اطلعو الشارع .. وقولو (( الشعب يريد تغير النظام )) !! زي باقي خلق الله .. لكن ....! وستين لكن حايكون في حل ؟؟ حا نسكت ..؟ ما حانعارض ؟ وحانصبر علي الوضع الجديد ؟ مصر - ليبيا - تونس - وفي الطريق سوريا واليمن !! ؟؟ يا خوانا وين الاستقرار ؟؟ وين الامن والامان ؟ وين الحريه ؟؟ حيرتونا !! مرة عقار - ومرة الحلو - ومرة خليل - وما عارفين الجاي منو !! البشير كعب !! ؟؟ طيب الاحسن منو ؟؟ البشير زي الواطة دي ... الزول الكويس وين نلقاهو ...!! من خامس المستحيلات .. نرجع للديناصورات !! الجديد منو ووينو ؟؟ بلد رايحه !! بلد موجوعه !! وفي ناس مطحونه طحن عايزه تعيش - تعيش و بس الناس خاايفه خوف الموت .. من الحاصل كلو من الجوه الجك والبره الجك !! والله ما عندهم علاقه بالحلو بعد الغدا ! ولا نوع العقار الساكنين فيه ! - وخليلهم الليل ! ومنتظرين البشير وصابرين ! علي شنو الله اعلم حرب .. لي شنو ؟ حرب .. عشان شنو ؟ السودان اكبر منكم كلكم الله ينعل الحروب في القبل الاربعه - والله ينعل الكان السبب : : : خلونا بالله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة