|
الله يجـــــازيـك يا انيمــــــــــبا سايقهــــم معاك ليــه.........
|
جممممممبل.......................؟
* العنوان الفوق ده تموهوا براكم
* مافي داعي اكملو
* خسارة حبر ساي
* وحبر الطابعات اليومين دي غالي
* المهم
* صدق محمد عبدالماجد
* قال الداير يتفرج فينا يشتري كرت الجزيره
* واشترينا كرت الجزيره
* واتفرجنا
* اتفرجنا في ناس محمد عبدالماجد
* جنس فرجه يا عريس
* محمد عبدالماجد عرفها
* عمل ليهو قيدومات في اليومين دي وعرس قبل كورة الرد
* اها
* التوانسه جنهم يجوا بمكان امير الربيع
* التقول زارعين هناك زيتون
* مبسوطين من الربيع
* ربيع الثورات العربيه
* خلي بالك ناس الترجي ديل مابرهبهم جمهور
* جمهور الاهلي المصري
* تمانين مليون مشجع
* ماكلين فجل وقرنبيط وارناؤوط و اووطه
* وفحل بصل وملوخيه بالارانب
* وشبعانين
* وشاربين عرق سوس وعصير قصب
* عشان كده حلاقيمهم كبييره
* وبي ده كلو ماقدروا علي ناس الترجي
* تقول لي الترجي لاعب بدون جمهور
* هو الترجي قدام جمهورنا عمل شنو !!!!
* هناك بدون جمهورنا
* المهم
* في لواري قدييييمه اسمها الاواستن او الهواستن
* بتسافر بالليل بس
* بالنهار بتسخن
* عشان كده بقيلوا بيها تحت الشجر في الخلا
* بالليل بسوقوها
* تمشي الليل ده كلو لما الشمس تمرق
* الناس لما يلقوا اوستن ماشي بالليل بقولوا
* امك الاوستن الليل برد ليه
* امس ميرغني كرار قريب المغرب شاف السحب اتجمعت
* قال لي امك الترجي الليل برد ليه
* للمعلوميه
* الدقيقه تلاته الترجي كان غالب واحد ومضيع تلاته
* يا سلام علي الاعلام الما سالب
* الاعلام الموجب
* ظهرت بصماته في المباراه
* لانو لولا بصمات الاعلام الماسالب
* ناس الترجي كان دخلوا التمانيه اهداف الضيعوها دي
* الاهداف الضيعها الترجي دي لو لقاها المرحوم الشهيد البوعزيزي كان جابها كلها
* الله يجازيك يا انيمبا
* ده شنو العملتو ده
* سايقهم معاك ليه !!!!
* اسي راحوا
* المهم
* جمبل.....................؟
* مسكين التور
* انضبح ساي
* راح شمار في مرقه
* انضبح لا ايدو ولا ايدكو
* سؤال
* ياربي الترجي راجع طوالي ولا برضو عندو اسبوع في برج الفاتح !!!!
* ولو عندو اسبوع في البرج
* فيها جلاليب ولا كفايه الجلاليب الفصلوها لي الجماعه ديل !!!!!
* غايتو جلابية الربيع طلعت انصاريه
* رايح جاي
* تتلبس بالجهتين
* حتانه
* مربع اربعه
* زولك جاك
* المهم
* انتوا حكاية 117 مباراه ومقبره انتهت ولا شنو ؟
* طولنا ما سمعنا بيها
* انيمبا والترجي وراجي وهنو وقبلهم مازيمبي
* كده ماتمت 117 يا خالد عزالدين ؟
* قول 115
* مافارقه
* اها
* المعز محجوب ماقصر
* والمعز ود عزيزه ماقصر
* لكن ود عزيزه كان اخير من ود محجوب
* واحد قال للتاني اديكو مسجل ؟؟؟
* التاني قال ليهو مسجل خطر كمان
* الله يجازيك يا انيمبا
* سايقهم معاك ليه !!!!
* اسي ده محل توديهم ليهو ؟
* اها روحتهم وقعدت
* نقعد في خرج ولم يعد!
* نقعد في اوصافه كالآتي ؟
* نقعد في المرجو ممن يتعرف عليه ؟
* طلعت عديم عشره يا انيمبا
* ناس يكرموك
* في برج الفاتح يسكنوك
* للكلاكله ما يودوك
* عند عوضيه يفطروك
* في قندهار يغدوك
* جلاليب يكسوك
* مصاريف يصرفوك
* وللمطار يقدموك
* توديهم حته يقولوا ليهم فيها ناس انيمبا ودروك ؟؟؟
* جمبل......................؟
* انتوا لو انيمبا غلب الوداد
* والهلال درن مع الترجي , بصعد ؟؟؟؟
* المسيكيني لقي المساكين الجد جد
* غايتو التور انضبح سااااااي
* اسلام عندها ( ام بي ثري )
* بعد الكوره قعدت تسمع
* قلت ليها سمعيني معاك
* لقيتها بتسمع في اغنيه عربيه
* تترجي فيا !!!!!
* جمبل............؟
* ود جيرانا صغير شديد
* هلالابي
* بكره يكبر
* المهم
* قال لي حبوبتو الليله الهلال لاعب في افريقيا ادعي لينا
* قالت ليهو الله ينصر اولاد العرب يا ولدي
* بعد الكوره جاها صاري وشو
* قال ليها ياحبوبه كلو من دعوتك المجهجهه دي
* اخوهوا الكبير قال ليهو تاني باري ديمبا
* مرقكم من صالح الدعوات
* صاحب الرقم 091256715 رسل رساله بتقول
* واحد من الجماعه قال لخطيبتو العرس بعد نشيل كأس افريقا
* خطيبتو قالت ليهو قول مادايرني عديل كده
* للمعلوميه
* الترجي ضعيف جدا في التهديف والدليل آلولو
* وللمعلوميه
* في لاعب اسمو توريه
* وفي لاعب اسمو اوبوتونج
* وفي قروش اسمها قروش النفايات
* وفي كلمه اسمها ضاعت ساااااي
* ايها الناس
* الوطنيه تعني ان نكون واضحين مع انفسنا
* اتوطني
* المهم
* لاحظتوا الحمامه قريب آخر الكوره طارت ؟
* زهجت
* البقعدها شنو ؟
سلك كهرباِ
ننساك كيف وبعد نهاية الكوره الحمام كلو طار مع الحمامه الطارت قبل نهاية الكوره
والي لقاء
مع تحيات سلك
|
|
|
|
|
|
|
|
Re: الله يجـــــازيـك يا انيمــــــــــبا سايقهــــم معاك ليــه....... (Re: فايزودالقاضي)
|
Quote: يعني عايزه يمشى بدون عفش صحبة راكب ؟!! |
والله ما لعبها صاح انيما لانو هسع مباريات الهلال بالنسبة للترجي بتعتبر تمارين ساكت ويجوا جاهزين للكاس
كان مفروض يخلي القطن مشوار الكاميرون دا ساكت كافي لخروجهم .. ويلاقاه لقمة سائغة
عاش شنب ودالقاضي المنك شنبك دا تخلي لحول الحول .. السنة الجاية بنسمع نفس الأسطوانه حنشيل كاس افريقيا ونقابل برشلونه وفي الأخير شمار في مرقه
أبومصطفى
| |
|
|
|
|
|
|
Re: الله يجـــــازيـك يا انيمــــــــــبا سايقهــــم معاك ليــه....... (Re: حمزاوي)
|
Quote: البيمشي صحبة راكب ما بيشيل كاس مثل قطراوي في معركة ذات البونية |
عمنا حمزاوي
يعطيك العافية غايتو انتو ناس الرياض ابقوا عشرة على الجماعة هناك تاني ما عايزين ولا بغــم
ولا احلام يقظة .. قال كاس أفريقيا
ياخي عمرك شفت ليك طفل من الروضة بدخل الجامعة العافية دي ما درجات
في كاس بطولة عربية في كاس سيكافا في كاس الكونفدرالية
طوالي كدا انتو عاوزين تطلعوا العلالي عشان كدا عائديـيييين في الإبتدائي دا 80 سنة
قولوا بسم الله واسمعوا كلامنا والسنة الجايه تعالوا بدري
أبومصطفى
| |
|
|
|
|
|
|
|