|
Re: الآن مظاهرات في كل من بري والثورة و (Re: ناصر المحسى)
|
Quote: لتحية للشباب الشرفاء اينما كانوا فى كل شبر من ارض الوطن ,,,, قام العديد من الشباب اليوم بالهتاف فى عدد من مساجد الخرطوم وامدرمان ،لم تكن الاستجابة قوية من قبل المواطنين لكنها ليست سيئة كبداية ،واستطاع بعض الشباب الخروج فى تظاهرة بالجريف .منذ الامس قلنا اننا نريد فقط خروجا بسيطا الى الشارع الرئيسى للبدء فى ايصال صوت الشباب للمواطنين .نعتبر هذه اليوم بداية لا بأس بها وعلينا ان نكثف من التوعية الميدانية لنصل الى المواطن ،فمازال المواطن يحتاج جرعة اكبر من التوعية والتعبئة لكسر حاجز الشارع . ليس بيننا محبط او يائس نحن نعلم جيدا ان هذا الطريق طويل ومصرين ان نقطعه ،ولن نحيد يوما ونعدكم باعمال اكثر قوة قريبا جدا . لست مهزوما ما دمت تقاوم |
شباب لأجل التغيير - شرارة
| |
|
|
|
|
|
|
Re: الآن مظاهرات في كل من بري والثورة و (Re: خالد العبيد)
|
انا ساكن امدوم وكل يوم فى الخرطوم السوق العربى عشان امشى الخرطوم لازم اجى اخدكبرى المنشيه الجديد مرورا ببرى والمظاهرات والثورة البتتكلمو عنها دى والله الا اكان فى منبركم ده
الموطن السودانى العادى والمحرك الاساس فى الثورات ابعد ما يكون عن التفكير فى ثورة
مشروع الثورة ده قاعدين نسمع بيو من مناضلى الكيبورد العايشين فى اوربا وامريكا وقليل من ناس الخليج وتحديد فى سودانيز اون لاين فقط وامتداداتها فى الفيس بوك
يعنى اذا كان السودان فيو 40 مليون بعد انفصال الجنوب فى 500 الف من المغتربين المرطبين المنعنشين بقضو اوقات فراقهم فى التنظير السياسى لمستقبل 39 مليون وخمسماية شخص ليس فى اجندتهم الحياتيه غير اكتساب قوت اليوم باليوم
مر على انشاء هذا المنبر اكثر من 10 سنوات لم ينجح فى اخراج مظاهرة الا تلك ضد السفارة البنانيه ايام الهجوم على السودانين فى لبنان يومها اتحدت جميع الون الطيف السياسى فى المنبر واستطاعو ان يجسدو فعلا على ارض الواقع
| |
|
|
|
|
|
|
Re: الآن مظاهرات في كل من بري والثورة و (Re: طارق ميرغني)
|
لمن اتصلت بواحد في بري
قالو لي انت لسع قاعد تصدق ناس سودانيس اون لاين ديل
ديل شوية شفع مع شوية شباب تابعين لاحزاب معروفة
ولعو شوية لساتك
وفي شوية حريم طلعوا
لمن الشرطة جابت
كل واحد مسك شبطه والجرية الياها
غير انهم خربو لينا الجو بريحة السلتك المحروق ما استفدنا حاجة
تخريمة :
قال ثورة قال
| |
|
|
|
|
|
|
Re: الآن مظاهرات في كل من بري والثورة و (Re: صلاح غريبة)
|
الأستاذ الجميل فتحي البحيري سلام يا صاحبي أنا ما عارف ليه في ناس بيقللو من مسألة مظاهرات بري دي ويقولوا ليك شوية شُفَع ونساوين (كدي لاحظ للغة) مساء يوم الأمس شاهدت تظاهرة الحارة الخامسة بالثورة ... شارع النص وبرضو في الشهداء كل اللا معقول بقي واقع مرير في هذا السودان الشقي ياخ ثمَّ إنو ياخي مش كفاهم التمثيلية البايخه دي ياخي ؟؟؟ 22 سنة كافية بإنك تسرق مال قارون والفرعون يا النبي نوح من هذي الطغمة الفاسده
يااااااااااااا ربي شاحدك توريني فيهم يوم في حياتهم قبال مماتهم ... ياخي ما تقوموا تلفو لفاكم قطر ... الشعب تِعِب خلاص وجات في حلقومنا والله غلاء غريب في كل شئ لا معقول أغرب ... في كل شئ إنَّ لله ياخ
| |
|
|
|
|
|
|
Re: الآن مظاهرات في كل من بري والثورة و (Re: ناصر يوسف)
|
ناصر
تحياتي
وشكرا للمعلومة
فأنت أول من يذكر تظاهرات ميدان الشهداء
هل يمكنك التكرم بوصف ما رأيت بعينيك
المشاركون، أعدادهم ،أعمارهم ، جنسهم (نساء رجال)، الشوارع التي ساروا فيها (من وإلى)
الهتافات، الزمان البداية النهاية، رد فعل السلطة التوثيق الإعلامي إلخ
مع التقدير
الباقر موسى
| |
|
|
|
|
|
|
Re: الآن مظاهرات في كل من بري والثورة و (Re: Elbagir Osman)
|
أخي الباقر تحية واحترام التظاهره ما كانت كما يدعي البعض بإنهم مجرد شُفَع ( أعمار متباينه معظمهم من الشباب) من قبل صلاة العشاء كنت بمعية صديق مريض وكنت في عجلة من أمري لأوصله إلي الطبيب وكان خط سيري بالشهداء فوجدت التظاهرة أمامي المجموعة لم تكن كبيره وبفعل رجال الشرطة تفرقت ... هذا القهر الجاثم علي صدر الشعب ... وأنا أوصل صديقي الذي يقطن في الثورة شارع النص الحارة السابعة كان الطريق مقفول .. وصديقي يجب أن أوصله إلي منزله ووجدتُ الرجال والنساء صغاراً وكباراً وكان حائط الصد والقهر يقف لتفريغهم عنوةً الأمر سوف لن يقف هكذا يا أخي
هل سمعت أقوال رئيس البلد حينما قالها للشعب المغلوب علي أمره:
قاطعوا الغلاء ؟؟؟
وهل نموت يا سيادة الرئيس المُفدي ؟؟ وكيف جاز لكَ وأنت رئيساً لهذي البلاد أن تتفوه بمثل ما تفوهت به ... إنَّا لله ياخ
| |
|
|
|
|
|
|
Re: الآن مظاهرات في كل من بري والثورة و (Re: Elbagir Osman)
|
عاد يباركولك العديل والسمِح والزين يا ود عمي ويااا بركة سيدي ورسول الله ... نباركلك فوتان هؤلاء الملاعين السفله بسرااااااااااع وكتين يغور ويلفو ويقطعو وشهم القبيح السنيح اللديح ده من وش البلد قول آمين يا زول ... ثمَّ أنه وقد أتيتُ اليوم وبس ... ولسسسسسسسسسسسسسع بدور أتأقلم شوية شوية كدي علي هذا الدار والدار داري يا زول
ربنا يدينا بقية عُمُر نشوف فيه سقوط هذا القناع القبيح لهؤلاء الأوباش ... الطُحلُب البشري
| |
|
|
|
|
|
|
Re: الآن مظاهرات في كل من بري والثورة و (Re: صلاح غريبة)
|
Quote: لمن اتصلت بواحد في بري
قالو لي انت لسع قاعد تصدق ناس سودانيس اون لاين ديل
ديل شوية شفع مع شوية شباب تابعين لاحزاب معروفة
ولعو شوية لساتك
وفي شوية حريم طلعوا
لمن الشرطة جابت
كل واحد مسك شبطه والجرية الياها
غير انهم خربو لينا الجو بريحة السلتك المحروق ما استفدنا حاجة
تخريمة :
قال ثورة قال |
يا امنجي الموضوع دا بعد كدا ما بتقدر عليهو ستسقط هذه الحكومة و انت ستسقط معها يا ساقط
| |
|
|
|
|
|
|
Re: الآن مظاهرات في كل من بري والثورة و (Re: motaz ali)
|
Quote: انا ساكن امدوم وكل يوم فى الخرطوم السوق العربى عشان امشى الخرطوم لازم اجى اخدكبرى المنشيه الجديد مرورا ببرى والمظاهرات والثورة البتتكلمو عنها دى والله الا اكان فى منبركم ده
الموطن السودانى العادى والمحرك الاساس فى الثورات ابعد ما يكون عن التفكير فى ثورة
مشروع الثورة ده قاعدين نسمع بيو من مناضلى الكيبورد العايشين فى اوربا وامريكا وقليل من ناس الخليج وتحديد فى سودانيز اون لاين فقط وامتداداتها فى الفيس بوك
يعنى اذا كان السودان فيو 40 مليون بعد انفصال الجنوب فى 500 الف من المغتربين المرطبين المنعنشين بقضو اوقات فراقهم فى التنظير السياسى لمستقبل 39 مليون وخمسماية شخص ليس فى اجندتهم الحياتيه غير اكتساب قوت اليوم باليوم
مر على انشاء هذا المنبر اكثر من 10 سنوات لم ينجح فى اخراج مظاهرة الا تلك ضد السفارة البنانيه ايام الهجوم على السودانين فى لبنان يومها اتحدت جميع الون الطيف السياسى فى المنبر واستطاعو ان يجسدو فعلا على ارض الواقع
|
يا كضاب يا ######## انت واحد حقير
طه جعفر
| |
|
|
|
|
|
|
Re: الآن مظاهرات في كل من بري والثورة و (Re: الطيب رحمه قريمان)
|
خرجت التظاهرات من شارع النص وجابت الحاره السادسه والخامسه وكانت الهتافات (لا لا للغلاء ... الشعب جعان لكن ######## ... من حقنا ناكل لحمه )ثم تحولت الى الحارة الرابعة ثم شارع النص . وقد امتلأ موقف الشهداء برجال الامن والشرطة وتمت العديد من الاعتقالات .التحية والتجلة لشباب امدرمان مهد الحضارة والنضال .....وتتواصل القضية نحو سودان افضل ,,,,, (شباب لأجل التغيير - شرارة)
| |
|
|
|
|
|
|
|