|
البـت النيــل
|
البت النيل
الفيها هدوء الليل
للعطشه البسمه سبيل
والضحكه تعطش عز النيل
ضكرانه هميمه وعاوانه
في الحاره عديل بتشد الحيل
الشامخه أميره وسلطانه
ونغيمه بحاكي القنديل
البانه قوامه وميّاله
والفيها فراسة الخيّاله
في القاسيه صبوره وشيّاله
الحقت كل التبجيل
رسيانه تقيله و مستوره
ضحاكه ودايماً مسروره
ضيافه كريمه ومخبوره
مستوره نهاره وفي الليل
الوارثه العفه والعرفه
الحارسه عقابه غير كلفه
من دون الزيها مختلفه
الدافر حنها زي سيل
صلايه تقيه ودغريه
في الواجب دايما محريه
البت الغايبه ومطريه
الحاضره وباقيه دليل
النعمة الجاتنا من الله
الخير الفيها ما قـــلّ
تتعافي الطيبه وتتعلا
الفيها سماحة توتيل
الهاديه رزينه وطيوبه
الماها نبيشه ومعيوبه
من شينه تماماً مزروبه
العاليه الشامخه نخيل
اللابسه العزه زي توبه
معروفه حنينه وحبوبه
لروحي قريبه ومنسوبه
الراويه دواخلي زي نيل.
|
|
|
|
|
|
|
|
Re: البـت النيــل (Re: فاروق أبوحوه)
|
Quote: البت النيل
الفيها هدوء الليل
للعطشهالبسمه سبيل
والضحكه تعطش عز النيل
|
ياسلام عليك يافاروق قصيدتك دي كانت عايزة الراحل المقيم مصطفى سيد احمد لكي يعمل منها لوحة
سألت ايش الاسم قالو البنات نعمات ام صبعين رطاب والباقى بلح امهات يوم ندهت علينا بيدها الناعمات قلت نعمين تلاتة واربع خمس نعمات
| |
|
|
|
|
|
|
Re: البـت النيــل (Re: وليد عبد اللطيف)
|
Quote: ياسلام عليك يافاروق قصيدتك دي كانت عايزة الراحل المقيم مصطفى سيد احمد لكي يعمل منها لوحة
سألت ايش الاسم قالو البنات نعمات ام صبعين رطاب والباقى بلح امهات يوم ندهت علينا بيدها الناعمات قلت نعمين تلاتة واربع خمس نعمات |
حبيبنا وليد:
ترددت كثيراً في تخير عنوان هذا النص حيث بخاطري كانت تدورأغنية الراحل مصطفي سيد أحمد:
يا بت يا نيل العاشقك عاشق كل الفيك غنايك في كل ظروفك في الفرح البدفق وعد وفال والحزن الودّر ضي شوفك في سجون القهرك في خوفك.. في النبض الصامد في البركان والسامعو يدمدم في جوفك يا بت يا نيل. ..
أين نحن من أبي سامر ياااااخ ؟!! لا زلنا نسأل عنه وعن: شدو الافراح يمكن لجراحنا يكون آسي
كل الشكر أخي وليد يا (نعناع الجنينه).
تحياتي
| |
|
|
|
|
|
|
Re: البـت النيــل (Re: فاروق أبوحوه)
|
Quote: الهاديه رزينه وطيوبه
الماها نبيشه ومعيوبه
من شينه تماماً مزروبه
العاليه الشامخه نخيل
اللابسه العزه زي توبه
معروفه حنينه وحبوبه |
ياسلام عليك ياسلام
مودتي
محمد طه الحبر
| |
|
|
|
|
|
|
Re: البـت النيــل (Re: محمد طه الحبر)
|
يا زول إتا بتغطس وين تعال بين حين ومين أدينا السبيل والكوز مننا نشرب نبل عروق محبتنا في جنس نضميك الطاعم دا واتخارج أدقش وادي ما عارف مين داك وتاني تعال بس ما تطول الغيبة....
نص تمنيت لو لم ينتهي وإن أحسست بأن القافية قد أجبرتك على قطع استرسال كان سيكون أجمل وقعٍ في القراءة وأوسم في إيصال ما كبته بداخل النفس حين احتدامها بأوان الخلق هذا وإن لم تخطه الحرافة في الصنع
سلمت ولك التحايا والمحبات
| |
|
|
|
|
|
|
Re: البـت النيــل (Re: إبراهيم عبد الحليم)
|
Quote: يا زول إتا بتغطس وين تعال بين حين ومين أدينا السبيل والكوز مننا |
سؤال وجيه يا صديقي بله محمد الفاضل ؟؟
لكن ذكرني قصة الزول القاعد مع ناس في قعده ياخد ليهو هبره ويرجع وتاني تعال شوف كلام عربي وافرنجي هه هه هه
| |
|
|
|
|
|
|
Re: البـت النيــل (Re: بله محمد الفاضل)
|
Quote: يا زول إتا بتغطس وين تعال بين حين ومين أدينا السبيل والكوز مننا نشرب نبل عروق محبتنا في جنس نضميك الطاعم دا واتخارج أدقش وادي ما عارف مين داك وتاني تعال بس ما تطول الغيبة....
|
حبيبنا بله..
لا سبيل غير النيل الفيكم .. بما أني مشتاق ليكم جد فهذا يمنحني حق أن آتيكم ببعض شوقي وأنتم قبلة الحرف والنشيددوماً.
Quote: نص تمنيت لو لم ينتهي وإن أحسست بأن القافية قد أجبرتك على قطع استرسال كان سيكون أجمل وقعٍ في القراءة وأوسم في إيصال ما كبته بداخل النفس حين احتدامها بأوان الخلق هذا وإن لم تخطه الحرافة في الصنع
سلمت ولك التحايا والمحبات |
بالعكس يا صديقي فهذه القافيه هي من أسهل القوافي والمفرده فيها متوفره وغزيرة جدا بحكم لغتنا المفتوحه. ولكن تبقي الصعوبة في إختزال كثير الأشياء في قليل القصيد.
مافي هذه الأنثي كثير من الصفات الجميله والتي إن أردت أن أحويها في هذا النص فستنوء سطوره بالدهشة.
كل الود يا صديقي
| |
|
|
|
|
|
|
Re: البـت النيــل (Re: نهلة محكر)
|
Quote: الود الغيمة حروفك مطرة بتروينا تتحسس ناشف أرواحنا |
البت القيمه حروفك راويه بوادينا من أندي مواسم تدينا ترياق لي كل جراحنا
| |
|
|
|
|
|
|
Re: البـت النيــل (Re: عمار محمد ادريس)
|
Quote: ابوحوة الزول النيل
..... صورتى دا هنا برضو خاتيها كدا الفاتورة حاتكون عاليه جدا |
عمار يا قاش..
أي صوره ؟ أم سديري واللا أم كرتاً أحمر دي؟ ما مشكله بنديك بدل صوره
كل الود
| |
|
|
|
|
|
|
|