|
ضربنا الزلزال قبل 20 دقيقة.....5.8
|
و أنا في مكتبي في الدور السابع و فجأة أهتز المبنى ...و إزداد الإهتزار فهرول الجميع نحو السلالم و ليس المصاعد و خرجنا في فناء المبنى....
|
|
|
|
|
|
|
|
Re: ضربنا الزلزال قبل 20 دقيقة.....5.8 (Re: Kostawi)
|
White House, Capitol, Pentagon evacuated in wake of earthquake By Daniel Strauss - 08/23/11 02:04 PM ET The White House and the Capitol building were evacuated Tuesday afternoon after an earthquake was felt in Washington.
The Pentagon, the State Department and the Libraries of Congress were also evacuated.
The Secret Service evacuated all government buildings near the White House, according to a source.
The earthquake's magnitude was 5.9 and the epicenter was 87 miles south of Washington, near Mineral, Va., but the shock wave was felt up the East Coast, reportedly all the way to New York City and down to North Carolina.
The last earthquake in the Washington area was in 2010 and registered 3.6. It was centered in Rockville, Md.
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: Kostawi)
|
الحمد لله على السلامة يا كوستاوى...و ان شاء كل السودانيين بالساحل الغربى بخير ربنا يطمنك على اولادك _________________________________________ تعرف الزلزال ده من نقتك فى كلفورنيا و الزلازل. الدور علينا غايتو
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: ABDALLAH ABDALLAH)
|
الأخ نصـرالدين , سلامات كل الجماعه المعاى بسألونى إن عايشت هـزه أرضـيه من قـبل فذكـرت لهم جـبل الرجـاف والذى عادة يهز جوبا فى كـل مـره. الحمد لله التلفونات إشتغلت وكلمنا الأولاد فى وودبردج بفرجـينيا الناس كلهـا مشت بيوتها, حاجه كويسه على الأقل فطور رمضـان الليله فى البيت مع العيال....
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: عماد الشبلي)
|
Quote: انه قد صدر في ذلك الاجتماع قرارا بتحويل الصادق الزين من مكتب السكرتارية الثقافية ,, وليس فصله من الرابطة كما يحاول البعض ان يروج . فلم يعجبه القرار فهاج وماج وسب ماشاء له ان يسب |
الصاوى انا كنت نايمه يا اخى والله جريت جرية خليها ساكت زلزال شديدو تقيل والله ربنا ستر
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: elsawi)
|
Thanks God الأولاد بخير....و كانو منتظرني قدام البيت و أي واحد فيهم عوج لسانو و قعد يرطن بلغة أوباما
Dad, did you see what happen?
طبعاأولاد الهرمة دي أول تجربة ليهم مع الزلازل (تقول أبوهم عندو تجربة قبل كدا)
رديت عليهم: No, I didn't
عشان يتكيفوا و يحتوه كلو
(عملت نفسي مسطح و ما ناقش)
غايتو سمعت كمية من رطانتم لمن واحد فيهم قال لي
Dad, you are lying, aren't you? قلت ليه عرفت كيف? How do you know
قال لي : لأنو الزلزال ضرب كل الساحل الشرقي من ولاية Main ل Alabama
قلت ليهم أبوكم كان نايم
ردوا علي
At work!!!!
قلت ليهم yes و لكن في مكان العمل أنا كنت في الحمام و بقرا في جريدة و حماماتنا لا تتأثر بالزلازل.......
''''''''' الأولاد ديل الظاهر حاملين ليهم جينات إستخبارية كيزانية......
قفلت باب حجرتي و تبربستها و تركتهم يحكون و يعيدون مع بعضهم و أصحابهم عن تجربتهم الزلزالية
ديل أولاد شنو ديل ?
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: SHIBKA)
|
Quote: سلامات يا اخت ايمان و حمد الله على السلامة الحمد لله ربنا ستر ولطف ومافي اي خسائر في الأرواح الخلعة هينة الخوف على الرويحة دي وبعدين دي بلد ينوموا فيها لي نص النهار؟ وارثة انتي؟ |
الصاوى يا اخى دى بلد شغالة اربعة وعشرين ساعة انا فى رمضان شغالة نايت شفت وقالبه يومى
اما وارثة دى اياى لكن ناس السودان ديل تفتكر بخلوا لزول عايش برة حاجة الله يفك كربتهم
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: المكاشفي الخضر الطاهر)
|
ياخ حمدلاكم بالسلامة كلكم يا ناس امريكا و حمداً على سلامة البلد البقى ليكم بديل
كلكم بدون فرز من كوستاوي و اسمارات لحدي بريمة ذاتو حمدلاكم بالسلامة بريمة شنو كمان البراهو قولوا لحدى هاشم الأمام ظاااااتو
و الله سلامتكم قلقنا عليكم قلق شديد الله يعلم.
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: صلاح غريبة)
|
سلام يا كوستاوي
لقد ثبت انو انا زول عندي كج مزمن
لمن الهزة حصلت كنت متفّن في الواطة تحت ضل شدرة راجي البص, يعني أقرب زول من موقع الحدث
آخر مرة ركبت مترو أو بص في منطقة دي سي كانت قبل أكتر من عشرة سنوات,
الليلة قررت انو اركب المترو وحصلت العكة دي وأخدت أكتر من ستة ساعات عشان أصل البيت.
كج عجيب
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: محمد مصطفي مجذوب)
|
Quote: الناس كلهـا مشت بيوتها, حاجه كويسه على الأقل فطور رمضـان الليله فى البيت مع العيال.... |
تعرف يا أبو نصر برضو ما لحقت الفطور فى البيت , وصلت بعد ساعه ونص طلعت من الشغل فى دى سى بعد مدافره ركبت المترو , يا زول المترو ماشى بينا القيد حرن وصلنا آخر محطه _ إسبرنق فيلد بع ثلاث ساعات بدل 35 دقيقه.
بعد وصلنا البيت وبعد الفطور والحكى عن الزلزال تابعنا موضوع طاقية القذافى. يا حبيب غايتو الشاب ال كان لابس طاقية القذافى دا والله انا إتكيَفت منه جدا.
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: نادر الفضلى)
|
يا خردة اركز وبطل بطبطه و زمزغه واهو بختكم سامع عمر البشير قال حيعمل جسر جوي عشان يساعد امريكا في السلع والمواد الناقصة خصوصا لكبار السن والاطفال و النساء . وقال برضو عشان هو عندو رعاية سودانيين هناك كتار وممكن يسارع في انتشالهم لو الأوضاع ساءت . المهم هو الموضوع دا مزعجو وجادى فى الجسر الجوى دا.
بختكم ياخ.
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: عادل نجيلة)
|
elsawi
smart_ana2001
ABDALLAH ABDALLAH
عماد الشبلي
ايمان بدر الدين
SHIBKA
ايمان بدر الدين
ناصر المحسى
المكاشفي الخضر الطاهر
سفيان بشير نابرى
Dania Elmaki
صلاح غريبة
Marouf Sanad
Abureesh
نادر الفضلى
محمد مصطفي مجذوب
خالد العبيد
ibrahim alnimma
بدر الدين الأمير
سفيان بشير نابرى
عبدالله كع
عادل نجيلة
شكرا ليكم يا شباب إتصلنا بإخواننا و أخواتنا في شريط الساحل الغربي لأمريكا و جميعهم بخير
كمان بقت علينا الزلازل بعد ما رضينا بالثلوج و السودان فيه الكيزان....الله في.
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: Kostawi)
|
الاخ الكريم نصر حمد الله على سلامتكم وسلامة جميع السودانيين ربنا لطف وستر
تكون دي من دعاوي المعتوه الليبي "يوسف شاكير" لانه الزلزال كان بعد سقوط القذافي مباشرة يكون دة المارد الليبي الكان بيتكلم عنه شاكير ههههههه
| |
|
|
|
|
|
|
Re: ضربنا الزلزال قبل 20 دقيقة.....5.8 (Re: احمد محمد بشير)
|
Quote: The quake was felt in Cleveland, Philadelphia, Pennsylvania; New York City and on Martha’s Vineyard where President Barack Obama is vacationing. Cell phone service has been disrupted in New York City where parts of Manhattan have been evacuated.
| |
|
|
|
|
|
|
| |