|
|
|
 Re: الظلامية د. بيان حدك لن تقودى معى حرب الدلارات .... (Re: بدر الدين الأمير)
|
عبدالله ياعبدالله
خلال الاشهر الماضية كنت على اتصال وتواصل مع الاخت والصديقة (الظلامية) د.جاة محمود
من اجل ابتعاث ابنى الاصغر غسان للدراسة في ماليزيا وبعد مشاورات واتصلات مع الظلامية
وقبل وقوع ابنى في قبضة الظلامية ووصوله الى ماليزيا اشترطت عليها وهى التى اختارت له الجامعة
التى يدرس فيها (تأمل كيف حالى ولدى تختار له الجامعة الظلامية بيان وهى شاطرة في الاقناع اقنعتنى
ان هذه جامعة برطانية لها فرع في ماليزيا وافقت ودفعت كمين من الدولارات لكن قلت لها شرطى الاخير
وبشكل واضح وحازم انا ماداير ولدى يسكن مع سودانى ولامع عربى لانى دايرو يتعلم ثقفات اخرى لاعربية
ولا اسلامية تقوم تهاتفنى بعد يومين من وقوع ابنى في قبضتها مصحوب بدولارات ابيه اسمع ياود الامير
انا لم اخل بالاتفاق معك وسكنت ولدك مع شاب من دولة جنوب السودان صدقنى بكيت من الفرح وقلت لها
حتى لو فشل ابنى فى الدراسة رغم الدورالات المصيتيها مني انا سعيد ويكفي ابنى شرف كونه يشارك السكن فتى من دولة
الجنوب وكمال سالم حين دخل على الخط هو من السابقين حيث ابنه يدرس فى نفس الجامعة وفى سنته الاخيرة
وسافر لهناك من خلال هذه الظلامية
تنهدات: هذه الظلامية بتعرف بزنس رغم اختلافنا الحاد معها طوعا سلمناها اولادنا ودولاراتنا وكمان بنعمل ليها دعاية واعلان
وهى في اقرب ملف حا تجى وتقول لينا جيتو في اللفا
| |
  
|
|
|
|
|
|
|
|
Re: الظلامية د. بيان حدك لن تقودى معى حرب الدلارات .... (Re: خالد أحمد شطة)
|
| Quote: ان شاءالله الوليد مساهم في المشروع الحضاري؟؟ |
شطة
حضارى في عين الظلامية
اولا الولد انا مسميه تيمنا بالمبدع الفلسطينى الشهيد غسان كنفانى
الذى قال عنه محمود درويش (كل المبدعين الفلسطينين اتو لساحة
الابداع من خلال القضية الفلسطينية ماعدى غسان كنفانى اي ان لم
تكن هناك قضية فلسطينية كان حايكون المبدع غسان كنفانى ) ووقتها كنت
واقع تحت تاثير كتاباته ماتبقى لكم ورجال تحت الشمس وفى الادب
الصهيونى وغيرها ... ومن بعدها رسائل عشقه لغادة السامان
وغسان ابنى حين كان عمره اربعة سنوات كان بسمع مصطفى سيد احمد لايف
هنا في الدوحة لذا وديتو ماليزيا عشان تستنير به الظلامية هههههه
| |
|
|
|
|
|
|
|
|
|
Re: الظلامية د. بيان حدك لن تقودى معى حرب الدلارات .... (Re: بدر الدين الأمير)
|
سلامات يا بدر الدين
لووووووووووول
الولد نزلتو من الطيارة جبنا سبحة ضربناه بيها في راسو
واهديناه تبروقة وبدأ مشروع التظليم حقه ...
غياتو اولادكم لما يرجعوا ليكم انتو وكمال
حيقولو ليكم الدولارات هي لله هي لله
غسان دا تاني مصطفى سيد احمد نهي نهي تاني بس قيقم
وفي حماك ربنا في سبيل ديننا ...
ومشروعنا الظلامي نحناالان بعد ان تم تظليم غسان
انه ينقلو لارييل دي الاجيال الحترجع السودان قطر واحد
يازول ما تاكلنا حنك ارسل مزيد من الدولارات بالله
والتحية ليك و لكمال ولكل ضيوفك
وغسان في الحفظ والصون
الصور في الدرب
| |
|
|
|
|
|
|
|
|
|
Re: الظلامية د. بيان حدك لن تقودى معى حرب الدلارات .... (Re: Bashasha)
|
والله يابدرالدين
رغم انني لم اتداخل معك لافي السراء ولا الضراء
شفت العنوان اصبحت احس بنفسي كالسموم اللافح في صدري
وجيت متحمي ومتدمي
وبريت لساني
وقلت مايوقفني منك اليوم الا الخور
............
............
دخلت لقيت المسالة عائلية جدا
تسلم الدكتورة من الرماح
ونهنئك لان ابنك في ايدي امينة
اخير ليك من اولاد الحرام وبنات الحرام
وانشاء الله يطلع ورع وتقي ماحاتندم ،،،
| |
|
|
|
|
|
|
|
|
|
Re: الظلامية د. بيان حدك لن تقودى معى حرب الدلارات .... (Re: عبد الملك يوسف الملك)
|
Quote: اها والولد سميتو غسان، تيمنا بي واحد فلسطيني؟
فرقك من الظلامية شنو بالله، من حيث الاستلاب؟ |
بشاشة
الرطانى المتعوير
يعنى انت لمن والدك سماك كمال كان تيمنا بكمال تاتورك ولا كنت دايرنى اسمى ولدى ترهاقا
وبعدين غسان اسم موقع في الحجاز تنسب له قبيلة الغساسنة التى هاجرت الى فلسطين وبلاد
الشام يعنى انا سميت الولد على جدودو العرب ولو كنت رطانى زيك كنت سميتو ابادماك ....
تتذكر المقال الشهير لاستاذنا الجليل صديقى وابى في المعرفة النور عثمان ابكر (لست عربيا
ولكن) ورد الشاعر الراحل صلاح احمد ابراهيم بمقال عنوانه (نحن عرب العرب) خلونا في
عروبتنا المتوهمة ونحن مخلنكم للكلام (المدغمس) حضارة نوبية وخمسة وسبعة الف سنة حضارة
| |
|
|
|
|
|
|
|
|
|
Re: الظلامية د. بيان حدك لن تقودى معى حرب الدلارات .... (Re: بدر الدين الأمير)
|
Quote: الولد نزلتو من الطيارة جبنا سبحة ضربناه بيها في راسو
واهديناه تبروقة وبدأ مشروع التظليم حقه ... |
اكان سبحة وتبروقة
ان لابن حنيفة ان يمدد رجليهو
بس الخوف في النهاية تطلع زى حكاية ودعته وودعنى هو للقصر وانا لكوبر
وبرضو بسم الدين والمشروع الحضارى تعرفى انا غسان مرسلو يشرب منك
سر المهنة وبعد سته شهور حاتجدى شركة منافسة لشركة زاريا واسعارها
في متناول الجميع
| |
|
|
|
|
|
|
|
|
 Re: الظلامية د. بيان حدك لن تقودى معى حرب الدلارات .... (Re: بدر الدين الأمير)
|
Quote: غياتو اولادكم لما يرجعوا ليكم انتو وكمال
حيقولو ليكم الدولارات هي لله هي لله
غسان دا تاني مصطفى سيد احمد نهي نهي تاني بس قيقم
وفي حماك ربنا في سبيل ديننا ...
|
والله يا دكتورة إنتي ألذ ظلامية 
مع إنه عنوان البوست خوفني في البداية ..
ومداخلة كمال زادت من خوفي ..
لكن الحمد لله جات سليمة .. بس أعملي حسابك ..
واضح إنه بدر الدين وولده لاعبين بخطة وناوين ينافسو زاريا 
سلام يا بدر الدين .. والجاتك في دولاراتك ...
وربنا يوفق غسان .. ويكون من المتفوقين والمتميزين إن شاء الله
| |
|
|
|
|
|
|
| |
بدر الدين الأمير
كمال سالم
عمار محمد ادريس
ABDALLAH ABDALLAH
احمد محمد بشير
خالد أحمد شطة
Bashasha
عبد الله كسلا
فيس بوك
تويتر
انستقرام
يوتيوب
بنتيريست