|
|
|
 Re: فيديـو لمظاهـرات الميـاه بأمدرمـان (Re: Elhadi)
|
شكرا يا الهادي..و التحية لناس امدرمان..ومن حقهم ان يشربوا موية نظيفة و متوفرة..
شر البلية ما يضحك يا صديقي..
الآنسة شروق كبر (8سنة)..واقفة جنبي و انا بتفرج في الفيديوهات..
قالت: الحاصل شنو؟
قلت : الناس قاعدة تظاهر في امدرمان لأنو الموية مقطوعة..
قالت: اصدقك تماما..
اندهشت و قلت ليها تصدقيني كيف يعني؟
قالت: لأنو المطافي ذاتها ما عندها موية عشان تطفي الحريقة..!!!
و دمت..
كبر
| |
  
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: Kabar)
|
الهادى !!
مظاهراتكم دى بالرقشات !!كلها كرررووو كع كع
بوووووو !
كبر !
| Quote: قالت: لأنو المطافي ذاتها ما عندها موية عشان تطفي الحريقة..!!! |
البت دى البقول ليها الكلام دا منووووووو ؟
غايتو المسوينو فينا كتيييير يا ناس برا ..
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: زياد جعفر عبدالله)
|
Quote: مع قناعتي أنو الناس ديل ما حا يمشوا بالمظاهرات
الناس ديل حا يمشوا بسيناريو زي المشى بيهو القذافي ده |
قلت لي يا الهادي الا زنقه زنقه؟؟؟!!!
=اياهم المطارده الكبرى.
الا برضو شكرا لناس ام درمان ما قصروا
تلقى الجماعه جاهم هلع كبير يومها!!
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: Tragie Mustafa)
|
| Quote: قالت: لأنو المطافي ذاتها ما عندها موية عشان تطفي الحريقة..!!! |
العزيز كبر..
تحياتي لك وللأبنة شروق كبر واللي يبدو أن معرفتها بالسودان وأحواله تفوق حتى الأكبر منها سناً !!
وتصديقاً لملاحظة الأبنة شروق أذكر فقط بحادثة احتراق طائرة سودانير القادمة من دمشق بعد "توقفها" في مدرج مطار الخرطوم والعدد الكبير من الشهداء والقتلى أكثر من (30) بالإضافة لمن اعتبر في عداد "المفقودين" !!! يعني تخيل بعد الحادثة تم الإشارة لستة ركاب اعتبروا في عداد المفقودين، وأنا ما عارف مفقودين في حالة زي دي كيف يتم تفسيرها؟؟
يكونوا وقعوا في الجو في مكان ما أثناء تحليق الطائرة في رحلتها المشئومة تلك ولا كيف؟؟؟ ما هو إما ماتوا في حادث الاحتراق أو نجوا
لكن تجوا تقول لي مفقودين دي ياكلوها بملاح شنو يعني ؟؟
الحادث المعني حمل إخفاق واضح لما يسمى بالدفاع المدني بالسودان مما تسبب في هذا العدد الكبير من القتلى بحسب وصف الناجون بعد الحادثة :
| Quote: وذكر الناجون الثلاثة لـ(السوداني) أنه بعد خروج كثير من الركاب لم تكن هناك أي سيارات إطفاء أو طوارئ ولم تصل سوى سيارة إطفاء واحدة بعد فترة وصفوها "بالطويلة" |
بالإضافة للكثير الذي قيل وقتها من أن بعض المواطنيين العاديين وصلوا للطائرة وحاولوا إنقاذ الركاب حتى قبل أن يدرك ناس الدفاع المدني ما يجري على أرض المدرج..
وده كوم والجزئية التانية في الاقتباس ده كوم براها كمان ..
| Quote: وتعرضت الطائرة المنكوبة ظهر امس الى انفجار ثانٍ اثناء محاولة اجلاء حطامها من مدرج المطار أدى إلى إصابة عدد آخر، وأدى الانفجار الثاني للطائرة المنكوبة ظهر امس إلى إصابة مدير مطار الخرطوم الفريق ركن يوسف إبراهيم ومدير مطافئ المطاروبعض أفراد الدفاع المدني ووقع الانفجار نتيجة انفجار خزان الوقود أثناء تقطيع الطائرة تمهيداً لنقل ركامها من أرض المطار، وتم إثر ذلك اغلاق المطار للمرة الثانية من الثانية عشرة ظهراً وحتى الثامنة مساء |
قول لي بتنا شروق يديك العافية :)
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: khaleel)
|
Quote: مظاهراتكم دى بالرقشات !!كلها كرررووو كع كع
بوووووو ! |
دينا خالد.. إزيك
العافية درجات يا دينا، المهم أن يخرج الناس للمطالبة بحقوقهم بأي صورة من الصور
الليلة رقشات وحريق لساتك، وكررروو كع كع بوووو، ثم غداً قد يرفعون البنادق
لمن بدأ المصريون كانوا بقولوا عليهم: أه دول شوية عيال بتوع فيسبوك
وفي ليبيا وصفوا بالجرذان..
ومن قبل في تونس النار التي أشعلها البائع المتجول الفقير "بوعزيزي" في نفسه أحرقت النظام التونسي بكامله
وأوقدت شعلة الحرية في الكثير من بلدان الوطن العربي..
تبدأ الحاجات صغيرة ثم سرعان ما تكبر يا دينا..
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: Elhadi)
|
الاخ الهادي والمرور الكريم رمضان كريم بداية حق التظاهر مكفول او ينبغي ان يكون مكفول لاشخص ان يعبر عن مطالبه وغضبه ولكن بشكل حضاري وليس بقذف السيارات بالحجارة وحرق اللساتك واشاعة الفوضي، فبالنهاية مشكلة المتظاهرين هي مع الحكومة وليس مع المواطن الاخر البسيط، وحرق اللساتك ماهو المغزي منه مثلا؟؟ هل يعني احتجاج؟ مع كل احترامي مع الذي شاهدته في الفيديو المجلوب اعتبر ان هذا شكل غير حضاري فالشكل الحضاري هو ان يتظاهر الناس رافعين يافطات وشعاات واضحة بمطالبهم، ان يستخدموا القرع علي الطناجر مثلا كما واضح احيانا وان بشكل فردي في الفديو، ان يتوجهوا للمؤسسات الي تتعاطي مع مشكلة المياه مباشرة ويقوموا بتسلميهم مذكرات مطلبية، وان يعتصموا هناك ويهتفوا حتي تلبي مطالبهم، مع اداركي التام ان هذه المظاهرات عفوية، لكن لم اجد مبرر للحرق كما اوضحت في عاليه مع احتراماتي.
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: محمود الدقم)
|
| Quote: ودي ما حركة تسقط ليها نظام عقائدي له أكثر من 22 سنة |
البشاري سلامات..
إن لم يكن هناك سلاح يحمي ظهر هؤلاء الشباب فسيقتلهم النظام وسيلقي بهم في السجون ويشردهم ويحرمهم حتى من أبسط حقوقهم
وده ليس تقليل من مجهود هؤلاء الشباب أو تثبيط لعزيمتهم ولكن 22 سنة من العذاب كافية جداً ليعرف الناس حقيقة هذا النظام وأمثل الطرق لمواجهته خصوصاً مع عدم وجود حركة سياسية في الشمال تشكل مكافئاً للنظام ويمكن لهؤلاء الشباب الاستناد عليها أو الركون لقيادتها لعمل معارض منظم يمكن أن يشكل ضغط وتهديد جدي وحقيقي للنظام.. مركز الثقل المعارض للنظام أنتقل للأطراف أو الهامش بعد أن تجاوزت الأحداث الأحزاب الشمالية التقليدية جميعها منذ زمن، والتي باتت لا تشكل سوى وجه العملة الآخر للإنقاذ، لذلك إذا كان الناس جادين في ذهاب الإنقاذ فعليهم العمل على دعم وتقوية هذا المركز الجديد والتخلي عن وهم صراع العروبة والافريقانية الذي كبلهم وغسل به أدمغتهم زعامات وقادة الأحزاب الشمالية لعقود..
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: Elhadi)
|
| Quote: مع أنو مجهود مقدر من الشباب ديل لنيل بعض حقوقم..و بداية الغيث قطرة. |
زياد .. سلامات
بالضبط هو مجهود مقدر يا زياد وما تنسى انو الشباب ديل خرجوا من تلقاء أنفسهم للتعبير عن مطالبهم ما في زول حرضهم ولا جهة سياسية وقفت خلفهم، بالعكس بعض الأحزاب وبعض قيادات الأحزاب تعمل على تخويف الناس من الخروج للشارع
| |
|
|
|
|
|
|
|
|
|
Re: فيديـو لمظاهـرات الميـاه بأمدرمـان (Re: Elhadi)
|
| Quote: تلقى الجماعه جاهم هلع كبير يومها!! |
تراجي يا عزيزة .. ازيييك
هو داب مطاردة يا تراجي ؟؟؟
زنقة زنقة... وحفرة حفرة
أو كما قال الشاعر:
من كادوقلي لااااااا عند سجن لاهاي..
هاب من الحلو.. وهاااااااااب من الحلو
المهم يا تراجي، إذا كان الناس فعلاً معولين على سيناريو شبيه بسيناريو الثورة الليبية فيجب الانتباه للخطاب الذي يصدر من البعض ويستغله النظام وحلفائه وبعض الزعامات التي تخشى على ما تعتقد أنه مكاسب تاريخية لها بالحق والباطل في إثارة وتغذية مخاوف الشماليين من المقاومة والثورات في الهامش والأطراف
| |
|
|
|
|
|
|
| |
Elhadi
Kabar
دينا خالد
الامين موسى البشاري
زياد جعفر عبدالله
Tragie Mustafa
khaleel
محمود الدقم
فيس بوك
تويتر
انستقرام
يوتيوب
بنتيريست