|
|
|
 Re: الجبهة الاسلامية و اٍحتراف النهب المُسلّح (نماذج توجد) (Re: Nasr)
|
Quote:
ممكن أقترح تغيير بسيط في الإسم
النهب المصلح
|
سلامات يا أخي العزيز نصر
الحقيقية انا قصدت العنوان تماماً النهب المُسلّح. لان هذه العصابة تنهب موارد البلاد فى وضح النهار و ما أنا يعترض عليهم أحد الا رفعوا فى وجهه السلاح الناري و نقلوهم لاقبية التعذيب. بالله شوف زي نموذج فكي عبد الهادي بتاع هيئة الحج و العمرة دا. هسه تلقاهو عامل فيها صحابي عديل فى مظهروا اما مخبره فياهو تراهوا امامك من شغف و شبق لجمع المال و الشراهة العجيبة فى ذلك، الزول دا داير ليهم كم يوم عشان يلقّط المرتبات و العطايا المفرّقة بين المؤسسات الحكومية و شبه الحكومية. القصد من هذا البوست ان نكشف ان الفساد ليست حالة سطحية فى عصابة الجبهة الاسلامية، محصورة فقط على المستويات القيادية العليا. بل هو حالة عمميقة جداً تشمل كل جسد هذا الكيان السرطاني الذى وقعت فى قبضته البلاد.
| |
 
|
|
|
|
|
|
|
|
Re: الجبهة الاسلامية و اٍحتراف النهب المُسلّح (نماذج توجد) (Re: abubakr salih)
|
أخونا أبو بكر
Quote:
القصد من هذا البوست ان نكشف ان الفساد ليست حالة سطحية فى عصابة الجبهة الاسلامية، محصورة فقط على المستويات القيادية العليا. بل هو حالة عمميقة جداً تشمل كل جسد هذا الكيان السرطاني الذى وقعت فى قبضته البلاد.
|
ياخ مسألة الفساد دي مسألة ممنهجة ومنظمة ولم تبدأ مع الإنقاذ بل بدأت من بعد المصالحة مع نميري بالهيمنة على البنوك الإسلامية والتحايل بها على القوانين وممارسة التجارة مع التهرب من الضرائب بدعاوي مختلفة مثل حرفيين وصغار المستثمرين والعائلة المنتجة وتتعدد الأسماء والهدف واحد...
ثم تواصلت عبر جيش المنظمات الغريبة من عينة الشهيد والجريح والفطيس، المعفية تماماً من الجبايات وتعمل جميعها بالتجارة وتنافس من تلاحقهم السلطة بالجبايات في كل خطوة.
مسألة الفساد شامله وهدفه الأساسي السيطرة على الإقتصاد وده حصل فعلاً وبالتالي إذا ملكت الثروة من السهل أن تشتري القوة للسيطرة والهيمنة،، وكتائب القذافي وشبيحة الأسد وبلطجية حسني مبارك وبلاطجة على صالح ،، خير مثال....
والخوف باكر نواجه كتايب الحوش؟؟؟
خربت يا أبوبكر خراب مرة كبيره،،، حرم عجوبة الخربت سوبا تكون راقدة متمحنة في تربتها وهي بتسمع أخبار أحفادها الذين فاقوها فساداً وإفساداً،،،
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: الجبهة الاسلامية و اٍحتراف النهب المُسلّح (نماذج توجد) (Re: Al-Shaygi)
|
Quote: ياخ مسألة الفساد دي مسألة ممنهجة ومنظمة ولم تبدأ مع الإنقاذ بل بدأت من بعد المصالحة مع نميري بالهيمنة على البنوك الإسلامية والتحايل بها على القوانين وممارسة التجارة مع التهرب من الضرائب بدعاوي مختلفة مثل حرفيين وصغار المستثمرين والعائلة المنتجة وتتعدد الأسماء والهدف واحد...
ثم تواصلت عبر جيش المنظمات الغريبة من عينة الشهيد والجريح والفطيس، المعفية تماماً من الجبايات وتعمل جميعها بالتجارة وتنافس من تلاحقهم السلطة بالجبايات في كل خطوة.
مسألة الفساد شامله وهدفه الأساسي السيطرة على الإقتصاد وده حصل فعلاً وبالتالي إذا ملكت الثروة من السهل أن تشتري القوة للسيطرة والهيمنة،، وكتائب القذافي وشبيحة الأسد وبلطجية حسني مبارك وبلاطجة على صالح ،، خير مثال....
والخوف باكر نواجه كتايب الحوش؟؟؟
خربت يا أبوبكر خراب مرة كبيره،،، حرم عجوبة الخربت سوبا تكون راقدة متمحنة في تربتها وهي بتسمع أخبار أحفادها الذين فاقوها فساداً وإفساداً،،، |
سلام أخانا الكريم الشايقي و العيد مبارك عليك.
كلامك صحيح، فساد الجبهة الاسلامية و عضويتها بداء من أيام نميري و البنوك الاسلامية اٍياها. ياخي الناس ديل نهبوا بنك فيصل و عدّموهو نفّاخ النار. و الله قبل سنوات قريت لمواطن سوداني انفق سنين طويلة من عمره فى الاغتراب و كان أشتري اسهم بالعملة الصعبة فى بنك فيصل الاسلامي بملبغ يزيد عن الالف دولار. هل تصدق الرجل استلم بعد فترة من الزمن أرباح عن اسهمه تقل عن تلات دولار، تلاتة ضولار فقط. قرت الكلام دا في تحقيق منشور في صحيفة الوطن و صورة الشيك مطبوعة مع التحقيق الصحفي، شيك الارباح الاقل من تلاته ضولار. لماذا لم يحقق البنك ارباح؟ السبب هو التساهل المتعمّد فى تمويل الاخوان فى الله و فى الاخر صارت الحكاية عبارة عن ديون هالكه. اذكر انو في التحقيق تبرع رئيس تحرير الوطن بنشر أسماء المديونين لصالح البنك لوجه الله لا قرش لا تعريفه، قال جيبوا اللسته و انا بنشرها مجان لانو عارف ح تطلع فيها اسلامية رسالية كبيرة. أكلوا مال أعراب الخليج عينك يا تأجر و كمان أكلو قروش أسامة بن لادن مما جعله يصف ما يحدث فى السودان بكلمات معبّرة حينما ساله صحفي ان رايه فى نظام السودان و الفترة التى قضاها فيه، رد بن لادن قائلا: ما يحدث فى السودان خليط من الدين و الجريمة المُنظّمة، فتأمّل عليك الله. بن لادن قال فيهم بتاعين جريمة منظمة تاني في قول؟. سوف أعود لبقية مداخلتك، ايدك معانا بالنماذج الرسالية الحرامية.
| |
|
|
|
|
|
|
|
|
|
Re: الجبهة الاسلامية و اٍحتراف النهب المُسلّح (نماذج توجد) (Re: abubakr salih)
|
Quote: لكنك دكتور كبير ومعروف ولديك أعمال عديدة ولديك دخل لا أظنه صغيرا؟
= دخلي ما بيكفيني أنا وأسرتي وما قدر حاجتي، وما عندي حاجة موفرها.
* هل لنا أن نعرف كم يبلغ دخلك الثابت شهريا؟
= طيب شوفي يا ستي أنا باخد من القوات المسلحة كضابط زي (1400) جنيه وباخد من مركز القلب حوالي (6000) جنيه ومن شيكان باخد حوالي (1400) جنيه يعني مرتبي كله زي (8.5) مليون بالقديم.. وعملنا بعض الشغل كنت ماسك الموارد في الهيئة الخيرية وعملنا شغل للهيئات الحكومية ودي بناخد قصادها زي 2 او 3 مليون في الشهر يعني احنا بنلقطا والحمد لله.. والجيش مديني عربية وبرضه معهد القلب مديني عربية والحمد لله، لكن غير كده ما عندي حاجة، وأنا بالمناسبة طبيب لي 32 سنة واغتربت في السعودية أنا وزوجتي وهي طبيبة ايضا لأكثر من 10 سنوات، الناس مستكترة انو أنا عندي بيت، وهي ما عارفة حاجة ولا بتتخيل قصة بيتي ده شنو!!!..
* نريد أن نعرف هذه القصة بالتفصيل إن سمحت لنا بذلك؟
= جدا... أنا بيتي في كافوري كان بيت اختي وزوجها اسمه نورالدائم إبراهيم محمد مقاول معروف ومشهور زول سيرته معروفة عنده اسم في السوق.. لما الإنقاذ دي بدت أنا كنت ببني.. بيتي ده؛ اشتريته من اختي وزوجها بالأقساط ولحد حسي مديون ما تميت قروشه. |
مقتطف من حوار صحفي مع عبد الله حسن أحمد البشير شقيق الرئيس.
| |
|
|
|
|
|
|
| |
abubakr salih
Nasr
Al-Shaygi
فيس بوك
تويتر
انستقرام
يوتيوب
بنتيريست