|
Re: سرق خرس الزمن حسِك ولا السكات غلب النشيد (Re: أبوذر بابكر)
|
Quote: وقعدت حداكى قدام مزارات الشموس الغايبه ليها أزل ندهت معاكى ريحة الفرح البتاوق فوق شقانا يا صفصافه مين ودر صباح نهرك جدع ليلك بعيد يا قمريه وينو غناكى مين شتت هديل عمرك سرق خرس الزمن حسك ولا السكات غلب النشيد يا عطريه وينو شذاكى مين دنس صلاة زهرك دفن جوه الفيافى مناكى حلمك رهاب جوه العطش محبوس دمك يباب مسمر فى الأسى الجواكى ونحن ليهو نكوس
قدام منامات الشموس الغايبه ليها أزل عبيت قِرب ليلك عذاب قبال تصل ومرقة بدرى زى عمرك يتيمه صباحا بعيد وما ملحوق وفتحتَ فى العينين مسارب سويت دروب سيلك سراب مرقة غنا الناس القراب تفضح بالحنين أمرك والمواويل القديمه هدت حيلك الممحوق مضاريا بالشوق المحل
قدام مزارات الشموس رجيت غيماتك الفسلا قعدت براى زى عشم الأرض مدسوس يا جايينا من جوانا اتمهل يا حابسنا جوه دمانا اتمهل يا طافينا بى نيرانا اتمهل شيل ضو الصبر فانوس وعاين فى ضلام دنيانا بى مهلا
قدام مزارات الشموس الغايبه ليها أزل قبال مواعيد الخفوت شمسك مكتفه بالضلام قبال مراكب الخوف تصل لملم شراع حزنك وفوت للشوق هنا طعم البيوت للنيل هناك مليون سلام
للشوق هنا طعم البيوت للنيل هناك ريحة الوئام |
سلام عليك صاحبي طبت شعراً وطاب بك الشعر
وقلت: ليته جدع الليل بعيداً فأراحنا لكنها شكيمة الليل حولت حتى نهار الأحلام إلى لونه
| |
|
|
|
|
|
|
Re: سرق خرس الزمن حسِك ولا السكات غلب النشيد (Re: بله محمد الفاضل)
|
تحية ...واصل يا اباذر في التحليق والملامسة ايضا لاشجاننا و(عشمنا)...
عشم الارض سينبت سنبلة التطهر من الفجيعة...ويطرح بذور اللقاح وتباشير الحصاد...حين يندلق ماء العرق السخين كفاحا ورحمة للمغلوبين علي امرهم...
اباذر دع المنجل مغروسا لا تبالي( سطوة الراعي ولا ال###### المجرب ) فالاوردة تحمل السكين و(الجفير) والخيول في الصهيل..
سلام
| |
|
|
|
|
|
|
Re: سرق خرس الزمن حسِك ولا السكات غلب النشيد (Re: محمد الكامل عبد الحليم)
|
كل عطر التحية ليك يا محمد الكامل
وشذى التقدير
البيت معروف فعلا ومشهور ومن قصيدة ايليا ابو ماضى، ما تبع الشابى واسمها "فى الليل" لو ما خاتنى الذاكرة وبتبدى بى
شرف البدر على الغابة في إحدى اليالي فرأى الثعلب يمشي خلة بين الدوالي كلما لاح خيال ، خاف من ذاك الخيال
لغاية ما يصل للبيت المقصود ويقول
عشت حرا جيرتي الشهب ولي الظلماء مركب آمنا، ألعب بالبرق وطورا بي يلعب لا أبالي سطوة الراعي ولا ال كل ب المجرّب
ولا يهمك يا زول الحذف والتعديل بتعمل تلقائيا لكلمات معينة طبعا بغض النظر عن السياق البتجى فيه
| |
|
|
|
|
|
|
Re: سرق خرس الزمن حسِك ولا السكات غلب النشيد (Re: أبوذر بابكر)
|
Quote: قدام مزارات الشموس رجيت غيماتك الفسلا قعدت براى زى عشم الأرض مدسوس يا جايينا من جوانا اتمهل يا حابسنا جوه دمانا اتمهل يا طافينا بى نيرانا
اتمهل
شيل ضو الصبر فانوس وعاين فى ضلام دنيانا
بى مهلا |
آخوى ابوذر....مالك بتهبش فى الجروح...التى تغور...كل يوم
فى اجساد...ورمد عقولها....يحلم....
فما بالك....برجالاً...لى الليلة "سيفُاً" فى الجراب يصرخ "سنين"
أو كما قال شاعرنا الفحل "حميد"....
أحكى عنك ما سكت و لا سكتنا...
صديق القاعد بعيد
| |
|
|
|
|
|
|
Re: سرق خرس الزمن حسِك ولا السكات غلب النشيد (Re: أبوذر بابكر)
|
Quote: صديق القريب
انت قريب مننا يا زول يا سمح
اقرب من حبل الوريد وازهى من معنى القصيد واجمل من صباح العيد |
سنوات و سنين....انتظر...وجدان كلمة "حق"....تتحدى وجدانى...المثقل...بهموم وطن..."يتهاوى" الى الحضيض...
وجدتها.......
لابد لهذأ الجمال أن يذهب الى....كل نفسٍ...تحس فيه بدفئنا....نحن شعب....السودان....العظيم...
الذى لا يجب أن يحكمه "اقزام".....من زمناً..لا يتذكره....احداً.....
صديق القاعد بعيد
| |
|
|
|
|
|
|
|