|
|
 مجرد سؤال لجماهير الهلال ؟؟؟؟؟
|
سؤال .. ارجو الاجابة عليه بكل صدق :
هذه الايام نسمع ونشاهد تلك الاحاديث والتى أنطلقت من جماهير الهلال وهى تردد
عدم رضائها إستقالة هيثم مصطفى والتى نشرها فى هذا الوقت لشئ فى نفس يعقوب
.. المهم ماعلينا .. لكن السؤال لو افترضنا الرجاء البيضاوى هزم الهلال وأخرجه
من دائرة المربع الذهبى ..
أولا .. هل كان هيثم سيقدم أستقالته ؟؟ وإن فعل ذلك
هل تلك الجماهير ستقف معه بمثل ماوقفت معه الان ؟؟ أم ستكون الصورة مقلوبة ؟؟
مجرد سؤال برئ .. وشكرا
تاج السر
|
|
 
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: abas)
|
| Quote: هيثم رمز من رموز الهلال في كلي الحالتين واحد عندنا المهم يبقي وما يمشي |
عباس أخوى ياراجل ياظريف .. أحوالك .. مشتاقوون
لكن تعرف ياعباس عيبك الوحيد إنك هلالابى !!
وياعباس أخوى سؤالى وأضح مش كده ؟
غايتو ياعباس جنس غايتو ..
ومبروك عليكم هيثم .. بس بكره مانسمع كلام آخر !!!
تحياتى
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
استاذ تاج السر
هو بالله انت مريخابي (ماكنت قايلك كدا والله وما تستاهل)
هيثم وقته قرب من الاعتزال ولكن هذا ليس وقته وتحديداً بعد التأهل مع التلاتة كبار افريقيا والهلال رابعهم طبعاً
هيثم معشوق هلالاب الأرض يا تاج السر
هيثم قيثارة زمن الهلال الحلوة
هيثم يحب الهلال ليس لأجل شيء ولكن لأجل الهلال فقط
باص واحد من هيثم يحسم مباراة يكون الهلال فيها سيء اليوم كلو
انا شخصياً كنت حا اقيف معاهو لو اعتزل بعد مباراة الرجاء حتى لو لم يتأهل الهلال
واتمنى من الله أن يكرمنا ويكرم هيثم برفع كاس الابطال قبل اعتزاله
ولكن نصيحتي ليك خليك مع مريخك مدام طلعت مريخابي
وودالقاضي لو ساكن قريب منك كلمو قول ليهو شنبك كيف
مع تحياتي
الصادق
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: الصادق صديق سلمان)
|
Quote: هو بالله انت مريخابي (ماكنت قايلك كدا والله وما تستاهل)
|
حبابك يالصادق أخوى ..
أنا مريخابى مووووت ..
وأعتز بأننى مريخابى ..
وليس لنا غير المريخ ..
لكن .. كده قول لى يالصادق أخوى .. سؤالى ده فيه حاجة غلط
نسيتوا عندما أنهزم الهلال من انيمبا وفى عقر داره ..
ماذا قالوا الاهله ..
عن هيثم مصطفى ..
نذكركم !! ..
كان نسيتوا بنذكركم أياها !!
أستغفر الله ..
تحياتى وتقديرى أخى الصادق ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
ومبروك عليكم هيثم .. بس بكره مانسمع كلام آخر !!!
تاج السر يا حبيبنا
ياخ خلي هيثم الفنان انتو الوالي الدفارات من الجديد لي بيتو مليانه وتكوركو الوالي رئيس طوالي اسي في زمتك يا حبيب ياتو فيهم الفنان والبستاهل الناس تعمل ليه مسيره
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: abas)
|
Quote: أولا .. هل كان هيثم سيقدم أستقالته ؟؟ وإن فعل ذلك
هل تلك الجماهير ستقف معه بمثل ماوقفت معه الان ؟؟ أم ستكون الصورة مقلوبة ؟؟ |
عن نفسي رفضي لاعتزال هيثم في هذا التوقيت لا علاقة له بنتيجة مباراة بل بالطريقة و السبب الذي لأجله اعلن هيثم الاعتزال
فمن له تاريخ هيثم مع الهلال و حجم العطاء الذي قدمه حرام ان يعتزل اللعب نتيجة غضب او بسبب هتاف جمهور او تعليقات صحف
هيثم فقط من يحدد الوقت المناسب له للتوقف و هو الاقدر حتما على تخير الوقت المناسب و تقدير موقفه
Quote: طبعا أنت تعلم والكل يعلم .. المريخ طيران خاص لابشتنه
لاجلوس فى المطارات بالساعات ؟؟ |
ههههههههههههه
عريان الشنو كدا ما عارف و لابس سديري
| |
|
|
|
|
|
|
|
 Re: مجرد سؤال لجماهير الهلال ؟؟؟؟؟ (Re: محمد البشرى الخضر)
|
Quote: طبعا أنت تعلم والكل يعلم .. المريخ طيران خاص لابشتنه
لاجلوس فى المطارات بالساعات ؟؟ |
بدليل إلغاء المباراة الودية مع الاتحاد السعودي
في رمضان الماضي بسبب عدم وجود حجوزات للطيران!
وعدم اكتمال إرسال تأشيرات الدخول!!
_
يا كافي البلا!
لا قادرين تأشروا لا تحجزوا
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: صبري طه)
|
| Quote: شر البلية بيخلي الواحد يأكل بليلة |
صبرى أخوى .. والله جيتا جيت
عشان أقول ليك .. نحنا قبيل شن قلن !!
قلنا أعلام الازرق ينشر مثل هذا من أحاديث
للبلبلة !!
ومصدر الرابط أعلاه مكتوب ؟؟
ويمكنك الرجوع اليه مع ود الصائم
لكم تحياتى ياغاليين ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: محمد عبد الماجد الصايم)
|
Quote: بدليل إلغاء المباراة الودية مع الاتحاد السعودي
في رمضان الماضي بسبب عدم وجود حجوزات للطيران!
وعدم اكتمال إرسال تأشيرات الدخول!!
|
ود الصائم .. تحياتى بلاحدود
لكن كده قول لى .. هل كل مايكتبه أعلام الازرق أصبح حقيقة
ياناس .. اتقوا الله .. أنتم تعلمون بالمريخ وإمكانياته..
مالكم دايرين تغطوا السماء بالريش !!
تحياتى ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: محمد البشرى الخضر)
|
| Quote: هيثم فقط من يحدد الوقت المناسب له للتوقف و هو الاقدر حتما على تخير الوقت المناسب و تقدير موقفه |
محمد البشرى ياغالى
لك التحية والاحترام ،،
نعم أوافقك الرأى للمفردات أعلاه .. هيثم هو الاقدر حتما على تخير الوقت المناسب
لاعتزاله ..
لكن .. لماذا قدم أستقالته وفى هذا الوقت بالذات ؟؟؟؟
التحية والتقدير مرة أخرى
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
| Quote: لكن .. لماذا قدم أستقالته وفى هذا الوقت بالذات ؟؟؟؟ |
حسب ما ورد في الاخبار وعن لسان هيثم في صحيفة قوون ثاني يوم للمباراة
اعلن هيثم اعتزاله اللعب - وليس استقالته - نسبة لاسباب عديدة منها الهجوم الذي تعرض له من بعض الجماهير و الصحفيين عقب مباراة انيمبا وتحميله اسباب الخسارة
واتهامه بالتأثير على المدرب و محاربة المحترفين
واضاف ان احد الصحفيين معهم في الدار البيضاء يثير حوله الاتهامات وغيرها و الاشارات دلت على خالد عز الدين
اها يا التاج اي شمارات تانية عايز تلف وتدور حولها
بدل كدا ما تشوف لينا هل الحضري موافق على معسكر جدة ولاّ لأ
عشان ما تجي تشبكنا لغوا المعسكر - الما خمج - واحبطوني و "ز"بحوني من الوريد للوريد
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: محمد البشرى الخضر)
|
Quote: حسب ما ورد في الاخبار وعن لسان هيثم في صحيفة قوون ثاني يوم للمباراة
اعلن هيثم اعتزاله اللعب - وليس استقالته - نسبة لاسباب عديدة منها الهجوم الذي تعرض له من بعض الجماهير و الصحفيين عقب مباراة انيمبا وتحميله اسباب الخسارة
واتهامه بالتأثير على المدرب و محاربة المحترفين
واضاف ان احد الصحفيين معهم في الدار البيضاء يثير حوله الاتهامات وغيرها و الاشارات دلت على خالد عز الدين
اها يا التاج اي شمارات تانية عايز تلف وتدور حولها |
الغالى محمد البشرى
تحياتى
أعود لك مرة أخرى .. أولا للشكر الجزيل للتصحيح ( إستقالة / اعتزال)
وأيضا .. يكفى ماقاله هيثم عن سبب اعتزاله أعلاه .. ولانريد أكثر
من ذلك ؟؟
وهؤلاء الشخوص أليسوا من قبيلة الاهلة !!!!
وبالفعل إتهام الاهله ذبحنى من الوريد الى الوريد
وعلى قول الشايقى ..
فاوضنى بلازعل ..
فتك بعافيه ياغالى .. ومزيدا من الشمارات !!
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: محمد البشرى الخضر)
|
Quote: لكن كده قول لى .. هل كل مايكتبه أعلام الازرق أصبح حقيقة
ياناس .. اتقوا الله .. أنتم تعلمون بالمريخ وإمكانياته.. |
النجيضة يا تاج .. أنا نهائيا ما اعتمدت على المصدر الجبتو
في بوستكـ الفوق .. مصدري هو المركز الإعلامي لنادي الاتحاد مباشرة!!
_
لو داير أخلي واحد منهم يتصل عليكـ هسي ناو ويديكـ النجيضة!!
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: محمد عبد الماجد الصايم)
|
Quote: محمد عبدالماجد الصايم كتب: النجيضة يا تاج .. أنا نهائيا ما اعتمدت على المصدر الجبتو
في بوستكـ الفوق .. مصدري هو المركز الإعلامي لنادي الاتحاد مباشرة!!
_
لو داير أخلي واحد منهم يتصل عليكـ هسي ناو ويديكـ النجيضة!! |
يا ود الصايم أنا فعلاً عصرت عليهو شديد .. لكن ما قدر العصر دة ياخ 
ـــــــــ
النجيضة: الروب بحلّو 
ولو ما حلاّهو خليهو يحل الروب بي شوية موية
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: محمد عبد الماجد الصايم)
|
| Quote: بريدنا ص. ب: رشيناكم ضوت كوم!! |
ياود الصائم .. رشيناكم ده دايره وقفة شوية !!
متين .. وأين !!
الرش محمدكم ياغالى ..
وشيلوا شيلتكم !!
أكان فى الممتاز مرشوشين ..
وكمان لو قلت فى كأس السودان إنشاء الله تترشوا ..
أها عندك نضم تانى ..
أما النجيضة التانيه بتاعة التونسية ..
ده كلامو بعدييييين !!
بس إنت وأخوى صبرى ماتكبوا الذوقة ..
سمح ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: abas)
|
| Quote: دي اسمها حيلة الفرقو فاضي |
ياعبس .. إنشاء الله تكون شاهدت مباراة اليوم مع أهلى شندى ..
غايتو كان ده فريقكم مع الترجى ..
شيلو شيلتكم !!
وبعدين نبقى فى الهضربة ..
لاود الصائم ينفع ولاحتى صبرى ..
غايتو جنس غايتو ..
تحياتى ..
تاج السر
| |
|
|
|
|
|
|
|
|
 Re: مجرد سؤال لجماهير الهلال ؟؟؟؟؟ (Re: محمد عبد الماجد الصايم)
|
Quote: يا صبري .. لما أنا (أضغط) إنت حاول شتّت الكورة!
ما ممكن أنا (أضغط) وإنت (تضغط) وعزيزنا القارئ (ينضغط) معانا!! |
عليك نور يا ود الصايم ...
وهاك التشتيتة دي:
عاش المريخ رمزاً للحرية والسلام والنضال ... إلخ ...
ــــ
لقيتني كيف بعرف أشتّت ؟!
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: صبري طه)
|
Quote: الثلاثاء 23/08/2011
تركي أبو عيشة - جدة
قررت إدارة نادي الاتحاد إلغاء لقاء الفريق الأول الودي أمام فريق المريخ السوداني الذي كان من المقرر أن يقام مساء اليوم بملعب الأمير فيصل بن فهد بنادي الاتحاد، وذلك بسبب ظروف الطيران التي أخرت وصول بعثة المريخ السوداني في الموعد المحدد له فجر أمس.
من جهته أوضح نبيه ساعاتي المتحدث الرسمي لنادي الاتحاد ومدير المركز الإعلامي أنه كان من المقرر أن يقام اليوم لقاء ودي للفريق الأول أمام المريخ، إلا أن ظروف الطيران أحالت دون وصول البعثة في الموعد المحدد نظراً لانشغال الحجوزات في الفترة الحالية بالعمرة وبالتالي تم إلغاء المباراة من قبل الجهاز الفني.
وقال ساعاتي إن إدارة النادي تحركت سريعاً لإيجاد فريق بديل، وتم الاتفاق مع فريق الوطني لخوض مباراة ودية معه يوم غدٍ الأربعاء على ملعب الأمير فيصل بن فهد بمقر النادي، وذلك لتحضيرات الفريق الأول للبطولة الآسيوية.
من جهة أخرى واصل الفريق الكروي الاتحادي مساء أمس تدريباته بقيادة مدربه البلجيكي ديمتري وذلك بحضور جميع اللاعبين، حيث فرض المدرب تدريبات شاقة للاعبين، وأجرى مناورة مطولة لتطبيق جمل تكتيكية وفنية.
http://www.al-madina.com/node/322970
|
بعدين يا عمّك جريدة المدينة دي غالب عليها اللون الأزرق والأبيض !!!
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
سلامات للجميع:
تشتيت الكورة الحقيقي هو الذي يمارسه إعلام نادي المريخ للتغطية علي مسلسل الحضري والذي تخطي كل حدود النادي الحمراء....ولا حد قادر يقول حاجة....وحتي بخصوص المعسكر ذكر الكاتب علم الدين هاشم قبل أمس أن تحويل المعسكر جاء بسبب المتمرد عصام الحضري...وبعد أن رفض الحضور للمعسكر قالوا أحسن المعسكر يمشي ليهو...أصلوا مافضل شيئ عشان يحافظوا عليهو (التعبير الاخير دا مني )
نقطة أخيرة: والله كتر خير الحضري العمل ليهم موضوع السنة دي...تخيل الناس دي كانت حتعمل شنو في الموسم الطويييل دا....
تحياتي
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: د. ياسر عبد القادر)
|
Quote: نقطة أخيرة: والله كتر خير الحضري العمل ليهم موضوع السنة دي...تخيل الناس دي كانت حتعمل شنو في الموسم الطويييل دا....
|
يادكتور ياسر
مشتاقوون يادكتور
كيفنك ..
أعلك زين يادكتور
أشتم فى سطورك رائحة الزعل والانفعال ..
حيلك يادكتور .. الزعل عندنا مرفوض ..
والانفعال مامطلوب ..
كلو ده عشان صحتكم ..
أصلا الحضرى مركب ليكم الجن الكلكى !!
تعرف معنى كلمة الجن الكلى يادكتور !!
ويمكن يكون ده سبب زعلك ..
وأقول لك قول ..
ماتخاف فى مباراة المريخ مع الهلال ..
نخلى القون فاضى يعنى بدون حارس
لا حضرى .. ولاغير الحضرى ..
نخليه مشرع ..
وإنشاء الله تجيبو مريسة تامزينا !!!!
والله أعلم ..
فتك بعافيه يادكتور ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: حمزاوي)
|
Quote: أرحل يعني أمشي انت ما بتفهمش
واهد هلفاوي |
الله يجازيك ياحمزاوى .. أضحكتنى كثيرا
وربنا يديم للجماعة الانبساط ..
أصلا أمس خرجو من أهلى شندى بقدرة قادر
وقالوا عايزين يقابلوا الترجى ..
الرماد كال ...
تحياتى أخى الغالى حمزاوى ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
السؤال [B]لو افترضنا الرجاء البيضاوى هزم الهلال وأخرجه
من دائرة المربع الذهبى ..
أولا .. هل كان هيثم سيقدم أستقالته ؟؟ وإن فعل ذلك
هل تلك الجماهير ستقف معه بمثل ماوقفت معه الان ؟؟ أم ستكون الصورة مقلوبة ؟؟
شكلها المخارجه البدرررررررري
بتدي اصحابها زمن كافي للافتراض
الله يساعد
ومعاك كده افترض لينا كم اجابه
ودور لي علي الاجابه التالته(ج)
اذا صحيحه ما تنسي تورينا الجائزة شنو
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: walid shingrai)
|
Quote: شكلها المخارجه البدرررررررري
بتدي اصحابها زمن كافي للافتراض |
وليد .. وليد يارائع
سلام كتتتير .. وتحية بلاحدود
باقى أنا متكئ على العنقريب ..
كده أقوم أشوف وليد قال شنو ؟؟
شن قلت ياوليد أخوى ..
شكلها المخارجة البدرى بتدى اصحابها زمن كافى للافتراض ..
طيب ياغالى ..
نحنا أتخارجنا من بدررى
لكن الجراب بتاعنا ملان ولله الحمد
كوؤس جويه
لكن !!
الكلام على ناس قريعتى راحت ..
صفرا قدر الهجمة ..
ياكافى البلا ..
لاممتاز تلمو فيه
ولاكأس السودان محمدكم ..
ولا أظن الترجى يسمح ليكم بحمل الكأس ..
عشان كده ياوليد ولدكم قدم أعتزاله قبل الفأس ماتقع فى الرأس !!
قادر الله ..
فتك بعافيه ياوليد ..
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
تحية كثيرة
وعلي بالطلاق خليك متكئ في عنقريبك(مافي داعي تقوم عشان ترد)
ولازالت مخارجة بدري تؤتي اكلها
لولا علمي ان المريخ هو الفريق المتصدر وهنالك مباريات متبقيه
لكنت استثنيت هذا الافتراض(1)
افتراض(2)
| Quote: ولاكأس السودان محمدكم .. |
افتراض(3)
ولا أظن الترجى يسمح ليكم بحمل الكأس
| Quote: ولدكم قدم أعتزاله قبل الفأس ماتقع فى الرأس !! |
ماهو انت عارف الاجوبه
ولا دة افتراض رقم(4)
ياخي روقة البال الطويلة دي حاسدنكم فيها
امشى المطار سفروا الاولاد امشوا المطار استقبلو الاولاد
امشوا المطار استقبلو احد كبار افريقيا
سفروه
استقبلو التاني
سفروه
ياخي انتو عندكم زول واحد بيسافر مجهجه ادراتكم
وسفرية واحده واتلغت طلعت زيتكم
ياخي حاسدنكم علي تكييف صالة السفريات الداخلية وتسالي الميناء البري
نسوي شنو قدرنا نكون مع الكبار
خطي كتبت علينا ومن كتبت عليه خطآ مشاها
ياريت لو مقطورين كل سنه للعب مع الكبار ونقدر نتخارج بدري بدري
ونتكئ في عناقريبنا ونمارس التفكير الترفي ولا الترف التفكيري
هسع لو فلان ده عمل كده كان حيحصل شنو?????
والاسئلة العميقة دي
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: walid shingrai)
|
| Quote: وعلي بالطلاق خليك متكئ في عنقريبك(مافي داعي تقوم عشان ترد) |
وليد أخوى .. ياخوى .. المزعلك شنو !
وخلاك تخرج من جلبابك وتحلف بالطلاق ..
ماقلنا الطلاقات ده مامعانا ..
نحنا بنحب ندردش .. ونجيب المقص ..
حلفتك بالرسول .. أنا قلت شئ يزعل !!
واشريرى ياناس .. الجماعة زعلوا ..
خلاص ياود القاضى اتنازل عن شنبك !!
سمح ..
وعشان مايزعلوا والضغط يرتفع ونبقى فى مستشفيات وكده ..
نطالب من ناس المريخ الصفوة ..
فى كأس السودان يلعبوا بالصف التانى ..
رأيك شنو يادكتور شهاب ..
غايتو هارون صاحبى ماعندو مانع ..
ولا حتى حمزاوى ..
بس مادايرين ناس الاهله يزعلوا ..
ياسيد البلد ماتزعل سيد اللبن ..
وفتكم بعافيه ياوليد
تاج السر
| |
|
|
|
|
|
|
|
|
|
Re: مجرد سؤال لجماهير الهلال ؟؟؟؟؟ (Re: تاج السر محمد حامد)
|
ياهووووى .. الجماعه شردوا ..
زى ماشرد ود الصائم وجماعتو ..
نحنا قبيل شن قلن !!
سلام مكعب يا صفوة المريخ
سلام ياسيد البلد ..
حبابك مليون وأنت تتقدل بخطوات ثابته نحو الممتاز
وبخطوات سريعه لكأس السودان
كلو فى جراب الاحمر الوهاج ..
الماعجبو ..
حلفت ..
نهر النيل قريب ..
فتكم بعافيه يا الحبان ..
تاج السر
| |
|
|
|
|
|
|
| |
تاج السر محمد حامد
Yassir Tayfour
abas
الصادق صديق سلمان
محمد البشرى الخضر
محمد عبد الماجد الصايم
د. ياسر عبد القادر
walid shingrai
فيس بوك
تويتر
انستقرام
يوتيوب
بنتيريست