|
|
|
 Re: د. بهاء الدين طوكيو .. مليوووون مبروك الدكتوراة (Re: heba Elmahi)
|
سلامات معتصم
الحمد لله انك سبقتني في فتح البوست
جيت تعبان من مناقشة الرسالة التي امتدت لزمن طويل وكانت مغلقة
غايتو في الاخر سمحوا لاثنين فقط بالدخول فدخلت
نقاش ممتع جدا سيأتي د. بهاء بالتفاصيل
وعلى فكرة البحث كان في " التخطيط اللغوي في السودان ودوره في أوضاع اللغات السودانية
Language Planning in Sudan & its role in the Sudanese Languages Status
مبروك مرة تانية لبهاء
| |
  
|
|
|
|
|
|
|
|
Re: د. بهاء الدين طوكيو .. مليوووون مبروك الدكتوراة (Re: محمد عبد الماجد الصايم)
|
مبروك لعزيزنا وأستاذنا دكتور بهاء
وعقبال النجاحات العملية وكل جميل
الزول دا ما دايرين نكبرو ساي درسنا في حنتوب الجميلة شعبة اللغة
العربية وحينها كان من حيث العمر أصغر أستاذ في حنتوب وأظن يمر على
حنتوب طوال عمرها حسب ما علمت من عدد ليس قليل من المهتمين بحنتوب
تحياتنا وتهانينا المستمرة لحبيبنا بهاء
ومثلها للعزيز معتصم
وكل عام وانت بألف خير
| |
|
|
|
|
|
|
|
|
|
Re: د. بهاء الدين طوكيو .. مليوووون مبروك الدكتوراة (Re: Baha Elhadi)
|
شكري لصديقي الأصيل معتصم محمد صالح
والأصدقاء:
ومنال
معاذ
حسين
عمر عثمان جنابو
هبة الماحي
حيدر حسن
المكاشفي
د.الوليد
عم جعفر
عبدالعزيز عيسى
عاطف عمر
خليل
الفاتح ميرغني
ديامي
محمد عبدالماجد
سيف بخيت
طارق جبريل
شبكة
أزهري عبدالرحمن
الكوبي
مهيرة
هاشم الإدريسي
شكري ومودتي لكم لتبريكاتكم وتهانيكم
وتقديري دوماً لكم لمحبتكم الخالصة
| |
|
|
|
|
|
|
|
|
|
Re: د. بهاء الدين طوكيو .. مليوووون مبروك الدكتوراة (Re: Baha Elhadi)
|
عنوان الرسالة: التخطيط اللغوي ودوره في أوضاع اللغات السودانية(1898-2009)
جامعة السودان للعلوم والتكنولوجيا
كلية اللغات
دكتوراه في اللغة العربية(علم اللغة التطبيقي)Applied linguistics
المشرفان: البروفسور : بكري محمد الحاج
الدكتور : محمد داوود
المناقشان الخارجيان:
البروفسور : بابكر قدري مالي
الدكتور : سعدية محمد عمر
التاريخ: 11 سبتمبر2011م ( توافق غريب)
يناقش البحث : قضية التخطيط اللغوي والسياسة اللغوية في أوضاع اللغات السودانية
ويُعد التخطيط اللغوي من حقول علم اللغة الحديثة نسبياً ، إذ نشأ في الإتحاد السوفيتي
ويُعنى التخطيط اللغوي بالتخطيط العلمي المدروس للبلادان ذات التنوع والثراء اللغوي مثل السودان،
وفيه نوعان مشهوران:
التخطيط من أعلى لأسفل(Top to Bottom) وهو السائد في بلدان العالم الثالث، ويعني : أن يصدر قرار التخطيط
من سلطة سياسية بعيداً عن المختصين والأكاديمين، وغالباً يكون للترضيات السياسية، أما النوع الثاني من أسفل لأعلى(Bottom To Top )
يعني أن يختار اللغويون والمختصون اللغة المختارة وفقاً لمسوح لغوية ميدانية وشاملة تراعي لجانب اللغة الأوضاع الإقتصادية
والاجتماعية لمجمتع اللغة ، ويبدأ التخطيط لها لادخالها في نظام التعليم أو الإعلام أو ما شابه ذلك لتطوير هذه اللغة في نظامها
الكتابي وأصواتها وتقعيد قواعدها أو إحيائها كما حدث للغة العبرية ، وكيفية نشرها وجعلها لغة ذات مكانة اجتماعية ، بمعنى الاهتمام بكل ما يحيط باللغة بعد اختيارها
أما السياسية اللغوية فتعنى باختيار اللغة نفسها
فالتخطيط مرحلة تلي السياسة في التسلسل العلمي
فالسودان يتميز بثراء نادر ( للأسف فقدنا في ظل الصراع السياسي 50 لغة من لغات الأسرة النيلية الصحراوية الممثلة أفريقيا في جنوب السودان سابقا وجبال النوبة)
من بين ما توصل إليه البحث أنه لا يوجد تخطيط علمي للغات السودانية
ومن هنا يُدق ناقوس الخطر للغات الأخرى المهددة بالانقراض أو الفقدان ناتج الصراعات السياسية
سآتي بالتفصيل لما تبقى من البحث ومجرياته وتشعباته
وقد حظي بنقاش وجدل جاد بحسبانه يمس السياسي والاإثني والديني وهي من الموضوعات المسكوت عنها عندنا
سأواصل
بهاء
| |
|
|
|
|
|
|
|
|
|
Re: د. بهاء الدين طوكيو .. مليوووون مبروك الدكتوراة (Re: Elawad)
|
ألف ألف مبروك للصديق الدكتور بهاء هذا الأنجاز العلمي الحصيف
وربنا يجعله علماً إنسانياً (سودانياً) تفاد به البشرية جمعاء
ويا ريت يا دكتور لو تعمقت أكتر في الهاي لايت بتاع البحث ده
لأنه موضوع حيوي ومهم نتمنى أن يكون نواة لمشروع المحافظة على
لغاتنا السودانية ودراستها بتعمق لنخلدها للأجيال القادمة
بورك فيكم يا معتصم ويا حيدر...
| |
|
|
|
|
|
|
|
|
|
Re: د. بهاء الدين طوكيو .. مليوووون مبروك الدكتوراة (Re: Baha Elhadi)
|
.هيكل البحث:
يشتمل هذا البحث على مقدمة وخاتمة ، وثلاثة فصول تفاصيلها كالآتي:
الفصل الأول:الإطـار النظري للبحث:
المبحث الأول: التخطيط اللغوي
1.نبذة مختصرة عن تاريخ التخطيط اللغوي.
2.تعريف التخطيط اللغوي.
3.أنواع التخطيط اللغوي.
4.مصطلحات التخطيط اللغوي.
5.التخطيط اللغوي والسياسة اللغوية
المبحث الثاني: المجموعات العرقية في السودان.
المبحث الثالث: الدراسات السابقة.
الفصل الثاني: الخارطة اللغوية في السودان:
المبحث الأول: اللغة العربية في السودان ولهجاتها.
المبحث الثاني: اللغات السودانية غير العربية .
المبحث الثالث: اللغات الوافدة والعالمية.
الفصل الثالث: التخطيط اللغوي في السودان
المبحث الأول: واقع التخطيط اللغوي.
المبحث الثاني: دور التخطيط اللغوي في اللغة العربية.
المبحث الثالث: دور التخطيط اللغوي في اللهجات غير العربية.
| |
|
|
|
|
|
|
|
|
|
Re: د. بهاء الدين طوكيو .. مليوووون مبروك الدكتوراة (Re: Baha Elhadi)
|
ملخص الدراسة:
جاءت هذه الدراسة بعنوان التخطيط اللغوي ودوره في اللغات السودانية، وهدفت إلى معرفة واقع التخطيط اللغوي في السودان من خلال منجزات علم اللغة التطبيقي، وتقصت الدراسات التي تناولته بالبحث، وأجابت عن سؤال جوهري هو؛ ما التخطيط اللغوي، ودوره في اللغات السودانية بمافيها اللغة العربية، ووجوده في واقع اللغات السودانية، واتبعت الدراسة المنهج الوصفي القائم على الوصف والتحليل، ووقفت في حدودها الزمانية على الفترة من 2009 -1898م، ومكانياً حُددت بجمهورية السودان بحدود 2009م، وجاءت الدراسة في حدها الموضوعي متناولةً اللغات الرئيسة في السودان، وعلاقة التخطيط اللغوي بها، ودوره فيها وتحدثت عن التخطيط اللغوي بجوانبه المهمة وفقاً لأحدث ما أنجز فيه بتفصيل مقصود، لقلة المكتوب في التخطيط اللغوي وعلاقته باللغات السودانية كلها، وتناولت الخارطة اللغوية في السودان، وتحدثت عن اللغة العربية في السودان ولهجاتها الجغرافية المتعددة، بجانب الحديث عن اللغات الوطنية السودانية الأخرى، واللغات الوافدة والعالمية، وبيّنت واقع التخطيط اللغوي في السودان ودوره في اللغة العربية تاريخه وتطوره، واللغات السودانية الأخرى، وتوصلت لمجموعة من النتائج من بينها؛ أن هذه اللغات السودانية على تعددها لم تحظ بتخطيط لغوي علمي، ويُلحظ دور يسير له في اللغة العربية، مما جعلها تنتشر على حساب اللغات السودانية الأخرى، ونادراً ما يشارك المختصون في علم اللغة في عمليات التخطيط اللغوي والسياسة اللغوية، ومن خلال هذه النتائج أوصت الدراسة بتوصيات مختلفة منه؛ إيلاء أمر التخطيط اللغوي لمخصتين فيه، وقيام مسوح لغوية لهذه اللغات، وبالتالي التخطيط العلمي لها، والاهتمام باللغات السودانية غير العربية، حتى لا تتعرص للانقراض، باعتبارها إرثاً إنسانياً جدير بالمحافظة عليه بغية تطويرها، وأن تهتم السلطة بالمعاهد والمراكز البحثية وتمولها بغرض مسح هذه اللغات وحفظها من الاندثار وتطوير وسائل كتابتها.
| |
|
|
|
|
|
|
|
|
 Re: د. بهاء الدين طوكيو .. مليوووون مبروك الدكتوراة (Re: Baha Elhadi)
|
يا دكتور بهاء ســلامات.. ومشتاقون
ويا سيدي الله يكفيك شر دوشان السفر والجت لييك!
محمد عثمان ده منو؟
يا أخي أنا صاحبك "محمد يسين خليفة" ود بري
عموماً.. وعشان ده بوست فرايحي بالجد جد
خلينا نسامحك.. وبيغفر ليك منظرك الفي الصورة داك
ومعليش يا سيدي.. ما في حلاوة من غير نار
والزنقوك ديل أكيد عجبهم بحثك ده
وصدقني أي بروف بيناقشك بحرقة ده معناتو بحثك فيهو إضافة
بس هم عاوزين يعرفو منطقك ويتأكدوا من مقدرتك على الدفاع عن بحثك
وعشان كده سموها "دفاع عن البحث العلمي"
ومبروك مرة تانية...
وبصراحة عجبتني في تبويبك للموضوع
وأظنك تعبت في مصادرك
لأنه ده موضوع الكتبو فيهو بسيطين
وأكترهم أجانب ومستشرقين
ولو دخلتا الويب سايت بتاع مكتبة هارفرد حا تلقى مجموعة
من الناس الكتبو في مواضيع ليها علاقة ببحثك ده.
ودلوقتي خلينا في الجد والجد هلا هلا عليه!
إقتراحي ليك إنك تنشر البحث ده ككتاب بالعربي والإنجليزي
وياريت تسمح لينا نساهم معاك في طباعته من عندنا في بوسطن
ولو عجبك إقترحي ده (وأنا عارفك مرهق من السفر) خلينا نتكلم فيهو
والأحسن بالإيميل عشان حفظ الحقوق
وكمان بأسرع فرصة عشان نلحق السوق الفاضي ده ونعمره
وخليني أقولا ليهم بالصوت العالي
نحنا لهجاتنا السودانية بنقدر نحافظ عليها
رضو أم أبو.. هي محفوظة لأنها موروث ثقافي غالي التمن
وأنا عارضت التعريب بتاعهم لأنو تم بطريقة هشة
والقصد منه كان إنهم يقولو نحنا عرب
ونسو أو تناسوا لهجاتنا ولغاتنا الأخرى
تعرف إنو الدكتاتوريات دايماً عندها مشكلة مع اللهجات المحلية
وأمبارح كنت بقرأ في خبر عن تدريب في المغرب لمعلمين ليبيين
لتدريس اللغات الصحراوية المنعها القذافي بجرة قلم
وأصبح الحديث بالبربرية في ليبيا من بعده جريمة!
والحمد لله إنه الثوار أدركوا القضية دي فور توليهم زمام الأمور
وعشان كده بقول ليك أنا معاك للآخر..
ولنحافظ معاً على لهجاتنا ولغاتنا السودانية
لأنها أهم جرء في هويتنا التي نعتز بيها
وياريت توافق على إقترحي ليك ده...
| |
|
|
|
|
|
|
| |
معتصم محمد صالح
معاذ حسن
Hussein Mallasi
omer osman
heba Elmahi
حيدر حسن ميرغني
المكاشفي الخضر الطاهر
Gaafar Ismail
Abdlaziz Eisa
عاطف عمر
khaleel
الفاتح ميرغني
محمد عبد الماجد الصايم
سيف بخيت موسي
طارق جبريل
SHIBKA
حمزه بابكر الكوبي
أزهري عبد الرحمن
مهيرة
هاشم الادريسى
Baha Elhadi
Elawad
Mohamed Yassin Khalifa
Yassir Tayfour
اسامه خليفه
الطيب شيقوق
مزمل خيرى
فيس بوك
تويتر
انستقرام
يوتيوب
بنتيريست