|
|
|
 Re: حرب الصحافة.. (التيار) في مرمي نيران (الوان ).. !! (Re: العوض المسلمي)
|
ما ورد في القصاصة اعلاه يوضح بما لايدع مجالا للشك انها هناك حرب بين الصحيفتين !!
ولان من يقوم علي رئاسة تحرير الصحيفتين من المشهود لهما بحسن الكتابة وكثرة القراء فلهذا اسميت ما بينهما بانه حرب الصحافة ..
سنري هل تقتصر الحرب عليهما ام ان هناك صحف اخري في لحظة احتراب !!
تري هل للقارئ علاقة بهذه الحرب ام " كل يبكي علي ليلاه " ؟؟
| |
  
|
|
|
|
|
|
|
|
Re: حرب الصحافة.. (التيار) في مرمي نيران (الوان ).. !! (Re: العوض المسلمي)
|
العوض اخوي
سلام في العشر الأواخر من رمضان
شايفك بقيت مهتم شديد بي الجرايد وزبالتها وكدا
وكمان معاها امتحان قيد صحفي
اها الفهم شنو..؟
عندك نية تلج باب الجرايد ولى شنو..؟
غايتو لا انصحك بالمغامرة
دي دروب صعبة شديد
فالناشر في سوق الجرايد
يا اما يكون
1- قنعان من قروشو لحدي ما تكمل ويشوف ليهو شغلة تاني بعد داك
2- عندو شطر مع الحكومة يرضع وكدا - رضاعة الكبير- لحدي ما يشبع ويطرش (وَهَمْ) ويصدقو هو ذات نفسو
3- فهلوي بتاع حركات، يعرف من أين تؤكل الكتف سواء كانت حكومة ولى معارضة ولى شركات ولى حتى أفراد
اها دي المواصفات العامة
والبيحصل بين الجرايد دي ما حروب (مبدئية) دي حاجات مرات كدا للتسلية
وتاريخ الجرايد القريب دا - يعني من 90 ولي جاي ياما حصلت فيه حروب بين كتاب وصحفيين وما بينهما
حروب تشيب لها الرؤوس من جنس الملافظ الكانت بتكتب - وفي النهاية يحصل شنو..؟
نفس الزول الشتمك وشتمتو وقد تكونوا وصلتوا المحاكم - تجو تاني تشتغلوا في جريدة واحدة
وقد تكتبوا اعمدة في صفحة جنب بعض وكأن شيئاً لم يكن ولا كان في (اشانة سمعة).. ولا حاجة
فـ ياخ
ما تتعب نفسك ساكت في البحث عن (الماورائيات)
اقرأ واتسلى ولو لقيت معلومة مهمة اتسفيد منها
وربنا يرضى عليك
| |
|
|
|
|
|
|
|
|
|
Re: حرب الصحافة.. (التيار) في مرمي نيران (الوان ).. !! (Re: بدر الدين اسحاق احمد)
|
حاج العوض
تحياتي وكل سنة وانت طيب
لا اعرف عثمان ميرغني وحسين خوجلي معرفة شخصية
ولكن معرفة عامة فكلاهما من الاسلاميين وان كان احدهما يميل الي التحرر
بعض الشئ والخروج من سلطان التنظيم ومما قربهما اكثر من التنظيم ان كل منهما
له اخ استشهد في احداث يوليو حسين خوجلي اخوه عبدالاله وعثمان ميرغني اعتقد ان اخاه الذي استشد اسمه محجوب
وحاول كل منهما ان يرث دور اخيه الشهيد للصعود الي اعلي نحو التنظيم
غير ان الخلاف ياتي في الوسط الذي يعيشان فيه فعثمان ميرغني في وسط غالبيته او كله اتحاديين وانت تعرف ذلك يا اخ العوض
بل اسم عثمان ميرغني يصور هذه الخلفية ام حسين خوجلي فهو من وسط كله انصار بل اخوانه الاكبر لا زالوا علي ذات الانتماء
من هذه الخلفية ربما نشأ الخلاف والتراشق الذي يتم علي استحياء اضافة الي ان حسين خوجلي له اعداء وسط الاعلاميين الاسلاميين
الذين قد يكونون اكثر قربا لعثمان ميرغني وبولعوا النار من تحت تحت
| |
|
|
|
|
|
|
|
|
|
Re: حرب الصحافة.. (التيار) في مرمي نيران (الوان ).. !! (Re: الشامي الحبر عبدالوهاب)
|
الأخ العوض
بعد التحية
شكراً على هذا البوست.
أعتقد أن جرأة الصحيفتين على تناول مثل هذه القضايا أمر محمود فمثلما تسعى الصحف للمساهمة في إصلاح حال البلاد كلها فمن واجبها أن تصلح من أمر نفسها، ولن يتأتى لها ذلك إلا بالوضوح والمزيد من الوضوح. هناك الكثير من الناشرين الذين يبيعون للقراء صحفاً فاسدة وهؤلاء مثلهم مثل باعة التقاوي الفاسدة يضرون بالناس والبلاد ، ولا ما كدة؟
مع التحية
| |
|
|
|
|
|
|
|
|
|
Re: حرب الصحافة.. (التيار) في مرمي نيران (الوان ).. !! (Re: بدر الدين اسحاق احمد)
|
| Quote: غفر الله لك يا الشامى فقد قلت فى اخوين كريمين ما لم يقله عنهما احد من قبل |
..
وغفر الله لنا واياك يا اخ بدرالدين
لكن لو اعدت قراءة الفقرة ليس فيها قدحا او اساءة
لو قلت ان اي واحد منهما يريد ان يستغل دور اخيه الشهيد
لكانت ملاحظتك في محلها
اما محاولة القيام بالدور نفسه القائم علي التضحية والفداء فليس في ذلك ما يعيب
وشكرا لسلامة قصدك وتوجهك اخي بدر الدين
| |
|
|
|
|
|
|
|
|
|
Re: حرب الصحافة.. (التيار) في مرمي نيران (الوان ).. !! (Re: عادل فضل المولى)
|
Quote: اها الفهم شنو..؟
عندك نية تلج باب الجرايد ولى شنو..؟
غايتو لا انصحك بالمغامرة
دي دروب صعبة شديد
فالناشر في سوق الجرايد
يا اما يكون
1- قنعان من قروشو لحدي ما تكمل ويشوف ليهو شغلة تاني بعد داك
2- عندو شطر مع الحكومة يرضع وكدا - رضاعة الكبير- لحدي ما يشبع ويطرش (وَهَمْ) ويصدقو هو ذات نفسو
3- فهلوي بتاع حركات، يعرف من أين تؤكل الكتف سواء كانت حكومة ولى معارضة ولى شركات ولى حتى أفراد
اها دي المواصفات العامة |
استاذ عادل اذا هذه فقط هي وصفة العمل في هذا المجال ف " الله الغني "
كفاية علينا عملنا الحر فلا نحتاج لاحد الا السماحة في البيع والشراء ..
Quote: والبيحصل بين الجرايد دي ما حروب (مبدئية) دي حاجات مرات كدا للتسلية
وتاريخ الجرايد القريب دا - يعني من 90 ولي جاي ياما حصلت فيه حروب بين كتاب وصحفيين وما بينهما
حروب تشيب لها الرؤوس من جنس الملافظ الكانت بتكتب - وفي النهاية يحصل شنو..؟
نفس الزول الشتمك وشتمتو وقد تكونوا وصلتوا المحاكم - تجو تاني تشتغلوا في جريدة واحدة
وقد تكتبوا اعمدة في صفحة جنب بعض وكأن شيئاً لم يكن ولا كان في (اشانة سمعة).. ولا حاجة
فـ ياخ
ما تتعب نفسك ساكت في البحث عن (الماورائيات)
اقرأ واتسلى ولو لقيت معلومة مهمة اتسفيد منها |
اذا الموضوع كما قلت فعلي الدنيا السلام ومعناها اننا نعيش كذبة كبري بالحديث عن القيم والمبادئ !!!
_
وينك امس ما جيت الافطار ؟؟
| |
|
|
|
|
|
|
| |
العوض المسلمي
عادل فضل المولى
بدر الدين اسحاق احمد
الشامي الحبر عبدالوهاب
محمد عثمان ابراهيم
فيس بوك
تويتر
انستقرام
يوتيوب
بنتيريست