|
Re: صور: الكعبة السودانية و جبل عرفاتها و رمي جمراتها...! (Re: Kostawi)
|
ده كلو كلام فاضي يا كوستاوي..
الناس ديل عاوزين ياكلوا قروش الحجاج المساكين بأي طريقة..
الحج "كمناسك" ما فيهو تلك الصعوبة..
الصعوبة في الزحام والتدافع الذي يحدث والتي لن تجسدها هذه المجسمات إلا إذا أتوا بالخرطوم كلها لتحج عند هذه المجسمات
والصعوبة كذلك في القدرة على توفير خدمات مناسبة للحجاج من سكن وترحيل وأكل وشراب وخلافه خلال أيام الحج..
ما يحدث من المسئولين عن بعثة الحج السودانية وأنا رأيت رأي العين ما يحدث منهم مراراً وتكراراً تجاه الحجاج السودانيين، أنهم أناس بلا وزاع من ضمير ولا أخلاق ولا دين، يأتوا بالحجيج السودانيين ويرموا بهم في عمائر ومخيمات بعيدة جداً عن مواقع أداء المناسك وعن الصلوات في الحرم المكي، ثم يتركوهم بلا وسيلة مواصلات، تلقى الحاج أو الحاجة عمرها ستين سبعين سنة وربما أكثر، وجاي كداري من عرفات إلى مني، أو مني إلى الحرم، أو من وإلى الصلوات في الحرم من مقر السكن، وهي مسافات بعيدة جداً وصعبة في مثل ذلك الزحام حتى على الشباب وصغار السن، بالإضافة إلى معاملة فظة وقبيحة جداً من المسئولين والموظفين في البعثة وما يسمى بأمراء الحج مع الحجاج من كبار السن، وحتى في تنقل الحجاج السودانيين بين مكة والمدينة وجدة قاعدة تحصل ليهم مآسي من تكدس وانتظار طويل جداً لحضور الباصات، وغيره وغيره يا كوستاوي من النصب الذي يمارس من قبل ما يسمى ببعثة الحج السودانية على الحجاج المساكين ديل
| |
|
|
|
|
|
|
Re: صور: الكعبة السودانية و جبل عرفاتها و رمي جمراتها...! (Re: Kostawi)
|
Quote: ده كلو كلام فاضي يا كوستاوي..
الناس ديل عاوزين ياكلوا قروش الحجاج المساكين بأي طريقة.. |
مابعيد. الناس ديل لوعاوزين ينوروا الناس بالحج وشعائره. ابسط شئ كان ممكن يصوروا فيلم وثائقي من الاراضي المقدسة ويبثوه علي التلفزويونات المالية البلد بلا فايده دي. هسع الواحد فينا لو شافوهو شايل سبحة ساكت يشبكوهو ليك: دي بدعة ,, كان البسووا فيهو ده مابدعة. يبقي البدعة كيفنَّها؟ كوستا طبعا نحن بقينا اصحاب ماتنسي.
| |
|
|
|
|
|
|
|