|
Re: انتو ناس التيار ديل جادين!!!!!!! (Re: Ahmed musa)
|
بل هي تصحيحات صديقة لمن العمود يكون في لاصفحة الاخيرة هذا يعني انه احد اعمدة الصحيفة نقول مثلا ميسي في البرشا او سيدا في الهلال او ملاسي في السوداني لكن ن يكون العمود فطير حد السذاجة دا يكون اسمو تطفيف في البيع مش القارئ بيدفع جنيه لقاء هذا المنتج
بالمناسبة نتيح لابلة ظاظا حرية رد الفعل
| |
|
|
|
|
|
|
Re: انتو ناس التيار ديل جادين!!!!!!! (Re: على ميرغني)
|
Quote: أمس الأول تعرضت إحدى طائرات الخطوط الجوية السودانية (سودانير) لعطل فني في إطارات هبوط الطائرة.. الطائرة ظلت تحلق في الجو لمدة ساعتين لحرق الوقود ومن ثم الهبوط الاضطراري عن طريق (رغوة الصابون) التي غطت بها قوات الدفاع المدني أرضية المدرج.. |
لاحظ حتة (رغوة الصابون) دي اذا كان القصد خفة الدم فالموضوع جاد ولا يقبل خفة الدم وربما يفهم بعض القراء انها فعلا رغوة صابون .. اصلا كثير من القراء مغشوشين في قدرات كثير من كاب الأعمدة اما اذا كان القصد حقيقة رغوة الصابون لا مجازاً فمن حق ابلة ظاظا ان تشمت حد التأمل
| |
|
|
|
|
|
|
Re: انتو ناس التيار ديل جادين!!!!!!! (Re: على ميرغني)
|
اما كبيرة الكبائر فهي في الحتة دي .. فالأسطول الذي تمتلكه سودانير والذي يتكون من ثلاث طائرات.. غير مطابق لمواصفات السلامة.. فالطائرات قديمة ولا تراعي ضوابط الطيران المدني الملزمة لشركات الطيران لتحقيق السلامة.. فهي كالمرأة غير المنضبطة تتعدد زيجاتها و(صحبتها). ويتعدد طلاقها وفي نهاية المطاف تبحث عن طريقة لتسترد بها زوجها الأول..
اذا كان وجه الشبه زي الفهمتو انا .... ابقى انا قليل أدب
ورايك شنو يا استاذ احمد قبل ما سيحس يجئ
| |
|
|
|
|
|
|
Re: انتو ناس التيار ديل جادين!!!!!!! (Re: على ميرغني)
|
كدا نركز في الحتة دي
Quote: فهي كالمرأة غير المنضبطة تتعدد زيجاتها و(صحبتها). |
شوف الكلام الخطير والفطير دا هل يعتبر زواج المرأة من أكثر من رجل عدم انضباط !!!!!! يعني اسع البتعرس مرتين تبقى غير منضبطة بعدين حكاية (صحبتها) دي دايرة وقفة طويييييييييييييييييييييييييييييييييييلة اطول من وقفة عيد الفطر لمن رضمان يكون في الصيف وتلاتين يوم كمان
| |
|
|
|
|
|
|
Re: انتو ناس التيار ديل جادين!!!!!!! (Re: على ميرغني)
|
Quote: وفي مدرج الطائرات شاهد أحد العمال على سطح الطائرة المفروض أنه أحد ركابها ينجز أمراً.. |
حكاية في المدرج دي غريبة شديد..... بس اكيد ماعيب انو الزول يسأل لو غلبو شئ... وبالعدم العم قوقل موجود للاجابة على كل سؤال مجاناً....
| |
|
|
|
|
|
|
Re: انتو ناس التيار ديل جادين!!!!!!! (Re: ابراهيم عدلان)
|
أُستاذي علي ميرغني نقدكـ للعمود جارح ... وقاسي وخارج مواعين النقد المُفترضة كما بداخل إجتماع التحرير (أو أياً كان إسمه) ثُم كيف مرّ عليك هذا وأنت المُحرّر العام) فإن كان من مسئولية قانونية حول إتهام سودانير بعدم المطابقة فهو إتهام سيطال الصحيفة كُلها وليس كاتبة العمود فقطـ أُستاذي علي ميرغني وإن كنت تكتب وأنت خارج دائرة المسئولية الإدارية فلكـ قول ما شئت ... أُستاذي علي ميرغني إن كان من يكتب شخص خلافك فدونك إيميلي لمعالجة الامر عموماً وأنا كشخص لا تثريب علي فأرى : قصة رغوة الصابون انا مافمهتها وقصة (مصاحبة) المرأة فدي بصراحة محتاجة وقفة أما قصة أن المرأة كثيرة الزواج تكون غير منضبطة فهذا قد جانب الدقة والامانة عموماً يُحسب للكاتبة هويدا سرالختم أنها (مُصادمة) فلا تشمت فيها أبلة ظاظا الأُخرى (الحكومة) فقد صار هذا الشأن شهراً ليس لملاسي نفقة فيه دُمت صديقي
| |
|
|
|
|
|
|
Re: انتو ناس التيار ديل جادين!!!!!!! (Re: انور التكينة)
|
سلام يا استاذ علي وصراحة أنا متفق تمام مع كلام أمين نوته (اصلاً خلي بالك الزول دا بروفيتو دى شكلها طلعت جد جد) .
وصراحة اكتر عايز ازيد عليهو حاجتين هما :-
الموضوع دا فى وجهة نظرى عندوا علاقة بالقروش قول لى كيييف ؟؟ ايوة انتو ما راجعتو الجريدة دى أو الزول الراجعه ما كنت انت عشان كدا اعتبر الموضوع عادى و مرروا و الجريدة انطبعت بعد داك انت اكتشفته كدا و طبعاً طوالي مافى داعه للخسارة نبيع الجريدة واهو نحصل سريع سريع نكتب عنها فى منبر من لا منبر له دا و نقطع الدرب قدام شماتت ملاسى ومن لفه لفه ... اها منبر من لا منبر له و نقطع الدرب قدام ملاسى الاتنين ديل هم الحاجة التانية القصدتها انا .
معليش لسوء الظن لكن ما لقيت اكتر من كدا .
و اظن ملاسى ما حيجي هنا نهائى ولو جاء حيجي يخت وش ويضحك وبس .
لك التقدير.
| |
|
|
|
|
|
|
Re: انتو ناس التيار ديل جادين!!!!!!! (Re: انور التكينة)
|
استاذ انور .. الشئ القلتو ما عندو علاقة بالخلافات والحادثة الانت اتكلمت عنها دي ما بسموها خلافات دي اسمها حاجات تانية تتعلق بالأدب والأخلاق السودانية البتنظم كل العلاقات داخل المجتمع والشرح في بعض الاحيان يفسد المعني ولو كنت انا عايز آخد حقي كنت كملت مشوار القانون.. بس زي ماقلت ليك بعض الأخلاق السودانية تجعلك تترك حقك غضبا عنك
الموضوع ان اي كتابة تصل القارئ تبقى ملك عام والحديث عنها لا بد يكون عام وسبق ان انتقدت انا حديث المدينة على صفحات التيار... بس اختلاف المنتقد (مفعول به) يجعلك تلجاء لخيارات اخرى
| |
|
|
|
|
|
|
Re: انتو ناس التيار ديل جادين!!!!!!! (Re: أمين محمد سليمان)
|
صباح الخير للجميع اعود اليوم للرد على مداخلاتكم مع وافر شكري طبعا كنت متاكد من بعض المداخلات ح يكون محورها .. لماذا هذا النقد الاسفيري وليس داخل البيت خاصة وان مهام عملي تماما مثل الكوالتي كونترول بس مشكلة كثير من اصحاب الأعمدة، لم أقل كتابها، يرون في كتاباتهم انها فوق النقد او المراجعة، طبعاً هم انفسهم بلوموا الحكومة والمسؤولين على نفس السلوك باختصار الاعمدة لا تمر على المراجعة وهنا المأساة التي تتكرر في معظم الصحف
| |
|
|
|
|
|
|
Re: انتو ناس التيار ديل جادين!!!!!!! (Re: على ميرغني)
|
Quote: طبعا كنت متاكد من بعض المداخلات ح يكون محورها .. لماذا هذا النقد الاسفيري وليس داخل البيت خاصة وان مهام عملي تماما مثل الكوالتي كونترول بس مشكلة كثير من اصحاب الأعمدة، لم أقل كتابها، يرون في كتاباتهم انها فوق النقد او المراجعة، طبعاً هم انفسهم بلوموا الحكومة والمسؤولين على نفس السلوك باختصار الاعمدة لا تمر على المراجعة وهنا المأساة التي تتكرر في معظم الصحف |
اها يا على اخوى مداخلتك الفوق دى بتخلينى اسحب اعتقادى انو ملاسى ما حيجى و بتاكد لى جيتو و الجية المتكرره كمان .
| |
|
|
|
|
|
|
Re: انتو ناس التيار ديل جادين!!!!!!! (Re: قيقراوي)
|
اشكرك استاذ على و اقدرك للرد الهادئ و الموضوعى .. لكن :
Quote: باختصار الاعمدة لا تمر على المراجعة وهنا المأساة التي تتكرر في معظم الصحف |
يعمينا و يطرشنا .. الا يكون عندكم انتو فى التيار ناس فوق المراجعة ( سوبر كاتب ) .. الاعمدة لا تراجع فقط و انما يطولها الحجب احيانا من ادارة التحرير ان لم تكتف بالتصحيح و الشطب ..
| |
|
|
|
|
|
|
|