|
|
|
 Re: قبل 10 دقائق من مباراة الجلافيط نتيجة سلبية لسيد اللبن (Re: محمد عمر الفكي)
|
| Quote: اما التعادل 1/1 او الهزيمة 2/1 او 3/1 وقابلوني بعد الكورة وقولوا ود الفكي قال |
ود الفكي سلام
شاحدة الله نغلب غلب يدوش راسك
واجيك ناطة افك فيك واحد هجاء , ما يمرقك مني إلا عشان خاطر صور الحلوين الفي بروفايلك ديل
ما شاء الله عليهم ربي يحفظهم ويخليهم ليكم
هسة إن ما هم كنت بدور اعاويك لامن تعرق
والله صحي
| |
 
|
|
|
|
|
|
|
 Re: قبل 10 دقائق من مباراة الجلافيط نتيجة سلبية لسيد اللبن (Re: أحمد ابن عوف)
|
بت الجنيد
الله يكرمك ويجبر بخاطرك دنيتك واخرتك (الا في انه سيد اللبن يشيل كاس) ويحفظ لك اولادك ويخلي ليك اخوانك.
وفاء ومعها عبد الرحمن
عبد الرحمن عمرو 3 سنة وديتو المدرسة، اول يوم مشت معاه امه لما رجعت قالت لي دخلوهم محل الالعاب حجز لعبتين يلعب في واحدة والتانية فاضية حاجزها فولد مصرى كشى على الفاضية مشى دفرو وقال له حقتي، والولد مشى يفتش غيرها، قلت لامه مادام قدر على المصرى تاني ماتمشي معاه ما بتجيهو عوجة.
احمد ابن عوف
عليك الله خيراً اكتر من كدا كيف؟ انا بساهم في حفظ شنب ود القاضي طيمكن يرضى يقاسمني اللانسر"
قون وفي اول ربع ساعة "قلتش حاجة" على قول عادل امام
تحياتي لكما
| |
|
|
|
|
|
|
|
|
|
Re: قبل 10 دقائق من مباراة الجلافيط نتيجة سلبية لسيد اللبن (Re: محمد عمر الفكي)
|
الاخ حسن
تحياتي
عيب عليك وكما قال ود الباوقة اخرج اخرج
هذا المكان ليس للشماتة في سيد اللبن، هذا المكان عبرة لمن اراد ان يعتبر من خمسات وستات وربنا يستر في المنزه دا كان قامو من الزريبة اصلا.
ياخي والله لو تعرف شعوري كيف ما تتخيل
تصدق لو الهلال بعد كدا جاب تلاتة اقوان مافارقة"لو" بتاعة عمل الشيطان ذاتها
| |
|
|
|
|
|
|
|
|
|
Re: قبل 10 دقائق من مباراة الجلافيط نتيجة سلبية لسيد اللبن (Re: عمران حسن صالح)
|
عفييييييييييييييت منو عبد الحمن يحفظو الحمن إن شاء الله من كل حاسد إذا حسد ومن كل عين
واولهم إت وأمه .. مالكم عليهو النبي قولوا ما شاء الله تبارك الله وق هو الله أحد وإن شاء الله زولا يشيل حقو مافي
لا مصري لا كوز لوولز
النبي الكيزان ما فاتو اليهود بي غادي
قول لي امو حصنيهو وما تنضمي بي وتتونسي بيهو
الهلال إن بقى سيد لبن برضو سيدا واللبن ياهو البياض
بياض قلوبنا ونوايانا وهلالنا القمر اربعتاشر
اصبروا لي إنت وود القاضي بنجيكم بي رواقة إن شاء الله
ودعتك الله
| |
|
|
|
|
|
|
|
|
|
Re: قبل 10 دقائق من مباراة الجلافيط نتيجة سلبية لسيد اللبن (Re: محمد الامين احمد)
|
الله يحفظك يا اسماء
والله بقدر سعادتي بهزيمة صاحب اطول صفر في التاريخ بنفس القدر حزين عشانك وعشان كلامك الطيب ومن هسي لو عندك بنية اصلو ما مفوتنها عبد الرحمن، وامه بتسلم عليك وبتقول لك ربنا يحفظك انت واهلك وعيالك.
اعلان هام من اهل المتوفى
ينتهي العزاء بانتهاء مراسم الدفن والماعاجبو والله نديهو بنية ، قوموا فرتقوا شوفوا ليكم شغلة اشتغلوها
تم تاسيس اتحاد الخريجين واستقل السودان وعبود قلبها واكتوبر رجعتها وجاء نميري وطال الزمن وجو الصحابة من 22 سنة والصفر وانقسم السودان البنعرفوا والصفر ياهو الصفر.
والصفر صفري براي منو البعاني معاي
يا مريخاب الصياعة ادب، رفقاً بالقوارير فانها Brokenable
والله يا ود الامين شماتك عينة، قلت لي مصورة كاركاتير عديل
| |
|
|
|
|
|
|
| |
محمد عمر الفكي
اسماء الجنيد
أحمد ابن عوف
معاوية عبيد الصائم
عمران حسن صالح
محمد الامين احمد
abas
طه جعفر
فيس بوك
تويتر
انستقرام
يوتيوب
بنتيريست