ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 02:03 PM الصفحة الرئيسية

مكتبة انتهاكات شرطة النظام العام السودانية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
20-07-2003, 00:49 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟

    كنت طرحت الموضوع ده في زاويه التصويت زمان شديد ..
    لكن مافي ناس صوتوا ..
    عاوز أعرف كيف حيكون رد فعلكم لو كنت قاعد مع زميلتك في الجامعة أو في العمل بتتناقشوا في موضوع عادي جدا .. و جاء عنصر من عناصر النظام العام و اتعرض ليها عشان قاعده معاك ؟؟

    مـــودك
                   |Articles |News |مقالات |بيانات

20-07-2003, 01:00 AM

ود شاموق
<aود شاموق
تاريخ التسجيل: 17-11-2002
مجموع المشاركات: 3605

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    دا كان زمان يا موديك

    هسع فتروا من تفتيش الضماير، احتمال يجي هو زاتو يقعد يتونس معاكم، ديل مما بقى اسمهم "أمن المجتمع" بقوا ما جادين، بالله أنا ما عارف الإسم دا قطعوا من وين زي أسماء المسلسلات المصرية.

    الله يهديهم

    .
                   |Articles |News |مقالات |بيانات

20-07-2003, 01:09 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: ود شاموق)

    شاموق العزيز ...
    و الله أمن المجتمع دي ضحكتني ضحك ..
    كأنو المجتمع السوداني ناقص مراقبين ؟
    الشجر ذاتو في السودان بيراقب تصرفاتك .. خليهو الناس

    مـــودك
                   |Articles |News |مقالات |بيانات

20-07-2003, 04:26 PM

ملكة سبأ
<aملكة سبأ
تاريخ التسجيل: 18-06-2003
مجموع المشاركات: 3853

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    مودك

    المهم انت تراقب تصرفاتك
                   |Articles |News |مقالات |بيانات

26-07-2003, 04:25 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: ملكة سبأ)

    يا ملكة سبأ ..
    ده شيئ بين الزول و ربو ..

    مــودك
                   |Articles |News |مقالات |بيانات

20-07-2003, 04:43 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    العزيز موديك
    طبعا دوما كنت امثل الطرف الآخر.. وبيني وبينك الزول بيدخل في اظافره لأن المسمى "رجل الأمن" بأي مسمى في غاية قلة الأدب والقباحة وممكن يتصرف او يقول اي كلام مهين ليحرج الرجل القاعد قدامك.. وده طبعا مرده لعلة في نفس "يعقوب" وبيحاول "يتراجل" في غير معترك
    المهم.. دايما كان زملائي من الرجال يصرون ان اضع "طرحة" في رأسي طالما كنت اسير معهم في الشارع.. ولكني كالعادة كنت ارفض ذلك.ز لا من حيث مبدا "الطرحة" ولكن لأني في الاساس لا اضعها فلماذا اضعها من أجل "هؤلاء".. وكنت ادلل نظريتي هذه بانهم إذا ارغموا الفتيات في يوم من الأيام ان يرتودوا "مايوهات" فأنا ايضا لن ارتديها لأني لا البس "المايوه" ولذلك لا يمكن ان البي رغباتهم من اجل التلبية

    ...
    وبالمناسبة سمعت قصة في الخرطوم مفادها ان رجال النظام العام استوقفوا فتاة كانت تسير في الشارع وهي مرتدية بنطلون وبلوزة عاديتين.. وأمروها بأن تركب سيارتهم ليأخذوها للنقطة لمحاسبتها فرفضت، وبدأوا في استعراض "قلة أدبهم" فما كان من الفتاة إلا اخراج "الجرين كارد" تبعها.. وما كان من "هؤلاء" إلا الاعتذار ومحاولة "تلطيف" الجو
    يعني المسألة في النهاية ليست "حقيقية" وكله "وهم" في "وهم".. وبما اننا لم نحصل على أي "باسبورت " اجنبي مع بتاعنا إلا اننا نمشي في الشارع بكل "ثقة" ان يظن "هؤلاء" اننا نحمله..وبيني وبينك الموضوع كله في ايدينا لأننا لو من الأول "وريناهم العين الحمراء" ما كانوا طاحوا فينا

    غايتو انا اتوقع من اي زميل يجلس بجواري ان يعرف "هؤلاء" قيمتهم الفعلية في المجتمع حتى ولو كان عقابه الجلد..
                   |Articles |News |مقالات |بيانات

26-07-2003, 04:19 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Raja)

    Raja

    العــزيزه رجاء ..
    سمعتي أغنية بتاعة مصطفي سيد أحمد اسمها :
    عمنا الحاج ود عجبنا ..
    بيقول في مقطع منها : حاكمو الولد المنصب .. كتفو بالدبور مقصب
    فده بالضبط اللي حاصل عندنا في السودان ..
    السلطة في أيدي أولاد منصبين .. منحوا دبور و قبح العالم كلو في قلوبهم .. ثم أطلقوهم للشارع عشان يشوهوا و يتعرضوا للآخرين ..
    و زي ما انتي قلتي ...
    هم ما بيتعرضوا لي أي زول .. ما عدا البلوريتاريا المساكين القاعدين في البلد و غير المحميــن من أي جهة ..
    حسب ما أذكر اني مره مريت أنا و بنات أهلي قدام البوكسي بتاع النظام العالم .. و كان ممكن يوقفونا لأنو بنات أهلي كانوا لابسين بناطلين عادية و تي شيرتات .. و ما لابسين طرح ..
    لكن و من خلال شكلنا بس ما حركوا ساكن .. يمكن يكونوا خافوا من اننا نكون أولاد وزراء ..
    أحييك جدا علي تمسكك بمبدئك و قناعاتك .. ..
    كثيف ودي ..
    مــودك

    (عدل بواسطة Modic on 26-07-2003, 04:22 AM)

                   |Articles |News |مقالات |بيانات

20-07-2003, 08:53 PM

khalid zamrawi
<akhalid zamrawi
تاريخ التسجيل: 20-01-2003
مجموع المشاركات: 61

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    من الممتع و الجميل أن يسود مجتمعنا الأمن و الأمان
    أيضاً توجد مسميات جميلة و جذابة بمعناها مثل أمن المجتمع أو النظام العام فمن منا يكره أن يكون مجتمعه أمن و منظم و لكن هناك أليات و شروط يجب أن تتوافر لتحكم تلك المسميات و تطبق بمفهومها و من أجل الغرض و الذي أنشأت من أجله .
    و حقيقة ملاحظة هامة جداً بأن الفئات و التي تم الإستعانة بها لتطبيق القانون أو الأمن يوجد لديهم بعض القصور من حيث المفهوم و التطبيق العملى و الفعلي فهى أزمة العددية بمعنى أخر أهتمت الجهات المختصة بالكم و ليس بالكيف ؟؟
    القصة لا تكمن بجلوس شاب و شابة بجانب بعضهما الأخر بقدر ماهى أخلاقياتنا خصوصاً المجتمع السوداني بأعتبارنا مجتمع عربي أفريقى نحترم المرأة و نقدرها و نعى تماماً كيفية التعامل معها .
    و حتى لا نخرج عن موضوعنا فيجب أن نفرق بين الخلوة و بين الجلوس مع الزميلة بمكان عام أمام الله أولاً ثم أمام كافة البشر من حولنا وطالما أن الجلسة فوق الشبهات و بإعتدال تام فيجب ألا نسيئ الظن
    و إذا كان هناك داع لإثبات الوجود فيجب أن تكون بطريقة مهذبة
    و بأسلوب يسوده الرقى و أن يحس الأخرين بالأمن و الأمان و الطمأنينة
    و أن يعى رجل الأمن بأن السلطة المباشرة سلاح ذو حدين إن لم يستطيع إستخدامها بصورتها المثلى فقد تكون ضده و ليس له .
    إن الكره و الإستنكار لهذه المسميات الجديدة تأتت من منفذينها و ليس من مصدري هذه الأسماء و مع إحترامى الشديد لرجل القانون و رجل الأمن إلا أنه بالفترة الأخيرة كانت الإختيارات غير دقيقة و كان الإهتمام بالكم و العددية و ليس بالمفهوم أيضاً عامل السن و الخبرة و الإحتكاك له الدور الهام و الرئيسي لتطبيق و ترسيخ بعض المفاهيم لدى البعض منهم و كيفية فن التعامل مع الأخرين خصوصاً و أن الفارق التعليمي و التثقيفي بين هذه الفئة ضئيل للغاية أيضاً المستوى الإجتماعى هذه كلها عوامل تؤثر بصورة خفية و غير مباشرة على كيفية التعامل و تأدية المهام الوظيفية بشكلها الصحيح و بطبيعتها و التي نتطلع أن تكون بمجتمعنا السوداني .
    و أخيراً تحدث بمقالة بجريدة عكاظ السعودية بصفحة السودان وتحديداً بعمود الرأي العربي تحت عنوان " قانون المظهر العام " ونشرتها أيضاً بالبورد بالشهر الماضي .

                   |Articles |News |مقالات |بيانات

26-07-2003, 04:26 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: khalid zamrawi)

    khalid zamrawi

    العزيز خالد ..
    في السودان تتحور المسميات بسهولة ..
    فلا عجب ..
    كثيف الود ...

    مــودك
                   |Articles |News |مقالات |بيانات

30-07-2003, 07:26 AM

degna
<adegna
تاريخ التسجيل: 04-06-2002
مجموع المشاركات: 2981

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    اخي وصديقي العزيز محمد دبايوا

    البلد كلها امن وعسكرية وعمليات عسكرية الوطن اضحي
    معسكرا ماعليك سواء التفرج والا تعرضت للاعتقال والخ.....
    وهو الحاشروا شنوا ?

    ملحوظة لقيت رسالتك ,تسلم ولا يهمك ياحبيب
    لك كل الود والسلام
    degna
                   |Articles |News |مقالات |بيانات

30-07-2003, 03:34 PM

elsharief
<aelsharief
تاريخ التسجيل: 05-02-2003
مجموع المشاركات: 6242

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)





    قوانيين النظام اكثر عداء للمراة السودانية وهنالك مواد تنص على الجلد والتشهير والشروع فى الزنا وهذا هو مشروعهم الحضارى والعداء للمراة
                   |Articles |News |مقالات |بيانات

31-07-2003, 02:42 AM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    مودك سلام يا رائع ، وين دروبك صراحة البوردكان ناقص سكر فالعود احمد يا صديقى بعدين حكاية الجماعة ديل خلى بالك ، جماعة ازمة المجتمع زي ما قال ودشاموق ، ديمسالة ما اظنها بتتحل ببوست ، دي ازمة نظام وربك يدحر الافات .
                   |Articles |News |مقالات |بيانات

01-08-2003, 08:59 PM

obay_uk
<aobay_uk
تاريخ التسجيل: 05-02-2002
مجموع المشاركات: 639

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)


    يعني انت ياخوي قلت أنو يتعرض للبت ، وما قلت أنو ممكن يتعرض للولد ، عموما ما مفهوم دلالة اضافتك أنو الشخص بتكلم مع زميلتو في موضوع عادي جدا ! أولا هو يعرف كيف ؟ يعني انت هنا ظلمتو ، بأنك نورت للناس أنو موضوع النقاش عادي جدا ، ولكن ما نورت عنصر النظام العام وأخبرته أن الموضوع عادي جدا
    عشان كدا ما نقدر نرد

    بالمناسبة ، ود عمتي عايش في القاهرة وقبل فترة قريبه لقا ليهو بت سودانيه قاعده مع ود مصري في منظر ما برضي ربنا ، جنب شجره أظنو في الشارع ، عادي يعني بالمفهوم المصري ، فقام مشا عليهم ورزع البت كم كف !!! وقام الود أو الراجل جاري وخللا السودانيين مع بعض ، البوليس جاء والبت دايرا ترفع قضيه على ود عمي ، فقامو حجزوهو قدامها وقالو ليها كلو تمام حضرتك وسعادتك والبكش داك ، فالأستاذة المحترمه قامت اتخارجت من قسم البوليس ، وبعديها واحد من البواليس طلعو وقال ليهو يا ريت بلدنا فيها ناس رجال زيك ، عشان الناس تستعدل ، وطلعوهو الحمدلله ساااكت كدا
    في رأيك ود عمي دا مع حزمية أسلوبو وقسوتو ، هل هو عنصر نظام عام برضو ؟
    هنيئا له اللقب
    وبالمناسبة ، موضوع النقاش بين الود والبت ، كان عادي جدا برضو ، والدليل أنو كان في الشارع العام بدون استنكار الأغلبية طبعا

    وتسلم
    وربنا يسلمنا من المواضيع الما مفهوم مغزاها - بسبب الجمل العرضيه

                   |Articles |News |مقالات |بيانات

01-08-2003, 09:26 PM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    أعــزائي ..

    degna
    و الله البلد غايتو .. الله يحمي الناس من الناس ..
    اتواصل معاي و ما تنقطع ..

    elsharief
    طبــعا المرأه السودانيه للأسف ذاقت مراره النظام أكثر من الرجل ..


    عشة بت فاطنة

    عشــه يا صاحبتي ازيك .. وينك انتي من زمان ؟
    و كيفك .. و كيف أحوالك ؟
    طبعا زي ما انتي شايفه أنا ما بحاول أحل مشكلة النظام كلو في موضوع .. لكن بس عاوز أشوف رده الفعل المتوقعه حتكون كيف ؟ .. و هل ما زال الشعب السوداني قادر علي المواجهة و الثوره ..
    كثيف الود ..

    obay_uk
    أبي .. عنصر النظام العام مش عندو لسان ممكن يسأل ؟
    أما ود عمتك فهو عمل كده لقناعات هو بيؤمن بيها يعني ما كان مسنود بي سلطه ..
    أما موضوع و مغزاهو .. فهو واضح جدا .. سألت عن رد الفعل كيف حيكون في حالة تعرض عنصر نظام عام لي زميلتك .. ماذا ستفعل ؟ .. اذن رد الفعل هو المغزي ..
    مــودك

    (عدل بواسطة Modic on 01-08-2003, 09:27 PM)

                   |Articles |News |مقالات |بيانات

01-08-2003, 09:48 PM

bunbun
<abunbun
تاريخ التسجيل: 04-02-2002
مجموع المشاركات: 1974

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)

    العزيز مودك
    قبل سنوات طويلة حدث لي ذات الموقف وداخل الحرم الجامعي وأمام الطلبة والطالبات وبعد تخرجي بفترة ذهبت الى الجامعة للسلام على الاصدقاء وقد وجدت إحدى زميلات الدراسة وجلسنا سويًا ... أحد أفراد جهاز الامن مر من أمامنا ( نعرف بعضنا جيدًًأ ) وبعدها بلحظات دهمنا الحرس الجامعي بحجة الاخلال بالمظهر العام على ما اعتقد واستدعانا الى مكاتبهم حقيقي انا اتعاملت بهدوء لكن صديقتي ( الله يطراها بالخير ) تعاملت معهم بحزم وقوة كمن ( وبالفعل ) يدافع عنه ابسط حقوقه حق الجلوس مع من تشاء اينما تشاء دون رقيب الا من الله مع العلم بأن جلستنا لم يكن فيها ما يشين واخر ما توصل اليه الحرس الجامعي ان الزميلة كانت لابسة طاقية ! هههههههه المهم انا بروح الخريج الذي لم تعد له معارك طلابية حاولت اهدئ الموقف بدبلوماسية وكانوا هم وصديقتي اخر هياج وحمرة عين في ذلك المكتب بعدها بقليل جاء كبير الحرس الجامعي ( وللأمانة كان قد سمح لي بالدخول قبلها بساعة الى الحرم الجامعي حيث ممنوع لماعدا الطلاب من الدخول لإحدى منارات المجتمع - الجامعة - هذا الكبيرهم الذي علمهم السحر او الحرس وبالحرف الواحد او للأمانة ايضا في ما معناه اعتزر لنا وقال لكتيبته انتو ما عارفين دا منو دا كان طالب هنا وهو احد كبار الشيوعيين الوطنيين المرو على الجامعة دي للحقيقة انا اقول هذا الكلام رغم الخلاف بيني وبينه الا انه كان يمتلك بقايا روح سودانية سمحة وقد اطلق سراحنا بعد عكننة مزاج وإفساد للزيارة لجامعتي سابقًا وانا قرأت الموقف بأن عضو جهاز الامن له يد في الموضوع لانه كان يأتي من أمامنا ويبتسم ابتسامة صفراء سمجة
    وللحقيقة اعضاء النظام العام والحرس الجامعي وكل ازناب الجبهة الاسلامية المأجورين ماتت بداخلهم القيم السودانية السمحة والبراءة والروح السوية نسأل الله ان يمنحهم تلك النعمة التي لا يعرفونها
    ارجو ان لا اكون قد اطلت ولكن كنت وفيًا لحادثة وظاهرة ارجو ان تقف تماما ومن هنا ادعو كل من يتعرض لإهانة من مثل هؤلاء للحزم معهم وان لا يتعرضوا للأبتزاز الرخيص
                   |Articles |News |مقالات |بيانات

05-08-2003, 10:57 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: bunbun)

    bunbun

    العزيز بونبون ..
    هذه المواقف التي نلتمس فيها العداء غير المبرر الذي يمارسه رجال السلطة في السودان لهي أكبر دليل علي حالة التردي الكبيرة التي وصل اليها الوطن ..
    كثيف الود .. و الشكر علي قص القصة ..
    و التي نستخلص منها كثيرا من العبر ..

    مــودك
                   |Articles |News |مقالات |بيانات

01-08-2003, 10:09 PM

obay_uk
<aobay_uk
تاريخ التسجيل: 05-02-2002
مجموع المشاركات: 639

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)


    modic أخي
    ان كان المغزى هو فقط اختبا ررد الفعل ، فقد جعلتني أفكر في الأمر أنه لو قدر الله أن يضعني في مثل هكذا موقف فكيف أفعل ، والله طبعا غير كلام بررراحه برراحه مع العسكر وأجهزة الأمن في أييييي دولة من دول العالم لا ينفع ، بغض النظر عن الدرجة الفكرية أو التعليمية للتابع لجهاز عسكري أو نظامي أمني ، فلو أعليت صوتك فستدخل في مغاره ، ولكن معروف بدراسة نفسياتهم أنك يجب أن تتحدث بكل أدب واحترام وثــقــة في النفس بدون أي تلميح استهزائي بالقانون
    عني أضيف ، سأمدح له مروءته وأبين له أنه يحرجني أن في البلد أمثال الخائفين مثله على أخلاقنا وسمعتنا ، وأحيي فيه هذه الغيرة وأصافحه عليها
    ثم أقول له أن تصرفه النابع عن تربيته والتزامه بأحكام دينه ، جعلني أتذكر ديني وأتذكر حديث النبي بأنه من ستر مؤمنا في الدنيا ستره الله يوم القيامه
    وأسأل الله له السترة ولوالديه وأهل بيته ، وأقول له جزاك الله خيرا على تذكيرنا ، وأقول له بماذا تأمر الآن
    !!!

    أعتقد لو أني أردت اخراج نفسي أو من معي من عواقب وسراديب عنصر الأمن هذا ، فهذا أفضل ما عندي لأقدمه ، وأحفظ كرامة وجهي أيضا فيه ، فأنا لم أحنسه ولم أتباكى له ، والا لربما أيضا أشعلت فيه توقا ساديا بداخله لرؤية من يظنهم أقل أو أعلى منه ، في مثل تلك المواقف التوسليه

    لذا نصيحتي لمن يقبض عليهم عناصر الأمن في أي بلد ، أن يبتعدوا عن القاء أحجار في بركة نائمه ، وأن يتفهموا نفسية من هم على شاكلة صاحبنا

    آخر قولي ، هناك كثير من الشرفاء والحكماء في التصرف ممن يعملون في أمن النظام العام أو أجهزة العسكر الأخرى ، مع أني أود ألا يتبع أمن النظام العام لأي جهة عسكرية ، بل جهات تربوية متخصصه ، ويتم تدريسهم أساسيات شتى المواضيع النتعلقة مثل علم النفس الجماهيري كمثال أوحد أذكره

    bunbun أخي
    آمـيـن

                   |Articles |News |مقالات |بيانات

05-08-2003, 11:00 AM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: obay_uk)

    obay_uk

    العزيز أبي ..
    هذه مثلا أحد ردود الأفعال التي أتحدث عنها ..
    و هو رد فعل عاقل الي حد كبير ..
    كثيف الود ..

    مــودك
                   |Articles |News |مقالات |بيانات

01-08-2003, 10:20 PM

زحل


للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)


    انا كــان ح اقـــول ليـه


    ســـوقـا. . . هـــى زاتهـا البـخـــليـهـا تتـونـس مـــع الــرجــــال شـــــنـو؟



    هـــئ

    بـسـم اللـــه، ســـورى


    انا نــسـيت روحـــى . . . دخـــلت غـــلـط



    j/k


                   |Articles |News |مقالات |بيانات

04-08-2010, 06:47 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19772

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: Modic)
                   |Articles |News |مقالات |بيانات

04-08-2010, 11:44 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: بكرى ابوبكر)

    اقول ليهم
    لسه بنقسم يا اكتوبر
    لما يطل في فجرنا ظالم
    نحمي شعار االثوره نقاوم
    ونبقى صفوف تمتد وتهتف
    لما يعود الفجر الحالم
    يااكتوبر
                   |Articles |News |مقالات |بيانات

04-08-2010, 11:56 PM

cantona_1
<acantona_1
تاريخ التسجيل: 04-01-2003
مجموع المشاركات: 6837

للتواصل معنا

FaceBook
تويتر Twitter
YouTube


Re: ماذا تفعل لو كنت قاعد مع زميلتك .. و جاء عنصر نظام عام و اتعرض ليها ؟ (Re: طارق ميرغني)


    يا موديك
    اولاً: ألمي البارد بقد الدلو. (يعني الموية الباردة بتقد الدلو).
    ثانياً: طالما قصدك شريف خلي أعصابك في تلاجة. أفهمه وضعك بكل هدوء وما تتشنج وتجيب سيرة الحكومة والنظام العام والديكتاتورية والكلمات الماعندها عزا دي. لآنه هو العسكري دا ذاتو ما فاهم إنت بتقول في شنو وعشان يختصر الموضوع يقول ليك يلا المركز. وهنالك مشاكلك حتكون أكتر وأكبر.
    ثالثاً: حاول المخارجة من المكان والذي أتمنى الا يكون مظلماً درءاً للشبهات. وطوِّل بالك حتى تصل لمكان واضح في قلب شارع واطلب منه بدبلوماسية أن يذهب لحاله وهنا تكون خلقت لنفسك حائط دفاع فلن يتهمك انه وجدك في مكان غير المكان الذي أنت فيه مع زميلتك. وستجد 60 واحد يتدخلوا يطلبون منه تركك وهم مستعدون يشهدوا أنك لم تخالف النظام العام.
    لو تعاركت معه في المكان الأول تكون جنيت على نفسك وممكن يلبسك تهمة يحلّك منّها الحلّ بلّه.

    (العوج راي والعديل راي)
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de