|
كرة طائشة في السماء وتسقط على رأس أوتوبونج !!!
|
يا النبي يا الرسول الزول دا يا خوانا ودوه الضل
Quote: سيد (البلنت) !! × هجمة منظمة (ون، تو، ثري، فور) هدف مبكر للقطن وصمت القبور في المقبرة.
× وسادومبا يتسلم الكرة ويلف ويدور في الفاضي وقدمه اليمنى (تتشربك) مع اليسرى ويسقط على الأرض من دون أن يعرقله أحد فإذا بالجزائرى بنوزة يطلق العنان لصافرته معلناً عن ركلة جزاء وسط دهشة الجميع وبطاقة حمراء بعد أن اصفرت مرتين.
× لكن تعالوا شوفوا وصف أحد كتاب الهلال لحالة سادومبا التي احتسبها الجزائري بنوزة ركلة جزاء.
× قال: سادومبا عرف أنه فقد الكرة فسحبها نحوه وعندما أراد أن يراوغهم بظهره اندفع نحوه المدافع فقبضه بيده في الأولى.. ثم (عرقل) رجل سادومبا اليسرى لتلتف مع اليمنى فيقع مرتمياً على الأرض وهو في وضع الخلاف.. أي إكس.. وحلو يا مستر إكس.. لذيذ يا مستر إكس.. انتهى الوصف.
× إكس مين يا عم.. (إكس إل)!
× الصحيح أن سادومبا افتقد الكرة و(وسقط) بنفسو.
× ما فيش حد أعاقه.
× وهيثم مصطفى يضع الكرة داخل الشباك على طريقة نجم المريخ السابق (إبراهومة) الكرة في زاوية والحارس في الزاوية الأخرى وفرحة خجولة في المدرجات لهدف التعادل.
× بلنتيين في مباراتين على التوالي (ظرف أسبوعين) في دوري أبطال أفريقيا بالمقبرة.
× البلنت الأول كان في مباراة الرجاء المغربي ومنح الهلال الفوز.
× والبلنت الثاني كان في مباراة القطن الكاميروني ومنح الهلال التعادل.
× بلنت في كل مباراة بالمقبرة.
× والباقي بلنت إنييمبا.
× الهلال سيد (البلنت).
× نعود لمباراة الهلال والقطن التي أدارها الحكم الجزائري المعروف بنوزة وكان على قدر الحدث.
× (الضيق ويباس الريق) يسيطر على المدرجات من خرمجة (محظوظ أفندي) داخل الملعب وخصمه ناقص لاعب.
× كرة طائشة في السماء وتسقط على رأس أوتوبونج على طريقة لعبة كرة (البنج بونج) وتدخل شباك القطن هدف ثاني للهلال منحه الفوز وثلاث نقاط زائد أربع يعني سبع نقاط فيهم ست نقاط ببلنتيين.
× وبطاقة حمراء ثانية لأحد لاعبي القطن بعد أن اصفرت مرتين.
× وديمبا باري يطير في الهواء ويقبض مهاجم القطن ويسقط به على الأرض داخل خط ستة والحكم الجزائري يحتسبها مخالفة على مهاجم القطن.
× يعني ما في بلنتي ولا حاجة، (قوم لف.. بلا كمر معاك).
× بنوزة حكم معروف بأنه لا يتردد في تطبيق القانون بالطريقة الصاح.
× والغريب هو مشهور في القارة بأنه حكم مقل في إشهار البطاقات الملونة ولكنه تحول فجأة في مباراة (الهلال والقطن) إلى حكم يوزع البطاقات الصفراء والحمراء في كل الحالات.
× بعد مباراة الهلال والقطن انطلقت في الواحدة من فجر الأمس بتوقيتنا معركة الوداد المغربي والترجي التونسي.
× مباراة من العيار الثقيل على صدارة المجموعة الثانية لدوري أبطال إفريقيا.
× مش من نوعية العيار الخفيف على وزن هلال قطن.
× مباراة (وداد ترجي) من عينة مباريات (البريميرليغ) ولي فوق.
× وأكدت أن الفوارق الفنية كبيرة بين المجموعتين.
× المجموعة الأولى شوربة مرقة والمجموعة الثانية نار يا حبيبي نار.
× مباراة الوداد والترجي انتهت بالتعادل الإيجابي بهدفين لكل فريق بعد مباراة حافلة بكل ما هو جميل وممتع في كورة القدم.
× بهذه النتيجة تقاسم كِلا الفريقين صدارة المجموعة الثانية برصيد 5 نقاط ومن خلفهما النادي الأهلي المصري بأربع نقاط لتتشابك خيوط المجموعة وتصبح المباريات المتبقية حياة أو موت لكل الفرق حتى مولودية الجزائر المتذيل بنقطة وحيدة.
× الوداد والترجي معركة كشفت إلى حدٍ كبير ملامح الفريقين اللذين سيتنافسان على اللقب.
× وكانت الإثارة والمتعة هي العنوان الرئيسي للمقابلة، الترجي ظهر بمستوى خيالي (ذكرني بالخمسات والستات) في شوط المباراة الأول وفاجأ الوداد (صاحب الأرض) بأداء قوي منذ البداية أربك اللاعبين المغاربة، وزاد الضغط عليهم أكثر بعدما سجل الترجي هدف السبق في منتصف الشوط الأول.
× القادم من هناك أحلى وأجمل وأشمل وأكمل.
× وكما يحلو لأنصار الفريقين ترديد: (ترجي يا دولة.. وداد الأمة).
× إنييمبا النيجيري فاز على الرجاء المغربي بثنائية نظيفة في معقله أبا وكان تعادل أمام الهلال بهدفين لكل.
× مبروك جالك بلنت.
|
|
|
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: محمد البشرى الخضر)
|
إذا لا قاك اي زول ماشي في الشارع بتكلم براه و يبدو كمن يجادل في نفسه و سمعت كلمات مثل بلنتي ورشوة وحكم فتيقن انه وصيفابي اذا رايت احدهم ساهما واجما يبدو عليه الذهول يتحسس شاربه بين الفينة والاخرى فلتعلم انه وصيفابي داخل في شراط ما بشاربه وكان شفت اتنين ماسكين ورقة وقلم وآلة حاسبة بحسبوا في سيناريوهات النقاط ولو انيمبا غلب الهلال و الرجاء اتعادل لو القطن فعل وترك فلتعلم انهم وصيفاب حار بيهم الدليل و طشش بيهم اتوبونج اذا رايت احدهم مبتسما هانئا واثق الخطوة يمشي مختالا كان يا ارض ما عليك إلاّه فلتعلم انه سيد بلد يتابع مباريات فريقه على الجزيرة المشفرة مع ناس برشلونة والريـال ()
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: محمد البشرى الخضر)
|
Quote: إذا لا قاك اي زول ماشي في الشارع بتكلم براه و يبدو كمن يجادل في نفسه و سمعت كلمات مثل بلنتي ورشوة وحكم فتيقن انه وصيفابي |
يوسف الدفينة
Quote: اذا رايت احدهم ساهما واجما يبدو عليه الذهول يتحسس شاربه بين الفينة والاخرى فلتعلم انه وصيفابي داخل في شراط ما بشاربه |
فايز ود القاضي
Quote: وكان شفت اتنين ماسكين ورقة وقلم وآلة حاسبة بحسبوا في سيناريوهات النقاط ولو انيمبا غلب الهلال و الرجاء اتعادل لو القطن فعل وترك فلتعلم انهم وصيفاب حار بيهم الدليل و طشش بيهم اتوبونج |
عمر عثمان و هارون دياب
Quote: اذا رايت احدهم مبتسما هانئا واثق الخطوة يمشي مختالا كان يا ارض ما عليك إلاّه فلتعلم انه سيد بلد يتابع مباريات فريقه على الجزيرة المشفرة مع ناس برشلونة والريـال |
محمد البشرى الخضر
ــــــــــ عايزين خانة لي طلحة
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: سارة علي)
|
Quote: : وكان شفت اتنين ماسكين ورقة وقلم وآلة حاسبة بحسبوا في سيناريوهات النقاط ولو انيمبا غلب الهلال و الرجاء اتعادل لو القطن فعل وترك فلتعلم انهم وصيفاب حار بيهم الدليل و طشش بيهم اتوبونج
عمر عثمان و هارون دياب
|
كاااااااااااااااااااااك .....
اشوف فيكم يوم ياصبري ...
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: سارة علي)
|
Quote: خلي يجرب بس..عشان يجي الرائع طلحة ياكلو بسنون كيبوردو.. انت قايلو لعب؟؟ |
يا ست سارة رمضان كريم
اتخيل ان تأتي سنون "الرائع "طلحه وكيبورده على صاحب العمود وليس "صديقه اللدود "ود البشري فالرجل حقاني رغم وصافته المعلنه وقد يكون داعما لود البشرى أكثر من زميله الصحفي
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: سارة علي)
|
وعليكم السلام أختي سارة .. ورمضان كريم ...
Quote: اذا اردت ان تطاع فأمر بالمستطاع.. صاحبك ما بيقدر يفكر حتى انو يلمح باسم الاستاذ طلحة خلي كمان يشوف ليه خانة!! قال خانة قال! خلي يجرب بس..عشان يجي الرائع طلحة ياكلو بسنون كيبوردو.. انت قايلو لعب؟؟ |
منو الما بقدر دة ؟! غايتو كتابات ود البُشرى الشافتا عيوني ديل لو كل القبيلة الحمراء وقفت في جانب وهو في الجانب الآخر ما بقدروا عليهو ...
الزول دة كلمة كلمتين والجماعة بعملوا فيها رايحين وما شايفين ...
ــــــــــ أقترح على ود البُشرى يعمل ليهو عمود ويسمّيه أم فتفت الحقيقة
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: حمد عبد الغفار عمر)
|
سارة الجبارة تحياتي واعتقد أنو بعد كلامك دا الدعي دا ح يقنع مكرها لا بطل من بوستيهو دا الزول دا ما عندو قدرة يتحمل بيها كل دا .. ويا صبري طه بعد يرجع الهارب جرجير امسكو من يدو وامشوا اخدوا ليكم لفة لفتين .. ويا السوندا صدقت والله الاتنين المكابرابي والمكابر جرجير محتاجين درس عصر . والحمدلله الذي بنعمته تتم الصالحات .
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: حمد عبد الغفار عمر)
|
المكا .. ايييه ؟؟؟ المكابرابي ؟؟
إنتو الجرايد دي بتخم لينا في الناس ديل من ووين ؟؟
والله يا ود البشرى حيرتنا عديل .. ياخ نحن نلتق ليك فيها بي جاي وبي جاي .. وننصر فيك ظالما كنت أو مظلوما على (المنظراتي) طلحة يتبع .. وبعد دا تجي تدخلنا في حتات ضيقه زي دي ..؟
ياخ عليك الله مابرابي شنو الجايبو لينا يفتي في أمر .. من أمور الهلال ..؟ حسع يعني المكابرابي دا يقرا كلامك دا ويمشي يكلم جماعتو هناك يقوليهم والله عملت ليكم في الهلالاب جنس عمايل في موقع سودانيزاونلاين ؟؟؟
والله كان خليناك بالطريقة دي بكره الصباح كان الله حيانا احتمال تجيب لينا مقال لي هيثم مين كابووو .. الاعلامي الشهير الخطير ولا ازيد ..
اقوليك حاجة ..؟ ياخ هيثم كابو دا جابوهو قبل كم يوم كدا في قناة قوون .. كان شفتو قاعد بالجمبه كيف .. وقاعد ينظر كيف .. وبتكلم كيف .. ؟ والله التقول زميلنا طلحـة عبد الله المعانا في البورد دا والمشهور بي طلحة طنظير .. غايتو براكم بتلمعو في نجوم الصفوة .. نجمة نجمة .. من مزمل الصدى .. لي هيثم كابو .. لي صاحبك الجايبو لينا دا .. اسمع يا زول .. المكابرابي دا كان بلعب (تيوة) وووين .. الزول دا زوول تيوة ساكت وسكج بكج .. إنت قايلنا ما قاعدين نعرف واللا شنـو..؟ بعدين هو اي زول بيفتي في الهلال وفي اوتو (بنقو) وفي هيثم مصطفى حفظه الله ..؟
انتو يا جماعة جادين ..؟
ملحوظــة : الآن الفرصة مؤاتيه للاستاذ طلحة ليأتي هنا ويكتب لنا عن المجلس المريخي .. وعن منو ومنو ما عارف .. كلما نزحك منو .. تاااني ماشي متشربك لينا فوق طلحـة ..
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: tmbis)
|
على طلاق طلاقة بى موية وكملت .. قبيل يا تامبا قلت ليكم جرجير دا شليق الشلاقة الكتلت منو كدا ما عارف وأنو رم رمتو في كتابة البوستات دي بتجيب أجل الموضوعية وتكسر ضلعة في المنطق وتعوج خشم الفهم .. وأنو ما يكتبه هذا الدعي لا علاقة له من قريب أو بعيد بأية حاجة ممكن تحرك أية حاجة في أي زول إذا ما خربت وبهدلت وبشتنت الحاجات .. قعدتو تنفخوا فوقو وتنفخوا وتنفخوا لامن أهو طرشق ليكم هنا وخلاكم تخموا وتصروا فيها .. صحيح والله كما قال شاعر معاصر شبع موت : كلام القصير كيف يستقيم والعوج اعوج .. يلا وانا مالي ياخ .
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: صبري طه)
|
Quote: اذا رايت احدهم مبتسما هانئا واثق الخطوة يمشي مختالا كان يا ارض ما عليك إلاّه فلتعلم انه سيد بلد يتابع مباريات فريقه على الجزيرة المشفرة مع ناس برشلونة والريـال () اذا رايت احدهم مبتسما هانئا واثق الخطوة يمشي مختالا كان يا ارض ما عليك إلاّه فلتعلم انه سيد بلد يتابع مباريات فريقه على الجزيرة المشفرة مع ناس برشلونة والريـال () |
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: عمر الفاروق)
|
التحية للصحفي الذكي عمر المكابرابي، ليت كل الصحفيين مثله هو ومأمون أبو شيبة.
كتب الرائع المكابرابي عقب هدف ساسا في الإفريقي بتونس:
Quote: كرة كانت حائرة سقطت أمام مرمى الإفريقي وضربت الأرض حوالي 6 مرات ثم ارتفعت زي (كرة التنس) في انتظار من يركلها بعيداً من مدافعي الإفريقي فإذا بأتير توماس يطير عالياً ببطء شديد ويعالج الكرة مقصية من غير هدى تجد ذلك المحظوظ سادومبا خالياً من المراقبة يودعها الشباك كأنما نفخها هواء |
نطلب بكري بأيقونة جديدة تليق بما يكتبه المكابرابي.
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: Ahmed Alrayah)
|
Quote: الوصف ده اداني إحساس إنو هيثم عكس الكورة دي من طيارة |
وما تقول كمان هيثم كابتن
تصدق يا عمر، أنا حاسّي إنك ماشي صاح في اتجاه شرح حديث المكابرابي، واحتمال بعد 3 يوم كده تجينا مارق زي أرخميدس... وجدتها، وجدتها
عليك الله كان وجدتها اعمل لي missed call طائش يسقط على موبايلي
| |
|
|
|
|
|
|
Re: كرة طائشة في السماء وتسقط على رأس أوتوبونج !!! (Re: Ahmed Alrayah)
|
اهلا مهاجر ورمضان كريم Quote: الشوربة هى المرقة بلغة اهل السودان لكن الكاتب غلبه التركيز |
التركيز القاااسي دا الكاتب الغلبو كتييييير
ود الفارووق وود الريح رمضان كريم كتاب المريخ بكتبوا و في بالهم انو البقرا ليهم الوصيفاب فقط عشان كدا بسوطوا اي كلام ساذج مع شوية هرجلة وعواسة ويختموه بالمريخ العالمي و الاستاد و الدولار والبطولات الجوية و خلاص عمود ومرق و الوصيفاب يحليلهم الواحد يقرا و يدشأ و ينوم متكيف
| |
|
|
|
|
|
|
|