|
|
|
 Re: وكتبت لي ريدنا الفناء وبقت النهاية المحزنة (Re: khaleel)
|
خلي ...سلامات وهاردلك ياحبيب ...
امس بعد المباراة قاعدين انا واخونا خالد العطا سالني من رقمك قلت ليهو مابعرفوا وبكون قافل ..
| Quote: وبقت النهاية المحزنة |
انت كنت متوقع حاجة تانية ولا شنو ؟!!الحزن فيكم كائنات تمشي بارجل ..
شكر الله سعيكم ...
| |
  
|
|
|
|
|
|
|
 Re: وكتبت لي ريدنا الفناء وبقت النهاية المحزنة (Re: فايزودالقاضي)
|
Quote: خلي ...سلامات وهاردلك ياحبيب ...
امس بعد المباراة قاعدين انا واخونا خالد العطا سالني من رقمك قلت ليهو مابعرفوا وبكون قافل ..
|
سلامات يا فايز
قبل المباراة
تكلمت مع ود الصايم وعمران
وافادو بان الامن مستتب وانا كمان قبل الكورة مشيت الحلاق
قلت اغير اللوك
يا خسارة ال 30 ر يال بتاعة الحلاقة
| |
|
|
|
|
|
|
|
|
 Re: وكتبت لي ريدنا الفناء وبقت النهاية المحزنة (Re: khaleel)
|
والله يا خلو .. لو ريّحونا من المعز العوجة ما بتجينا كلو كلو!!
لمتين البني آدم دا يطلع روحنا كـدا .. في حالة وجودوا معناها
الهلال لاعب 10 ضد 12! والله قبل ما يتشات الفاول قلت الله يخارجنا
من المعز وشتارتو .. قبل ما أكمّل كانت لابسة في القون!!
أما فيما يخص البلنتي معاي واحد مريخابي (ما حاقد خااالص)
أها قال لي ياخ يمكن المُعز يطلّعا: قلت ليهو: خليكـ جادي شوية!!
المعز وبلنتي معاناها استمتع بالوقعة في الزاوية الغلط!!
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: فايزودالقاضي)
|
خليل والله حاسي بيك
لكن يوم بتكتلونا انتو والمريخاب
ياخي امس ماقدرت انوم بعد ماطفيت النور ورقدت
لقيت نفسي فاتح التلفزيون وشديت سلك لصاحبي طارق الكوتش
ساعة بنتحدث الى ان الجوال صفر وقطع موية ورصيد
وقام هو بالاتصال وبرضو اكثر من ساعة
كويس الواحد سمع صوت اخونا طارق ووجدته بخير
قلت الراجل ده بيني وبينك الليله بتكون مصيبته كبيرة
ولكن وجدته متوقع الهزيمة وحتى السيناريو الذي حدث وبيضحك كانه مريخابي وليس هلالابي
انا ذاتي بيني وبينك قلت ود القاضي شنبو مابيهبشو بالحاصل عليكم دا
هاردلك خليل ولكل الاهله
بالجنبة
انا امس اول مره ازعل بالطريقة دي لان الهلال علته بسيطة ولكن له مدرب ( مجنتر)
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: وليد عبد اللطيف)
|
Quote: والله يا خلو .. لو ريّحونا من المعز العوجة ما بتجينا كلو كلو!!
لمتين البني آدم دا يطلع روحنا كـدا .. في حالة وجودوا معناها
الهلال لاعب 10 ضد 12! والله قبل ما يتشات الفاول قلت الله يخارجنا
من المعز وشتارتو .. قبل ما أكمّل كانت لابسة في القون!!
أما فيما يخص البلنتي معاي واحد مريخابي (ما حاقد خااالص)
أها قال لي ياخ يمكن المُعز يطلّعا: قلت ليهو: خليكـ جادي شوية!!
المعز وبلنتي معاناها استمتع بالوقعة في الزاوية الغلط!! |
ود الصايم
حمد لله علي سلامتك انت لسع حي
ياخي الهلال دا يوم بكتل ليهو زول
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
Quote: خليل والله حاسي بيك
لكن يوم بتكتلونا انتو والمريخاب
ياخي امس ماقدرت انوم بعد ماطفيت النور ورقدت
لقيت نفسي فاتح التلفزيون وشديت سلك لصاحبي طارق الكوتش
ساعة بنتحدث الى ان الجوال صفر وقطع موية ورصيد
وقام هو بالاتصال وبرضو اكثر من ساعة
كويس الواحد سمع صوت اخونا طارق ووجدته بخير
قلت الراجل ده بيني وبينك الليله بتكون مصيبته كبيرة
ولكن وجدته متوقع الهزيمة وحتى السيناريو الذي حدث وبيضحك كانه مريخابي وليس هلالابي
انا ذاتي بيني وبينك قلت ود القاضي شنبو مابيهبشو بالحاصل عليكم دا
هاردلك خليل ولكل الاهله
شكرا يا وليد
ايضا كنت علي الهاتف مع الكوتش واخبرني بالمكالمة الطويلة بينكم
ياخي لي متين نصبر علي الهلال دا
طلع روحنا وحرق اعصابنا
|
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
أبو الخل ،،
بنقطع فيكم أنا وحامد عجبـان في الفيس بوك ،،
عجبـان فك لي شمارك بتاع أمس
وقال لي :
Quote: أمس كنا مجتمعين بنرحب في هشام وسوسن .. القرود* رمي أولادو وجري للكورة قال انتو بتهظرو ولا شنو أسي لو جا قسم الباري
ما بجيهو ولم نره حتي الان واولاده بحوزتنا عاوزين نعمل نداْء عاجل ؟؟؟ |
__________________
*القرود ده أبو الخل يا جماعة ،،
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
تتمرضو و تسكتوو
خلي هارد لك و حقيقة المعز ليهو دور كبير في الهزيمة ياخي حارس مرمى بخبرة المعز يعمل (سبوتنج) لي كورة و يطلع ليها برة قبل ما تتشات ياخي الاسبوتنج دا في امتحان التاريخ بتاع الشهادة السودانية خلوهو!!!! كورة ما تدخل في حارس مرمى بتاع رابطة..الهلالاب ما عاوزين يصدقوا انو الهلال تعبان..فايز ود القاضي وااثق شنبو ما بتجيهو عوجة...
خلي يا هندسة كل عام و انت بخير.
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: الحاج حمد الحاج)
|
Quote: تتمرضو و تسكتوو
خلي هارد لك و حقيقة المعز ليهو دور كبير في الهزيمة ياخي حارس مرمى بخبرة المعز يعمل (سبوتنج) لي كورة و يطلع ليها برة قبل ما تتشات ياخي الاسبوتنج دا في امتحان التاريخ بتاع الشهادة السودانية خلوهو!!!! كورة ما تدخل في حارس مرمى بتاع رابطة..الهلالاب ما عاوزين يصدقوا انو الهلال تعبان..فايز ود القاضي وااثق شنبو ما بتجيهو عوجة...
خلي يا هندسة كل عام و انت بخير |
الحاج يا ساندوتش نيم
عيدك مبارك
لا احب ان احمل المسئولية لشخص واحد
كل لاعبي الهلال في الشوط الثاني عبارة عن اشباح
سوء التغطية من التاج جعلت اتير توماس يذهب ويعمل الفاول واشترك المدافعين في الهدف بعدم التغطية
لمنطقة القائم
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
الكلام لمصطفي يونس
الخبرة لم تشفع للأزرق
أفاد مصطفى يونس أن خبرة لاعبي الهلال ومدرب الأزرق كانت على المحك أمس الأول أمام أنيمبا وقال: لكن الأزرق خسر الرهان والهدفان جاءا من أخطاء فردية والهلال في هذه المباراة لم يستفد من خبرته الطويلة في المسابقة الأفريقية وذكر مصطفى يونس أنه لا يمكن تحميل المدرب وحده المسئولية أو اللاعبين وقال: من الطبيعي أن يكون الجميع شركاء في ما حدث لأن كرة القدم لعبة جماعية والخسارة يتحملها الجميع وانتقد مصطفى يونس المعز محجوب وأشار إلى أن الهدف الذي ولج مرماه لا يمكن أن يلج مرمى حارس مبتدئ وقال: المعز تعامل مع الكرة بطريقة غريبة وهو حارس مرمى كبير وصاحب خبرة وأعتقد أن الهدف أغرى أنيمبا بالانطلاق هجوميا واجرى الفريق تبديلات بعد ذلك ربما تكون هجومية وبالمقابل التبديلات التي أجراها ميشو أضعفت الفريق وقللت مردوده وإن كان بعضها اضطراريا مثل تبديل علاء الدين يوسف وديمبا اللذين تعرضا إلى أصابة وأعتقد أن اللاعبين الذين اشركهم المدرب لم يكونوا في مستوى الأساسيين وهذه نقطة كنت تحدثت عنها من قبل واشرت إلى أن الفريق الذي يرغب في البطولات لابد أن تكون لديه دكة بدلاء متميزة ولابد أن يكون البديل في مستوى الأساسي.
الأوراق اختلطت
نبه المدرب المصري إلى أن الهلال أدخل نفسه في وضع حرج وفي مأزق وقال: من الصعب جدا أن يخرج من هذا المأزق ولكن ليست هناك استحالة وأضاف: الأوراق اختلطت والحسابات اصبحت معقدة لأن الهلال لم يستفد من الفرصة وعليه أن يعمل على العودة بسرعة وأن يفوز على الرجاء في الجولة المقبلة لأنها الجولة الاخيرة والفرصة الأخيرة وتمثل طوق نجاة بالنسبة له وإن كانت المباراة الثانية تقام بين أنيمبا والقطن ذات علاقة وارتباط وثيق بمواجهة الهلال والرجاء المغربي لكن على الهلال أن ينتصر بغض النظر عن حسابات المجموعة.. وشدد مصطفى يونس على أن الفريق الذي يسمح بأن يخرج القرار من يده يصبح في موقف حرج للغاية ويبقى تحت رحمة الآخرين وقال: الهلال فعل ذلك وأضاف لكن الأزرق يبقى فريقا كبيرا يمكنه التماسك وأطالب لاعبيه بإعادة حساباتهم.
لا لردود الأفعال المتعجلة
نصح مصطفى يونس إدارة الهلال بعدم اتخاذ قرارات متعجلة تدفع ثمنها وقال المدرب المصري: على إدارة أن تتروي وأن تتريث في التعامل مع آثار الخسارة عليها الابتعاد عن ردود الأفعال وفي هذه المواقف الصعبة تتجلى الحكمة الإدارية واستخدام العقل والحكمة وأنا لست من المنادين ولا المؤيدين لإقصاء الصربي ميشو وأرى أن الاستغناء عنه في هذا التوقيت سيؤزم الموقف اكثر ويجب أن يواصل عمله حتى النهاية لاأ الاستقرار الفني يبقى مهما مثل الاستقرار الإداري والمطلوب من إدارة الهلال إصدار قرار تؤكد فيه بقاء المدرب حتى نهاية الموسم وبعدها يمكنها إجراء عملية جرد حساب وكل شخص يعرف ما له وما عليه وبعد ذلك تتخذ قرارا.
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
خطوة غير موفقة
كشفت تقارير صحفية سودانية أن هناك اتجاها قويا داخل مجلس إدارة نادى الهلال السودانى لإقالة الصربى ميشو المدير الفنى للفريق من منصبه، عقب الهزيمة المفاجئة التى تلقاها الهلال أمام أنيمبا النيجيرى 1\2، فى المباراة التى جمعتهما أمس الأول الجمعة، ضمن مباريات المجموعة الأولى لدور المجموعات فى دورى أبطال أفريقيا.
ذكرت صحيفة "قوون" السودانى أن إدارة الهلال ستبحث خلال الاجتماع المقرر عقده اليوم الأحد، إعفاء ميشو من منصبه وتكليف أحمد آدم بتولى تدريب قيادة الفريق فى مباراته المقبلة أمام الرجاء البيضاوى المغربى، فى الجولة الأخيرة من دور المجموعات، والمقرر إقامتها الأحد المقبل بملعب "محمد الخامس" بالدار البيضاء.
أضافت الصحيفة أن إدارة الهلال تسعى للتعاقد مع مدرب من العيار الثقيل سبق له العمل بالسودان، حال نجاح الفريق فى الصعود إلى الدور نصف النهائى من منافسات البطولة.
ويحتل الهلال السودانى المركز الثالث فى المجموعة الأولى برصيد 7 نقاط، متخلفا بفارق الأهداف عن القطن الكاميرونى.
جدير بالذكر أن أنيمبا النيجيرى قد حصد بطاقة الصعود الأولى عن هذه المجموعة، بعدما ارتفع رصيده إلى 11 نقطة إثر فوزه على الهلال.
http://www.youm7.com/News.asp?NewsID=490318&SecID=298
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
خليك وراء الكضاب حتي باب الدار
اللاعبون يعترفون بالتقصير ويتعاهدون على التعويض في لقاء الرجاء بالدار البيضاء
الاثنين 12 سبتمبر 2011 الساعة 3:49
استمر لاكثر من ساعتين بصالة كبار الزوار ....اجتماع مواجهة عاصف بين مجلس الهلال واللاعبين قبل مران الأمس
الاســــــد يتحــــدث نيــــابة عــــن اللاعبــــين ويشيــــد بالحضــــور الكامل للمجمـــــوعة
كتب: ابراهيم الجيلي
عقد مجلس ادارة نادي الهلال اجتماع مواجهة عاصف وساخن برئاسة الامين البرير رئيس مجلس ادارة النادي بالجهاز الفني باكمله ولاعبي فريق كرة القدم الذين سجلوا حضورا كاملا عدا الثنائي المصاب عبده جابر وسامي عبدالله الموجود بالامارات لتلقي العلاج حيث ناقش المجلس اسباب الخسارة بهدفين مقابل هدف امام اينمبا في الجولة قبل الاخيرة لدور المجموعات وساد الاجتماع جانب من الشفافية واعترف نجوم الفريق بالتقصير بسبب الظروف التي صاحبت المباراة من اصابات وخلافه من خلال الحديث الذي ادلي به عدد من اللاعبين من داخل الاجتماع الذي ازال كل ماعلق بالنفوس وتعاهد الجهاز الفني واللاعبون بان هناك هدفا يودون الوصول اليه هو تخطي الرجاء المغربي بالدار البيضاء والوصول لنصف النهائي وسيعملون كل مايمكن ان يضع الهلال مع الاربعة الكبار حيث وصف الجميع ان الخسارة كانت غير واردة ولكنها مسطرة ومقدرة ان يسقط الفريق بارضه ووسط جمهوره احزنت ملايين الشعب السوداني حيث جدد المجلس الثقة في الجهاز الفني واللاعبين بعد ان تعاهدوا على مسح الصورة السلبية التي ظهر بها الفريق في مباراة اينمبا وتحملوا مهمة وضع اسم الفريق في المربع الذهبي للاندية ابطال افريقيا.
واختتم فوزي المرضي مدير الكرة الذي اشاد بدور المجلس الذي وفر كل مامن شأنه ان يسهم في تهيئة فريق كرة القدم وقال ان حضور 23 لاعبا للمران الاول عقب الخسارة من اصل 25 لاعبا بمن فيهم المصابون يعتبر ذلك قمة في الانضباط والاحترام للمواعيد والمسئولية مؤكدا ان ذلك يؤكد اعترافا بالواجبات والمسئولية الملقاة على عاتقهم وثمن الاسد الروح التي اظهرها اللاعبون في الاجتماع والردود المنطقية وقال ان ذلك يؤكد مدي جاهزية الجميع للمعركة القادمة هذه المرة بالمغرب مشيرا بان الهلال قادر علي اعادة اموره بيده لابيد غيره وفي انتظار ماتسفر عنه مباراة القطن وإينمبا النيجيري متمنيا ان يطبق الفريقان شعار اللعب النظيف وقال ان الهلال قادر على الصحوة التي ستعيد الفرحة لجماهيره وتضعه في نصف النهائي باذن الله
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
يا خليل
أحد كتاب الهلال وصف المريخ خلال مشاركته السابقة في دوري المجموعات بالأرنب ..
في إعتقادي بأن الأرنب الحقيقي هو الهلال
والكل يعرف أن الأرنب في ألعاب القوى هو المتسابق الذي يتقدم السباق في بدايته حتى يخال لك أنه الفائز لا محالة
وعند نهاية السباق تبحث عنه ولا تجد له أي أثر أو خبر (رحلوا وما تركوا خبر)
وهذا ما ينطبق تماماً على الهلال في كل عام
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: عبد الرازق سعيد)
|
Quote: يا خليل
أحد كتاب الهلال وصف المريخ خلال مشاركته السابقة في دوري المجموعات بالأرنب ..
في إعتقادي بأن الأرنب الحقيقي هو الهلال
والكل يعرف أن الأرنب في ألعاب القوى هو المتسابق الذي يتقدم السباق في بدايته حتى يخال لك أنه الفائز لا محالة
وعند نهاية السباق تبحث عنه ولا تجد له أي أثر أو خبر (رحلوا وما تركوا خبر)
وهذا ما ينطبق تماماً على الهلال في كل عام
|
عبدالرازق
كل سنة وانت طيب
او ممكن ان نقول عليه تسفاي
لقب يطلق علي سواق الترلة
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: khaleel)
|
خلو
ترم تررررررررررم ترم
يا خلي معليش يا حبيب والحكاية دي مفروض تكون عادية
بالنسبة ليكم كل سنة بتحدث..
مشكلتنا عدم الثبات في الامتار الاولــى من المنافسه
ومشكلتم دائماً هي الامتار الأخيرة ..
نحن لو وصلنا مرحلتكم دي كان عيييييييييييييك خليها بس
بالجد حكاية محزنة .. وتعيش وتاخد غيرها
تحياتي
| |
|
|
|
|
|
|
|
|
|
Re: وكتبت لي ريدنا الفناء وبقت النهاية المحزنة (Re: الامين موسى البشاري)
|
Quote: خلو
ترم تررررررررررم ترم
يا خلي معليش يا حبيب والحكاية دي مفروض تكون عادية
بالنسبة ليكم كل سنة بتحدث..
مشكلتنا عدم الثبات في الامتار الاولــى من المنافسه
ومشكلتم دائماً هي الامتار الأخيرة ..
نحن لو وصلنا مرحلتكم دي كان عيييييييييييييك خليها بس
بالجد حكاية محزنة .. وتعيش وتاخد غيرها
تحياتي |
بشاري
شوف الاهلي القاهري بالامس كيف قاتل خارج الديار للابقاء علي حظوظه
ولاحظ كيف تفريط الهلال
حاجة عجيبة نمشي نجيبا
مشتاقين
| |
|
|
|
|
|
|
| |
khaleel
فايزودالقاضي
ابراهيم محمد الحسن
محمد عبد الماجد الصايم
وليد عبد اللطيف
haroon diyab
الحاج حمد الحاج
على محمد على بشير
Magdi Ahmed Elsheikh
رشا احمد
الامين موسى البشاري
فيس بوك
تويتر
انستقرام
يوتيوب
بنتيريست