الرئيس اليمنى (اتلحس) ويردد كلام الوداعيات وضاربى الرمل..

Quote: بدا الطاغيه كما الاراجوز وهذى بحديث غير مفهوم لكن الملفت فيما قال هو فساد المعارضين مما حدا بمراسل الbbc ان يتساءل عن ان الفساد عادة ما يوسم به من هو فى السلطه اما ان يوصف معارض بانه فاسد فهذه جديده..من ضمن هذيانه قال سفاح اليمن ان المعارضين عباره عن(حاسدين وحاقدين) وهو حديث يذكر بما يردده العرافون والوداعيات وضاربى الرمل ولم يتبقى للطاغيه الا ان يصرح بان خصومه(عاملين ليهو عمل ) ولاحول ولاقوة الابالله العلى العظيم..

Quote: اسمع يا دكتور الدال القدام اسمك دي حقيقية ولى بتاعة كيزان

Quote: بتاعة كيزان والله...

Quote: اسمع يا دكتور الدال القدام اسمك دي حقيقية ولى بتاعة كيزان ذى البروفسر الذى شاهدناه في مسيرة ضنب ككوا في التسعينات يهتف(خاسيء..خاسيء ياعنان)..بالله ده كلام يكتبو دكتور..في منبر حر دي ونسة مسنجرات ما تنفع ماذا تعرف عن اليمن ونظامها السياسي الحالي وماذا تعرف عن الرئيس على عبدالله صالح؟ بديك اسبوع يا دكتور تجيب لي تقرير علمي ان احداث اليمن يصلح في البي بي سي او مقال يصلح للنشر في الشرق الاوسط او القدس العربي فيما عدا ذلك انت كوز وذلك مبلغك من العلم اما اذا عايز تعرف الرئيس قال شنو وبخاطب الشعب اليمني وليس انت... قال من بداية الاحداث انه هذه الولاية الاخيرة دستوريا وتنتهي 2013انا بمشي بعد يجي رئيس جديد منتخب من الشعب في انتخابات مبكرة...وفقا للشرعية الدستورية وليه ما سالت نفسك لي لم يدعم المجتمع الدولي والدول الراسخة في الديموقراطية المعارضة اليمنية وهل قدرت الظروف التي جعلته في مستشفي والله انتو يا السودانيين انتو الفضائح عشان كده بجيبوا عرب اصليين بدلكم في الفضائيات لمناقشة قضايا السودان ولكن عاهات البورد كثيرة وما بتتعالج ابدا.....خليكم في سودانكم احسن.... اتمنى تكون كوز عشان ما يخيب ظني فيك

(عدل بواسطة محمد مصطفي مجذوب on 09-02-2011, 04:41 PM)

Quote: يا دكتور محمد ما كنت ترد عليه زاتو وجعت أصابع كيبوردك كل سنة وانت طيب

Quote: شكرا يا المجذوب وكل عام وانتم بخير ..لو رجع الرجل لارشيف المنبر لما اذانى بما قال لكن يالميدوب كما يقول اهلى فى الدامر بلادنا لم تحترق( من ساهل) اولى علاتنا الخفه فى تناول المواضيع وعدم احترامنا لبعضنا البعض والتجنى والعنف اللفظى وزى ما قالوا الخواجات Little knowledge too dangerous وربك يسهل ياقريبى...

Quote: دهشت يا اخ عادل وقد توهمت إنك كاتب وقارئ وخلافة كيف فات عليك في تناولك لما كتبه د. محمد بابكر أن الاصل في التحليل ان يري الكاتب فيما يكتب منظورا يختلف عن غيره . فهكذا يتم الاثراء في تعاطي الامور العامة سياسية كانت ام غير سياسية. وقد سبق الي ذلك المعني قوله تبارك وتعالي من دفع الناس بعضهم بعضا كيلا تفسد الارض فمن وجة نظري إن ما نقله د. محمد لم يجاف الحقيقه . وقد سمعناه جميعا من علي عبدالله صالح مرات ومرات حتي مللنا سماعه . ومافتئ يكررها وهو يقتل ويسجن ويعذب الالاف كل يوم.

Quote: بدا الطاغيه كما الاراجوز وهذى بحديث غير مفهوم لكن الملفت فيما قال هو فساد المعارضين مما حدا بمراسل الbbc ان يتساءل عن ان الفساد عادة ما يوسم به من هو فى السلطه اما ان يوصف معارض بانه فاسد فهذه جديده..من ضمن هذيانه قال سفاح اليمن ان المعارضين عباره عن(حاسدين وحاقدين) وهو حديث يذكر بما يردده العرافون والوداعيات وضاربى الرمل ولم يتبقى للطاغيه الا ان يصرح بان خصومه(عاملين ليهو عمل ) ولاحول ولاقوة الابالله العلى العظيم..