|
|
 سؤال: لماذا مني وخليل وعبدالواحد والحلو وعقار احياء يرزقون؟؟
|
لكل اجل كتاب، نعلم هذا
لكن برضو سؤال، طالما قتل الى الآن ارقام تفوق البرع مليون بني آدم من جراء تحركاتهم ضد النظام؟؟
عندي اجابة واحدة، والداير يجتهد يجتهد، حبابو، البوست بوستيه
لان في تقديري، ان المستهدف ليسوا هؤلاء من قبل الحكومة، المستهدفين الحقيقيين هم انسان دارفور و كردفان والنيل الازرق
بربكم، الحكومة تعلم ان في صبيحة اليوم التالي لضرب النار سيهيم الآلاف على وجوههم هربا من جحيم الانتنوف والدانات
اي عسكري واي مسئول حكومي وافق على العملية العسكرية، يعلم تماماانه بعد عشرين سنة من خبرة المواطن في احداث القتال
الكيزانية، ان الحكومة تلجأ لاسلوب الارض المحروقة، وسيبدأ الهرب فورا
|
|
 
|
|
|
|
|
|
|
|
Re: سؤال: لماذا مني وخليل وعبدالواحد والحلو وعقار احياء يرزقون؟؟ (Re: أحمد ابن عوف)
|
ما المحصلة النهائية لمشكلة دارفور؟؟
لا تنمية، لا توزيع عادل للسلطة والثروة، لا اتفاقية واحدة تسير على قدميها
العبرة بالنتائج كما يقولون
النتيجة هي، مقتل 300 الف دارفوري ، ووضع 5 مليون آخرين في محميات (كما فعل الابيض بالهندي الامريكي) الا ان تبخروا
من يقتنع، ان الحكومة من اجل ان تقضي على 3 قادة هم مني وعبدالواحد وخليل، وشوية شباب مسلح وكم عربية تاتشر
يتم حرق، آلاف القرى، وقتل 35 الفا قتلا مباشرا والبقية بصورة غير مباشرة، وتعطيل التنمية في اقليم بمساحة فرنسا
فقط من اجل هؤلاء؟؟
اذن الهدف بالنسبة لي هو انسان دارفور، وما هؤلاء وجنودهم الا شماعة يتاجر بها الكيزان
| |
|
|
|
|
|
|
|
|
|
Re: سؤال: لماذا مني وخليل وعبدالواحد والحلو وعقار احياء يرزقون؟؟ (Re: أحمد ابن عوف)
|
وينو الحلو؟؟
قاااعد، وعارفينه وين والحكومة ما سالها فيهو زاتو
لييه، لان الغرض من الحملة تم تحقيقة، كم شخص مدني قتل او نزح عن قريتة من جراء الاحداث في جنوب كردفان
بالآلاف، وديل غضب الحكومة عليهم اكبر من ناس دارفور زاتو، منعوا منهم المنظمات الاجنبية، ورفضوا رفضا باتا
اقامة معسكرات للنازيحن كما حدث بدارفور
يعني شتتوا في ارض السودان الواسعة دي، وما ترجعوا الجبال دي تاني
يعني اذا كان انسان دارفور يشتكي او يقلق من ان يصيب النسيج الاجتماعي بعض التهتك
انسان جنوب كردفان دا تاني حاله ببقى زي "يوم يفر المرء من اخيه وصاحبته وبنيه"
ما ح يلم في اهله زاتو
وبالمناسبة، دي شكوى اساسيه في جنوب كردفان، ان البعض لا يعلم اين اسرته، اخير ناس دارفور
اهو ململمين في معسكرات ونوعا ما حافظوا على الترابط الاسري والقروي والاقبلي فيما بينهم
وما حدث لانسان جنوب طردفان ليس بالصدفة، بل ان المؤتمر الوطني استفاد من "دقستة" في معسكرات دارفور
وتعلم من "اخطائه" في حق الانسانية، لذلك لن يرغب في تكرار مشكلة المعسكرات، طبعا با اخوانا هم ما عملوا
كده بس حقارة منهم ساكت، (مع انها ما بعيدة عليهم) لكن معسكرات النازيحين بدارفور خلقت واقع سياسي او لنقل
اصبحت كتلة سياسية لساكنيها لهم آرائهم الخاصة بعيدا عن قادة الحركات وتنظيمات دارفور السياسية المختلفة
وهذا ما لم ترغب به الحكومة ان يتكرر نفس المشهد مع انسان جنوب كردفان
| |
|
|
|
|
|
|
|
|
|
Re: سؤال: لماذا مني وخليل وعبدالواحد والحلو وعقار احياء يرزقون؟؟ (Re: أحمد ابن عوف)
|
وينو خليل
زول يجبك لحد امدرمان، تقوم تشرب معها الشاي والقهوة في شيراتون الدوحة، ولما الشكل
يقوم تاااني برضو تخليهو يروح من هني لا هني؟؟
دا كلام يا حكومة؟؟
ما تقبضي الزول دا وخلونا نخلص الخمسة مليون ديل من نوم الخيم وخليهم يرجعوا لمزارعهم ومواشيهم ومدارسهم وخلاويهم
وينو مني اركو؟؟
في زول في السودان دا ما بعرف مني اركو مناوي؟؟
الناس في السودان ما عرفت ولا سمعت بزول اسمه د. على فضل الا لمن مات في بيوت الاشباحـ لماذا تحسب الحكومة
للشهيد الدكتور على فضل الف حساب الى درجة تصفيته جسديا، وابو جيوش دا يجي ويمشي على كيفوا؟؟ لا وكمان عنده
مكتب في القصر
علي باليمين، كمية الكلمات السمعتها من مني اركو دا، اكتر من السمعتها في حياتي كلها من مولانا السيد الميرغني
الحكومة ما سالها فييييييهم
الحكومة وخطتها مشت زي الترتيب، ارض دارفور اصبحت ملكا للمؤتمر الوطني، وانسان دارفور لو ما لحق روحهو، بعد
شوية بنقرض زاتو
| |
|
|
|
|
|
|
|
|
|
Re: سؤال: لماذا مني وخليل وعبدالواحد والحلو وعقار احياء يرزقون؟؟ (Re: أحمد ابن عوف)
|
وينو مالك عقار؟؟
قااااعد، وعارفينو وين ولا ح يلاحقوهو ولا يحزنون، بس خليه يترزع في محلتو دي لحد ما نصفصف الولاية دي
من ناسها
الزول عقار اتخارج قبل تلااااتة ايام من الكعة، واتخارج بجيشة، هو عارف المؤتمر ناوي على نية، قال
اخير يا زول اسيب ليهم الملعب زاتو وما يلقو ليهم زول يتضاربو معاهو، المؤتمر الوطني دق الجرسة
هسع نشاكل منو، جات التعليمات، اضربو اي حاجة ياخين المهم النار تولع بعدين بايدي بطفيها
ربك ربك الخير، لقو ليهم قائد متخارج وسبحان الله كان آخر زول وفي آخر بوابة وراح مالينو جبخانة
ودا اليوم الدايرنو ليك زاتو يا انسان النيل الازرق، ضرب نار تقيل جدا لوش الصباح، كانوا بضربوا في شنو وفي منو ما عارف
المهم، النار دي تولع، ويصبح الصبح وطابور النازحين من المدينة بطول 30 كيلومتر، سريع سوي انقلاب واعلن حالة طواريء
اعلان حالة الطواريء ليس لعزل مالك عقار، اعلان حالة الطواريء يعني فيما يعني، ان انسان النيل الازرق ليس من حقه العودة
الى دياره الا بموافقة الحاكم العسكري، وهذا ما لن يحصل، يعني برضو شتتوا واتخارجوا لينا من الولاية دي، شوفوا ليكم
اي داهية تانية في السودان الكبير العوير دا، وبي كده بعد شوية تضيع ثقافة شعب كامل ويتفرق حالها بين القبائل الاخرى
وتسود دولة العروبة
| |
|
|
|
|
|
|
|
|
|
Re: سؤال: لماذا مني وخليل وعبدالواحد والحلو وعقار احياء يرزقون؟؟ (Re: أحمد ابن عوف)
|
نواصل من الحتة دي
| Quote: وتسود دولة العروبة |
عشان الاسطوانة الورمتو بيها اضان اي عروبي مستنكح بتاعت السودان بلد متعدد الثقافات والاثنيات دي الا تفتشوها في كتب التاريخ
لمن يجي زول ويقول ليك، ياخي ثقافة الانقسنا، يجيك الرد طوالي، وينهم ديل؟؟ وقاعدين وين زاتو؟؟
ياخي غناء الفور، ورقصات البقارة، ولغة النوبيين
برضو يجيك الرد، اشروا لينا عليهم واحنا بنصدقكم
!!!!!!!!!!
| |
|
|
|
|
|
|
|
|
|
Re: سؤال: لماذا مني وخليل وعبدالواحد والحلو وعقار احياء يرزقون؟؟ (Re: أحمد ابن عوف)
|
حقيقة هذا البوست ليس لانتقاص شيء من نضال هؤلاء الرجال
فقد ناضلوا وقدموا الكثير
فخليل يهيم بين طرابلس وسرت
ومني بين جوبا ووين ما عارف
وعبدالواحد ما زال يقبض على جمر القضية ولا يريد تلويث يديه بمصافحة القتلة
والحلو محاصر بين شعبة
ومالك بين الكرمك وقيسان وطائرات الانتنوف التي ظن انه ودعها في 2005 ما زالت تحوم فوق راسه الشايب
التحية لهم جميعا
| |
|
|
|
|
|
|
| |
أحمد ابن عوف
فيس بوك
تويتر
انستقرام
يوتيوب
بنتيريست