|
Re: فريق أول في الشرطة يقول التسويات المرورية واحدة من نوافذ الفساد (Re: محمد عبدالله الطندب)
|
الأخ محمد عبد الله رمضان مبارك عليكم تقبل الله صيامكم وصالح الأعمال ... وعيدكم مبارك مقدما ... وتحياتي للأخوان أولاد البخيت (محمد وحيدر) وعموم أبناء الطندب طرفكم .. أما إذا دار محور سؤالكم عن التسويات المرورية - صدقني لولا هذه التسويات المرورية الفورية لما ذهب شرطي لإدارة المرور ولأصبح المرور طاردا وأفقر إدارات المرور ... الآن كل شرطي يتمنى ويمكن أن يدفع الغالي والرخيص حتى يلتحق بالمرور ... هسع أنا ذاتي ومن زمان عاوز لي فرصة في المرور ... شوف لي واسطة أرجوكم ... أهم شيء اللبسة الفيها كم وعشرين جيب وكل جيب يسع أي (كوم) من الجنيهات .. وطول اليوم تشيل و (وتكبس) وآخر اليوم تجي البيت راجع أنت وأم العيال (تفضوا) محتويات الجيوب وتصنفوها حسب الفئات ... أم العيال تشيل حق الصندوق اليومي (حقها الشخصي) ، وأنا أشيل حق صندوق الزملاء لزوم قسط الأتوس وقسط الأمجاد وقسط الأمجاد... (نكتة) السواق عارف العسكري (أكلة) وعينو (قوية) قام (رمى) ليهو (5) جنيه على الأرض ... وقال ليهو ياجنابو (فلان) ال (5) جنيه ديك (وقعت) منك ... العسكري شالا ورجعها ليهو قال ليهو أنا بتقع مني بس ال(20) ج .. تحياتي الشفيع
| |
|
|
|
|