|
في حب زيدان
|
الدعوات الصادقات أن يمن الله بالشفاء علي الفنان الرائع زيدان إبراهيم ( محمد زيدان إبراهيم )
أتمني من الجميع الدعاء له حتي يعود الينا سالما معافي
البوست مفتوح للحديث عن زيدان الفنان والا نسان الشفيف صاحب القفشات والنوادر ،،،،، اي زول عنده اي حكاية عن زيدان بالله يرميها هنا .
* يحكي أن هناك إمرأة بالحاج يوسف ش 1 تطبح الكوارع بمحلها بالشارع والمحل مشهور وكل يوم زحمة يقال والعهدة علي الراوي أن زيدان كان زبون رئيسي للحاجة وكل يوم عنده طلب كوارع منها ،،،،،،،،، أها مرة زيدان أتأخر والحاجة حاجزو ليهو الكوارع ،،،،،، لما |أتأخر شديد جاء صدفة الفنان الامين عبد الغفار عاوز كوارع ،،،، الحاجة قالت ليهو : والله خلصت ،، آخر طلب بتاع زيدان حاجزاهو ليهو وهو لسة ما جاء الامين قال ليها هو زاتوا بعد دة ما حا يجي شغال بعيد في جبل أولياء وشال الكوارع بعد ان أقنع الحاجة ،،، الحاجة بتقفل في المحل زيدان جا ،،، سلام ،،، حباب ،،، يلا يا خالة أديني الكوارع بتاعتي ،، الحاجة قالت : والله انت أتأخرت والامين قال حا تتأخر زيادة وشال الكوارع بتاعتك ومشي ،،، زيدان : يا الله ،،، والله الزول دة بالغ ،،،، الامين دة يشيل الريد ويشيل ودو وكمان يشيل كوارعي ،، الحاجة ضحكت وقالت : إنت يا ولدي قصرت ،،، إنت زاتك ما شلت الجراح والابتسامة . اللهم أشفيه ياااارب
|
|
|
|
|
|
|
|
Re: في حب زيدان (Re: khaleel)
|
تسلم يا ابو الخل
زيدان هو الفنان الوحيد الاتفقوا عليهو كل السودانيين ( محبة )
أنا ما لاقيت زول ما بيحب زيدان .
تسلم يا رائع
| |
|
|
|
|
|
|
|