كتب الكاتب الفاتح جبرا المتوفرة بمعرض الدوحة
|
إعتذار واجب لكم جميعاً .. وأخص ( أنور التكينه )
|
إذا كان لابد لي من الإعتذار فإني أسوقُ إعتذاري هنا لكم جميعاً وأخص بالإعتذار الأخ أنور التكينه لأنني قد تعاملتُ مع خبر محنة الطائرة بشئ من الإستهتار .. لا لشئ فقط لأنني كنت غائباً عن إنسانيتي تلكم اللحظة حقيقي لم أكن جيداً في ردي علي الأخ أنور التكينه وردي لم يكن جيداً في حق أهلي وبني جلدتي الذين كانوا علي متن الطائرة وأهليهم أيضاً غابت مشاعر الإنسانية حينها عني تماماً فأغلظتُ في القول وجاء بأٍلوب أبسط ما يمكنني أن أسميه كان أسلوبي مهاتراً ولم يأتي في مكانه
أرجو شاكراً منكم ومن الأخ أنور التكينة أن تقبلوا عذري
وعبر هذا الإعتذار العلني .... دعوني أن أتقدم بجزيل إحتراماتي لكابتن الطائرة (وحسب معلوماتي بأنَّ هذه كانت الرحلة الأولي له ككابتن طائرة) فلهذا الكابتن الشاب وافر التجلة والتقدير لشجاعته ولحنكته في التصرف السليم حتي خرج بطائرته وبداخلها الأهل الكرام ... إلي بر الأمان
أكرر إعتذاري مرةً أخري
|
|
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: عفاف ابوكشوه)
|
مرحب بيك في النادي
نادي معجبي حساس محمد حساس@ناصر يوسف
------
ما قلت ليكم!!
يا عمك بتتعب كدا بي درب الحساسية الشديدة دي ياخي! ابتسم انت في مطعم الباشا كلو مجاني هنا
مش عندك باسوورد؟
ممكن تشتم اي زول .. او تتهم اي زول بالمجان المافي شنو!؟
يوم واااحد ما شفنا زول اعتذر عن جنو و غباو
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: قيقراوي)
|
شكرا ناصر يوسف على الاعتذار وشكرا انور التكينة على قبول الاعتذار بصراحة استغربت جدا تلك المداخلة يا ناصر ولأنني أعلم من هو ناصر يوسف فقد أخذت المسألة في سياقها ولم اعطيها أكبر من حجمها لعلمي أنك ستعود حتماً وتستبين الامر هنا يا ناصر لازم تكون حريص جدا على كل كلمة تكتبها ومش كده بس في ايقونة اسمها شاهده قبل نشره الريس تعب فيها شديد حاول تستخدمها .. ثم تأمل ما خطته يداك وفي النهاية اعتمد المشاركة ... واضف ردك وما تسمع كلام قيقا دا بضيعك
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: Abd-Elrhman sorkati)
|
الأحباب هنا
طارق جبرييييين المسيخيت فايز ود القاضي أخوي عفاف أبو كشوة أختي قيقا وكم كيلو بايت القوي الشهير بقيقراوي (تِحِت تِحِت كده صاحبي ــ متسلبط فيه ساكت كدي ) أمين البشاري أخوي عبد الرحمن سوركتي يا زميل المواجع والفنون (ما تشغلونا معاكم ياخ ..)
الأخ أنور التكينه ..
تحية واحترام ..
من أوجب واجبات حياتنا الإحترام .. والإحترام المتبادل بين الناس ... نختلف في رؤانا وإنتماءاتنا ونتناقش ونفعد نفلفل في الكلام ونعيد ونقول ونعيد ونقول ويمكن ما نصل لأي نقطة تلاقي ... بس القاسم المشترك بيناتنا في الدنيا دي ... هو الإحترام وأنا شخصياً بكن ليكم كلكم وافر التقدير والإحترام .. شكراً ليكم بالجد جد
ويا قيقراوي إنتَ تحديداً تمرق منها يا سجم (سجم دي مقصوده يعلم الله لأنو البيني ما بين الزول اللذيذ دهبيديني الحق إني أقولها ليه)... شفت التِحِسِس ده كيف ؟؟؟ لوووووووول
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: محمد سنى دفع الله)
|
Quote: الحساسية يوم بتقتلك شوت ضفاري وتوكل على الرحمن الرحيم ربنا يحفظك |
أٍستاذي الجليل سلاماً سلاما وأنا وقوفاً بين يديك تجلةً واحتراما أو كما يقولها أستاذنا الجليل د. صلاح الدين الفاضل أُرسُد
تحيةً وأحتراما
وهو يا سيدي غير التِحِسِس ده هو في شنو مطلع زيتنا
حأحاول يا زول يا جميل حأحاول إني أشوت ضفاري وإن عاااااارف نفسي ما بقدر
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: بله محمد الفاضل)
|
Quote: هو في كوز بعتذر
ناصر يا أيها الجمال الماشي على قدمين
شكراً لك وللعزيز أنور على ما بذلتماه من مثال طيب ونادر وقيمة |
بــــــله الذي دقَّ الجرس .. جلي ... ياخ ما ترصل لي رصيدي ياخ ...
كيفنك يا غالي .. أنا لم أفعل شئ سوي ما خبرته منكم فأنتم لكم القدح المًعلي في سواتي الحياتية الإسنان يتشكل في وعيه وثقافته بإنصهاره في بوتقة الآخرين لينهل من معين تراكم تجاربهم الحياتية وإني هنا لأقسمُ بأني قد تعلمت منك الكثير بطريقة غير مباشرة من قلمك الرصين فيا صديقي فضلاً لا تبخل علي بأن أستذيد من وعيك
شاكر ومقدر
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: الشفيع وراق عبد الرحمن)
|
Quote: ليه كده يا حمزاوي، الكيزان مالهم؟؟؟
اطمئن الزول ده كرهنا (الكوزنة) بي هناك
شكراً لكليكما للموقف الحضاري الراقي، ويا ريت لو الجميع يحذو حذوكما
مرحبتين تاني يا قريبي |
الشفيع وراق هوووووووي فتح عيونك قدر الريال أبو عشرة قلت ليكم أنا ما منتمي لأيتها حزب سيااااااااااااااااااااااسي إنَّا لله ياخ ... آآآآآىي الدكتور إتعقد عدييييل كدي ... وبي غادي دي وين يا ربي الكرهتكم فيها الكوزنه دي ؟؟؟
الشفيع وراق ياخ كيفنك وبس
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: حمزاوي)
|
Quote: أهم شيء ما تكون كوز |
تتخيل لأ ؟؟ أنا قلتها قبل كدي هنا ده وفي حتات كتيره تانيه حامياني
أنا لاني كوز ولاني شيوعي ولاني حزب أمه ولا إتحادي ديمقراطي ولا أيتها من هذه الإتجاهات الحزبية فكرية كانت أم عقائدية ... يا زول هه إنتَ سعالك ده جااااادي كدي ؟؟؟ يعلم الله أنا زول الله وسابح في بلود الله دي وعلي باب الله
أبقي عافيه يا زول
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: ناصر يوسف)
|
وتانى أرجع الصفحة الأولى ألقى ليك بوست إعتذار واجب وتانى أقوم أنا مضطر أكتب هههههها ، إنت داير تساهر بى مش ؟ فعل جميل منك يا دفعة شكراَ كتير لرد فعل التكينة وضيوف بوست إعتذارك .. والله سودانيز دا شكله محتاج بالجد لزول يجى يغرّب حاله يعنى زول يعملى آلِنيشن ، ولا شنو يا السنى وسوركتى
| |
|
|
|
|
|
|
Re: إعتذار واجب لكم جميعاً .. وأخص ( أنور التكينه ) (Re: منعمشوف)
|
منعمشوف يا رفيق الدرب اللعين ( وهي اللعنة دي شنو قالو ليك ما ياهو دربنا المسكناه ساكت ده في بلد ما بشوف سكة الدرب ده مطلقاً)
ياهو العلمنا ليه د. صلاح الدين الفاضل عمر الطيب الدوش فتح الرحمن عبد العزيز بروفيسور عثمان جمال الدين أ. عثمان البدوي عادل حربي أ. محمد المكي د. زينب وماما عايده أمنا كلنا وياهو الإتعلمناه منك ومن الجميلين صوصل المغفور لهما بإذن الله (مُهيد محمد صلاح بخاري ومجدي النور محمد) عاطف خيري سلوي درويش عمو السر محجوب جمال حسن سعيد عاطف محجوب ود أبكِرَّه ــ عاطف البحر أوديب ملكاً .. أديب أحمد محمد الحسن تنقو بيتر ربيقو نيكولا فرانسيس قون أميرة أحمد إدريس وبعلها محمد علي ابراهيم مخاوي عبد الحكيم عامر مرحوم سيف الإسلام حاج حمد ماهر حسن سيد خالده خالد محمد المجتبي موسي الطيب عبد العظيم محمد الطيب وبعلته عوضية مكي ناهد برونيكا هذه الكسلاوية البديعه لقد تعب الكي بورد يا صديقي من ذكر أسماءهم جميعاً هذه الدفعة الرقم والتي شكلتني وشكلت في نفسي الوعي بمعني الحياة أعطيتموني معني أن أكون فناناً ومعني أن أكون إنساناً ذو قيمة
هكذا تعلمت معني الإعتذار كقيمةٍ مضافة للإنسان (ليست كتلك القيمة المضافة قبيحة الفعل الخاصة بأهل الضرائب بالطبع)
شكراً لهم جميعاً عبرك يا صديقي
| |
|
|
|
|
|
|
|