|
|
 طوبى .. لهشام هبانى
|
الفكره الأساسيه ان هناك جريمه وطنيه كبيره جرت أحداثها وتجرى حتى الآن فى السودان ..
وللجريمه عناصرها المكتمله من الالف وحتى الياء ..
وكثيرون شاركوا فى هذه الجريمه الوطنيه الكبيره ..
وقطعا لا يمكن ادخال هشام هبانى المواطن السودانى المهاجر فى كندا فى زمرة من حاكوا خيوط هذه الجريمه ..
وهو أب لإبنه تنامى لسمعى تفوقها ..
وذلك يعكس فى نهاية المطاف مجاهداته كرب أسره يعافر فى غربته ..
وانو بيأكل اولادو بالحلال ..
فشنو !!
و مبدئيا كده هشام ده لم يشارك فى هذه الجريمه ..
وما كان تحاوم الشبهات حوله يتأتى الا من تفاصيل البذاءه التى ارتضاها كوسيله ضد ما يجرى من تفاصيل الجريمه ..
وكلهم شاركوا ..
من تناولهم هشام ..
كلهم شاركوا ..
وبالتأكيد لن أستثنى منهم احدا .. وحتى منصور
لن استثنى منهم أحدا ..
وبس ..
|
|
  
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
Quote: الفكره الأساسيه ان هناك جريمه وطنيه كبيره جرت أحداثها وتجرى حتى الآن فى السودان ..
وللجريمه عناصرها المكتمله من الالف وحتى الياء ..
وكثيرون شاركوا فى هذه الجريمه الوطنيه الكبيره ..
وقطعا لا يمكن ادخال هشام هبانى المواطن السودانى المهاجر فى كندا فى زمرة من حاكوا خيوط هذه الجريمه ..
وهو أب لإبنه تنامى لسمعى تفوقها ..
وذلك يعكس فى نهاية المطاف مجاهداته كرب أسره يعافر فى غربته ..
وانو بيأكل اولادو بالحلال ..
|
شكرا الأخ محمد حيدر المشرف
والتحيه والتقدير للأخ العزيز الناظر هشام هبانى
والذى شرفنا قبل يومين بزيارةٍ مفاجئةٍ فى واشنطن,
الأخ هشام وأسرته يقيمون فى مدينة دالاس بولاية تكساس وليس بكندا
فقط لتصحيح المعلومه
مع ودى.
| |
|
|
|
|
|
|
|
|
|
Re: طوبى .. لهشام هبانى (Re: ABDALLAH ABDALLAH)
|
العزيز دكتور المشرف
تحياتي لك ولجميع أفراد الأسرة الصغيرة منها والكبيرة ..
وبعد
ياخي إنتظرت رسالتك لفترة طويلة ... الظاهر أن سلحفاة الأثير هذه أكثر بُطئا من أبي قدحنا البرى !
عن هشام هباني (موضوع البوست)
حقيقة رجلاً شهماً وجدعأ وصادقاً...
نختلف في طُرقنا ولكنه واعياً لدوره
ومثقفاً ومتابعاً ومناضلاً حقيقياً...
له التحية.
| |
|
|
|
|
|
|
|
|
|
Re: طوبى .. لهشام هبانى (Re: عاطف مكاوى)
|
الاخ العزيز عبدالله عبدالله ..
تحياتى وحقيقة ليست لى ادنى علاقه شخصيه بهشام هبانى ..
ولا أتفق معه فى الاسلوب الذى ينتهجه ..
الا أن هناك شيئان ..
الاول أن يتخذ العديدون من هشام هبانى حجه على المعارضه وعلى سودانيزاونلاين الرجل لا يمثل مجموعا ما .. ولم يدعى ذلك .. ومن أؤلئك الاخ العزيز أ. م. س
الثانى أن يكون هشام معبرا مناسبا لاصحاب المواقف المنحازه للنظام تحت تحت وخجلانين .. وهموا كثر
تحياتى ..
وطوبى لهبانى واينما كان فى اغترابه السحيق ..
| |
|
|
|
|
|
|
|
|
|
Re: طوبى .. لهشام هبانى (Re: ابراهيم عدلان)
|
ابراهيم عدلان وحبابك عشره ونحن نعيش زمان الجريمه الوطنيه الكبري يا إبراهيم ..
ترتج علينا الاتجاهات ..
يرتج علينا الانتباه ..
ونرتج نحن حزنا وغياب ..
ثم ..
ويحدثوك عن البذاءه اللفظيه فى حدود منبر !!
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
اخى الدكتور محمد حيدر المشرف
لك التحية الطيبة
التحية و التقدير لاخى الجسور المناضل الاستاذ هشام هبانى و هو ذلك الرجل الذى
لا يهاب قولة الحق فى وجه الاعداء ..
الاستاذ هبانى انتهج اسلوبا فى مقارعة اللصوص و الفاسدين من الكذب و النفاق "الكيزان" و غيرهم
و فى اعتقادى ان كل ما يقوم به الاستاذهبانى هو وصف دقيق لحال الكيزان اللصوص الفاسدين فهبانى
لم ياتى بشئ من بنات افكاره و انما قام بوصف دقيق لحال البشير و زمرته الفاسدة
و فى حقيقة الامر فان الكيزان قوم فى قمة البذاءة و الانحطاط و حينما يكتب هبانى و غيره من ابناء السودان
الجسوريين انما يستخدمون نفس السلاح "الشم" الذى استخدمه الكيزان ضد ابناء السودان البررة من خلال اجهزة اعلامهم
و من خلال ما يقيمون من مؤتمرات و اجتماعات خاصة و عامة و عندما يقبضون على معارض لهم فى بيوت الاشباح كانو
يقذفونه باشع الاوصاف و الالفاظ و انى على ذلك من الشاهدين عندما كنت فى بيوت الاشباح التى كان
يديرها نافع و قوش و كثير من اهل الافك و الضلال ...
| |
|
|
|
|
|
|
|
|
|
Re: طوبى .. لهشام هبانى (Re: الطيب رحمه قريمان)
|
الاخ هشام هباني الذي طالت سهامه حزبي وقادته الا انه رجل يستحق الاحترام والتقدير مع تاكيدي اختلافي التام مع بعض اساليبه في الكتابة
هشام هباني كاتب صاحب مفردات قوية ورصينة
لك التحية اخي العزيز ود المشرف
| |
|
|
|
|
|
|
|
|
|
Re: طوبى .. لهشام هبانى (Re: عمر عبد الله فضل المولى)
|
الحبيب عمر عبدالله فضل المولى ..
عشرات حبابك وسلامات ..
والله ما تداخلت قط وهبانى الا مخالفا له فى رأي ..
بيد أن ذلك لم يصرفنى أبدا عن احترام تجربته الانسانيه كسودانى فى منفاه ..
وحتى وان اشتط أو تمادى ..
| |
|
|
|
|
|
|
|
|
|
Re: طوبى .. لهشام هبانى (Re: الطيب رحمه قريمان)
|
أخى العزيز الطيب رحمه قريمان ..
أفهم أن يبدى أحدهم امتعاضا ما ..
من لفظ ما ..
فى منبر ما ..
يدعى سودانيزاونلاين ..
ما لا أفهمه ..
سكوت الامتعاض ازاء تواريخ البذاءه الانسانيه التى تنوء تحت أثقالها الملايين الجياع ؟!
أولى لهم فأولى يا الطيب ..
ثم أولى لهم فأولى ..
| |
|
|
|
|
|
|
|
|
|
Re: طوبى .. لهشام هبانى (Re: Mahmoud Mustafa Mahmoud)
|
Quote:
ما لا أفهمه ..
سكوت الامتعاض ازاء تواريخ البذاءه الانسانيه التى تنوء تحت أثقالها الملايين الجياع ؟!
أولى لهم فأولى يا الطيب ..
ثم أولى لهم فأولى ..
|
كلامك صحيح
في حال انو يكون الامتعاض الاول .. اقترن بشرط السكوت الظاهر على آخر الكوت اعلاه
و لا أعتقد بوجوده اصلاً منطقياً .. حيث ان الحاجات ما بتنفصل
او كما درجنا على القول
و دا ما بمنع بانو طوبى للشرفاء
| |
|
|
|
|
|
|
|
|
|
Re: طوبى .. لهشام هبانى (Re: هيثم طه)
|
قيقراوى ..
وكعادتك تلامس عصب الحقيقه الا اللمم ..
وهى الفكره الاساسيه يا صديقى ..
لا يوجد مطلق فى الدنيا دى ..
والكمال لله ..
لذلك لا ينبغى لنا تناول الافراد تناولا أخلاقيا محضا ..
تتساوى فيه الاكاذيب الصغيره والاخطاء الانسانيه البسيطه بالجرائم الكبيره بالجريمة الكبري فى حق الوطن ..
وقد أفهم ذلك فى حدود العداوات الشخصيه ..
ولا أفهمها أبدا فى العمل العام الا من خلال أدوات العمل العام واهدافه..
ولذلك يا قيقا..
اشترطت السكوت عن جريمة الوطن فى مقابل أخطاء هشام ..
وفى ذلك مدخل للرد على الاخ العزيز هيثم طه ..
تحياتى
| |
|
|
|
|
|
|
|
|
|
Re: طوبى .. لهشام هبانى (Re: AMNA MUKHTAR)
|
يكفي انو هشام هباني
دفع والده ضريبة الوطن وها هو هشام يدفع الضريبة الكبري علي حساب نفسه واولاده
طوبي لهباني ثم طوبي لهباني
و(.........) في البشير ونظامو ومن يدافع عنه تحت تحت وتحت ستار عفة اللسان والقلم والكي بورد
وطوبي لك المشرف
ويا بروف انت ماشملتك ال(.........) دي
| |
|
|
|
|
|
|
|
|
|
Re: طوبى .. لهشام هبانى (Re: AMNA MUKHTAR)
|
أيوه يا آمنه ..
| Quote: وبيأكل أولادو بالحلال |
هبشتى حته مهمه جدا يا آمنه ..
وقد أتى على السودانيين حينا من الدهر ما عاد ذلك شيئا مذكورا ..
يا آمنه ..
كونك حرامى .. فذلك من فضل الله عليك
وياهو ده السودان الآن يا آمنه ..
ياهو ده السودان ..
ده ياهو سودانا يا آمنه !؟؟
| |
|
|
|
|
|
|
|
|
|
Re: طوبى .. لهشام هبانى (Re: محمد البشرى الخضر)
|
النمشى نقرأ بوست بخارى قال شنو ؟!
وشخصيا لم ألتقى البروف ولم التقى بخارى ..
الا ان البروف أقرب الى من بخارى فى المجال الذى نحن فيه ..
وذلك إن فهمت اشارتك للطوبه الحمرا يا ود البشري ..
تحياتى ..
| |
|
|
|
|
|
|
|
|
 Re: طوبى .. لهشام هبانى (Re: محمد حيدر المشرف)
|
انتهت الفتره الزمنيه التى الزمت نفسي بها فى حدود سودانيزاوتلاين ..
وفى الواقع تجاوزتها كثيرا ..
أود الاشاره لمسأله مهمه ..
هذا البوست لم يأتى لشهوتى الاختلاف مع أ.م.س
وليس فى ذلك عيبا لانكره ..
وأنا لا أنكر اعوجاجى عموما ناهيك انكارى لكونى قائما وكما أريد ..
المسأله الثانيه ..
والى عاطف ..
أرجو ارسال رقم تلفونك فى رساله ..
تحياتى للجميع ..
ولا تفوتكم الزهرة الحمراء فى أعلاه !!
| |
|
|
|
|
|
|
|
|
|
Re: طوبى .. لهشام هبانى (Re: محمد البشرى الخضر)
|
سلام للجميع
الإختلاف مع هشام هباني في الكلمات البذيئة
هل نفهم من البوست دا إنو إنتو مع هشام هباني
في إستخدام مفردات قــواد و روثمان و آدم سفير و سبعة بيوت ...؟؟؟
و للناس اللي ما بعرفوا المفردات دي ممكن نشرح ليهم علشان إكونو معانا في الصورة
روثمان دا أكبر و أشهر قــواد في تاريخ السودان و كان مشهور و معروف للجميع
آدم سفير دا شـــااااااااااذ و برضو مشهور و معروف للجميع
سبعة بيوت دي حي في أم درمان معروف بالـدعــارة و برضو مشهور
هل إنتو موافقين على هذه المفردات في النضال ضد الإنقاذ..؟؟؟؟
يا ريت الإجابة تكون بي نعم أو لا علشان تكون وااااااااااااضحة
لأنو إختلافنا مع هشام هباني في الحتة دي فقط..
تحياتي و إحترامي
| |
|
|
|
|
|
|
|
|
|
Re: طوبى .. لهشام هبانى (Re: ABUHUSSEIN)
|
يا ابا الحسين ..
انا ذاتى مختلف مع هبانى فى الموضوع ده ..
ومختلف معاك انت فى مواضيع تانيه ..
المسأله ليست كذلك ..
المسأله مسأله بلد ما عادت هى تلك البلد التى أحلم بها لى ولاطفالى ..
وان هشام هبانى ليس مسؤولا عن ذلك حتى اتفرغ لاكون فى الضد منه ..
THAT IS ALL
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
ساره الساره ..
وعشرات حبابك سلامات ..
ما زلت على قناعه تامه ان انشغال الناس بسباق للحمير مثلا ..
والبلاد فى حالة حرب ..
مسأله تستحق أن تضرب بها الامثال ..
تحياتى ومودتى ..
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
| Quote: شخصيا وحسب استيعابى المحدود للغة .. أرى حوجه عظيمه لاستعمالها .. |
اخشى يا محمد حيدر المشرف ان يكون حديثك دا في معرض التبرير لي او ما شابه
حتى لو لم تر اي حوجة عظيمة في استخدامها ليس لي او لغيري حق يدفعك للتبرير لشيئ ما
إلا لو اعتبرت استخدامي لها اعلاه من قبيل الخائنة البصرية :)
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
نواصل بكره يا معاويه ..
وتحياتى تمتد للهادى هبانى ..
وأؤلئك فتية آمنوا بهذا الوطن يا معاويه ..
سنواصل و..
Quote: وقرائتى الشخصيه لذلك البوست - والتى يمكن أن تكون خاطئه - أنه جاء لينشد الأشواق المخاتله للنضال النضيف والتى يتذرع بها بعض الرماديون فى هذا المنبر فى معارضتهم للمعارضه فى معرض انكارهم الذاتى لسكوتهم ازاء جريمة الوطن الكبيره ..
|
| |
|
|
|
|
|
|
|
|
|
Re: طوبى .. لهشام هبانى (Re: محمد البشرى الخضر)
|
ياالمشرف..
سلامات..
ردك ما عجبني..او احتمال اكون فهمتوا غلط..
عندي اسبابي البتخصني البتخليني انشغل بسباق الحمير..
وبالنسبة لي ..اي حرف بخطه فيهو معني ورسالةمحددة لاشخاص محددين..
وما ضروري اقول واشرح واستعرض "واقشر" بمجهوداتي لتسليط الضوء على الوضع في السودان..
عندي واجب بعمل فيه تجاه بلدي..ما مجبورة عليه..وما ضروري يكون عن طريق سودانيز لاعتبارات بفهما براي..
ــــــــــــ
جبتنا لينا الكلام يا ود البشرى
| |
|
|
|
|
|
|
|
|
|
Re: طوبى .. لهشام هبانى (Re: سارة علي)
|
يا ساره ..
هناك سوء فهم حاصل ..
وددت بحديثى العوده لموضوع البوست وبحسب مداخلتك ..
وأحببت تجاوز سوء الفهم بينك ومحمد البشري ..
فشبهت تبرير انشغال الناس بهبانى كانشغال الناس بسباق الحمير زمن الحروب ..
وذلك يختلف تماما عن تشبيه الاهتمام بهبانى بالاهتمام بمجرد سباق ..
وانما أعنى التبرير تحديدا .. تحته خطا وبالخط العريض ..
وهو فى ذات اتجاه البوست ..
وفى ذات اتجاه ما فهمته من مداخلتك ..
ويا ساره ..
احترامى لك بلا حدود ..
لم أعنى اطلاقا ما وصلك من معنى ..
لم أعنيه اطلاقا .
ويا ساره ..
البوست ده جو ناس بسخرو من كلامى عديل كده واحترمت سخريتهم ..
لانو ده فهمى للمنبر ..
من حق فلان وفلان السخريه من كلام يجدونه مثيرا للسخريه ..
فما بالك بمن جاء باحترامه لما أكتب !!
تحياتى ..
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
Sorry my brother Musharaaf....
Had to write this in english , as I have no Arabic keyboard....
There is something I notice here that I always wanted to talk about and discuss it....
How we choose our wording.. This common mistake among us Sudanese has contributed so much in many misunderstanding...heated discussion and sometimes insults when people really could have avoid all that by choosing carefully their word.....
We lack a sense of elegance when we talk to each other or when we put our ideas forward....
Let us look at this example of habani and amen...
Ameen has a clear and defined opinion regarding the government of.Sudan and the regime crimes against it's people...
He has voiced that clearly and has nothing to prove to no one....
Habani is a very strong voice against the regime and his way of putting his ideas forward and the wording he is using to condemn them is strong, different and unacceptable by many... I doubt that anyone feel comfortable listening or reading it....he has his own believe that he is shocking people by using such language ...
So that mean both he and amen are not far away in Conde ing the government... In hoping for a democratic and free Sudan ....
So where is the problem?
Amen think the language used by habani is not acceptable and it is not helping his line against the government...his revolutionary voice should use better language in a conservative society where such language can only alienate people .....and I see no problem with that ." infect I agree with him totally....
But the problem here is the wording amen used to make his point to habani....
In such a divided society and flared atmosphere where people do not trust each other any more and tolerance is no longer the menu of the day... And we see this clearly here in this board.... Word like "yabtazil " does not feel right.. Get you on the defensive and then things just get from bad to worse...
Let us assume that Ameen started by stating to Habani that he understand how bad he feels... How he suffered from Ingaz.... How we all share the same dream.... But he hopes that Habani reduce and eliminate the foul words from his writing, so that more people can read it and so that he doesn't give the Ingaz supporter a tool to attack those in the opposite side if what is going on in our country now....
Had Ameen choose a softer title and a softer approach... He and habani would have had a better discussion and less people will try to come in and steer things up, especially those who support the government who saw a.feast and join in....
And that let to people miss reading what Ameen want.Ed to say and put him somehow on the other side that attack the opposition... Making people like Jini attacking Ameen .. And many Ingaz supporter come in on Ameen side...
This is a discussion board and all we use here is words... It is a virtual world... Very few here are true to themselves and fewer are real .....
The majority do not reflect their true characters.... We are all pretenders here ....
We have a chance to be more thoughtful about what we say and how we put it forward.... We should take full advantage of that....
We all want a high quality discussion and an elegant wording carefully selected...
No insults...No foul language and loads of tolerance...
But we are not good at that and will need time.....
I agree with my dear friend Doctor Musharaf that the utopia of Nidal does not exist.... We can seek it ourselves.. But if other choose not to seek it or believe in it... We try to understand them and lean them toward a common ground.....
No one will become idle or stop opposing the aggression in Sudan because of the foul language of Habani.... Just the same way no one who support Ingaz will join the opposition because of the undoubted great attitude of Dr. Ameen or Musharaf
I have written too much.. This should be enough for me for the rest of the year....
Good luck to younall and my regards to all.... Ameen habani and you my friend Musharaf
| |
|
|
|
|
|
|
|
|
 Re: طوبى .. لهشام هبانى (Re: سارة علي)
|
Quote: محمد حيدر المشرف كتب:
أمين يتطلع للاشياء بمنظور أجمل بكثير من الواقع ..
ولا أقول مثاليه .. الا أن منظوره للأشياء أجمل من واقعها ..
|
Quote: محمد حيدر المشرف كتب:
وإشارتى لعبدالشكور تأتى فى باب مدخلى للمنبر كحله سودانيه ..
والاشاره واضحه ..
ما بذاءة هبانى !
مش ياها ورود كلمات كالمـعرصين وغيرها ونحوها
إذن ..
ما بذاءات النظام ؟؟
وأيهما الدخيل حتى على مجتمع بروف أمين الأجمل ..
|
الله يكمّلك بي عقلك ياخ ...
| |
|
|
|
|
|
|
|
|
|
Re: طوبى .. لهشام هبانى (Re: هيثم طه)
|
لم يكن هشام أكثر بذاءة من مظفر ولم يكن الحكام العرب أكثر سوءا من الإنقاذ. لم يخيرونا حينما قتلوا وشردوا وجوعوا فلن نخيرهم في أضعف ألايمان..خدش ذوقنا العام فلنذدرده على استحياء..ولتسبب بذاءات هشام بضع مرارة في حلوقهم التي وسعت كل شي..هذه ببعض تلك يا صديقي..كلمات هشام تضرسني..وافعالهم تقتلنا..هشام موجود في موروثنا الثقافي لكنهم غرباء ولا طوبى لغربتهم وطوبتين لهشام
| |
|
|
|
|
|
|
|
|
|
Re: طوبى .. لهشام هبانى (Re: السيد المسلمي)
|
الاخ المحترم محمد حيدر المشرف
تحياتى
المناضل الجسور هشام هبانى رجل فى وقت انعدم فيه الرجال الذين لا يسكتون على الظلم
والقهر والاستبداد
أين كان أولائك الناقصون عندما إغتصب جلادوا الإنقاذ الرجال ودقت خصاهم
كانوا وما ذالوا يرددون هى لله هى لله ويهللون ويكبرون للانقاذ
لم نسمع يوما من أولائك الناقصون قولة حق :
والرجال يلاطون
والنساء تنتهك أعراضهن
والشباب يقتلون فى حرب جهاديه باسم الدين
وبعدها وصفوا بالفطائس
وثروات البلاد تنهب ليل نهار
والفساد وإنعدام الشرف والاخلاق فى كل مكان
أين كان هؤلاء الناقصون ؟
والاطفال والشيوخ يموتون كل يوم
بسبب إنعدام الدواء والرعاية الطبيه
ولصوص الانقاذ يشيدون القصور والمستشفيات
ذات الخمس نجوم لهم ولأهلهم وأذنابهم
من عديمى النخوة والرجولة والحياء
أين كان هؤلاء الناقصون؟
و.....
و.........
و.............
مفردات هشام هبانى لم تأت من فراغ أو لخلل فى إخلاقه أو صفاته أو تربيته
ولكنها نفسه الابيه وحبه لوطنه وأهله ما جعله يتصدى لؤلائك الرجال ولا رجال
الذين كان هشام هبانى وكل رجل تهمه مصلحة وطنه يتمنى أن يراهم يستعملون
من الالفاظ والمفردات أنظفها وأجملها وأطهراها من أجل كلمة حق واحده من أجل
هذا الوطن الجريح
ولكن ترتفع أصواتهم البائسه وتنشق حناجرهم الصدئه فقط عندما يكتب هشام هبانى
المواطن البسيط الذى لا حول له ولا قوة
ولم يقتل او يغتصب او يرتشى أو يتاجر باسم الدين
ما لكم لا تعدلون
هشام هبانى رجل سودانى أصيل لا يخاف فى الحق لومة لائم وإن كره الناقصون والمرتشون
وسارقى قوت الاطفال والنساء والشيوخ
يا ليتنا كلنا هشام هبانى ولو كنا كذلك لما وصلنا لهذا الدرك السحيق
سر على نهجك هذا أبا نضال فيوم الخلاص قادم باذن الله لا ريب فيه
والمجد والعزة والشرف للسودان وأهل السودان فى كل مكان
| |
|
|
|
|
|
|
|
|
|
Re: طوبى .. لهشام هبانى (Re: Haitham Elsiddiq)
|
Quote:
ما عادت هناك عقلانيه لتدعى تحت اطار البيت السودانى الواحد واناشيد سخيفه تغنى
(قل معى لا عاش من يفصلنا)
فقد عاش من يفصلنا ..
وعاش من يقتلنا ..
وعاش من يسرقنا ..
وعاش من يغتصب النساء
وعاش من يعتقد ان اغتصابه لحرائر السودان شرف لهن
وعاش من يري شبق الشماليات لفحولة الغرابى يطفئ نيران أشواقهن للجنس المفقود و"الصاح" نتيجه لجائحة اعضاء تناسليه ألمت بأهل الشمال !!
|
يا د. مشرف اتيتني في الحتة البتوجع من حيث لا تدري
بالضبط هي ثورة ضد هذا السخف الظاهر بالاحمر ..
فرقو شنو دا من البذاءات المهدى لها طوبى عدييييل
استغرب جداً لدقسة الزميلة عفراء سند - و هي من اقوى الاراء التي تعجبني هنا، و دائماً- في المقارنة الظالمة، و المقاربة المافي كلو كلو، لما يكتبه هباني، بما يغزله شعراً و ادباً الاديب الضخم مظفر النواب ( و يا للهول، هولو غاب كبير كمان!) .. هل جنّستي كتابة هباني هنا (شعر) خلاس؟
لأنو هنا الاحكام بتفرق كتير .. و الناقش ح يختلف، لحقل الاخلاق/الآداب ..
لكن هل في فصل بين السياسة/الاخلاق!؟
-----
يا مشرف ما سمعت ما قاله خال دمونيكا عن المثقفين في " سباق الحمير - او ثلاثة مقاطع في الترحيب بفخامته" :
"ان اقامة سباق للحمير، لن تثنينا عن واجباتنا و مهامنا الوطنية"
فلنستانف سبق الحمير، و لنواصل كفاحنا
المافي شنو!؟
| |
|
|
|
|
|
|
|
|
|
Re: طوبى .. لهشام هبانى (Re: قيقراوي)
|
يا قيقا لو أذنت لي وقيقراوي إن لم تاذن.. ياخي مافي مشكلة دي اسمها دقسة الشاطر وهي بعشرة، لم تكن أبدا مقارنة بل مقاربة "شفت الفذلكة دي كيف؟" ما قصدته أن من إتخذ الظلم سبيلا فهو يخرج أسواء ما فينا، ونحن شعب فينا الطيب والمتدين والمهذب والسفيه المافي شنو ؟؟ ومن حق كل أن يغضب ويستعمل ما ملكت أخلاقه تعبيرا عن غضبه وهشام اختار السفاهة فليكن سفيها في غضبه..بعدين يا قيقراوي هشام ده ما ياهو ذاتو البتتلمو عليه في اللستك على قول الدكتورة عشان تضحكوا في سفاهته..يعني هو بس جابةمن اللستك لي سودانيز فلا تحلموا بعالم جميل في البورد ألا اذا صنعتم واحد أجمل خارجه
خارج النص: لا اقراء بوستات هشام لكن كما اسلفت حتى عناوينه تضرسني ولكن ازدرد ذلك على استحياء والعن من كان السبب
| |
|
|
|
|
|
|
|
|
|
Re: طوبى .. لهشام هبانى (Re: Afraa Sanad)
|
Quote:
بعدين يا قيقراوي هشام ده ما ياهو ذاتو البتتلمو عليه في اللستك على قول الدكتورة عشان تضحكوا في سفاهته..يعني هو بس جابةمن اللستك لي سودانيز فلا تحلموا بعالم جميل في البورد ألا اذا صنعتم واحد أجمل خارجه
|
لووووووب
كدي قبلين باللول
قيقا و لّ قيقراوي!؟
كلو واحدة ردها براها
سم سانين ارجو الا تضعوني مع البروف في سلة واحدة .. لأي سبب
في دراسة عا########ي جدا ( في الحقيقة هي ايميل ما بقدر ااكد انها دراسة و لّ لأ)
Quote: عقل الرجل صناديق ، وعقل المرأة شبكة
وهذا هو الفارق الأساسى بينهما ،
عقل الرجل مكون من صناديق مُحكمة الإغلاق، وغير مختلطه .
هناك صندوق السيارة وصندوق البيت وصندوق الأهل
وصندوق العمل وصندوق الأولاد وصندوق الأصدقاء وصندوق المقهى ........... الخ
وإذا أراد الرجل شيئاً فإنه يذهب إلى هذا الصندوق ويفتحه ويركز فيه ...
وعندما يكون داخل هذا الصندوق فإنه لا يرى شيئاً خارجه ،
وإذا إنتهى أغلقه بإحكام ثم شرع فى فتح صندوق آخر وهكذا.
وهذا هو ما يفسر أن الرجل عندما يكون فى عمله ،
فإنه لا ينشغل كثيراً بما تقوله زوجته عما حدث للأولاد ،
وإذا كان يُصلح سيارته فهو أقل اهتماماً بما يحدث لأقاربه ،
وعندما يشاهد مبارة لكرة القدم فهو لا يهتم كثيراً بأن الأكل على النار يحترق ،
أو أن عامل التليفون يقف على الباب من عدة دقائق ينتظر إذناً بالدخول ..
عقل المرأة شئ آخر :
إنه مجموعة من النقاط الشبكية المتقاطعة والمتصلة جميعاً فى نفس الوقت والنشطة دائماً ..
كل نقطه متصله بجميع النقاط الأخرى. مثل صفحة مليئة بالروابط على شبكة الإنترنت.
وبالتالى فهى يمكن أن تطبخ وهى تُرضع صغيرها، وتتحدث فى التليفون وتشاهد المسلسل فى وقت واحد ،
ويستحيل على الرجل - فى العادة - أن يفعل ذلك ..
كما أنها يمكن أن تنتقل من حالة إلى حالة بسرعة ودقة ودون خسائر كبيرة ، |
الحاجة الما عارفنها عننا اننا كلنا سفهاءعلى الاخر، خلوقين جداً ، مؤدبين ، بذيئين خالص .. اللخ اللخ
من الصفات المتداخلة، و المتضاربة دي .. لكن كلو في محلو .. و دا ما نفاق مننا زي ما شفتي.
اللستك، صندوق .. و البورد، صندوق تاني!
الداخلية، صندوق .. و المين روود، صندوق .. و بينهما شارع الجامعة
ما دايرين كلام اللستك في البورد ياخي .. كفاية!!
الآداب غير السياسة .. و ما يكتبه هشام لا يرقى الى اكثر من سجع الباعة في الاسواق ..
و ربما فاقه ذاك، صنعة و حرفة كمان .. و شاعرية.
و حتى لو جاءنا به في اللستك لتحول لموضوع سخرية بس (بكسر الباء  )
--------
زمن الجامعة، لمن سكنا في داخلية البنات - بين شارعي الجمهورية و الجامعة - كنا مسمين شارع الجامعة بـ " الحد الفاصل للطافة و الظرافة" .. في الداخلية بتحول لكائنات اخرى.
قيقا .. قيقا .. يرحمكم الله
المافي شنو!؟
| |
|
|
|
|
|
|
|
|
|
Re: طوبى .. لهشام هبانى (Re: قيقراوي)
|
محمد حيدر المشرف
انت قرأت بوست أمين محمد سليمان قراءة خاطئة منذ البداية، واكبر دليل على قراءتك الخاطئة هو افتراعك لهذا البوست.
لمن تمشي وتقرأ مرة تانية ردود امين في ذلكم البوست ستفهم ما أعنيه.
ملحوظة خاصة بي:
أنا تكلمت مع هشام هباني في التلفون قبل ثلاث سنوات ووجدته شخص لطيف وهادئ، وكل الذين يعرفونه يقولون ذلك، ولكنى وجهة نظري الشخصية وبعد تتبعي لما يكتبه هشام هباني، انا اعتقد أن هشام يستعمل هذه اللغة (الجنسية تحديداً) كتفريغ لنفسه، لأنه لا يستطيع أن يستعملها في العلن.
ولا حظ أن غضبات هشام (المضرية) لم نسمعها في الأحداث التى تستحق وأعنى تحديداً في القتل المجاني لأهلنا في دارفور وفي النيل الازرق وفي جبال النوبة.
هشام انتقائي وبحذر شديد، وهو لا يكتب ليفضح الإنقاذ هو بالنسبة لي يكتب لينفس عن بعض المكبوتات ويجد ضآلته في الكلمات التى يستعملها وشرائط الفديو التى ينشرها.
أنا معارض:
موضوع المعارضة دا باب كبير جداً وليس بالسهولة التى نراها اليوم، وهو ما جهجه الجميع، عشان كده اعادة تعريف المعارضة واجب اساسي لكل من يريد اسقاط هذا النظام، وتعريف الأدوات ايضاً مهم، لأنو في الكثير من السلوك 0المعارضي) بيصب اساساً في خانة الحكومة.
يعنى هسه شوف بوستات هشام هباني، يعنى أنا لو كنت كوز فهشام بيديني ابتداءاً من العنوان أو معول لهدم فكرته من اساسها، ليه؟ لأنو الحجة حتتحول من النقاش حول (فساد زوجة الرئيس وفساده) لحوار حول الأخلاق السودانية وغيرها. وقس على ذلك.
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
أود الاشاره لامر جاء به الاخ الصادق اسماعيل هنا ..
وهو محاولة قراءة أو استقراء هشام هبانى من مدخل نفسانى !!
وأجزم أن الموضوع خارج اطار البوست ولكن لا حجر مطلقا على الصادق ان يتناول الصادق وكما يريد مواقف وكتابات هشام هبانى عضو سودانيزاونلاين .. وسأجتهد ما وسعنى محاولة فهم تلك الاسقاطات النفسانيه وتداعياتها على منتوج زميل المنبر هشام هبانى ..
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
Quote: أود الاشاره لامر جاء به الاخ الصادق اسماعيل هنا ..
وهو محاولة قراءة أو استقراء هشام هبانى من مدخل نفسانى !!
وأجزم أن الموضوع خارج اطار البوست ولكن لا حجر مطلقا على الصادق ان يتناول الصادق وكما يريد مواقف وكتابات هشام هبانى عضو سودانيزاونلاين .. وسأجتهد ما وسعنى محاولة فهم تلك الاسقاطات النفسانيه وتداعياتها على منتوج زميل المنبر هشام هبانى .. |
الأخ محمد المشرف
بالطبع كما قلت لك أنا هذا الراي هو وجهة نظر (ربما تصيب وربما تخطئ)، وأؤيد كلامك أنها خارج اطار البوست ولكني اتيت بها لإثراء النقاش خصوصاص أنك تتناول الأمور بموضوعية.
وإعادة الفراءة أيضاً قصدت بها أنك يمكن أن تنظر لما طرحه أمين من وجهة نظر أخرى، وهي حقيقة أن خطاب هشام هباني بجنحوحه (للبذاءة) يجعل منها (أي البذاءة) الموضوع الرئيسي للنقاش ويالتالي يضيع الفرصة على نفلش (صلب الموضوع)، وهذه القصة تبدأ من العنوان، والذي يذكرني دوماً بعنوانين (التابلويد) حيث يجنح إلى الإثارة مثلاً (صورة لأكبر ########) في حين أنه يمكن أن يكتب مثلاً (صورة لأكبر قاتل) ويأتي بصورة البشير ويفضح فساده. بالنسبة للخطاب المعارض يمكن القول بكل سهولة أن خطاب هشام هباني يُضْعِف الخطاب المعارض هنا عموماً (مع التأكيد بخحق هشام في اختيار الخطاب الذي يناسبه). وهذا الإضعاف اصبح سمة ملازمة له لأنه في بحثه عن (ااستعنال الإثارة والبذاءة) أصبح مضطراً أن (يجتر) الكثير من بوستاته بعنوانين (مثيرة) أخرى.
أنا أهتم جداً بدراسة (خطابات بعض الأعضاء هنا) ومن بين من درست خطاباتهم لفترة (بما في ذلك المكتبة) هو الأخ هشام هباني، وخلصت لما كتبته أعلاه، ولكن أنا أيضاً على يقين بأن القارئ سيمحص جيداً نوع هذه الخطابات وياخذ منها وعليها.
وأخيراً شكراً لك على هذا الطرح الموضوعي (والذي نفتقده هنا كثيراً) فأنت من الأشخاص الذين احب أن اختلف معهم لما في ذلك من فائدة في التدريب على التزام الموضوعية وعدم التعصب لرأي.
| |
|
|
|
|
|
|
|
|
|
Re: طوبى .. لهشام هبانى (Re: الصادق اسماعيل)
|
| Quote: ولكنى وجهة نظري الشخصية وبعد تتبعي لما يكتبه هشام هباني، انا اعتقد أن هشام يستعمل هذه اللغة (الجنسية تحديداً) كتفريغ لنفسه، لأنه لا يستطيع أن يستعملها في العلن. |
الصادق إسماعيل
أثني على هذه الحتة فكل الذين يعرفون هشام هباني يؤكدون أنه خارج المنبر عكس كتاباته
فلا يعقل أن يكون طبيعياً من يظهر بمظهرين مختلفين تماماً..
تحياتي و إحترامي
| |
|
|
|
|
|
|
|
|
|
Re: طوبى .. لهشام هبانى (Re: ABUHUSSEIN)
|
| Quote: خارج النص: لا اقراء بوستات هشام لكن كما اسلفت حتى عناوينه تضرسني ولكن ازدرد ذلك على استحياء والعن من كان السبب |
الـ disclaimer دا ممتاز يا عفراء
كمراقب انصح به كل متداخل يخشى ان يقع تحت طائلة رماديين معارضي معارضة صامتين ... إلخ
| |
|
|
|
|
|
|
|
|
|
Re: طوبى .. لهشام هبانى (Re: محمد البشرى الخضر)
|
يا ابا حسين
Quote:
فلا يعقل أن يكون طبيعياً من يظهر بمظهرين مختلفين تماماً..
|
كلامك دا غير صحيح ..
و يا ريت تدحض اعتراضي دا علمياً .. او تسحبو
لكن طرحو كدا، و جزافاً لا يصح ابداً
ببساطة لو ما نحن بذيئين في مكان ما - تاني غير هنا - من وين عرفنا انو جنس كلام هشام دا بذيئ!؟
هل كلنا هنا ما طبيعيين!؟
انا شخصياً اعتراضي على انو دا ما محلو .. بس ( بفتح الباء)
و أي شئ ما في محلو .. وســاخة
حتى الاكل لمن يقع على جلابتك البيضاء المكوية بتقول عليو وســاخة مش!؟
كيف استوى لينا وصف الخبيث بالطيب!؟
دي القصة من وجهة نظرية .. و لا ادعي اني برئ من بذاءة ما
لكن ادعي اني طبيعي غايتو .. و دون مجازفة تذكر
و كذلك هشام هباني
--------------
بعد اذنك يا د. مشرف اخت الرابط دا للعزيزة عفراء سند :
http://sudanyat.org/vb/showthread.php?t=22054
شغلة الصناديق دي طلعت كتاب عديييل
| |
|
|
|
|
|
|
|
|
|
Re: طوبى .. لهشام هبانى (Re: قيقراوي)
|
Quote: الـ disclaimer دا ممتاز يا عفراء
كمراقب انصح به كل متداخل يخشى ان يقع تحت طائلة رماديين معارضي معارضة صامتين ... إلخ
|
ود البشري سلام طبعا أنا وبفضل دينق والدكتورة واخرون فقد عمدت مناضلة رغم أنفي إذن فانا في مامن من معارضة المعارضة ومنطقتك الرمادية أما بشان ال-disclaimer فياخي feel free وكل من يرغب بس بالله احفظوا لينا حقنا
| |
|
|
|
|
|
|
|
|
|
Re: طوبى .. لهشام هبانى (Re: Afraa Sanad)
|
شكرا يا الصادق
واعتذارى للجميع عن انشغالى عن البوست والمنبر..
الزمن بقى ممحوق وناقص كم ساعة يوميا ..
وزاد الطين بللا كتابتى لرد طويل ومفصل تفصيلا جيدا عن الذاتى والموضوعى فى البوست من خلال كلام هيثم .. وضاع ما كتبته للأسف الشديد ..
البوست ده مهم ..
اطرافو كويسه وانا بكرب الدفاع وقيقراى وهيثم فى النص وعفراء محور ..
قبل ما أفتح البوست سألت نفسي سؤال محدد ..
هل من المناسب كتابة هذا البوست فى زمن مظاهرات مدوره وبدايات اشتعال قد يكون ..
كما وأرفض وضعه مقابل بوست أمين ..
المهم باكر نواصل ..
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
الاخ ود المشرف والاخوة المتداخلين الكرام :سلامي
اود ان اسجل اعجابي بالبوست وبما طرحته ياود المشرف .....في الوقع ان الكثرين من الكتاب متلقين الحجج هنا في هذا المكان يفترضون بان المعارضين جميعهم طينة واحدة ، الله لا يبلينا حتي التنوع في الكتابة في الكلام في التفكير صار من ضمن زمن الدغمسة ......انها حرب شعواء وبليدة ضد التنوع ، ولو كان كل الابداع والفن شي واحد ، الا ينفي هذا خاصية الابداع والابتكار؟
شخصياً لسني بصدد ان اقراء ان اري ان اسمع ، وحهتي نظر متاطبقتين، ولا يهمني وساعتها احس باني استهلكت زمني ووقتي فيما لا يفيد ، اذن التعدد واحد من ساحات الفكر والفن ، فربما لا تعجبني الكثير من البوستات ، وربما لا تعجبني فحوها ، ولكني اقراءها طالما فيها الجديد ، فهل عندما اقراء لكرتي تكفيني عن قراءة بوستات ودالباوقة والشفيع وراق؟ في هذا المنبر احس بكثير من التقارب بين كتابة بكري الجاك مثلاً والصادق اسماعيل ولكن الحق يقال ان هناك فوارق ايضاً بينهما . اذن وجود فوارق بين كتابة البعض ، لا يخرج فئة منهم من دائرة المعارضة ومنازلة النظام ، للدرجة التي تجعل البعض بتصنيف هشام هباني بان يعلم لصالح النظام وبطريقة ممنهجة ومنظمة .
ان اكثر ماعجبني في كلام الاخ الصادق اسماعيل بان ما يكتبه هشام هباني ،ربما يسهم في ابعاد الناس عن موضوع فضح السلطة ،وذلك بمحاولة اتباع السلطة بتحويل الموضوع الي اخلاقي وبالتالي صرف الانظار عن مقصد الاخ هباني، ولكن في هذه الحالة ، هل نحسب هذا التحويل ضمن المآخذ علي كتابة هباني ، ام ان منقصة لمن يحاول تحويلها الي ذلك الضرب من النقاش؟
دع الناس تكتب وجهة نظرها وتستخدم من اللغة مايروق لها ، شريطة ان يتحمل كل منا اخطاءه بالدفاع بالاعتذار بقبول النقد .......والسلام
| |
|
|
|
|
|
|
|
|
|
Re: طوبى .. لهشام هبانى (Re: ibrahim alnimma)
|
ابراهيم يا صديق
Quote:
دع الناس تكتب وجهة نظرها وتستخدم من اللغة مايروق لها ، شريطة ان يتحمل كل منا اخطاءه بالدفاع بالاعتذار بقبول النقد .......والسلام
|
و اجزم، انو (امس ) لم يفعل اكثر من ذلك ..
باستدراك بسيط جداً بس، انو لم ينتبه لاصحاب الاجندات و هو الآتى لحوار .. هنا الفارة دقس .. و اتلحس!
من تحت جسر بوستو داك مررت كثير من الاجندات التصفوية .. و الشخصنة التي لا تؤدي!!
بغير ذلك اقدر اصنف البوست في باب النقد الحلال .. و ابداء وجهات النظر المصرح بها في اقتباسك اعلاه
المافي شنو بالنسبة لأمين .. و في لغيرو!؟
Quote:
ان اكثر ماعجبني في كلام الاخ الصادق اسماعيل بان ما يكتبه هشام هباني ،ربما يسهم في ابعاد الناس عن موضوع فضح السلطة ،وذلك بمحاولة اتباع السلطة بتحويل الموضوع الي اخلاقي وبالتالي صرف الانظار عن مقصد الاخ هباني، ولكن في هذه الحالة ، هل نحسب هذا التحويل ضمن المآخذ علي كتابة هباني ، ام ان منقصة لمن يحاول تحويلها الي ذلك الضرب من النقاش؟
|
هنا المحك اعتقد يا ابراهيم بالضبط!!
الكلمة المفتاحية الح تفتح معاليق بوست (امس) هي (الاخلاق) بالضبط!!
طلب الفوق تعسفي جداً ..
قول لي كيف؟
اقول ليك :
الفصل بين السياسة و الاخلاق ، فصل متعسف .. و غير دقيق
اما بالنسبة للفن و الادب .. فدا مبحث تاني .. و دا الحاول يوحي بيهو هباني في البوست المعني ..
و نجح لحدٍ ما .. و تبعه الغاوون .. كعادتهم في الغواية ..
البوست ما بتكلم عن شعر لكن!؟ .. و لا هشام هباني شاعر ذاتو!!
يلا .. كدي حاولوا جاوبوا على السؤال المطنش بهناك :
ما هو مردود نضال البذاءة ( النواب، و حلينا لغرض الجدل بس نضيف ليو هباني) ..
و ما جدوى الكتابة النضيفة .. و في ي ي (الصحف الصفراء) على قول بشاشا!؟
ايهما اجدى .. و غلته اعلى .. و ياتو زي قلتو!؟
موقف اخلاقي واحد للبوعزيزي الصعد فوق احتقانه بقتل نفسه ، لا غيره ..
اشعل التاريخ ناراً و اشتعل .. و نزل مطر الحرية و برد الجو ..
و تنسمت الشعوب العربية دعاش الحرية ام همبريباً طاااالق
كأجمل ما يكون الربيع ..
مظفر النواب في بذاءتو ليو كم سنة !؟
( لاحظو بتكلم ساس يسوس، و لست في مقام من يقيم قامة النواب الفنية السامقة)
بس ( بفتح الباء) دي قرايتي لبوست امس
و العديل رأي .. و العوج برضو رأي
| |
|
|
|
|
|
|
|
|
|
Re: طوبى .. لهشام هبانى (Re: Afraa Sanad)
|
عفراء ازيك وكيف الحال ..
هى الشتاره يا عفراء ليس الا ..
وأحفل كثيرا بشتارتى ..
من خلالها, أجزم أنى أرى شجرا يسير !!
وللشتارة نصيب من او فى هذا البوست ّّ..
والشتاره لا تحتمل المعانى المترفه ولا تحفل بها ..
واجزم أن أى مواطن سودانى يرعى رعيته وبمسؤوليه تامه ..
هو مواطن جدير بسودانيته ..
وطوبى ثم طوبى له وآدنى ..
بريمه و ّ(يا بريمه) بوست فيه من سوء التقدير الكثير ..
ومن سوء القرايه الاكثر ..
غفر الله لى ولهم ..
وألهمنا جميعا السلوان وحسن النوايا
| |
|
|
|
|
|
|
|
|
 Re: طوبى .. لهشام هبانى (Re: Afraa Sanad)
|
العزيز محمد حيدر المشرف وضيوف/ات بوسته
ما ناقشته وادرت به حوارك اعتقد انه كان اوسع واجمل من حصر الطريق وتمهيده لشكل محاكمه علنيه تبريء او تدين لنمط كتابه بعينه او عناوين خاصه بكاتب /عضو برود من الاعضاء او العضوات ، دخلته ومرقته مرات عديده وقرات تقريبا كل المداخلات مره ومرتين ، في محاوله جاده للخروج من نسق المفهوم المركب سلفا ولنسميه القوالب المعده للاستيعاب وهي فكره دايما للمحاوله بالخروج بالاكتر من الاقل يعني تديها كوزين عشان تكبر في راسك وتزيد ! فاديت الفكره كوزين !
اتفق واختلف مع من يجد التبرير او صياغة الضرورات لهشام ونمط كتاباته / بوستاته بمعنى قبول او قبول (مهجن) لخط هباني ، واتفق واختلف ايضا (وياللغرابه!) مع الجانب الآخر من الزملاء/والزميلات البجرمو ويدينو ويشجبو إلخ نمط هباني ، وفي الحالتين انا ما ضايع .. لفهم بسيط انو لو قريت هباني (منفرد) فمن الممكن تناول ما يخطه كيبورده كحاله مفرده من حق الجميع من الطرفين كمتلقي عام داخل وخارج البورد انو يقيفوا موقف منها وده حق كل زول من اي حاجه في الدنيا ، ولكن اليست هي ظاهره وان اختلفت التعابير في ده وداك ؟ اليست هي نمط منتشر ومتواجد من ناس تانين وفي مناسبات مختلفه استدعت ولم تستدعي نمط الكتابه المشابه لكتابة هباني ؟ استدعاء كتابات /بوستات هباني كحاله مفرده لا اسميه تحامل ولكن فيه الكثير من اللاموضوعيه ، من الاجدى تناول الخط العام ووجهات مجموع معين من الناس بساهموا في نفس النمط المنكور ، وده ذاتو سؤال من المسؤول عن وضع المعايير لمقبول /مرفوض ؟ و بي ياتو مكيال حق هنا ولا حق البره ؟ وفي كم زول بيحاكم بي شذوذ مساهماته عن ما يفترض الناس قبوله او رفضه وشذوذ هنا وردت عشان نرسم خط فاصل بين البقبلوا والبقبلوا الناس التانين وبين البرفضوا وبرفضوا الناس التانين ! وكل يغني على ليلاه .
يا مشرف .. هذا المكان ولزمان ليس بقصير اصبح فيه ديربي الحمير جزء لا يتجزا من ازمته وخصوصيته(وده حديث ذو شجون) فلا فاز البي هنا ولا خسر البهناك وكل مره تزداد حدة التنافس ، إذا هو اقتصاد السوق والمايشتري يتفرج زي ما بقولوا .. فهباني وضع بضاعته في سوق يقبل اقتصاده المعروض (سوق بكري ) بي اختلاف سحناته ومواقفه واتجاهاته والمعروض من بضائع جيدة الصنع ومضروبه .
زي عفراء بنجحوا في خلق التربيط ده بي ذكاء وده العجبني في ما قالت والذكاء هنا في رد الحاجه لمصوغات اكبر منها في فهم الخاص في العام وهكذا (وما عارف لي بطقش راسي فجاه فكرة الجهاد الاكبر والجهاد الاصغر ) متين ولييه ؟
وفي كلام زي كلام الصادق .. يا صديقي الصادق ..دراسة الحاله النفسيه (سايكلوجية الزول ) دايره ليها اذن من صاحب الحق عشان ما تبقى دراسة حاله ينتج عنها ما يفيد الناس ، يعني اقرار مني مثلا انو انا بديك الحق كمختص انك تدرس حالتي وتنشر تحليلك عشان يبقى نتائج بتفيد غيري وحتى من المرضى ده فيهو نبل فما نحكها زي ما بقولوا ونخليها تجيب الدم والله تسك الدرب ده في البورد ده فرويد لو قام من تربتو ما يحلك :)
داير بي سرعه كده اهبش حته حقت هباني قبل فتره كان بتكلم عنها في واحد من بوستاته وهو استقلاليته من اي زول وعدم ايمانو بي البعملو فيهو الناس بهدف احداث تغيير واختار طريقو ده ، شوت على مزاجو مع عدو حددو ومشى فيو ، طيب ده ما السياسي الجايط ده ذاتو هنا وبره ، دي ما الحاله العامه ذاته البنقرا فيها هباني وغيرو ؟ انا شخصيا تقسيم الناس لمعارض وغير معارض ، وده معارض فيرست كلاس وداك نص نص وده رخى وداك شده كلها مرات قاعد تكون عندي زي (علينا جاي ابو عشره بي قرشين ) ، تراكم المفيد بالنسبه لي هنا كان في احداث ثقب واسع في جدار القمع والكبت بخلي اي زول يلقى الدايرو والبفشوا هنا ، والاهم من ده المواقف الجماعيه الاتبنوها الناس لزمن طويل في دعم وتضامن مع حركة داخل السودان وفضح الممارسات والانتهاكات ، وده برجعنا تاني للسياسي ؟ اها هباني ده بشتم في منو ؟
غريبه فكرة والله هنا ما عارف كيف بره والله ما عارف كيف ، حسيت بيها فيها سبق اصرار وترصد بصب في ما عارف لييه في صالح هيئة الاتهام ، وكانما اصبحت عضوية سودانيزاونلاين بتحدد انته ود ناس منو ؟ ولا والله ياخي هو كده لكن اخوانو لعابين !!
يا مشرف انا قناعتي انو (طوبى .. لهباني ) البفتح نقاش سمح زي الحاصل هنا بستفز انو الناس تلمس كتير هنا وهناك ومرات ما ضروري نتيجه ولا نتائج (ما بي فكرة الفوره مليون) لكن بي فكرة انو ايجابي جدا انو اي اتنين في الدنيا دي يحصل بينهم حوار في حاجه تتعداهم الاتنين ، فياسيدي انا افتكر انو البوست ده مميز بي فكرتو وعضمو بس داير ليهو صبر وطولة نفس وبطلع منو خير !
برجع تاني ما داير ابقى ممل لكن نعيد القرايه ونجي تاني بي رواقه
تابر
| |
|
|
|
|
|
|
|
|
|
Re: طوبى .. لهشام هبانى (Re: Aymen Tabir)
|
المجتمع والفرد / الفرد والمجتمع
علاقه جدليه مستمره يا هيثم الصديق, تكون اللغه قريبه جدا من الأساس الضارب فى القدم ..
ويكون الأساس مفاعلا للمعانى
ازيك ومشتاقين ..
فى يقينى أن المعانى أقدم من اللغه ..
يكون المعنى أولا ..
ثم تكون حاجة التعبير عنه ..
لم أراجع مداخلتك قبل كتابتى هذى ..
وأحفظ منها ما ترسب فى يقينى ..
وبهذا يسبق ما ترسب منها فعل القراءه .. وربما فعل الكتابه الذى إرتكبته أنت عمدا جميل ..
يا صديقى ..
وهل كان هذا البوست صدى لبوست ؟!!
وأعنى أمين محمد سليمان ..
وغيره ..
وما تبقى من مناوشات صديقى "وهبه" لهبانى !؟..
ولكن "إبتذال" هبانى للنضال سابق كمعنى متصور لكتابات المذكورين أعلاه ..
سابق فى التصورات لا الوجود ..
فهبانى لم يبتذل النضال ..
ولن يبتذله وإن شاء ذلك وقدر .. ثم شاء فقدر .. ثم شاء فقدر
الا أن يكون مبتذلا عند المتلقى ..
ويكون هشاما بذلك حجه ..
ولتأتى "اللغه" و "البوستات" كلاحقه للتعبير ..
وبذلك أنفى شبهة أن يكون البوست صدى لبوست ..
وما هو الا الفكره التى تجادل ذاتها ..
وأكون أنا أمين و وهبه ويكونانى ..
وسبحانهما وسبحانى وسبحان الذى علم الانسان ما لم يعلم ..
ما لم يعلم, لا ما لن يعلم ..
فاتسع بذاك المجال وضاقت العباره ..
الفرد والمجتمع .. المجتمع والفرد .. الفعل .. وقدرة التعبير !!
وهل أحتاج قول المزيد ؟!!
شكرا يا صديقى ..
شكرا كثيرا ..
| |
|
|
|
|
|
|
|
|
|
Re: طوبى .. لهشام هبانى (Re: محمد حيدر المشرف)
|
my dear Mohamad...
I trust you and the family are well wa mushtageen yakhi....
I am sorry again... no arabic keyboard and no time for Bakri Virtual keyboard...
you see one of the biggest problem here is that we go ahead and assume things and with our own understanding we come to conclusions without giving the person who originally told us his view, the chance to explain himself... to give us the motives and what he wanted to say between the lines, if I may say....
For those, who made such mistakes, like myself, I assumed that your post is a reaction to Ameen's post...and now I see where you are coming from my brother....and i understand now that you are too advance to our board... to our thinking... you are too good to be true my friend in the way you think.... The way you put your ideas forward.... and knowing you knowing you, I should have known that your post have something else .... i should have read between the lines....For that I apologies....
Now saying that I think you can look at what I have said in a general term and not a respond to what you have said....Maybe others will agree that a Sudanese in general lack elegance in how to argue, discuss, tolerate and accept differences ....but this is where we are now, or should I say this why we are where we are now....
The link between the man and society will always be a topic of great debate ... and I think in our society with alack of tolerance, Hisham, no matter what he says, he is just a foul moused fool ... and clearly he is not.... And till the day we go back to being true to ourselves, we will see him that way, and loose him as a man that should have been part of the society....
dear Muhamad...
You are one of the first I look to read your words... you wisdom is what gives us hope that we are still good... we still have it.... we can still produce....
I am truly proud of you ....
| |
|
|
|
|
|
|
| |
محمد حيدر المشرف
ABDALLAH ABDALLAH
عاطف مكاوى
ابراهيم عدلان
الطيب رحمه قريمان
عمر عبد الله فضل المولى
Mahmoud Mustafa Mahmoud
قيقراوي
هيثم طه
AMNA MUKHTAR
saif massad ali
محمد البشرى الخضر
سارة علي
ABUHUSSEIN
Afraa Sanad
isam elzein
الصادق اسماعيل
ibrahim alnimma
mekki
Aymen Tabir
فيس بوك
تويتر
انستقرام
يوتيوب
بنتيريست