|
|
 ماهي الجهة المسئولة من حجب المواقع داخل السودان؟
|
تحية طيبة
ومبروك للأخ اسامة خليفة بانطلاق موقعهم الجديد
Http://wwww.ahleenmalaysia.com
السودان بلد غريب حير حتي الاستاف بتاع godaddy
اسم نطاق شغال في كل بلاد الله ... الا في السودان ...
وفي البداية كان يمكن الوصول له عبر رابط من القوقل الان لا يمكن الوصول اليه من اي مكان ... باختلاف الشركات واختلاف المستعرضات ...وأتمني من الموجودين في السودان تجربة الرابط اذا عمل بالصدفة ...
يمكن الوصول للموقع بطريقة واحدة وهي تتضمن تجاوز البروكسي ...
وللعارفين بأمور السودان الملتوية :
ماهي الجهة التي يمكن للمؤسسة صاحبة الموقع مخاطبتها بخصوص الأمر ... علماً بأن الموقع لا علاقة له بالسياسة ولا به ما يتطلب حظره ... اللهم الا اعتباطاً .. أو خطأ ..
تحياتي للجميع وكل عام وانتم بخير
|
|
  
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: احمد محمد بشير)
|
الأخ جعفر بشير
سـلام ... اولا ربنا يكون في عون السودان
الحاجة التانية يا ريت كان تجيب الرسالة
لما تفتح الموقع في السودان
هناك حالتين :
لو تم حجب الموقع من هيئة الاتصالات السودانية
وهي الجهة المسؤولة عن تقديم خدمة الانترنت
عبر شركات زين وسوداني .. الخ
وديل اسمهم مزودي خدمة انترنت (ISP)
Internet service providers
أؤكد لو تم حجب الموقع سوف تظهر لك رسالة تفيد
بحجب الموقع...
والاحتمال التاني
احتمال يكون من الشركة المستضيفة برضو godaddy
مش هي شركة أمريكية ؟ وامريكا مقاطعة السودان اقتصادياً
وتيب...
الحلول:
لو كان الموقع محجوب من السودان الله يعوضك
أمامك حلين
1. استخدام كاسر للبروكسبات للدخول للموقع
ودي صعبة بالنسبة للمستخدمين العاديين.
2. نقل استضافتك لشركة أخرى.
-- انتهى ---
الحل الثاني:
احتمال الشركة داخلة مع الشركات المقاطعة
في الحالة دي كدا خاطب الشركة وقول ليهم
عندي ناس ما قادرين يتصفحوا الموقع
لو مشكلة تقنية واحيانا تحصل بقوموا يحلوها ليك
بتغيير DNS او يشوفوا المشكلة وين وسوف تحل
احيانا في شركات ما بتغطي كل العالم ودي حصلت معاي
أنا شخصيا لمواقع قمت بتصميمها استضافتها كانت سعودية
بعضهم حل المشكلة والبعض الاخر اعطانا خيار نقل الاستضافة
واسترجاع المبلغ المدفوع..
المهم الان الرسالة البطلع لناس السودان شنو؟
الموقع محجوب ؟؟
ولا ما بشتغل كلو كلو
أتمنى اكون اضفت ليك حاجة مفيدة ودايما في الخدمة
تحياتي
| |
|
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: صبري طه)
|
Quote: السبب شنو غير معلوم وغير منطقي
والكلام ده ليه قريب السنتين |
يبقى دي النجيضة يا حبايب
لا علاقة للسودان بحجب الموقع وهو ما كنت أود التأكد منه
وزي ماذكرت في مداخلتي السابقة ... Godaddy
مقاطعة السودان زيها وزي الشركات الامريكية التانية
يا وليد هل بتجيك رسالة إنو الموقع محجوب؟
تحياتي
| |
|
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: الامين موسى البشاري)
|
| Quote: إذاً يا جعفر عليك بنقل النطاق من قو دادي إلى شركة نطاقات أخرى ... |
كلو النطاق والاستضافة ... بالرغم من أن
النطاق ممكن تخليهو في Godaddy عاادي
لأن ال DNS حيتغير يعني اخلص قروشك منهم حقت النطاق
والله صحي
والله يعوضك في قروش الاستضافة .. حقت المساحة
صبري كيفك يااااخ
_____
بالجنبة كده من غير ما بكري يسمع:
عندي ليك استضافة 100 100 وعلى ضمانتي لأني شريك فيها 
أي زول عايز استضافة برضو حبابو ألف .. والله صحي
| |
|
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: Gafar Bashir)
|
شكراً يا وليد ورمضان كريم ... وكل عام انت والاولاد بخير
شكرا علي المعلومات القيمة حول شركة قودادي والمواقع المستضافة بها لكن هنالك بعض الملاحظات حول هذا الحديث ...
اذا كان هنالك أية سياسة من قبل الشركة تجاه السودان كان من المفترض انه مجرد ما ذكرت طبيعة المشكلة للدعم الفني بشركة قودادي ان يتم إعلامي بذلك لكن ما يرجح عدم وجود مثل هذه المسألة هو انه ولأكثر من مرة لحل نفس المشكلة لم يصدر منهم ما او يرد منهم ما يؤكد هذا الحديث ... رغم انهم لا يعرفون ماذا يحدث بالضبط ولماذا لم يعمل الدومين في السودان ... لذا استبعد ان تكون المسألة من قبل قودادي ... وسوف اخاطبهم بهذا الشأن لمعرفة وجود مثل هذه السياسة بصورة مباشرة لمعرفة الأمر ...
في بداية الموقع عمل الموقع بالسودان بكل تأكيد فقد تمت تجربته من قبل اشخاص ووصفوا الموقع ومحتواه وهم في السودان ..
بعد فترة بدأ الموقع لا يعمل بكتابة اسم النطاق مباشرة بل عن طريق رابط من القوقل وقد تم التأكيد مرة أخري علي عمل الموقع ...
اذن ليس هنالك علي الأقل حسب معرفتي البسيطة سياسة من الشركة تجاه السودان وليس هنالك مشكلة تقنية في أن يعمل الدومين ...
لأنه وفي هذه الحالة الموجودة يمكن رؤية الموقع بتخطي البروكسي وهو أيضاً أمر مؤكد يمكنك تجربته ...
لذا كان بالنسبة لي الأمر الأكثر ترجيحاً هو حجب الموقع من قبل الهيئة القومية للاتصالات والمسألة في النهاية هي احتمالات واعتقد انه الارجح حتي نجد أساس المشكلة بمحاولة عدد من الحلول ...
واذا لم يكن هنالك مشقة رجاء تجريب الرابط التالي :
http://www.marasolutions.com
لتأكيد عدم عمل المواقع المستضافة في قودادي بالسودان لأنه لدي عدد كبير من المواقع مستضافة لدي الشركة ...
تحياتي وشكري لإسهامك في حل هذا اللغز العجيب
| |
|
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: Gafar Bashir)
|
تحياتي عزيز الامين البشاري
وشكرا لمجهودك الوافر في وضع الحلول لهذه المشكلة ...
وبمناسبة شركة الاستضافة التابعة لك ... أبشر ياسيدي ... بس انشالله علاقاتك الخارجية والداخلية كويسة مع حكومة الخرطوم والهيئة القومية (بلا دعم فني بلا بطيخ)...
طريقة الحجب من الواضح انها ليست من مقدمي الخدمة لأنه ليس هنالك اي رسالة او محتوي يبين حجب هذا الموقع وهذا يعني ان الحجب اذا حدث يكون من الهيئة .. وليس من
مقدمي الخدم والرسالة كما عرفتها ... couldn't connect to www.ahleenmalaysia.com
كما أسلفت فقد خاطبت الشركة (وهم متحيرين اكتر مني وما لاقين سبب) وليس هنالك أية إشارة لوجود سياسة مقاطعة أو غيره للسودان وفي الحقيقة خجلت اسألهم سؤال مباشر زي ده (عشان ما يستغبوني) لكن اذا اتضح انو المشكلة ما من الهيئة اكيد حأسالهم لانو ما بقي حاجة فاضلة ... وحسب ما قالوا لا تود اية مشكلة فنية ... وطبعا تجربتي عبر تخطي البروكسي في السوداني ... وتجربة الايام الاولي اكدت عمل الدومين بلا أدني شك
بالنسبة لهذا الوضع وفي حالة ثبات ان المسألة من الهيئة أتمني ان تكون المسألة فقط هي مجرد خطأ لأن غالبية المواقع تعمل علي سيرفرات امريكية ومواقع مثل الياهو والقوقل والفيسبوك وغيره وحتي موقع سودانيز اونلاين ... ولا اري سبب بمقاطعة قودادي بصورة منفصلة ...
ولكل ذلك اعتقد اننا الان يجب ان نخاطب الهيئة القومية أولا ثم نري ردهم علي الامر
لأنه ليس هنالك احتمال في الوقت الراهن معقول ومنطقي أكثر من الحجب بواسطة الهيئة
والنشوف اخرتها
| |
|
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: Gafar Bashir)
|
مرحب محمد الامين موسى
كيف يا صاحب
بالنسبة للمواقع لا تاتي رسالة حجب .. وبتعامل معاك وكانه الصفحة دي غير موجوده من اساسو
يا جعفر
http://www.marasolutions.com/
ده برضو ما اشتغل
بالمناسبة انا دخلت التجربة دي واضررت الى تحويل استضافة قريب 8 مواقع مصممها ومشرف عليها للسبب ده
خاطبنا ناس قودادي قالو ما منهم
ناس الهيئة برضو قالو ما منهم
في الاخر حولتها
نفس المشكلة دخلة فيها زميلتنا في المنبر الشاعر ومطورة المواقع حجة امنة
حا تلف وتتمروح وتجي في محلك
بالمناسبة مراة المواقع بتكون محجوبة لو داخل انترنت عبر سوداتل
وتكون مفتوحة لو داخل من كنار او موبيتل
والعكس بحصل
| |
|
|
|
|
|
|
|
|
|
Re: ماهي الجهة المسئولة من حجب المواقع داخل السودان؟ (Re: وليد محمد المبارك)
|
Quote: بالمناسبة مراة المواقع بتكون محجوبة لو داخل انترنت عبر سوداتل
وتكون مفتوحة لو داخل من كنار او موبيتل |
شكرا وليد
فعلاً مسألة محيرة ... لأنو كلامك الفوق ده بيؤكد انو المسألة ما من شركة قودادي ... وفي نفس الوقت ما من الهيئة ... ههههه غلوتية ... لكنها بالتأميجد من شركة قودادي ... والبلاء في السودان .. من وين ... ده سؤال المليون دولار.
لانه في النهاية ما اقدر افهم انو شركة تمنع استعراض مواقعها في دولة معينة ... لانه قانونيا ما من حقها ... هي ممكن ترفض بيع نطاقات واستضافات للسودان مثلا او ترفض تعاملات مالية مع شركات ومؤسسات مالية سودانية ... لكن فجأة توقف نشر مواقعها في دولة دون حتي مجرد اخطار عملاءها ... اضافة لي إنكار الأمر اذا تم سؤالها ... لا اظن انو شركة زي قودادي ممكن تكون فاقدة مصداقية للدرجة دي ...
الله المستعان ...
يبقي مافي حل في الحالة دي غير نقل الموقع
كويس انو معظم بقية المواقع ما ليها علاقة كبيرة بالسودان بصورة مباشرة والا كان مفروض انقل اكتر من خمسين موقع ...
| |
|
|
|
|
|
|
| |
احمد محمد بشير
وليد محمد المبارك
الامين موسى البشاري
اسامه خليفه
فيس بوك
تويتر
انستقرام
يوتيوب
بنتيريست