء .. ومن بعدِ لأيٍ إستطاعت سُهي إقناعها بالمثولِ أمام عمها والذي سيحفظ سِرَها مثلها تماماً ..التحاليل الطبية أذنت للكثيرِ من العقاقير أن تسكن في جوف بطن فاطمة . وكانت حقل تجارب الطب فيها تتفاوت ما بين الأقراص والحقن ومزيداً من الألم والقهر.
كثيرٌ من الشباب تقدموا لخطبتها وكان الرفض وبعنفٍ بائن منها لهم جميعاً .. ولم يكن الدمُ هو السبب الأوحد فقد كانت تتبول أيضاً لا إرادياً وهي في منامها .... تنامي الأمرُ بعد عامين من القهرِ فصارت تتبولُ دون إدراك وهي في صحوها .. تعاظم الأمرُ وأنفجر بركان الإعتراف أمام والدتها يوماً ما بعد أن لاحظت والدتها بعضاً من الهطول البولي وكثيف الدمِ الذي صار علي ملابسها غزيراً جداً ..
بكت والدتها كثيراً كما لم تبكي من قبل .. بكت حيرتها .. بكت قهرها وقهر إبنتها .. بكت نفسها وبكت غلظتها تجاه إبنتها الوحيدة . بكت نفسها كثيراً جدا عندما علمت من طبيب إبنتها بأنَّ ما قامت به هي من سنواتِ طفولة إبنتها من طهارةٍ فرعونيةِ عقيمة ، كان سبباً إبتدائياً لما جري ويجري لإبنتها الآن .. وكيف أنَّ الغلظة في تربيتها وضعتها قاب قوسين بين البوح والكتمان .. والكتمان الذي تعاظم داخلها قد صنع جداراً غليظاً بينها وبين أن تثق في نفسها وفي الآخرين.
فاطمة أنهارت تماماً أمام إنهيار والدتها وإنهمار الدمِ والبول جهاراً نهاراً كل يوم. وكان أن تقدم للزواج منها بن عمها حتي تستقيم الأشياء عندها فلربما يكون عدم الزواج سبباً ، أو هكذا خطرت له هذه الفكره وهو الذي لم يخبرُ الطب ولا التطبيب فكان.
فَرِح الجميع لفاطمة بزواجها السعيد وهي الغير سعيدةً به ، تخرج الإبتسامة غصباً عنها من طرف شفاهها لترد المباركات لأهلها ودواخلها تُعاني خائفةً من إحتمال إنهمار الدم هنا الآن أو .... ماذا لو أنها تبولت الآن علي جلبابها هُنَا دون الإذن للبول أن ينهمر.
مرت ليلة زفافها علي خيرٍ غريب ، فأبي البول والدم من الإنهمار وكأنَّ مبيضاتها ومِحسَنِها قد جفَ ضرعهما ... لم يمسها جمالُ أول يومٍ وهما في خلوتهما داخل الفندق .. ولأول مرةٍ تتصالحُ مع النوم بعد أكثرِ من ثلاثين عاماً ونيف.
وفي الصبحِ تحسست الفراش فكان جافاً ... إبتسمت فاغرةً فمها في إندهاشةِ معتوةٍ كما تراءي لزوجها وبن عمها جمال. الدم والبول بقوا مافي يا جمال .. بقو مااااااااااافي .. وأطلقت ضحكةً هستيريةٍ عظيمة ، إختلطت بدموعها وبكت بحرقةٍ بالغة. إحتضنها جمال في حنية متناهية ... يا بت عمي .. قولي يا لطيف .. قولي خير .. وقولي الحمد لله ..
شهرٌ مضي والجفافُ يسيطر علي فراشها ، وقد أضحت خفيفةً في حركتها من جراء التخلص من ملابسها الداخلية السفلية التي تساقطت واحداً تلو الآخر يوماً بعد يوم .
و ذات صباحٍ صيفيٍ حارق ، وهي تتبضع في السوق .. داهمها الهطولُ فجأةً وبغزارةٍ حتي إنهيارها وفقدها للوعي أمام الناس ، مما إستدعي أحدُ المارة بالسوق أن يأخذها لحوادث المستشفي ..
وأنهمر مد البول والدم من جديد. جمال بين يديها ليل نهار ووالدتها تبكي روحها بحرقة والكًلُ لم يأذن لنفسه معرفة التفاصيلِ الأليمه بل تناولوها نميمةً بخيالهم البغيض.
فاطمةُ الآن تقبعُ في ركن بيتها تصحو ليلاً وتنام نهاراً ولم تًعاشر زوجها بعد ولم تُعاشر المجتمع ,,, أو ... هكذا هي الآن ترتكن ركن بيتها ليلاً ونهاراً عند الزقاق القصي في بيتها تعاشر آلامها وقهرها بصمتٍ عميق.
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: بكت قهرها وقهر إبنتها .. بكت نفسها وبكت غلظتها تجاه إبنتها الوحيدة . بكت نفسها كثيراً جدا عندما علمت من طبيب إبنتها بأنَّ ما قامت به هي من سنواتِ طفولة إبنتها من طهارةٍ فرعونيةِ عقيمة ، كان سبباً إبتدائياً لما جري ويجري لإبنتها الآن .. وكيف أنَّ الغلظة في تربيتها وضعتها قاب قوسين بين البوح والكتمان . . والكتمان الذي تعاظم داخلها قد صنع جداراً غليظاً بينها وبين أن تثق في نفسها وفي الآخرين. |
الختان الفرعونى ظاهره صحية خطيرة وانتهاك لحقوق المرأة ومازلن الكثيرات امثال فاطمه يعانون اثاره ,,,
سلامات ياناصر
| |
|
|
|
|
|
|
Re: كلام في الـــ ( ممنوع ) (Re: منال)
|
Quote: الختان الفرعونى ظاهره صحية خطيرة وانتهاك لحقوق المرأة ومازلن الكثيرات امثال فاطمه يعانون اثاره ,,,
سلامات ياناصر |
مرحب بيك يا بت العم
وغير الختان المعضله الأولي يا منال
مفاهيم التربية بتاعة الغِلظَة ديك وكأنو أطفالنا ديل هم أعدائنا
تربية مفهوما قهر وحِمَير عيون وسوط في اليد ... وكل شئ متاح لقرب اليد يقوم مقام السوط
إنَّا لله ياخ
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
طالعت يوم أمس عبر منتدي آخر خبراً من شاهدة عيان ذكرت بأنها كانت في مستشفي القابلات بأمدرمان .. وسمعت رجل بشنباته جايط في الممرضات والدكاتره علي حدٍ سواء
ولما تقصت من الأمر عرفت بإنو الراااااجل ده جايب زوجته الدايات عشان يَطَهِروها ليه ؟؟ !!!!!!!
ياخي والله لامن بطني طَمَت ذاتو !!!!!!!
إنَّا للهِ ياخ
ثم ياخي نحن ليه عندنا رأي في خِلقة ربنا ؟؟؟
يعني هذا العضو التناسلي البيقطعوه للمرأة ده بحجه طهااااارة ساكِت كده
ربنا سبحانه وتعالي خلقه ساكت عبث ؟؟؟
ومالكم لا تعقلون
ولي عودة
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: إنفلات ... نص يقلب في دفارت صديقاً لي عرفته وخبرته وعلمت تفاصيل تفاصيله في يوم من أيام التذكر قبل أكثر من ثلاثين عاماً في قريةٍ نائيةٍ من قري جنوب كردفان ...
القصة تتناول أمر هذا القدور الــ ( عوقه) بيد أن القلم قد أصاف عليها الكثير
معاً نتابع ...
|
ادناه من نص لخالد عباس الطاهر موسم بـ:
ثلاثة مقاطع لفخامته - أو سباق الحمير مع خالص التحايا للسيد الرئيس
Quote: 2. ( إن تهيئة سباق للحمير لاستقبال الرئيس ود حمد لن يشغلنا عن مهامنا التاريخية بل بضيف إلي سيرة النضال الوطني الكثير ) هكذا كان يقول المثقفين في بلادي والقرية تستعد لأكبر استقبال جماهيري يخدش ذاكرة الأطفال بمنظر العربة ذات السقف الذي يسمح للرئيس بتحية الجماهير بعد قليل يحضر رجال الأمن ربما الإطفاء هكذا عودونا تأتي صبايا المدارس ليبصقن ما تم تلقينهن إياه من نشيد وطني ويهرعن لمقابلة عشاقهن إذ أن حضور الرئيس إلى قريتي لا يعني أكثر من ذلك ، إذ يعني فيما يعني إطلاق سراح عباءات الوجهاء من سجونها في خزانة الملابس التقليدية لتستمتع بالحرية في ذلك اليوم هذا الفعل لا يساهم بأدنى حد في إطلاق سراح المعتقلين السياسيين من سجون بلادي ، و إذ يعني فيما يعني إغلاق الأسواق ، إغلاق المرافق الصحية والخدمية ، إغلاق كل شيء إذا كان الرئيس قادماً لافتتاح دار جديدة للحزب الحاكم ، حتى علي المعتوه لا يعني له حضور الرئيس غير جبال من كتل الأنوثة يمر بينها متذرعاً بالزحمة ومنتصراً لبعض رغباته الخاصة ، باختصار يمكننا القول أنه لا أحد من يستقبلون الرئيس يستقبل السيد الرئيس ، سمة عربة ذات سقف ورئيس تلوح في الأفق وعلى القصة أن تنحى منحى أخر أكثر أمنا وعلى حمار السقا أن يتبوأ رقماً جيداً في المضمار إذ لم يكن بمقدوره الاستمرار في حلمه بمؤخرة السيد النبيل علي أيام اكتشاف العربة ذات السقف الذي يسمح للرئيس بتحية الجماهير لذا كان عليه أن يودع أحلامه مع خالص التحايا للسيد الرئيس
|
------
يا ود جبرين و الله زولك دا بجيب ليو كفوة!
في ذمتك دي كلام د. جمال الباقر دا ما صحي! و ين يتلقي مفتول العضلات و شعر صدر، و عريض المنكبين شلولخ دا .. الا في غير وليمة لأعشاب النيل و غيرها من الروايات، و روايات عبير!؟
مافي قصة ابطالها ناس ساي!؟
| |
|
|
|
|
|
|
Re: كلام في الـــ ( ممنوع ) (Re: قيقراوي)
|
Quote: Quote: إنفلات ... نص يقلب في دفارت صديقاً لي عرفته وخبرته وعلمت تفاصيل تفاصيله في يوم من أيام التذكر قبل أكثر من ثلاثين عاماً في قريةٍ نائيةٍ من قري جنوب كردفان ...
القصة تتناول أمر هذا القدور الــ ( عوقه) بيد أن القلم قد أصاف عليها الكثير
معاً نتابع ...
ادناه من نص لخالد عباس الطاهر موسم بـ:
ثلاثة مقاطع لفخامته - أو سباق الحمير مع خالص التحايا للسيد الرئيس
Quote: 2. ( إن تهيئة سباق للحمير لاستقبال الرئيس ود حمد لن يشغلنا عن مهامنا التاريخية بل بضيف إلي سيرة النضال الوطني الكثير ) هكذا كان يقول المثقفين في بلادي والقرية تستعد لأكبر استقبال جماهيري يخدش ذاكرة الأطفال بمنظر العربة ذات السقف الذي يسمح للرئيس بتحية الجماهير بعد قليل يحضر رجال الأمن ربما الإطفاء هكذا عودونا تأتي صبايا المدارس ليبصقن ما تم تلقينهن إياه من نشيد وطني ويهرعن لمقابلة عشاقهن إذ أن حضور الرئيس إلى قريتي لا يعني أكثر من ذلك ، إذ يعني فيما يعني إطلاق سراح عباءات الوجهاء من سجونها في خزانة الملابس التقليدية لتستمتع بالحرية في ذلك اليوم هذا الفعل لا يساهم بأدنى حد في إطلاق سراح المعتقلين السياسيين من سجون بلادي ، و إذ يعني فيما يعني إغلاق الأسواق ، إغلاق المرافق الصحية والخدمية ، إغلاق كل شيء إذا كان الرئيس قادماً لافتتاح دار جديدة للحزب الحاكم ، حتى علي المعتوه لا يعني له حضور الرئيس غير جبال من كتل الأنوثة يمر بينها متذرعاً بالزحمة ومنتصراً لبعض رغباته الخاصة ، باختصار يمكننا القول أنه لا أحد من يستقبلون الرئيس يستقبل السيد الرئيس ، سمة عربة ذات سقف ورئيس تلوح في الأفق وعلى القصة أن تنحى منحى أخر أكثر أمنا وعلى حمار السقا أن يتبوأ رقماً جيداً في المضمار إذ لم يكن بمقدوره الاستمرار في حلمه بمؤخرة السيد النبيل علي أيام اكتشاف العربة ذات السقف الذي يسمح للرئيس بتحية الجماهير لذا كان عليه أن يودع أحلامه مع خالص التحايا للسيد الرئيس
------
يا ود جبرين و الله زولك دا بجيب ليو كفوة!
في ذمتك دي كلام د. جمال الباقر دا ما صحي! و ين يتلقي مفتول العضلات و شعر صدر، و عريض المنكبين شلولخ دا .. الا في غير وليمة لأعشاب النيل و غيرها من الروايات، و روايات عبير!؟
مافي قصة ابطالها ناس ساي!؟
|
يا أيها القيقا وكم كيلو بايت القوي
تحايا بحجم الشوق يا صاحبي الجميل
ياخ والله أنا ما عارف بتتعملوا معاي وكأني زول كتاب وشنو شنو داك ليه ؟؟؟
أنا وين من هذا الجميل خالد عباس الطاهر ( وبالمناسبة دي هو رايح مني حوالي 12 ولا 13 سنه ماني عارف بكانو وين الزول المسخوت ده)
أنا ما أديب ولا عامل فيها زول كتاااااااااب وشنو شنو داك
ناقش قول الكلام يا قيقراوي
ناقش صُلب قول القول .. يا ريت يا جميل لو تسمح ظروفك
شفت كيف ؟؟
ثمَّ قالَ لـــــــهُ أني لك مُشتاقٌ تواقٌ للرُؤيا
| |
|
|
|
|
|
|
Re: كلام في الـــ ( ممنوع ) (Re: Sabri Elshareef)
|
Quote: في حضرة اهل الحل والعقيد يطيب الجلوس
انتم فروضي ونفلي
تحياتي يا ناصر |
صبري الشريف يا صاحب الأوجاع التي لم تزل تخنقنا
سلاماً سلاما وشوق كثيف
عذراً لو أني لم أستطع الولوج إلي هذا البراح بفعل إذديايد أحزاني بفقد أختي
إيمان محمد حسين
عليها الرحمة والمغفرة
وحتماً سأعاود كَرَّةً أخري
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
نعم أنَّ مشكل إغتصاب الأطفال متنامي هذه الأ]ام ... بيد أنه فعل قبيح متوارث منذ تاريخٍ طويل
فمن منا سيحاول أن يوقف هذا النزيف ؟؟؟ أو يعمل إيجاد حلول ناجعة
من ؟؟؟
أنا ؟؟ نعم
أنتي ؟؟؟ نعم
أنت ؟؟ نعم
جميعنا فلنعمل علي وقف هذا الهُراء وهذا الجحيم
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
ماتت بالأمس إحدي الفتيات وهي تعاني من الناسور البولي عن عمرٍ إقتصر علي ثلاثة عشر عاماً فقط
وكان موتها بعد معاناة من الألم بعد زواجها بشهرين فقط
وكان زوجها (ذلكم الفحل المووو عَوَاف)
فمن يوقف هذا العبث من ؟؟؟
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: سؤال للمختصين في أمر الآي تي ...
آخر مداخلة هنا أنا ما قادر أقراها ...
يا ربي ده يكون من شنو ؟؟؟ |
وبرضو ما قادر أقرأ آخر مداخلة هنا ..
ما في زول يفتينا الحاصل شنو يا أهلنا ؟؟؟
| |
|
|
|
|
|
|
Re: كلام في الـــ ( ممنوع ) (Re: هيثم طه)
|
Quote: يوسف ايها الناصر سلامات وشوية شوق ما بتضر !
لعل (المانع) خير !
ازيك يا رجل |
إزيك يا هيثم طه ونعلك طيب
وحياة الله مافي أيتُها مانع علا بس قلنا ولأجل الناس البيدخلو ويقرو هنا ده نخلي ليهم البوست دوماً فوق شوية كده ونضيف ليه إضافات أتمني إنها تبقي إضافات مهمه شكراً ليك
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: براااي بهببو لي روحي دي ولأجل من يقرأون |
يحول البوست الى خور اربعات مع انذار ناصر انذار نهائى
واصل ياناصر متابعنك وشوف عدد القراء مش المداخلات كل سنة وانت طيب ,,,
| |
|
|
|
|
|
|
Re: كلام في الـــ ( ممنوع ) (Re: منال)
|
Quote: يحول البوست الى خور اربعات مع انذار ناصر انذار نهائى
واصل ياناصر متابعنك وشوف عدد القراء مش المداخلات كل سنة وانت طيب ,,, |
منال كيفنك وكل سنه وإنتي طيبة يا زوله
بالفعل الشئ البيهم عدد القُرَاء وإن كنت أطمع في آراء الناس برضو تُضيف لهذا المُفترع ... ويلااااااااا
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
من مشكلاتنا القميييييسة ..
إقصاء الآخر ... بـــــس لأنو ما جاي في مويتك ( ومويتك دي عندها دلالات كتيرة) مويتك الفكرية السياسية الرياضية الـــ .... إلخ شئ حاصل قدامنا ونحن ساكتين عنو تجي تناقشو أوووول زول ينط ليك في حلقومك ده ... يكون المختلف معاك ( سياسياً ، فكرياً ، رياضياً ... إلخ)
غايتو !!!!!
النشوف آخرتها
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
في مسألة إقصاء الآخر ...
زمااانك كده لما كنا طلبة بالمعهد العالي للموسيقي والمسرح
شباب الجبهة القومية ... بعد محاولات ومحاولات عشان أبقي عضو منهم .. وبعد ما رفضت طلعوا فيني إشاعاتهم البغييييييضة ديك وقالوا عني بإني :
مجرد كوز وأمنجي مُعَفِن
لووووووووووول
أهااااااااااااااااا
وبعد ما إتخرجت وجيت عشان آخد لي وظيفة في الإذاعة ( بيتنا الرباني) الكيزان إتهموني بإني مجرد شوعي ( طابوووووووور)
لول وتاني كمان لوووووووووووول
أنا إنشاء الله تطير عيتش ياخ
إنَّاللهِ ياخ
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
ناصر يوسف سلامات واشواق
اول حاجة بوستك ده مسكووووووون عديييييييل كده ما بعرف ليه غايتو شوف ليك حل كتبت كلام كتييييير وما لقيته
المهم زى ما بقول تبارك اها قلنا انت اتعسمت بالبوست ده شديد عايزة اساعدك يا صديقى اتمنى تشوف مداخلتى دى وتحسب لى حق العتالة ههههههههههههههههههههههه
| |
|
|
|
|
|
|
Re: كلام في الـــ ( ممنوع ) (Re: tayseer alnworani)
|
Quote: ناصر يوسف سلامات واشواق
اول حاجة بوستك ده مسكووووووون عديييييييل كده ما بعرف ليه غايتو شوف ليك حل كتبت كلام كتييييير وما لقيته
المهم زى ما بقول تبارك اها قلنا انت اتعسمت بالبوست ده شديد عايزة اساعدك يا صديقى اتمنى تشوف مداخلتى دى وتحسب لى حق العتالة ههههههههههههههههههههههه |
بت عمي النورانية النوراني
كيفنك يا الحبيبه
تعرفي يعلم الله يمكن زي مداخلتيييينك .. ما قدرت ألمَ فيهم ...
وهسي أهو الحمد لله اللمينا في المداخلات الأخيرة دي
شكراً علي العِتَالَه يااااااااااا أيَتُها المُعجبة
في إنتظار كلامك الكتير يا زولَه
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
نرجع لموضوع الإقصاء ...
سؤال ليكم يا السياسيين ...
ليه دايماً الزول الما بكون معاكم بتقصوه تماااماً وببسااطة كده ممكن تنتهوا منه في حرب إعلامية كااااااافرة وتشوهوا سمعته بالتلفيق أو حتي بالتجسس علي حياته الخاصة ومحاولة تعريتها
وهل تستقيم ؟؟؟
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
Quote: ليه دايماً الزول الما بكون معاكم بتقصوه تماااماً وببسااطة كده ممكن تنتهوا منه في حرب إعلامية كااااااافرة وتشوهوا سمعته بالتلفيق أو حتي بالتجسس علي حياته الخاصة ومحاولة تعريتها
وهل تستقيم ؟؟؟ |
السؤال الفوق ده ما زال قائم
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
يوم أمس تناقشنا في الأمر بتاع الإقصاء ده أنا وزول من المعارف
لقيت عندو فهم تاني للمسألة دي .. قال لي ..
ياخي خليك متماهي مع السائد ... يعني شنوووو .. شوف الوجه العامه شايته وين وشوت مع الشايتين فيمكن حرز ليك أقوان بدل قون واحد
فلنتخيل بإنو ده رأي زول متعلم ومثقف وواعي وزمااااانك كده كانت عندو قضية ... قضية الإنتماء الحقيقي لمذهب معين وفكر معين
إهتزت عندو الآن كل التصورات الذهنية والفكرية .. وأصبح إمَّعَه يسير وفق إتجاه البوصلة العامة .. فأصبح شخصاً نفعياً لا أكثر
إنَّا لله ياخ من مثل هؤلاء
| |
|
|
|
|
|
|
Re: كلام في الـــ ( ممنوع ) (Re: ناصر يوسف)
|
لما يكون في زول مُشاتِر من القبيلة بيعمل في حاجات غريبه بالنسبة للقبيلة بيعمل أشياء غير مألوفة للجميع من أول وهلة .. مجتمع القبيلة بيلفظه و ... بعنف ده ولد قليل أدب .. وفي ذات السياق ( تِحِت تِحِت كِدَه) بيكونوا هم مقتنعين بصحة أفعاله الشايفها غريبه عليهم لكن منو من أفراد هذا المجتمع ( مجتمع القبيلة) .. منو منهم أصبح شجاع وقال ليهم الولد ده كلامو صاح ؟؟
لااااااا أحد
| |
|
|
|
|
|
|
|