|
انتو قصة البلنتيـات دي مع الهلال حدها وين ؟؟
|
صاحبي مريخابي قلتا ليهو ألحق يا عمك الهلال مرشوش
وهو جاي على في السلم وقبل أن يصعد للأعلى قال لي والله أسي يدوهم بلنتي ؟؟
وقد كان، وصدق حدسه حتى قبل أن يكمل صعود السلم :)
أما طرد اللاعب المدافع الكاميروني فهو أغرب من توقع صديقي هذا وأغرب من البلنتي زاتو
في فريق يا أخوانا ممكن يشيل ليهو بطولة بالطريقة دي ؟؟
|
|
|
|
|
|
|
|
Re: انتو قصة البلنتيـات دي مع الهلال حدها وين ؟؟ (Re: Elhadi)
|
والله يا المريخاب...
كان اللاعب العمل البنلتي زاتو اتكلم بالسواحيلي وقال البنلتي صحيح وانا متأسف لجماهير المريخ انت تقولوا الترجمة ما نزيهة...
هسي يمكن الترجمة الصحيحة لاقوال المدرب القطني من الفرنسية الي العربية....تقول غير كده.. باقي عمكم قوقل مرات بجلّي.
| |
|
|
|
|
|
|
Re: انتو قصة البلنتيـات دي مع الهلال حدها وين ؟؟ (Re: nazar hussien)
|
تحياتي أخي الهادي بدون تصنيفات هلال مريخ، ياخي ليه الأمور بين جماهير الهلال والمريخ توصل المواصيل دي؟؟ الواحد حقيقي بيحس بالاسفاف والتردي الوصل ليهو حال البلد في كل شيء، سواء هلال أو مريخ في النهاية مفروض كلنا نتطلع لمجد البلد ورفعتها، المريخ أو الهلال لو فاز في محفل دولي الناس ما بتفكر في اسم الفريق الفائز بل الكريدت بيمشي للبلد للسودان، ياخي مش كفاها البلد دي من العاملينو فيها الكيزان الأباليس ديل؟ زمااااان في السعودية هنا، لما كنات الفرق السودانية (الهلال المريخ الموردة) دائماً مدعوة للمشاركة في الدورات الرياضية، كنا نشهد تلاحم جميل بين أبناء السودان في تشجيع الفرق السودانية بلا فرز حتى كانت الجماهير السودانية هي فاكهة الدورات والعامل الرئيس في انجاح أي دورة. فلنرتقي بصراعاتنا ونسمو بها من هذا السقوط الذي لا يفضي إلا لمزيد من السقوط ... لأنه في ظل ما يحدث لن يكسب أي طرف هذه المباراة الماراثونية في العداء والكيد والبغض، وحتماً سيتواصل مسلسل سقوطنا سياسياً واجتماعياً وثقافياً بل وحتى انسانياً . مرة أخرى تحياتي وخالص تقديري، ولم أقل ما قلت لولا أني احترم جداً مساهماتك في هذا الموقع
| |
|
|
|
|
|
|
|