|
|
|
 Re: إطلاق نار بالقرب من وزارة الداخلية (Re: المكاشفي الخضر الطاهر)
|
أخبار غير مؤكدة
حكى لنا أحد الافراد قال في واحد ملتحي يحمل كلاش واطلق النار على عربة مراسم (الاقوال متضاربة هل هي مراسم الشرطة ام مراسم القصر ام مراسم الولاية غايتو اخبار غير مؤكدة ماهي العربة التى اطلق عليها الرصاص
دقيقة بس بجيكم بالنجيضة
لكن اطمئنكم لقد تم القبض على الجاني واقتيدة الى قسم الشرطة
| |
 
|
|
|
|
|
|
|
|
Re: إطلاق نار بالقرب من وزارة الداخلية (Re: المكاشفي الخضر الطاهر)
|
الزول ختف الكلاش من حرس برج الفاتح وركب في امجاد واتجه الى الشرق حتى وصل الى الداخلية مع زحمة العربات خرج من الامجاد وضرب السيارة بتاعة المراسم بالقرب من تقاطع الطيار مراد مع النيل
هوي دي اخبار غير مؤكدة فقط من افواه المارة
الشارع رجع لطبيعته والعربات رجعت لطبيعتها ولا توجد اي مظاهر هلع او شيءغريب
| |
|
|
|
|
|
|
|
|
|
Re: إطلاق نار بالقرب من وزارة الداخلية (Re: المكاشفي الخضر الطاهر)
|
غايتو كلام الناس المتجمهرين
بيقولو الزول دا مجنون وماكان راكب امجاد بل الامجاد دي استخدمها ساتر وضرب ليهو عربية لاندكروزر وتبادل اطلاق النار ورجل المرور قبضو وكتفوه سريع وبرضو مامعروف الكلاش جابو من وين في قول بيقول جابو من حراس برج الفاتح وواحد بيقول شايلو معاهو وداسيهو في عربية لانو جاء جاري على التقاطع ويكورك
المهم الحصل المؤكد :
رجل ملتحي يحمل كلاشنكوف فكاليهو اكثر من تلاتة طلقات بالقرب من تقاطع الداخلية مع النيل واشتبك مع عربة مراسم وقبضوه وكتفوه
الزول دا جايي من وين الله اعلم
كان راكب شنو الله اعلم
الكلاش جابو من وين الله اعلم
العارف حاجة يورينا ليها انا غايتو دي المعلومات العندي حختى هذه اللحظة والشارع فاضيي هذه الساعة 3 ظهراً
| |
|
|
|
|
|
|
|
|
|
Re: إطلاق نار بالقرب من وزارة الداخلية (Re: المكاشفي الخضر الطاهر)
|
ههههههههه
عارف يا المكاشفي كلامك دا زكرني واحد بلدياتنا عندو دكان قام خلي اخوهو فيهو قال ليهو بس انتظرني هنا ماشي مشوار وبجي راجع قام مشي اها صاحبنا قاعد في الدكان جاهو واحد قال ليهو وينو فلان قام قال ليهو عليك الله قوليهو فلان جاك هنا وقال ليك وقال ليك (كلام مهم) اها لما صاحب الدكان جا راجع قال ليه اها الحاصل شنو؟ قال ليهو والله جاك منو كدا ما عارف وقال ليك شنو كدا ما عارف بتاع الدكان قال ليهو ياخ تعرفك التطلع زيتك
دحين يا المكاشفي عليك الله ركز وماتخليك طوااااااااااالي زول لفاح ومشاتر سمح؟
| |
|
|
|
|
|
|
|
|
 Re: إطلاق نار بالقرب من وزارة الداخلية (Re: Elfatih Abuelhia)
|
Quote: تحياتي اخي المكاشفي ..
حسب مصادري ..
- خطف الرجل سلاحا من احد افراد شرطة السياحة ببرج الفاتح .
- اطلق النار على عربة مراسم ( فارغة ) تحمل السائق فقط ..
- تم القبض على الرجل .
تحياتي وونتظر معك بيان الشرطة . |
الاخ معتصم
نعم هذا هو الراجح حتى الآن وننتظر التفاصيل
انت وين يا معتصم جيتك يوم الاثنين ومالقيتك
| |
|
|
|
|
|
|
|
|
 Re: إطلاق نار بالقرب من وزارة الداخلية (Re: المكاشفي الخضر الطاهر)
|
بكري الخير
سلامات يا اخي انت دايرني اقول لي كلام متضارب ؟
انا كلام متضارب ما بقولو انا بقول الكلام الأجمع عليهو كل من سالتهم
كلهم اتفقوا انو الزول دا ضرب عربة المراسم وقبض عليه واقتيدة الى الشرطة
اما الكلام المتضارب واحد يقول ليك راكب امجاد
واحد يقول ليك لا راكب لاندكروزر مظلل
واحد يقول ليك راكب عربة بوكس مملح فيها ونزل منها وقام جاري على عربة المراسم
واحد يقول ليك الزول دا ماشي بالشارع ساكت وشايل الكلاش
واحد يوقول ليك ختف الكلاش من ناس برج الفاتح
وواحد يوقول ليك ....
اها يابكري انت لو في موقفي دا بتقول شنو ؟
يعني الواحد تاني ما يجيب ليكم خبر عاجل ولا شنو
غلطان أنا يابكري الخير
| |
|
|
|
|
|
|
|
|
|
Re: إطلاق نار بالقرب من وزارة الداخلية (Re: على ميرغني)
|
Quote: الخرطوم: smc
أعتقلت الشرطة أحد الأشخاص أطلق أعيرة نارية على عربة تشريفة تتبع لرئاسة الجمهورية بشارع النيل بالخرطوم.
وقال مصدر شرطي لـ(smc) إن أحد الأشخاص المعتوهين استولى على سلاح أحد حراس تأمين فندق برج الفاتح وقاد عربة تخص أحمد المعتمدين وقام بإطلاق أعيرة نارية تجاه العربة التشريفية دون أن يصاب أحد بأذى.
وأكدت الشرطة هدوء الأحوال وأن حركة المرور انسابت بانتظام بعد القبض على مطلق النار ولا تزال التحريات جارية للوقوف على تفاصيل الحادث وكشف ملابساته
|
| |
|
|
|
|
|
|
|
|
|
Re: إطلاق نار بالقرب من وزارة الداخلية (Re: المكاشفي الخضر الطاهر)
|
المكاشفى سلامات
| Quote: وقال مصدر شرطي لـ(smc) إن أحد الأشخاص المعتوهين استولى على سلاح أحد حراس تأمين فندق برج الفاتح وقاد عربة تخص أحمد المعتمدين وقام بإطلاق أعيرة نارية تجاه العربة التشريفية دون أن يصاب أحد بأذى. |
يا مزمل ياخوى الزول بكون مغبون وليس معتوه لأنو من برج الفاتح ما فتح نار الا فى الداخلية أكيد الزول ده خلاص وصل الحد وفاض بيهو
الله يستر
تحياتى يا مزمل
| |
|
|
|
|
|
|
|
|
 Re: إطلاق نار بالقرب من وزارة الداخلية (Re: صلاح شكوكو)
|
اها يابكري الخير
وشهد شاهد من أهلها اهو على ميرغني دا زول بتاع اخبار وبتاع تحقيقات وكمان بتاع هام واعاجل وهو من يفتي هنا وإنت زول اكاديمي يسمعوا كلامك انت الاكاديمي ولا كلام الزول المتخصص في الاخبار الصحفي ؟؟؟ رد على
بعدين الجزيرة والسي ان ان والبيبيسي كلها بتقول عبارة( لم تتوفر الينا اخبار مؤكدة حتى وسنوافيكم لاحقاً بالتفاصيل ) اها يابكري دايرنا نكذب العالم ديل كلهم اهل الجلد والراس ونصدقك انت ؟؟
يا اخووي يا بكري اسعد الله مساءك بكل الخير يابكري الخير
| |
|
|
|
|
|
|
| |
المكاشفي الخضر الطاهر
معتصم محمد صالح
بكري الخير
خالد العبيد
Elfatih Abuelhia
مزمل خيرى
حسن حماد محمد
فيصل محمد خليل
Amani Al Ajab
عمار عبدالله عبدالرحمن
صلاح شكوكو
سفيان بشير نابرى
الصادق اسماعيل
فيس بوك
تويتر
انستقرام
يوتيوب
بنتيريست