|
Re: ماذا سيحدث لو إمتنع المغتربين عن التحويلات لمدة شهر...؟ (Re: Balla Musa)
|
سلام يا خالد المغتربون المصريون يحولون أكثر من تسعة مليارات إلى مصر سنويا. و عندما قرروا إسقاط نظام مبارك الأكثر طغيانا خرجوا إلى الشوارع و ظلوا فيها إلى أن ذهب الطاغية و نظامه إلى مزبلة التاريخ. الحال في السودان مهيأ تماما لانتفاضة شعبية و على نخب المجتمع و قياداته أن تجيب على سؤال لماذا تأخرت هذه الانتفاضة؟ إجابة علمية مدروسة على هذا السؤال يمكن أن تكون بداية صحيحة لاقتلاع هذا النظام من جذوره. كثير من الأسر يا خالد ستجوع (بالمعنى الحرفي للكلمة) لو تأخر أبناؤها بالخارج في التحويل لها لذلك لا أتوقع استجابة كبيرة لهذه المبادرة. ما نحتاجه ليس مزيدا من المبادرات بقدر ما نحتاج إلى قيادات ملتصقة بالجماهير و تشعر بنبضها و تنال ثقتها و تستجيب لندائها.
| |
|
|
|
|
|
|
Re: ماذا سيحدث لو إمتنع المغتربين عن التحويلات لمدة شهر...؟ (Re: Balla Musa)
|
الاخ خالد تحياتي
طيب ماذا يحدث لو امتنع كل السودانيين عن الصرف على ذويهم اي زول ما يدي ابوه العامل المعاشي مصاريف ما يدي اختو او اخوه الفي الجامعات مصاريف
يعني اتخيل اجي اقول لي ابوي و زوجتي مافي مصاريف الشهر دا عشان انا مقاطع التحويل ! معقول لكن ؟!!
اصلا تحويلات المغتربين ما محولة عشان سواد عيون الحكومة و لكن عشان خاطر ذويهم التعبو فيهم و ربوهم و علموهم
ممكن الناس تكون منطقية لو اتكلمت عن تحويلات المغتربين لمبالغ زائدة عن الحاجة اليومية يعني ما ترسل قروش عشان تتوفر ليك في السودان و دي اصلا ما حاصلة لانو معظم المغتربين اما دخلهم قدر التزاماتهم او بيعمل توفير في البلد الهو عايش فيها و المبلغ الموفر ما بدخل السودان الا لاقامة مشروع ما او بناء منزول او غيره من المتطلبات
| |
|
|
|
|
|
|
Re: ماذا سيحدث لو إمتنع المغتربين عن التحويلات لمدة شهر...؟ (Re: حمد فتح الرحمن)
|
Quote: ماذا سيحدث لو إمتنع المغتربين عن التحويلات لمدة شهر...؟
|
ستجوع أسرهم التي أغتربوا من أجلها....
ما عايز أعمل ليك إحباط لك دي الحقيقة على الأقل بالنسبة لمغتربي الخليج. أكثر من 90% من تحويلات مغتربي الخليج مصاريف للأسر في السودان سواء الأسر المباشرة أو إعانات لمن تجب أو لا تجب نفقتهم.... قد يكون 10% تحويلات للذين يبنون أو يكملون بناء بيوتهم...
مداخلة الزميل حول الثورة المصرية، عملياً لم تتوقف تحويلات المصريين خلال الثورة ولم يكن يسقط النظام توقفهم توقفهم عن التحويل...
عملياً أنا شخصياً أحول ما يقارب الألفين دولار شهرياً لأسرتي الصغير والممتدة، ويعتمدون على هذا التحويل إعتماد أساسي ولو حاولت الإنضمام لحملة من هذا القبيل فمعناه أنه أسرتي تجوع خاصة مع الغلاء الحاصل...
يبقى الحل هو الإنتفاضة السلمية والعصيان المدني، ولا واحد من السيدين يتكفل بعوائلنا لشهرين تلاته وندفع ليه في الخارج بالدولار،،، فهما من يملكون المال من غير أهل النظام والحسبة.....
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: ماذا سيحدث لو إمتنع المغتربين عن التحويلات لمدة شهر...؟ (Re: خالد خليل محمد بحر)
|
دقيقة يا شباب خلعتو الراجل قطعتو قلبو الفكرة اصلا مطروحه فى شكل سؤال انا قلت امكن عشان نتعرف ونلمس مدى امكانيتها ... ممكن نقاطع اللحمة نقاطع البرتكان وقروشنا فى جيبنا لكن كمان نقاطع قروشنا ذاااتها مانمشى نجيب التحويل ؟؟ نايس تراى دا كلام زول ما عنده تحويله ! لووووووووووب
طبعا فى الدول المحترمة المغتربين بحولوا لى اهلم عبر البنوك والصرافات الرسمية .. عشان كدا التحويلات دى بتشكل واحده من موارد العملة الصعبه لبلادهم
لكن هل السودانيين المغتربين بحولوا عملة صعبة لبلادهم ؟؟؟ الاجابة نوووووو لانو البنوك بتحولها باقل مما يقارب النصف من سعر السوق الاسوود طيب المغترب مصلحتو شنو فى تحويل عمله صعبه لى بلدو بالبنك وهو فى امكانو يحولها بى ضعفها ؟ زنننننننننننن بمشى لتجار العملة فى البلد ال هو فيها سودانيين فى الدول العربية وصوماليين وحبش فى امريكا واوربا بديهم عملتو الصعبة دى قبلو هناك وبدوهو بالسودانى داخل السودان ... كذاااااااااااااااب من يقول انو فى عملة صعبه بتدخل السودان من تحويلات المغتربين ... البتدخل دى امكن بتاعت الشركات من القطاع الخاص العاملة فى السودان بقول امكن !!!
| |
|
|
|
|
|
|
Re: ماذا سيحدث لو إمتنع المغتربين عن التحويلات لمدة شهر...؟ (Re: دينا خالد)
|
Quote: لكن هل السودانيين المغتربين بحولوا عملة صعبة لبلادهم ؟؟؟ الاجابة نوووووو لانو البنوك بتحولها باقل مما يقارب النصف من سعر السوق الاسوود طيب المغترب مصلحتو شنو فى تحويل عمله صعبه لى بلدو بالبنك وهو فى امكانو يحولها بى ضعفها ؟ زنننننننننننن بمشى لتجار العملة فى البلد ال هو فيها سودانيين فى الدول العربية وصوماليين وحبش فى امريكا واوربا بديهم عملتو الصعبة دى قبلو هناك وبدوهو بالسودانى داخل السودان ... كذاااااااااااااااب من يقول انو فى عملة صعبه بتدخل السودان من تحويلات المغتربين ... البتدخل دى امكن بتاعت الشركات من القطاع الخاص العاملة فى السودان بقول امكن !!!
|
شرحوووو مع تحفظ على ( كذاااااااااااااااب من يقول انو فى عملة صعبه بتدخل السودان من تحويلات المغتربين ) لأنه في أحيان كثيرة ولعوامل كثيرة يضطر الأغبش للتحويل عبر القنوات الرسمية تحياتي يا دينا بت خالد وشرحو لصاحب البوست
| |
|
|
|
|
|
|
|