|
|
 النسوان خشم بيوت !!!؟
|
.البوبارة..
بوبارةدي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش كلها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب
النوامة.........
تجي من الشغل نص النهار وزهجان.... تلقاها....تانيةالمخدة وخاته ايدها تحتها....وتشخر... وريالتها سايله...وحالتهابالبلا.....
الحوامة.........
طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام.....واول ما ينتهي الغدا ....تدخل في سفنجتها....استعداد لرحلة جديدة
اللوامة.....
دا ا
نوع مزعج جدا......لو جبت سيرة اخوك ساكت....تفتح فيهو...الله بيسألني.......سنتنا ديك وقت انت خليتنا بلا قروش وسافرت..... يدخل ويمرق علينا مدلدل ايدهو...كيس موز ساكت ما بيجي شايلو.......ولو جبت سيرة امك....... هي والله امك دي اصلها ما بتريدني.....من تشوفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين تسلم عليهم......
الفنانةحتمرق معاها وتقعد تحوم.....في الحفلات....وتشوف كرسي قدام.وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت...... تتحنفش...وتقوم.......الا يهجروك اتنين...علي الكرسي......وتجو نص الليل راجعين اهلكم....والنهار كلو نايمين...
الممحوقة .............
دي ان جبت دكان كامل وختيتو لها في البيت تكملو في يومين......تصوطو كلو فوق تحت............لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........
اللايوقة..........
دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة....طرشت؟...وقدرما تطنش هي مصرة.....وممكن تجي جنبك وتخجك.....خجة جامدة عشان تنتبه...... للنقة
الحنانة........
طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع مايلمسو الصبغة....
الحردانة.......
دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب....تطقطق...في اصابعيك.. ومدنقر في الواطة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوهاعندكم .....عشان توفر المشاوير والجري..........
المدرسة...........
أول حاجة دي ما بتقدر تفرق بينك وبين الطلبة.......وحتقعد..... تعيد وتكرر في الكلام مليون مرة..زي برنامج من الأمس الفي تلفزيون السودان....وممكن جدا تسرح وتقول لك فاهم يا شاطر؟
المدبرسة........
تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب
المفلسة.........
ما دايرة أي شرح
الكوبارة.........
دي تكبر أي موضوع...وتسوي ليهوتوم وشمار..... وتقولك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي...مااااااات ..ماااااااااات........ يسمعوها في الشارع....والغريبة لوانت كنت نايم وسمعتها..... تقوم مخلوع.....وتمرق من الاوضة لحدي نص الصالة.............اما لو كان عندك قلب مرضان....اللحظة ديك....من المهد الي اللحد
الخبّارة......
البي تدور الشمار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّجلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........
نصايح متأخرة
إن بقيت بخيت.....ربنا يديك....امرأة هدية ورضية.... السماحة ما ضروري لانو بعد شوية...... ما حتكون لك سمحة..... حتكون عادية........ نصيحة لك.....النسوان البقولن ديل اوعك تعرس واحدة فيه...
منقول
مع ودي
اماني الروح
|
|
 
|
|
|
|
|
|
|
 Re: النسوان خشم بيوت !!!؟ (Re: اماني محمد صالح)
|
Quote: المدبرسة........
تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب |
و الله الواحد كان لقليهو واحدة ذى دى.....حيعيش....سعيداً..... بصمتها.....و حا يكون زهجان معاها...طواللللللللى....
أما "نسوان خشم بيوت"....ديل ما شفناهم...ابداً....
صديق القاعد بعيد
| |
|
|
|
|
|
|
|
|
Re: النسوان خشم بيوت !!!؟ (Re: Siddig A. Omer)
|
Quote: مع ودي
اماني الروح |
.. خاتمة جميلة يا أمانى ، وأتمنى لك أن تكونى
أماني وسعادة دائما للروح ..
أما النسوان خشم بيوت ، فهذا فعلا فالمرأة حظوظ لمن يصطاد
خيارهن وأحلاهن جمالا ومودة ووفاء ..
لك تحيتى ..
محمد مختار جعفر
| |
|
|
|
|
|
|
|
|
|
Re: النسوان خشم بيوت !!!؟ (Re: اماني محمد صالح)
|
Quote:
إن بقيت بخيت.....ربنا يديك....امرأة هدية ورضية.... السماحة ما ضروري لانو بعد شوية...... ما حتكون لك سمحة..... حتكون عادية........ نصيحة لك.....النسوان البقولن ديل اوعك تعرس واحدة فيه...
|
الاخت/ أماني
كل عام وانتم بخير
طبعا ضروري تكون سمحة..
عارفة ليش!!
لما تبقى عادية.. يبقى راجل المرة حلاتو حلا!!
وده الشئ الحاصل..
تحياتي
| |
|
|
|
|
|
|
|
|
|
Re: النسوان خشم بيوت !!!؟ (Re: Abdlaziz Eisa)
|
يا سيدتي.... كوني له أربع حتى لا يتزوج عليكــــ..!!
(أجمل ما قرأت خلال هذا العيد)
باكية تهذي بالكلمات تصرخ وهى مشوشة الفكر
قلت لها : هدئى من روعك ماذا حدث ؟ احكي لي بهدوء حتى افهم
ولكن.... لا فائدة
جلست استمع لها احاول ان افهم من بين الكلمات مشكلتها
وجدتها تقول : الخائن ابعد كل هذا الحب ؟ بعد كل هذه العشرة ؟ بعد ان افنيت زهرة شبابى لخدمته و تربية اولاده .....بعد.....بعد ......
قلت لها : ثم ماذا ؟
قالت : يريد ان يتزوج
و بعد ساعات من محاولات لتهدئتها
قلت لها : بدلا من هذا الصراخ و العويل ألم تسالي نفسك لماذا ؟
لماذا هو يبحث عن اخرى مع انى اعرفه جيدا انه يحبكـ و لا يمكن ان يتخلى عنكـ
الم تسالى نفسك لماذا شرع الله له ان يتزوج باربع ؟
لانه بالطبع يحتاج الى اربع كى يستقر نفسيا و عاطفيا
قالت : هل معنى هذا ان ارضى بالامر الواقع ؟
قلت : لا بل كونى له اربع ان كنت فعلا تريدين الاحتفاظ به لنفسكـــــ..!!
قالت : و كيف ذلك ؟
قلت : ان الرجل يحب اربع انواع من النساء ..!!
¤§© الأولــى ¤§©
انه يحب الام ..!!
الام فى حنانها, فى عطائها اللامحدود, عطائها الصامت الذى لا يتبعه من و لا اذى
يريد اما فى سعة صدرها معه وفى تسامحها و عفوها ان هو اخطا و فى قبلتها و تشجيعها ان هو اصاب
فى تسليتها له و الاخذ بيديه فى الضراء والفرحة و البهجة فى السراء
فى سهرها بجواره عند مرضه او اثناء عمله و فى بشاشتها و سعادتها عند حضوره و قلقها و لهفتها عند غيابه
انه يريد امه التى فقدها بعد زواجه و يظل يحن اليها كلما احس بحاجته لها
¤§© الثـانــيـة ¤§©
ثم هو يريد الحبيبة العاشقة التى تتفنن فى سرقة قلبة وفى اثارة رجولته يريد امراة لعوب تبهره بقوامها و عطرها كما تبهره بانوثتها و سحرها يريد على فراشه انثى تثيره و تمتعه بمنظرها و عطرها و لين جسمها و كلماتها يريدها ان تذوب بين يديه عشقا و شوقا و هياما
¤§© الثــالثــة ¤§©
ثم هو يريد الصديقة : التى يبث اليها همومه و يستشيرها فى اموره يريد صديقة تحفظ سره و تستر عيبه لا زوجة تفشى سره و تفضح عيبه بين جاراتها و صديقاتها و اهلها
يريد عقلكـ و حكمتكـ و مشورتكـ لا لسانكـ و ثرثرتكـ فيما لا يهمه
يريد ان يتكلم فتحسنى الاستماع لا ان تتكلمى فتكثرى الشكوى من اعباء المنزل و مشاكل الاولاد فيلجا الى الصمت المنزلى او الى ترك البيت و قضاء معظم الوقت مع اصدقائه الذين يفهموه و يسمعوه
¤§© الرابــعــة ¤§©
ثم هو يريد الخادمة - نعم خادمة - يريدكـ ان تعدى له الطعام بيديكـ حتى و ان كان لديكـ خادمة
يريدكـ ان ترتبى اغراضه بنفسكـ
يريد ان يرى لمساتك انت فى اركان البيت
يريدكـ ان تعتنى بملابسه و مظهره و مظهركـ و مظهر اولاده
لا اقول ان هذا سهلا و لكنه يسير على من يسره الله عليه
استعينى بالله ولا تعجزى
اجلسى بين يديه اعترفى بتقصيرك فى حقه , عاهديه على اصلاح مافات و على ان يرى منكـ ما يريد
وهكذا ان اردت ان تملكيه وحدكـ فكونى اربع نسوة فى جسد واحد تملكى قلبه و عقله و روحه
.ان شاء الله
| |
|
|
|
|
|
|
|
|
|
Re: النسوان خشم بيوت !!!؟ (Re: Abdlaziz Eisa)
|
تحياتي
كثيرات قد يفضلن ان تكون لها ضرة على ان تكون له اربع
مهمة صعبة جدا بعدين لما يعرس الاخري الادوار تتوزع
ترتاح شوية ولا كيف
صح الكلام يا حريم
ولا ايدو في موية ما ذي ايدو في النار
مع ودي
اماني الروح
(عدل بواسطة اماني محمد صالح on 09-02-2011, 06:18 PM)
| |
|
|
|
|
|
|
| |
Siddig A. Omer
محمد مختار جعفر
Abdlaziz Eisa
فيس بوك
تويتر
انستقرام
يوتيوب
بنتيريست