|
|
 عم الرئيس طاشم وأقف زمبارة
|
الشرطة ألقت القبض
علي عم الرئيس الأمريكي أوباما في مدينة فرمنهام
في ولأية ماساتشوستس وهو يغني بالسواحيلية تلك الأغنية المشهورة :
ساسا .. ماني
كاكا .. تاني
رك . رك . رك . رك
|
|
  
|
|
|
|
|
|
|
|
Re: عم الرئيس طاشم وأقف زمبارة (Re: Osman Musa)
|
البارح استمعت لي حديث وأحد خبير من ناس
ال Department Of Transportation بيتحدث عن
قوانين القيادة في الولايات المتحدة . وعن التقدم الحصل في هادا المجال .
الناس ديل ماخلو شيء عشان خدمة الناس .
| |
|
|
|
|
|
|
|
|
|
Re: عم الرئيس طاشم وأقف زمبارة (Re: Osman Musa)
|
الشرطة الأمريكية تعتقلُ عمَّ أوباما مخمورا
الدولية
الاربعاء 31 آب (أغسطس) 2011
اونيانجو اوباما عم الرئيس الأمريكي باراك أوباما
اعتقلت الشرطة الأمريكية اونيانجو أوباما، عم الرئيس الأمريكي باراك أوباما، بتهمة قيادة السيارة في حالة سكر، حيث ستحيله على القضاء و عدم احترام قانون السير و رفض التوقف.
و قالت مسؤولة أمريكية إن أحد أقارب الرئيس الأمريكي باراك أوباما القي القبض عليه الأسبوع الماضي خارج بوسطن بتهمة القيادة تحت تأثير الخمر.
وقالت كارا اوبراين المتحدثة باسم مكتب النائب العام لمقاطعة ميدلسكس ان اونيانجو اوباما (67 عاما) وهو من فرامنجهام بولاية ماساتشوستس القي القبض عليه، ووجهت اليه اتهامات بقيادة السيارة تحت تأثير الكحول وعدم التوقف في تقاطع للطرق وقيادة السيارة باهمال.
وأكد مسؤول بالادارة أن أونيانجو أوباما هو الاخ غير الشقيق لوالد الرئيس أوباما الكيني.
وقالت اوبراين ان اونيانجو انكر التهم الموجهة اليه في محكمة فرامنجهام الجزئية.
| |
|
|
|
|
|
|
|
|
|
Re: عم الرئيس طاشم وأقف زمبارة (Re: رغيم عثمان رغيم الحسن)
|
Quote: وقالت كارا اوبراين المتحدثة باسم مكتب النائب العام لمقاطعة ميدلسكس ان اونيانجو اوباما (67 عاما) وهو من فرامنجهام بولاية ماساتشوستس القي القبض عليه، ووجهت اليه اتهامات بقيادة السيارة تحت تأثير الكحول وعدم التوقف في تقاطع للطرق وقيادة السيارة باهمال.
|
الحكمة ضالة (العاقـل ... العادل)
وهاهو القانون الأمريكي يطبق أهم مبادئ (الشريعة الإسلامية) في المساواة بين الناس أمام القانون
ولو سكر عم أوباما .. لقدمته شرطة أوباما للمحاكمة ...
هو أرواح الناس (الأمريكان .. الكفار ...) لعـب ؟؟؟؟
أهي العدالة ولا بلاش ... وقبل كدا .. بيل كلينتون ومحاكمته عن فضيحة مونيكا لوينسكي , ومحاكمة ووترقيت الشهيرة
دي شعوب (كافرة) وعندها (ضميـر ..) تطبق أي (شريعة ...) عادلة أهملها المدعون لها ... هنا وهناك ...
جد جد ... مش دعاية _ دقون _ على منابر مساجد يؤمها البسطاء من الناس ...
مواصفات مشاريع ضائعة .. ولا عمارات منهارة ... ولا تقاوي فاسـدة ....
أحمد الشايقي
| |
|
|
|
|
|
|
|
|
|
Re: عم الرئيس طاشم وأقف زمبارة (Re: رغيم عثمان رغيم الحسن)
|
عزيزنا رغيم
سلامات
والعيد مبارك عليك والجميع .
عارف يا رغيم بس كلك واحدة من الشرطي نزلت information الدنيا والعالمين
.. كلك واحدة جابت خبرو من يوم دخل البلد ونوع العرديب الشربو ومعاني
كلمات أغنية ساسا ماني .
يا رغيم هسع عمو عندو محكمة طويلة عريضة . كيف عمو يفحط في ال trafic .
يطرب اليطرب زي ما داير . بس يفحط وهو وأقف زمبارة لا لا .
عاشت الديمقراطية وعاشت الحرية وعاش العدل .
تحياتي
| |
|
|
|
|
|
|
|
|
|
Re: عم الرئيس طاشم وأقف زمبارة (Re: Osman Musa)
|
عزيزنا أحمد
سلامات
وعيد مبارك
شايف ؟؟؟؟
عمو كان ضاحك ومتكيف يا أحمد .
زولك يدوبي بي السواحيلية لاحدي ما الشرطة كبست .
ياخ عرديب الخواجات ده فيه أنواع عجيبة .
أنا مندهش في سرعة ال reports . حقيقة بلد متقدم يا أحمد .
تحياتي
| |
|
|
|
|
|
|
|
|
|
Re: عم الرئيس طاشم وأقف زمبارة (Re: جمال الباقر)
|
اعيادك سعيدة
وادعو بوليس الخواجات الماعندو زوق لاخذ دورة في الاتوكيت
وفن التعامل الناس الكبيرة اوووووووووووي ,,
وانت عم الرئيس ده ما عندو لسان
ما كان يقول ليهم
انت عارف انا منو ؟؟؟؟؟؟؟؟؟
| |
|
|
|
|
|
|
|
|
|
Re: عم الرئيس طاشم وأقف زمبارة (Re: جمال الباقر)
|
ياعثمان هسع العم ده يكون عندو كم عمارة وشركة بإسمو؟
القبضوه ديل أكيد من عندهم رأي في ود أخوهو!!
الله لاكسبهم
الراجل قالوا تقي ودائما إيدو وعصايتو في السماء Governance to God the Almighty
| |
|
|
|
|
|
|
|
|
|
Re: عم الرئيس طاشم وأقف زمبارة (Re: حيدر حسن ميرغني)
|
عزيزنا حيدر
سلامات
ومبروك العيد مع الاهل يا أخي .
والله يا حيدر قصة عمو قصة مضحكة جد .
قالوا البوليس يا حيدر مندهش من الزول الطاشم وبتكلم عن
شعر اللغة السواحيلية . ودخل في التاريخ .
يا أخي العدالة سمحة . والحق حق .
تحياتي
| |
|
|
|
|
|
|
|
|
|
Re: عم الرئيس طاشم وأقف زمبارة (Re: Osman Musa)
|
الحبيب \عثمان موسي ,,, كل سنة وانت طيب
والله مشتاقين للشوفه يا عثمان ,, لكن صحي
في ناس كتاااار الشمار حارقهم لكن قتلت ليهم الدش
في .... وانا واحد منهم ,, قلت يا ربي عم الريس البقنية
لقاها وين ؟ لكن طلع عم الريس ضارب جوني ووووكر.
مودتي
| |
|
|
|
|
|
|
|
|
|
Re: عم الرئيس طاشم وأقف زمبارة (Re: سيف الدولة كامل)
|
في كندا
حكمت المحكمة على أبن رئيس وزراء أحد حكومات الأقاليم قبل يومين بالسجن عدة سنوات
ومنعه من القيادة لسبع سنوات
مقاضاة الرؤساء وأقربائهم في الدول الديمقراطية أمر عادي تماما
(قبلها عمدة أوتاوا وصاحب الصحف بلاك وأحد قادة الطيران و رئيس محافظة كولومبيا البريطانية في كندا)
لم نسمع يوما من يتحدث عن "الحصانة"
أو رمز سيادة الدولة
ولا باركوها يا ناس
العدالة تعني محاكمة الكبار
لأن الصغار ديل أمرهم هين
(الطريف في محاكمة أبن رئيس الوزراء الكندي قال الرئيس حول المحاكمة:
"لا أطلب تخفيف الحكم عليه لأنه إبني، فقط أرجو أن لا يزاد عليه العقاب .. لأنه أبني.")
قضاء مستقل تماما عن الجهاز التنفيذي (الحكومة)
لو رئيس الوزراء كان قال كلمة واحدة زيادة
كان ممكن جدا القاضي يحاكمو هو ذاتو
الباقر موسى
| |
|
|
|
|
|
|
|
|
|
Re: عم الرئيس طاشم وأقف زمبارة (Re: سيف الدولة كامل)
|
سيف الدولة ود عمي الكلس
سلامات
والعيد مبارك عليك وجميع سكان بروكلين بيردج الجميلة .
يا سيف عمو كان خامي الرماد خم السنين . قال للبوليس انا ما عملت
أي مخالفة . ولا أي تفحيط . وكل شيء كولد .
تحياتي
| |
|
|
|
|
|
|
|
|
|
Re: عم الرئيس طاشم وأقف زمبارة (Re: Osman Musa)
|
عزيزنا الباقر
سلامات
والعيد مبارك عليكم جميعا
يا الباقر أخوي في هادي البلاد السمحة العرديب العجيب موجود في أي
ملف تشرب في سكات وتمسك الدرب .
تغني علي كيفك . بس تفحط في شوارع الناس لالالا .
| |
|
|
|
|
|
|
|
|
|
Re: عم الرئيس طاشم وأقف زمبارة (Re: Osman Musa)
|
الاخ عثمان عيدك مبارك
عم الرئيس طاشم وأقف زمبارة
من حقو يقيف زمبارة ده عندهم حرية شخصية
لكن اول ما وصل حرية الاخرين فرملوه وحيسجمو سوقو.
والله فى بلاد ثانية خال الرئيس مافى زول قادر يقول ليهو البغلة فى البريق
تقول مشترينا!!!!
مرة يا عثمان وزير الداخلية الهولندى سحبو منو رخصة القيادة قالو لانو
قاد عربيتو تحت تأثير الكحول.
الراجل قال شرب ليهو كبايتين بس من البيرة الساقطة!!
انا قلت والله كبيبيتين شوية هى البقنية بتسوى شنو!!
المحيرنى يا عثمان الراجل ده مسكوه ناس الشرطة وهو وزير الداخلية
يعنى رئيسهم!!
حكم
كل الود
| |
|
|
|
|
|
|
|
|
|
Re: عم الرئيس طاشم وأقف زمبارة (Re: Fawzi Babiker)
|
عزيزنا د / فوزي عبدالله
كيفك يا ود بت العمة والعيد مبارك عليك
والأسرة الكريمة . هسع أنت هناك ولا هناك ولا هناك .
في ياتو بلد من البلدات ؟
ياخ أضرب بي جاي يقولو في الكويت . أضرب بي جاي
في هولندا بي جاي في الجزيرة ام طرفة . هو شنو هو ؟
يافوزي طشمة عمو دي ولا عبدالرسول في زمانو . ياخ الزول كاشح
سبعة أشارات وما جايب خبر .
تحياتي
| |
|
|
|
|
|
|
| |
Osman Musa
رغيم عثمان رغيم الحسن
أحمد الشايقي
جمال الباقر
عمار عبدالله عبدالرحمن
حيدر حسن ميرغني
بريمة محمد
سيف الدولة كامل
Elbagir Osman
معتصم محمد صالح
فيس بوك
تويتر
انستقرام
يوتيوب
بنتيريست