|
كتب الكاتب الفاتح جبرا المتوفرة بمعرض الدوحة
|
|
 Re: في المقبرة حيث الحيث (Re: عبدالكريم الامين احمد)
|
Quote: عدنا بالامس الي مدارات ابو الهل وعادت الينا احلي الليالي..
مباراة كانت صعبة المراس يا ابو الخل
واعتبرتها تمرين قاسي وصعيب للعودة الي منصات الكبكبة والرجفي
والحمد الله ياخ الهلال فاز
حتي لا يصفني مرجفي المدينة من نادوس وبوب ومحمد عبد الرحمن وانت زززاتك
بالكج..
فانا ما كج يا جماعة ياااخي
|
يا سلام يا ممراح يا قدم السعد
الهلال سيطرة مطلقة علي المباراة ولكن فاعلية تعبانة
القادم احلي خليك قريب
| |
  
|
|
|
|
|
|
|
|
Re: في المقبرة حيث الحيث (Re: بهاء بكري)
|
Quote: ياكيكي قالو الجماعة طنطنو لمن لقو عربيتك السوداء برة
انت زول مبروك ماتخلي الاشاعة دي تمش فيك |
يا بهاء
حجاب قوبي كان مربوط جوة العربية
لولاه لما فاز الهلال
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
Quote: ياكيكي قالو الجماعة طنطنو لمن لقو عربيتك السوداء برة
انت زول مبروك ماتخلي الاشاعة دي تمش فيك |
انا فعلا مبروك وجيتهم ومعاي كل شيوخي الرسمين
(قوبي) وشيخ شكر الله وابو ضفيرة..
ولكن تخيل بعد ده ما سلمت من الناس الكعبين ديل...
ولمن القطن جاب قوونو الاول.... بوب قال لي انا من شفت العربية السوداء بتاعتك دي عرفت القصة بايظة
ومحمد عبدالرحمن وخليل اكلو لحمي ياااخ
رغم اني جلبت ليهم الفرح والدهشة
---------
تاني مشية لكورة في بيت بوب نهيييييييي الا تدفعو (كاش)
عربون لناس قوبي واخريين سياتون تباعا
---------------------
ووجع ووجع الهلال رجع
| |
|
|
|
|
|
|
|
|
 Re: في المقبرة حيث الحيث (Re: عبدالكريم الامين احمد)
|
** الباشمهندس سيد البلد خليل.
** صباحك خير وسلام لكل مُحبى الأزرق الدفاق..
## تحضير اللعب فى وسط الهلال وبناء الهجمات كان بطئيا..
## عدم وجود خطه أو إبداع من قِبل لاعبى الهلال لكسر تكتل الفريق الضيف فى الدفاع عن مرماه ومحاولة الإختراق من وسط الملعب دائماً فاشله..
## وأن اللاعب عمر بخيت وبحكم خبرته هو الوحيد الذى حاول التهديف من خارج الصندوق ,, بالرغم من ضعف التصوبيات وقلة تركيزه عند التصويب..
## ياإدارة الهلال والجهاز الفنى :- نحنا ناس عندنا سُكرى ,, وضغط ,, بالله مُمكن تريحونا من الكارثه الإسمها المُعز دا ,, خروج خاطئ ,, وجهجهه للدفاع ,, والله لما الهلال يكون لاعب بخاف منو أكثر من مهاجمين الخصم .
## لعب الهلال أصبح مكشوف لكل الفرق ,, لابد من وجود تنويع فى التكتيك الخُططى وإستغلال الأطراف بصوره إيجابيه والتهديف من خارج الخط..
(ودام الود بين الجميع فى حب سيد البلد)
(ابو محمد فؤاد) ً
(التعديل لشطب إيقونة طلب)
(عدل بواسطة عبدالكريم أحمد الامين on 08-15-2011, 08:28 AM)
(عدل بواسطة عبدالكريم أحمد الامين on 08-16-2011, 08:59 AM)
| |
|
|
|
|
|
|
|
|
|
Re: في المقبرة حيث الحيث (Re: nazar hussien)
|
اووووو خلي الهندسة
ياخي امس ما شفت البوست دا وما دخلت سودانيز اونلاين - تعرف ليه - لأني نايم مرتاح ومبسوط الحمدلله ربي
كيكي
كيف تكون كج يعني على الهلال وانت اساسًاً بتشجعو دي كيف دي
ياخليل
الهلال ما عجبني امس لكن مافي مشكلة خلينا النلعب تجاري شوية يمكن نقدر نجيب لينا حاجة
الصادق
| |
|
|
|
|
|
|
|
|
|
Re: في المقبرة حيث الحيث (Re: nazar hussien)
|
خلي
تحياتي
مايكون خرمجة أمس دى فوتت عليكم مباراة ريال مدريد وبرشلونة
يعني تكونوا بالغتوا ياخليل وكيكي وبهاء الدين لو خليتوا ميسي ورونالدو وتابعتوا خليفة والتاج
بعدين انتو بتعملوا شنو للحكام ديل ؟ضربات الجزاء الثابتة عرفناها كمان جابت ليها طرد
وبالمناسبة فوز انيمبا على الرجاء أمس وعلى القطن فى بلده أكد صحة مايتردد عن الهمشرة والتحويل الذى تم للاعبي انيمبا كما جاء فى موقع الاهرام
| |
|
|
|
|
|
|
|
|
|
Re: في المقبرة حيث الحيث (Re: معاوية محمد الحسن)
|
من عمود يابكر سلك اليوم هدية لخليل وبهاء الدين وكيكي
في السلك
تاااااااااني بلنت
* انيمبا امس غلب المغاربه
* باقل مجهود
* وكلما حقق انيمبا نصرا
* كلما تجدد الهمس في مجالس المدينه
* المجالس كلها تتهامس في موضوع موقع الاهرام
* همس شديد
* ايها الناس
* المحيرني الاتحاد الافريقي ده خشمو خفيف
* كتب الرائع احمد محمد احمد اسم حكم مباراة القطن الامس
* بعد اربعه يوم اعلن الاتحاد الافريقي عن اسم الحكم
* موش قلت ليكم الاتحاد الافريقي ده مابتتبلي في خشمو شطه
* اقصد فوله
* حاجه تحير
* المهم
* بحضر في الكوره
* اسلام جات قعدت
* قالت لي الدقيقه كم ؟
* قلت ليها خمسه
* قالت لي يعني بلنت الهلال لسه ماجا ؟
* عاينت ليها وسكت
* ايها الناس
* نحن من وطن عظيم
* وحتي الذين هربوا من شمس الوطن وقعدوا بره سنين طوال
* ولسانهم اتعوج
* بعد ده كلو رجعوا للوطن
* حنوا عليه
* شفتوا شطه ده بحب السودان كيف !!!!!
* المهم
* امس الحكم طرد بالتين قطن
* وطبعا بستاهلوا
* لكن ضربة الجزاء صحيحه
* القطانه كتلوا سادومبا كتل
* ماسادومبا الاتشربك فيهم
* ضربة جزاء صحيحه ميه الميه
* اتضربي
* بالطرد ده القطن حايفقد اتنين في المباراه القادمه
* يابخت اللاعب ضد القطن في الكوره القادمه
* اللاعب ضد القطن ياربي منو ؟؟؟
* دي (تو ان ون )
* كنج كونج قونو ده قالوا هديه من الاهل
* الراجل برضو ولدهم
* ودايرين مصلحتو
* فاصلة مصر والجزائر بالغت عديل كده
* كان ليها اثر كبير جدا علي العلاقات السودانيه الجزائريه
* غايتو بالشفتو امس ده
* حي العرب لو عندو طموح بلقي الفي مرادو
* وبالذات حي العرب متضايق شديد
* والعوده للاولي لاتشبه السوكرتا
* نقطه اخير من عدمها
* قال لي آخر دقائق المباراه هناك ضربة جزاء للقطن
* قلت ليهو الحكم مسخن شديد
* بكون افتكرها ضربة شمس
* الحكم ده كويس
* ده ابن المليون
* مابفهم غير المليون
* المليون شهيد
* لكن يا احمد محمد احمد تتجازي
* من وين جبت اسم الحكم قبل الاتحاد الافريقي يعلن عن اسمو ؟؟؟
* بقيت تبيت في الخيره من ورانا ولا شنو يا ابو حميد !!!!!
| |
|
|
|
|
|
|
|
|
|
Re: في المقبرة حيث الحيث (Re: معاوية محمد الحسن)
|
Quote: كيكي
كيف تكون كج يعني على الهلال وانت اساسًاً بتشجعو دي كيف دي
|
هلا يا الصادق
وتقول شنوو ياااخ مع هلالاب الدوحة ديل..؟؟
الناس ديل عندهم لمة شهيرة في بيت عمر بوب بحضروا بيها طوااالي كور الهلال
وكل مرة بعزموني وانا ما بجيهم لانهم كبكبة ورجافين
واها امس قررت اني ارضي عليهم وامشي احضر الكورة معاهم
اها يوم الجيتهم عاوزين يطلعوني كج لايدي ولا كراعي
--------------
هلا يا معاوية..
Quote: من عمود يابكر سلك اليوم هدية لخليل وبهاء الدين وكيكي
|
هلالنا فعلا بالامس كان فيهو دخنات ولكن (ميشو) يلحق يصلحها
تاني وصيفابي كده حيفرفر مافي,,,
فامسكو الخشب فسيد البلد قادم
| |
|
|
|
|
|
|
|
|
|
Re: في المقبرة حيث الحيث (Re: nazar hussien)
|
Quote: خلي العيش حرام...
مبروك السبعة نقاط...
المباراة دي امس كانت مباراة كاريكا ومهند الطاهر.. |
مبروك يا نزار
لو بدا ميشو التشكيل صحيحا كنا شاهدنا مهند بديلا ناجحا وكنا شاهدنا
هدف من خارج الخط
وكاريكا مغستو تشق
| |
|
|
|
|
|
|
|
|
|
Re: في المقبرة حيث الحيث (Re: عبدالكريم أحمد الامين)
|
Quote: الباشمهندس سيد البلد خليل.
** صباحك خير وسلام لكل مُحبى الأزرق الدفاق..
## تحضير اللعب فى وسط الهلال وبناء الهجمات كان بطئيا..
## عدم وجود خطه أو إبداع من قِبل لاعبى الهلال لكسر تكتل الفريق الضيف فى الدفاع عن مرماه ومحاولة الإختراق من وسط الملعب دائماً فاشله..
## وأن اللاعب عمر بخيت وبحكم خبرته هو الوحيد الذى حاول التهديف من خارج الصندوق ,, بالرغم من ضعف التصوبيات وقلة تركيزه عند التصويب..
|
هلا عبدالكريم احمد الامين
موافق علي ما جاء في المداخلة اخطاء بالجملة في مباراة الامس
مافي داعي للتاج ولا علاء الدين يوسف
علي ميشو الثبات علي تشكيلة واحدة المباريات القادمة اثنان منها علي التوالي خارج الديار
واكيد روحنا حا تنسل لحدي ما نصعد دور الاربعة
| |
|
|
|
|
|
|
|
|
|
Re: في المقبرة حيث الحيث (Re: ابراهيم محمد الحسن)
|
| Quote: من عمود يابكر سلك اليوم هدية لخليل وبهاء الدين وكيكي |
يامعاوية انت مفتكر القصة لعب عندنا كل شئ بنظام
من الان سادومبا ممنوع من احراز الاهداف في الخرطوم
ده شغل اتوبونغ ..... سادومبا موعدنا معاهو كورة القطن
البرة .......
اها الدوري والحاجات المامشفرة دي بنخلي ليها ناس محمد
عبدالعاطي وبقية الفئات الشبابية .
طبعا انت بتكون مستغرب ليه سادومبا ما شات البلنت ؟
| |
|
|
|
|
|
|
|
|
|
Re: في المقبرة حيث الحيث (Re: بهاء بكري)
|
خلى ياوجه السعد,,
يعنى قسطنطين مكتف,,ما شايفو ظاهر
ياخى الهلال يضمن نقطة واحدة ويضمن التاهل,,,
الرجاء خارج النص,,والقطن ايضا كذلك
لكن التيم عاوز شغل
| |
|
|
|
|
|
|
|
|
|
Re: في المقبرة حيث الحيث (Re: abuguta)
|
يا خلي
سلامات
والف مبروك وانشاء الله المباراه الجايا معاكم
وتحياتي الي كيكي وبهاء بكري وكل الحضور الجميل لمباريات الهلال
تخريمه
يا كيكي انت ما كج
لكن انا شفته عربيتك قدام بيت عمر بوب
يوم هزيمة الهلال من المريخ في مباراة الدوره الاولي
| |
|
|
|
|
|
|
|
|
|
Re: في المقبرة حيث الحيث (Re: ahmed khidir)
|
Quote: يا خلي
سلامات
والف مبروك وانشاء الله المباراه الجايا معاكم
وتحياتي الي كيكي وبهاء بكري وكل الحضور الجميل لمباريات الهلال
|
رمضان كريم يا احمد خضر
وعقبال الفرحة الكبري
| |
|
|
|
|
|
|
|
|
 Re: في المقبرة حيث الحيث (Re: صلاح أبودية)
|
Quote: ياكيكي قالو الجماعة طنطنو لمن لقو عربيتك السوداء برة
انت زول مبروك ماتخلي الاشاعة دي تمش فيك |
 .. والله كان أنا كنت عارف إنو كيكي الكج الرسمي بتاعكم في الدوحـة أمس كان رديت على الكج بتاعي .. الهنا دا ..
عندي كج بتصل علي في مباريات الهلال .. الافريقية دي .. ومن ما يتصل علي .. بنترشة .. يا بندرن درون يطلعنا من الجنة وسقطة
أمس حلمت انو اتصل علي .. اليوم كلو انا شايل الجوال في يدي .. وحالف كنت يتصل علي ما ارد ليهو ..
المهم لمن الكورة قربت تبدا بشوية .. الهزاز بتاعي اشتغل والرجفي .. اتوكلت على الله .. واتصلت عليهو قلت اللحقو ما يتصل علي في الدقايق الباقية دي يحنضل علي باقي اليوم ..
تخيلو ما رد علي .. ؟ والله متعني ليك متعة .. ومن وقتها عرفته إنو الماتش حقنـا ..
يا جماعة كيكي دا عليكم الله ما تضغطوا عليهو .. كان ضغطوا عليهو بشربنـا . دي جربوهو في مباراة خارجية شوفو مويتو كيف .. وكان ما ظبط معاكم .. خلوني اديكم تلفون زولي دا ..
..
مبروك يا خلي .. في شوية شغل .. بعد كاريكا يرجع .. مع سادومبا واتو(بنقو) .. والدفاع دا يتربط شوية .. عندي معاكم كلام لي قدام ..
..
الجميل في الهلال .. العودة بعد احراز هدف فيه .. ودي في حد ذاته اجمل من انو يتقدم بي هدف ..
| |
|
|
|
|
|
|
|
|
|
Re: في المقبرة حيث الحيث (Re: tmbis)
|
| Quote: طبعا انت بتكون مستغرب ليه سادومبا ما شات البلنت ؟ |
عزيزنا بهاء الدين
كدي خلينا نقتنع انو بلنت فعلا بعدين نعرف ليه ماشاتوا
والا يكون ماشاتوا لانو مامقتنع انو بلنت .
وبمناسبة سادومبا هاك العنوان من صحف اليوم:
اتحاد زيمبابوى يقتل فرحة سادومبا ويستدعى المتورطين فى قضية اسيا قيت يوم الجمعة
المقبل
اها لو ثبت تورط سادومبا فى القضية دى تاني الا يلعب ام الحفر
| |
|
|
|
|
|
|
|
|
|
Re: في المقبرة حيث الحيث (Re: tmbis)
|
| Quote: وقد نعود لشوية تحليل للكورة لزوم التسخينة ولزوم حيث الحيث |
لزوم الحديث عن حيث الحيث
الهلال مافعلة امس اشبه بالعواسه
حتى العواسه ليها تكتيك وتكنيك معين
يعني الحكم لو حسب ضربة جزاء القطن الليله كان نقبل وين
حتى ضربة جزاء سادمبا مشكوك في امرها
هدف اتو(بنقو) على قول تمبس جميل وقوي اخرج الهلال من حرج كبير
ابدا مافي تنويع في اللعب اللهم ناس بتجري محل ما الكره بتجري التقول ساكين عضم
بدل ما التاج واصلا الاعب دا امكنياته ضعيفة جدا جدا لايشبه حجم الهلال لماذا المجازفة به في كل مباراة
هدف القطن كان التاج هو الاقرب الى الكره ولكن تصرف بضعف كما تصرف سعيد السعودي في مباراة المريخ عندما ملص الكره الحضري
التاج يستلم الكره ويدخل بها وسط الملعب عايز يعمل شنو ماعارف موش في حاجه اسمها اوفر لاب وحتى لما يجري بالطرف جريته ضعيفة
حليل زمن تنقا وفاروق جبرة بس نقول شنو ونشكي لي منو من المدرب ميشو
للان ماعارف امكانيات دفاعة ولاقادر يولف لاعبين لاطراف الملعب والدفاع
واين وزير الدفاع طارق احمد ادم من هذه المهزلة وهو بقول بنعمل العلينا بعمل في شنو وبساعد بشنو ماعارف
امكن لو لعب كيكي وخليل اطراف بكونو افضل من التاج وهليفا
لاعبين كما قال المستشارابومحمد فؤاد ماعندهم خيال تنويع اللعب وايجاد الثغرات ومكامن ضعف الخصم
هيثم مصطفى رغم حركته اصبحت بطيئة لكنه افضلهم يلعب بشجاعة ومسئولية
غايتو تعبّتو قلبنا معاكم ياهلالاب ويوم ميشو دا بعملها فيكم وبقتل ليهو زول من الجمهور
شفت الاسعاف دخل الملعب قلت بس عملها ميشو في واحد
الهلال عايز ترميم كبير في الدفااااااااااااااااع الدفاع يا اهل المروه الدفاع
بالجنبة :
الهلال لايحلم بالبطولة التي نتمناها له
| |
|
|
|
|
|
|
|
|
|
Re: في المقبرة حيث الحيث (Re: وليد عبد اللطيف)
|
لزوم الحديث عن حيث الحيث
الهلال مافعلة امس اشبه بالعواسه
حتى العواسه ليها تكتيك وتكنيك معين
يعني الحكم لو حسب ضربة جزاء القطن الليله كان نقبل وين
يا وليد انت زول لاعب كورة
بتناقش زي الجماعه برضو
ياخ متكاتفين دمبا باريو اللاعب الكاميروني
عارف معني متكاتفين دي
وجيب اعظم حكم خليه يحسبها بلنتي
| |
|
|
|
|
|
|
|
|
|
Re: في المقبرة حيث الحيث (Re: abas)
|
الحبيب عباس ... يلامات تصوم وتفطر على خير
Quote: يا وليد انت زول لاعب كورة
بتناقش زي الجماعه برضو
ياخ متكاتفين دمبا باريو اللاعب الكاميروني
عارف معني متكاتفين دي
وجيب اعظم حكم خليه يحسبها بلنتي |
امكن اكون غلطان ومن غير عصبية بس تاكد من الاعادة وشوفها عل هذا تكاتف
تقدير الحكم شافها انها لعبة غير خشنة
المهم نرجع تاني للتاكد هل هي مكاتفه ام دفع من الظهر ياريت زاحد يجيب لينا فيديو وياسعدنا
| |
|
|
|
|
|
|
|
|
|
Re: في المقبرة حيث الحيث (Re: وليد عبد اللطيف)
|
لزوم الحديث عن حيث الحيث
الهلال مافعلة امس اشبه بالعواسه
حتى العواسه ليها تكتيك وتكنيك معين
يعني الحكم لو حسب ضربة جزاء القطن الليله كان نقبل وين
يا وليد انت زول لاعب كورة
بتناقش زي الجماعه برضو
ياخ متكاتفين دمبا باريو اللاعب الكاميروني
عارف معني متكاتفين دي
وجيب اعظم حكم خليه يحسبها بلنتي
| |
|
|
|
|
|
|
|
|
|
Re: في المقبرة حيث الحيث (Re: وليد عبد اللطيف)
|
لزوم الحديث عن حيث الحيث
الهلال مافعلة امس اشبه بالعواسه
حتى العواسه ليها تكتيك وتكنيك معين
يعني الحكم لو حسب ضربة جزاء القطن الليله كان نقبل وين
يا وليد انت زول لاعب كورة
بتناقش زي الجماعه برضو
ياخ متكاتفين دمبا باري و اللاعب الكاميروني
عارف معني متكاتفين دي
وجيب اعظم حكم خليه يحسبها بلنتي
| |
|
|
|
|
|
|
|
|
|
Re: في المقبرة حيث الحيث (Re: tmbis)
|
Quote: والله كان أنا كنت عارف إنو كيكي الكج الرسمي بتاعكم في الدوحـة أمس كان رديت على الكج بتاعي .. الهنا دا ..
عندي كج بتصل علي في مباريات الهلال .. الافريقية دي .. ومن ما يتصل علي .. بنترشة .. يا بندرن درون يطلعنا من الجنة وسقطة
أمس حلمت انو اتصل علي .. اليوم كلو انا شايل الجوال في يدي .. وحالف كنت يتصل علي ما ارد ليهو ..
المهم لمن الكورة قربت تبدا بشوية .. الهزاز بتاعي اشتغل والرجفي .. اتوكلت على الله .. واتصلت عليهو قلت اللحقو ما يتصل علي في الدقايق الباقية دي يحنضل علي باقي اليوم ..
تخيلو ما رد علي .. ؟ والله متعني ليك متعة .. ومن وقتها عرفته إنو الماتش حقنـا ..
يا جماعة كيكي دا عليكم الله ما تضغطوا عليهو .. كان ضغطوا عليهو بشربنـا . دي جربوهو في مباراة خارجية شوفو مويتو كيف .. وكان ما ظبط معاكم .. خلوني اديكم تلفون زولي دا ..
|
طبعا يا تمبس
صاحبك كيكي كلما نقول ليهو يلا نمشي نحضر الكورة مع عمر بوب
يقول ليك عندي اجتماع عامل لينا فيها باقان اموم
المهم يوم كورة ساكواها اضطر ان يحضر المباراة في بيت بوب
لانه كان معانا احمد خضر ضيف جاء من امريكا
امبارح انا ومحمد عبدالرحمن كنا في مشوار ولم نتمكن من حضور المباراة منذ بدايتها
محمد عبدالرحمن قال لي اضرب شوف الحاصل شنو
والله العظيم يا تمبس في اللحظة الضربت التلفون لكيكي
كيكي قال لي هجمة خطرة علي الهلال الله يستر
الله قون علي الهلال
وبمجرد وصولي بيت عمر بوب احرز الهلال التعادل
| |
|
|
|
|
|
|
|
|
|
Re: في المقبرة حيث الحيث (Re: abuguta)
|
Quote: خلى ياوجه السعد,,
يعنى قسطنطين مكتف,,ما شايفو ظاهر
ياخى الهلال يضمن نقطة واحدة ويضمن التاهل,,,
الرجاء خارج النص,,والقطن ايضا كذلك
لكن التيم عاوز شغل |
يا ابو قوتة
يجب علي الهلال تصدر المجموعة لتجنب ملاقاة الترجي في دور الاربعة
| |
|
|
|
|
|
|
|
|
|
Re: في المقبرة حيث الحيث (Re: لؤى)
|
مبروك يا خليل:
تصريح مدرب القطن التحت ده مهم ياخ
| Quote: نهاية مباراة الهلال والقطن الكاميروني في الجولة الثالثة من الدور ربع النهائي لدوري ابطال افريقيا تحدث مدربا الهلال والقطن الكاميروني في مؤتمر صحافي مسع في قاعة والي الدين الملحقة بالاستاد الخاصة بالمؤتمرات الصحافية ..وابتدر الحديث مدرب القطن الفرنسي الجنسية الفرنسي لافان مشيدا بالمستوى الفني للمباراة من الفريقين ..وقال فريقه سيطر على المباراة قبل الهدف ولكن الهلال إستطاع العودة سريعاً وقال أن مخالفة الجزاء التي إحتسبها الحكم الجزائري لصالح الهلال صحيحة ولا غبار عليها ولكن المخالفة الثانية التي منح الحكم بها البطاقة الصفراء الثانية وتمر طرد اللاعب غير صحيحة وأضاف بأن فريقه لعب على الهجمات المرتدة ولم يكن يستحق الخسارة ولكنه سوف يعمل على كسب بقية مبارياته في ملعبه وأولها مباراته في الجولة الرابعة أمام الهلال على أرضهم ووسط جمهورهم بمدينة قاروا الكميرونية. |
| |
|
|
|
|
|
|
|
|
|
Re: في المقبرة حيث الحيث (Re: لؤى)
|
خلي يافردة
المبارة مباراة تكتيكية بحتة وميشو لديه عدد كبير من المصابين واستطاع ان يوظف البدلاء بشكل جيد بس الغلطة الوحيدة انو ابتداء بي التاج في خانة الظهير الايمن
في حين ان بوية من المفترض ان يلعب في الجانب الايسر وخليفة في الجانب الايمن غلطة كلفتنا الهدف الوحيد اللي احرزه القطن
ولكن اؤؤمن علي كلام تمبس ان عودة الهلال بعد ان تقدم القطن عليه بهدف ويتعادل ويفوز فهذه هي النقطة المهمة
تخريمة
المريخاب ديل فوز الهلال دائما بيعمل ليهم شنو ماعارف التقول هم المشاركين في المبارة اقول ليهم سيبونا في حالنا وهي تحلي
| |
|
|
|
|
|
|
|
|
|
Re: في المقبرة حيث الحيث (Re: Mutwali Malik)
|
Quote: في حين ان بوية من المفترض ان يلعب في الجانب الايسر وخليفة في الجانب الايمن غلطة كلفتنا الهدف الوحيد اللي احرزه القطن
ولكن اؤؤمن علي كلام تمبس ان عودة الهلال بعد ان تقدم القطن عليه بهدف ويتعادل ويفوز فهذه هي النقطة المهمة
|
فعلا يا متوكل بويا افضل من خليفة علي الطرف الايسر وخليفة افضل من التاج علي الطرف
ياخي امبارح توريه ما كويس صاح
ام كان يلقب ايضا بالمقلوب
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
Quote: ياخي امبارح توريه ما كويس صاح
ام كان يلقب ايضا بالمقلوب |
خلي يافردة
مازلت اصر علي ان توريه سيكون له شان كبير في الهلال حالما يتاقلم مع باقي اللاعبين وفي مكانه الصحيح وهوالوسط الايسر فترقبوه في المباريات القادمة
| |
|
|
|
|
|
|
|
|
|
Re: في المقبرة حيث الحيث (Re: Mutwali Malik)
|
Quote: خلي يافردة
مازلت اصر علي ان توريه سيكون له شان كبير في الهلال حالما يتاقلم مع باقي اللاعبين وفي مكانه الصحيح وهوالوسط الايسر فترقبوه في المباريات القادمة |
مافيش مشاكل يا متولي
اننا لمن المنظرين
| |
|
|
|
|
|
|
|
|
|
Re: في المقبرة حيث الحيث (Re: ابراهيم محمد الحسن)
|
| Quote: يجب علي الهلال تصدر المجموعة لتجنب ملاقاة الترجي في دور الاربعة |
اها ياخلي جهز بوست الترجي العامل لى قلق
على وزن بوستك السابق الصفاقسي العامل لى قلق
عليك الله ياخليل ماتوهم الناس وتحلمهم ببطولة
كان بالدفع كان بغيره
بطولة شنو ياخوي
هو الكاس ده ماعندو رأس
| |
|
|
|
|
|
|
|
|
|
Re: في المقبرة حيث الحيث (Re: معاوية محمد الحسن)
|
Quote:
يا وليد
البطولة مافيها غير الترجي تيم يقولو عليه
واحتمال كبير نضايرو ليك |
يارييييييييييييت كنت زيك لو يجدي التمني حبيبي يكون معايا
في الاشجار نقيل وباللاغصان نميل
تعرف ياخليلوف على الاقل عشان اخوانا الصفوة طموحهم يكبر شوية
| |
|
|
|
|
|
|
|
|
|
Re: في المقبرة حيث الحيث (Re: وليد عبد اللطيف)
|
Quote: يارييييييييييييت كنت زيك لو يجدي التمني حبيبي يكون معايا
في الاشجار نقيل وباللاغصان نميل
تعرف ياخليلوف على الاقل عشان اخوانا الصفوة طموحهم يكبر شوية |
شفت يا وليد
الجماعة شبكونا الوداد الوداد
انا قلت ليهم انتظروهو مع الترجي
وقد كان الترجي انتزع منه التعادل وسط جمهوره
الترجي خلبوص ياخ
| |
|
|
|
|
|
|
|
|
|
Re: في المقبرة حيث الحيث (Re: معاوية محمد الحسن)
|
Quote: اها ياخلي جهز بوست الترجي العامل لى قلق
على وزن بوستك السابق الصفاقسي العامل لى قلق
عليك الله ياخليل ماتوهم الناس وتحلمهم ببطولة
كان بالدفع كان بغيره
بطولة شنو ياخوي
هو الكاس ده ماعندو رأس |
والله يا معاوية كان جيت للجد
فعلا الترجي عامل لي قلق
لم يهزم حتي الان
تعادل مرتان خارج تونس
سجل خمسة لاعبين زي الرصاص منهم كوليبالي بتاع الشبيبة
الله يستر علينا من المفتش
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
| Quote: هو الكاس ده ماعندو رأس |
صديقي معاوية محمد الحسن
الكاس كيف ماعندو راس وانت شايف سيد البلد يصول ويجول داخليا وخارجيا انا ما عارف المقلق المريخاب شنو الايام دي
من غيرنا يعطي لهذا الشعب معني ان يعيش وينتصر
| |
|
|
|
|
|
|
|
|
|
Re: في المقبرة حيث الحيث (Re: Mutwali Malik)
|
Quote: الكاس كيف ماعندو راس وانت شايف سيد البلد يصول ويجول داخليا وخارجيا انا ما عارف المقلق المريخاب شنو الايام دي
من غيرنا يعطي لهذا الشعب معني ان يعيش وينتصر |
الكاس ابن عاق
موكد سيعود لحضن ابيه الهلال ولو بعد حين
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
يتغير حال البلد
تتببدل المحطات
يتغير الناس
تتبدل نفوسهم
لكن يظل الهلال هو الهلال
الحب والعشق
(عليك الصدام
سرَّة المأمنة
عليك الكلام الجديد
الحديد
عليك النشيد)*
يا
(سيّد الأمكنة ... ريّس الأزمنة)*
يا ملامح الوطن القديم ... يا هلال يا عظّيم
عليك السلام
--------------
خليل الود المليّح
تحياتي
-----------------
(*) الكلام لحمّيد عليه السلام.
| |
|
|
|
|
|
|
|
|
|
Re: في المقبرة حيث الحيث (Re: نادر)
|
رمضان كريم يا نادر
نعم الهلال عشق سرمدي
نحبه في كل الظروف ونغني مثلما تغني الاوائل
افكر فيه واتامل اراه اتجل واتكمل
هلالي الهل واتكمل
وكل اغنيات الهلال الجميلة
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
الحيــــــــــاة مـــــــــــــــــن الجهــــــــة التــــانية
الأربعاء 17 أغسطس 2011 الساعة 4:38
(1)
< الاديب الفرنسي (جان جنيه) تعرض لظلم وسخرية كبيرة من المجتمع الذي كان قاسيا معه وكان سبب ذلك فقره ونشأته وتنقله من الملجأ الي السجن فقد كان (جان) مجرما وكان رجل عربيدا لا يأبه بالحياة ولا يضع للتقاليد والمثل والقيم اعتبارا ...لكنه مع ذلك كان يحاول ان يتخلص من (ضغينته).
< لم يفقده تشرده هذا (ادبيته) العظيمة ..وسخريته الحاضرة.
< وكان يعمل ان يكون متسامحا في كتاباته...يريد ان يكتب عن حب لا عن كراهية رغم كل الجراح التي يحملها.
< كان مع كل هذا الوجع ونظرة المجتمع الدونية له يقول:
< (اذا اردنا ان نفهم هذه الدنيا ، القليل منها فقط ، فمن الضروري ان نتخلّص من الضغينة. لا تزال عندي بقايا ضغينة وغيظ من المجتمع ، ولكنها تتناقص تدريجيا وآمل ان تزول في وقت قريب).
< جان جنيه كان يعترف بانه يحمل (ضغينة) وغيظ من المجتمع ...لكنه كان يتسامح مع ذلك بقوله ان ضغينته تتناقص تدريجيا ..وانه يآمل ان تزول في وقت قريب.
< وهذا اعتراف منه بالخطأ.
< نحن هنا.
< علينا الانتباه ...وعلينا الا نحكم على اشياء نحمل لها (ضغينة).
< الطيب صالح كان يقول قولا يردد دائما ان اجمل النقد ما كتب عن حب.
< كان الاديب الراحل الطيب صالح يتحاشى الكتابة عن الاشياء التي لا يحبها.
< من بين الكتابات الرياضية عن الهلال وعن المريخ كثيرا منها يخرج عن (ضغينة) وهذا يفسد كل شيء ويقودنا الي هذه العصبية والاختلاف وربما الاحتراب.
< مريخاب لا يحملون للهلال إلا الضغينة وهلالاب يبادلون المريخ (الضغينة) نفسها ...فتخرج كتاباتنا بكل هذا السوء.
< جميلا ان نكتب عن المريخ وان نسخر منه دون ان نحمل له (ضغينة)...وجميلا من المريخاب ان يكتبوا عن الهلال دون ان يحملوا له (ضغينة) وان كنت اعرف ان ذلك صعبا عليهم.
< المهم دعونا نتخلص من (الضغينة) ونحاول ان ننقصها تدريجيا آملا في ان تزول في وقت قريب كما يقول جان جنيه.
< لكننا هل ننجح في ذلك؟.
(2)
< الشيء الذي نجح فيه الهلال في الفترة الاخيرة فترة (ميشو) تحديدا ...هو ان الهلال اصبح اذا تأخر بهدف يمكن ان يعود ...وهو قادر على الانتصار حتى بعد ان يكون مهزوما.
< وقد اثبتت التجارب ذلك.
< كفي ان نتمثل بمشاركة الهلال في مرحلة المجموعات العالية.
< الهلال كان خاسرا 1- 2 امام انيمبا في نيجيريا ...استطاع الازرق ان يعود سريعا وان يتعادل مع انيمبا بعد الخسارة ...وهذا انجاز يحسب للهلال لاعبين وللجهاز الفني.
< مباراة القطن الاخيرة كان الهلال متأخرا بهدف ...لكن الهلال ظل يفرض حصارا قويا على فريق القطن حتى انهار الفريق الكاميروني وارتكب مدافعه مخالفة داخل المنطقة المحرمة طرد المدافع بعدها مع احتساب ضربة جزاء لصالح الهلال سجل منها هيثم مصطفى حفظه الله ورعاه هدف التعادل للهلال.
< بعدها ظل الهلال يفرض حصارا اقوى من حصاره الاول حتى استطاع (اتوقوون) من تسجيل هدف الانتصار قبل نهاية المباراة بـ (10) دقائق.
< هذا السير يؤكد مكاسب شتى للهلال وان كان نرى ان تقدم الهلال على الاندية التي يباريها بفارق هدف يجعل اعصاب جماهيره مشدودة ...كما ان الهلال بالتقدم بهدف وحيد يكون اكثر عرضة لخسارة المباراة.
< وهذا يمكن التمثل فيه بمباراة الهلال والنيل الحصاحيصا فقد كان الهلال متقدما بهدف وحيدا على النيل الحصاحيصا حتى الدقيقة الرابعة من الزمن البدل الضائع.
< لكن النيل ادرك التعادل في اللحظات الاخيرة وفقدنا نقطتين بسبب الاستهتار والتهاون والتقدم بهدف وحيد.
< اذا كانت هناك محاسن في عهد ميشو ...فان هناك مساوى يجب ان يتقوف عندها الجهاز الفني للهلال.
< ومعالجة الاخطاء امر في غاية الضرورة اذا اردنا للهلال ان يتقدم محليا وقاريا ...واحسب ان الهلال اصبح فريق كبير ...يجب ألا يقع في هذه الاخطاء التي يقع فيها (الصغار).
< طبعا بالصغار دي انا قاصد المريخ ونيل الحصاحيصا.
< هسه نيل الحصاحيصا ذنبو شنو؟.
(3)
< جان جنيه الاديب الفرنسي الذي حدثتكم عنه في الفقرة الاولى يقول : (دائما يوجد في داخلك رجل يلوم حذائه على اخطاء ترتكبها قدميه).
< هذه الكلام يمكن تأكيده بالنظر الي أي مهاجم يضيّع فرصة مضمونة.
< أي مهاجم يضيّع ليه هدف بقعد يعمل المشكلة في (الكدارة).
< زولكم طوالي يقعد يربط في (الكدارة).
< يعني (التقليشة) دي بي سبب (الكدارة) كما يقول جان جنيه تماما.
< طبعا في طريقة تانية لصرف الانظار عن الاخطاء ...هى ان يتحدث (المهاجم) مع مهاجم الاخر بما يوحى الي ان المهاجم الاخير ما فاتح كويس.
< او ممكن المهاجم يقوم (يتعتر ويعتب) على اساس انه (مصاب) او العصبة قامت عليه.
< دي كلها طرق وحيل بنشوفها في الميدان.
< برضو في حاجات بنشوفها من حراس المرمى.
< أي حارس يسجلو في شبكتو هدف بقوم يكورك في (الباك).
< على اساس ان الخطأ ما من (الحارس) الخطـأ من المدافع.
< انتوا ما شفتوا الحضري بكورك في (سعيد السعودي) كيف وقت تستقبل شبكتو قون.
< الحضري بكورك في (السعودي) حتى لو كان السعودي وقتها في كنبة الاحتياطي.
(4)
< حفلات زمان .. كان بين كل فاصل والاخر .. ينط احد (المتشوبرين) ويمسك (المايك) .. ويبشر الحضور قائلا : (ان الليل مازال طفلا يحبو).
< الناس تنطط من الفرح.
< بل كانوا يقولون هذه العبارة (مازال الليل طفلا يحبو) بين الاغنية والاخري .. ولا ينسي القائل ان يقول من حين لاخر :( يا جماعة الفاصل دا للبنات .. الاولاد يطلعوا برة).
< (الكراسي) تتخابط.
< عشان بطلعوا ليكم.
< الزول يقوم يبشر فوق العريس .. يلقي في زول قعد في كرسييه.
< ان شاءالله (الكرسي) عيشتو تطير.
< اتذكر والدنيا برد .. والنباه الاول يعلن عن (الفجر) .. خيوطه تتقسم في الشوارع .. مع ذلك واحد كدا يطلع ليه في (كرسي )ويشيل (المايك) ويقول : (الليل مازال طفلا يحبو).
< الناس (نعسانة) .. تنوم في (الكراسي) والفنان بغني في اغنيات (مسيخة) متل (دفيق البلح الاخضر) والواطة قربت تصبح وزول كدا يقول : (اصحوا يا عالم الليل مازال طفلا يحبو).
< يا ود الناس انت (ليلك) دا بيلعب في (التمهيدي)؟.
< دا (ليل) ولاّ قطر... البحبو .. السنة كلها.
< (الواطة) صبحت و(الشفع) من حفلتهم مشوا عديل علي مدارسهم .. الحصة الاولي والتانية كلها يقضوها (نوم).
< شفع زمان بمشوا الحفلة بهدوم المدرسة .. الواحد من الحفلة للمدرسة.
< مع ذلك صاحبنا داك مازال ماسك في حكاية (ومازال الليل طفلا يحبو).
< الليل في عينك.
< الشمس شرقت عديل ... وبقت في كبد السماء .. وبرضو زولنا داك بقول : (الليل مازال طفلا يحبو).
< دا ليل شنو دا؟.
< والفنان بغني في (امنة الفي الضمير ماذياني .. ما شفتوها يا خلاني).
< ينتهي من الاغنية دي بخش في (هلت بشائرنا ودام الفرح لينا).
< والليل مازال طفلا يحبو.
< ليلكم دا (طعموه).
< (الحبيان) بتاعو دا ما طبيعي .. معقولة (ليل) بحبو حتي الساعة واحدة ظهراً من اليوم التاني.
(5)
< تختلف البدايات في افلام (سينما بوليوود) .. ولكن كلها تنتهي نهاية واحدة .. هذا مثل الروايات العربية التي بختامها يتزوج الابطال.
< الفيلم الهندي عادة تكون فيه قصة حب قوية وعنيفة بين (البطلة) بنت الذوات والحشم والخدم التي تعادل مرتبة (بنت السلطان) في الاحاجي السودانية .. هذه (البطلة) التي تكون دائماً آية في الجمال تحب احد ابناء الطبقة الكادحة (التعبانين) وعينهم طالعة .. مع ذلك عنده مواهب خرافية اذ يستطيع ان يتتغلب علي عصابة تتكون من سبعين فرد اقل واحد فيهم متل سبع البرمبة.
< هذا منحي لافلام هندية كثيرة وهنالك منحي اخر اذ نجد بعض الافلام تأتي علي هذه الشاكلة.
< تبدأ بعض الافلام الهندية بمشاهد (اكشن) قوية .. (حرائق .. غرق .. ضرب نار .. موت .. خطف) في ظل هذه الاجواء يولد (طفل صغير) ... تموت امه بسبب طلقة جائرة من قوات (الخيانة) .. اما والد الطفل المولود يدخل السجن بسبب تهمة ملفقة .. من (الخونة) الهنود الذين يظهرون في الفيلم الهندي بقامتهم الطويلة وشعرهم المبرم وعيونهم الحمراء.
< قبل ذلك مخرج الفيلم الهندي عامل فيها حريف يجيب والد الطفل قبل ان يدخل السجن وهو يضع (وشماً) علي صدر ابنه الطفل ثم يرمي به في احد عربات الخونة وهو ابن بعض الايام.
(6)
< لا اعرف ما علاقة الدراما بشهر رمضان؟.
< لماذا تتجه شركات الانتاج والفضائيات العربية الي انتاج هذا الكم الهائل من المسلسلات في كل عام من شهر رمضان؟.
< هل هذا لان نسبة المشاهدة عالية في رمضان وخصوصا للمسلسلات العربية.
< في الاصل لماذا نجد ان المشاهد في شهر رمضان اكثر تعلقا ومتابعة للدراما التلفزيونية والمسلسلات العربية.
< ربما تكون الالفة كبيرة بين المشاهد والمسلسل العربي في شهر رمضان ...وقد ساد ذلك واصبح عرف وطبيعة اعتاد عليها الناس ..حتي اصبح من مكملات شهر رمضان.
< في رمضان كان التلفزيون السوداني من رواج المسلسلات.. يقدم عصرا مسلسلا دينيا وبعد التراويح يقدم مسلسل سوداني ثم يقدم في الجزء الاول من السهرة المسلسل العربي.
< وكان للمسلسل السوداني رواجا وقبولا في الشهر الكريم ..فقد كان الناس يستقبله باللهفة والشوق والترقب.
< وتذكرون مسلسلات سودانية شهيرة قدمت في شهر رمضان ومازالت في الذاكرة.
< الناس تذكر لتحية زروق وجلال البلال مسلسل (المال والحب) ونذكر (بيوت من نار)...ويذكر الناس كذلك لمحمد خيري احمد مسلسل (البيت الكبير).
< كذلك كان مسلسل (الشاهد والضحية) الذي احدث ضجة كبري..كان لهذا المسلسل مكانة كبيرة في ذاكرة الناس....المسلسل ترك فيه الهادي صديق ومحمد عبدالرحيم قرني علامات مميزة في خارطة الدراما السودانية.
< هذه المسلسلات التي قدمها واخرجها المخرج التلفزيوني الكبير (فاروق سليمان).
< نحن الان افتقدنا المخرج الراحل فاروق سليمان فقد كان حقا هذا المخرج يسد فراغات كبيرة.
< فاروق سليمان كان يقاتل وحده من اجل ان يكون في كل عام من شهر رمضان مسلسلا سودانيا.
< وقد نجح المخرج السوداني في ذلك..رغم انه كان وحيدا.
< رحل فاروق سليمان ..ولم نعد نشاهد الان مسلسلا سودانيا.
< من الذين وسموا الدراما التلفزيونية الممثل الراحل عوض صديق ...وهو الممثل الذي ادهش الغرب بقدراته التمثيلية الكبيرة.
< كذلك نندهش كثيرا من قدرات نجمات الدراما السودانية..فائزة عمسيب وبلقيس عوض ورابحة محمد احمد.
< وكان يمكن ان يكون عندنا جيل اكثر ادهاشا لو ان مسيرة الدراما التلفزيونية استمرت بنفس المستوي الذي كان مع انه ضعيفا إلا انه كان يخلق تواجدا وتواصلا..وهو افضل من العدم.
< الجيل الذي كان يمكن ان يحدث طفرة درامية هو جيل تماضر شيخ الدين وناهد حسن ثم تهاني الباشا وهالة اغا وهند راشد.
< لكننا دون ان ندري دفنا هذا الجيل ..بعد ان دفنا الدراما السودانية.
< هذا عن المسلسلات السودانية ..اما عن المسلسلات العربية فقد بدأت بمسلسلات شهيرة ارتبطت عند الناس بشهر رمضان..مثل مسلسل صيام صيام ليحي الفخراني وفاروق الفيشاوي واثار الحكيم.
< ثم ظهر مسلسل ليالي الحلمية حيث بدأ عرض الجزء الاول في شهر رمضان المبارك.
< اما اكثر المسلسلات التي كان لها وجودا في رمضان فهو مسلسل (رأفت الهجان) لمحمود عبدالعزيز.
< كذلك نجد مسلسلات شهيرة ظهرت في رمضان مثل مسلسل (عصفور النار) لمحمود مرسي.
< هذه المسلسلات كانت تجمع الناس وتجلسهم علي الشاشة وكانت تعرض بعد العاشرة فيشاهدها كل الناس في رمضان.
< كان هذا قبل البث الفضائي...وكانت الكهرباء في ذلك الوقت دائمة القطوع خاصة في (الحلقة الاخيرة).
< لذا كانت تمتليء النوادي وتحتشد بالناس عندما تكون هناك قطوعات كهرباء.
< الطريف كانت الخطابات تصل للتلفزيون القومي مطالبة باعادة حلقة من حلقات المسلسل لأن الكهرباء كانت قاطعة.
< الان اعتقد ان المسلسل العربي فقد بريقه حتي في شهر رمضان ...وهذا ربما للانتاج الكثيف للدراما في شهر رمضان...فالفضائيات تعرض في شهر رمضان اكثر من 100 ملسلسلا في الشهر.
< الدراما المصرية وحدها تنتج لهذا الشهر قرابة المائة مسلسل ..وتقارب الدراما السورية هذا العدد.
< وسط هذا الكم ...كان من الطبيعي ان ينصرف المشاهد عن المسلسل خاصة ان المسلسل العربي اصبح مجرد (حشو اعلاني) لا غير.
< ملحوظة : الكلام دا كلو عشان نطلع من مباراة اليوم.
هوامش
< مباراة اليوم التي تجمع بين الهلال وحي العرب مباراة صعبة ..خاصة ان الهلال تغيب منه عناصر مؤثرة.
< لكن ان شاءالله الهلال يحقق انتصارا كبيرا.
< الهلال الافريقي ...الصعب ما في فريق بقدر يثبتو.
< اتوقوون قد يصبح هدافا للممتاز من بورتسودان.
< انتظروا اتوقوون فهو يملك الكثير.
< هدف اتوقوون في القطن بذكرني بي حفلات خلف الله حمد.
< أي زول في الحفلة دي وقت يسمع اغاني الحماس بحلف إلا ينجلد.
< هسه اهداف اتوقوون دي كلها (جلد).
< جلد وغرامة.
< غايتو يا موسي الزومة لو كنت في مكانك كنت مشيت (موناكو) الفرنسي.
< احسن ليك تتخارج.
< الزول دا لو لما فيكم (بفرتكم).
< عاجل: في واحد قال لي بقي ما عندنا ثقة في المريخ ...في زول قال ليه كورة المريخ والمريخ انتهت 9-صفر...زولكم قال ليهو تسعة لي منو مريخ حلفا وإلا مريخ ام درمان.
هههههههههههههههههههههههه يكا
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
الهلال انتصر يوم اربعتاشر بالهجري وبالميلادي
وكان القمر بدرا وكان كابلي يقول
يا قمر دورين انا شفتك وين
طبعا بالليل في ضفائر النيل
في رمال سهرانه وراجياك تسيل
وفي عيون الساقيةيرنو ليها نخيل
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
كلامك صاح يا ميشو
ميشو: هدف أوتوبونج أشبه بتزيين التورتة بقليل من الكريمة
شبه الصربي ميشو مدرب الهلال هدف أوتوبونج في مرمى القطن الكاميروني بأنه أشبه بتزيين التورتة بقليل من الكريمة وقال المدرب في تصريحات لموقع الكاف: مهمتنا أصبحت سهلة بعد الفوز على القطن لكنني لست مرتاحاً على الأداء، وذكر المدرب الصربي أن الفرقة الزرقاء خاضت مباراة أمام منافس جيد مشيراً إلى أن الفريق الكاميروني فريق جيد وأثنى على مدربه الفرنسي ونوه إلى أنه قام بعمل جيد وكشف مدرب الهلال أنه تحدث مع اللاعبين وقال لهم بعد إن فشل الفريق في الوصول الى مرمى المنافس في الشوط الثاني أن الحل يفترض أن يكون الضربات الثابتة وقال: فعلاً جاء الحل من الضربات الثابتة وتمكن أ,توبونج من التسجيل من ركلة زاوية.
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
الأخ خليل
لك الحب و التقدير
دائماً أقرأ بوستاتك و أسعد بمداخلات و مناكفات ضيوفك
كتب محمد عبدالماجد
Quote: < الطيب صالح كان يقول قولا يردد دائما ان اجمل النقد ما كتب عن حب.
< كان الاديب الراحل الطيب صالح يتحاشى الكتابة عن الاشياء التي لا يحبها.[/QUOTE]
ثم أورد
[QUOTE]< جميلا ان نكتب عن المريخ وان نسخر منه دون ان نحمل له (ضغينة)... |
بمنطق الأديب الراحل هذا
يعني أن الهلالاب يحبون المريخ
لم أتطرق للشق الآخر لشئ في نفسي!!!!!
الله الوطن هلاريخ
| |
|
|
|
|
|
|
|
|
|
Re: في المقبرة حيث الحيث (Re: محمد آدم النور)
|
| Quote: وعقبال ما نلعب في بطولة العالم للاندية |
حبايبنا خليل ومتولي
صباحكم خير
اها بعد الشفتوه أمس قدام طيش الدوري ده لسع عندكم أمل فى كاس فى افريقيا
ومصرين انو جاى جاي زى ماقلت لى ياخليل فى فطور بورداب الدوحة
لو طيش الدوري السوداني تمكن من إحراز هدفين فيكم
الترجي والوداد حيحرزوا كم ؟
قولوا انتو بقي
اترك الأحلام ياخليل واصحي
| |
|
|
|
|
|
|
|
|
|
Re: في المقبرة حيث الحيث (Re: معاوية محمد الحسن)
|
Quote: حبايبنا خليل ومتولي
صباحكم خير
اها بعد الشفتوه أمس قدام طيش الدوري ده لسع عندكم أمل فى كاس فى افريقيا
ومصرين انو جاى جاي زى ماقلت لى ياخليل فى فطور بورداب الدوحة
لو طيش الدوري السوداني تمكن من إحراز هدفين فيكم
الترجي والوداد حيحرزوا كم ؟
قولوا انتو بقي
|
يا معاوية
ان كان النهائي في المقبرة سننتزع الكاس ولو لعبنا امام برشلونة
| |
|
|
|
|
|
|
|
|
|
Re: في المقبرة حيث الحيث (Re: محمد آدم النور)
|
Quote: لم أتطرق للشق الآخر لشئ في نفسي!!!!!
الله الوطن هلاريخ |
محمد ادم النور
رمضان كريم ومتعك الله بالصحة والعافية
نحن في زمن التعصب يا صديقي
يوجد هلال ويوجد مريخ مافيش هلاريخ
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
بعد ان طالب صلاح احمد محمد صالح
تحويل كل من يشكك في انتصار الهلال الي مجلس الصحافة والمطبوعات وايقاف صحيفته
لان ذلك يندرج تحت بند الخيانة العظمي
شايف مزمل جر واطي وما جاب سيرة همشري وبقي شابكنا ليك ولدي احمد بلعب اتاري وولدي ابو القاسم
بعمل شنو كدة وخالي حسن ماكردة بجليها واقفة
استشاط سكرتير لجنة التحكيم المركزية صلاح أحمد محمد صالح غضباً لأن بعض الكُتاب انتقدوا أداء الحكم الجزائري محمد بنوزة في مباراة الهلال والقطن الكاميروني، وطالب صلاح مجلس الصحافة بمنع هؤلاء من الكتابة نهائياً، وشكك في وطنيتهم وطعن في انتمائهم للسودان.
* نقول لصلاح أولاً إن كرة القدم تعتبر بالنسبة إلى الكثيرين نشاطاً ترويحياً، لا مجال فيه للحديث عن الوطنية والسندكالية الارتجالية خاصةً عندما يتعلق الأمر بمنافسات الأندية.
* من الواضح أن سكرتير لجنة التحكيم أراد استغلال الموقف ضد إعلام المريخ الذي يهاجمه باستمرار، وحاول دمغ من انتقدوا الحكم الجزائري بعدم الوطنية، لأنه يعلم أنهم جميعاً من المنتمين إلى المريخ.
* كان على صلاح أن يتحدث عن أداء الحكم باحترافية ويقيم أداءه من ناحية فنية بصفته خبيراً للتحكيم، ويحدد إيجابياته ويشير إلى أخطائه إن وجدت، ويبتعد عن محاولة الصيد في الماء العكر!
* لكنه اختار أن يطوي لسان (خبير التحكيم) ويبرز (اللسان الأزرق) كيداً في إعلاميي المريخ الذين يتهمونه باستهداف ناديهم ومحاباة الهلال.
* ونسأله: ما علاقة الوطنية بالتستر على أخطاء الحكام ومحاولة تجميلها؟ ولماذا لم تبادر بتقييم أداء حكام مباريات المريخ في البطولات الإفريقية سابقاً؟
* الوطنية في كرة القدم مرتبطة عند ملايين البشر بالمنتخبات الوطنية فحسب.
* المنتخب الوطني يرتدي ألوان علم الوطن، وبالتالي فإن الإجماع على مساندته أمر طبيعي ومتوقع بل ومطلوب، أما الانتماء إلى الأندية يخضع لحسابات أخرى عديدة ومعقدة!
* معظم المنتمين للهلال لا يحبون رؤية المريخ منتصراً، وخسائره تفرحهم وترفع معنوياتهم.
* والأمر نفسه ينطبق على أغلبية محبي المريخ الذين يتمنون تعثر ندهم لأن ذلك يعني تمييز فريقهم.
* وهذا الأمر ليس حكراً على السودان وحده، فقد شاهدنا جميعاً كيف شجع جمهور سيمبا التنزاني المريخ أمام الينغا مؤخراً، وتكرر الأمر بالمعكوس عندما لعب المريخ مع سيمبا.
* وفي مصر القريبة ينتهز الزمالكاوية أي فرصة لخسارة الأهلي أمام أي خصم (داخلياً وخارجياً) ليسخروا منه وينالوا من روحه المعنوية سعياً إلى التفوق عليه، ويتكرر الأمر بالمعكوس عندما يخسر الزمالك.
* صديقي بكري مالك (من مدني) مثلاً لا يحب الهلال، ولا يرغب في رؤيته منتصراً أمام أي خصم، وهو حر في رأيه ورغباته وليست هناك أي جهة تملك حق السيطرة على مشاعره أو تلزمه بتحويلها وتعديلها.
* وصديقي أسامة جويلي هلالابي متعصب لا يحب المريخ، ويتوق لرؤيته مهزوماً في أي مباراة، وهو حر في تشجيع من يريد.
* ولصديقي المريخابي الشنداوي جحا منطق طريف، يدعي به أن عدم تشجيعه للهلال في المباريات الخارجية مبرر تماماً، وهو يقول إنه كسوداني غير ملزم بتشجيع (المالي) ديمبا باري و(النيجيري) يوسف محمد و(الزيمبابوي) إدوارد سادومبا و(الكاميروني) أوتوبونج و(الإيفواري) إبراهيما توريه، لأن المذكورين سابقاً ليسو سودانيين ولم يحضروا إلى السودان إلا سعياً لكسب المال!
* وبحسب جحا فإن تشجيعه للهلال مرتبط بتخلص النادي من كل لاعبيه الأجانب!
* وهناك بالطبع مشجعون معتدلون وقادرون على تجاوز حساسيات التنافس المحلي عندما يتعلق الأمر بالتنافس الخارجي، فيقف المريخابي منهم مع الهلال، ويؤازر الهلالابي المريخ.
* وهؤلاء موجودون ويستحقون التحية على روحهم الرياضية العالية، لكنهم يمثلون أقلية بكل تأكيد.
* عندما يتعلق الأمر بمنافسات الأندية تخضع المسألة للمزاج والهوى، ولا علاقة لها بالوطنية ولا يحزنون.
* هناك إسبان كثيرون لا يحبون ريال مدريد، ولا يتمنون فوزه في أي مباراة.
* وفي المقابل هناك إسبان آخرون لا يطيقون برشلونة وينتظرون تعثره في أي لقاء.
* أنا مثلاً أحب نادي برشلونة وأشجعه وأطرب لانتصاراته وأحزن لهزائمه مع أنني لا أمتلك الجنسية الإسبانية وليست لي أي علاقة بإسبانيا، وكذلك يشعر ابني أحمد الذي صدع رأسي (وآذى جيبي) بحبه لشعارات البارسا.
* ومن طرائف أحمد أنه أنشأ فريقين باسم المريخ والهلال في (البلاي ستيشن) وألبسهما الأحمر والأزرق، وطعمهما بالنجمة والهلال، وانتقى أفضل اللاعبين للمريخ وهزم بهم الهلال 13/1 !
* أما شقيقه أبو القاسم (سمي جده) فيحب ريال مدريد، ويغضب لهزائمه، وهو ليس إسبانياً ولم ير إسبانيا في حياته.
* ونلاحظ في العموم أن اهتمام شباب الجيل الجديد بالرياضة المحلية متجه إلى انحسار.
* كرة القدم لعبة مزاج، فأنا أحب الألمان في كأس العالم، وغيري يحب البرازيل، وهناك من يشجعون هولندا والبعض ينحازون إلى إسبانيا أو التانغو الأرجنتيني وكل ذلك يخضع إلى المزاج الشخصي، حتى في بطولات الأندية.
* نعود للأخ صلاح ونقول له إن الصيد في الماء العكر غير مقبول، ودفاعك المحموم عن بنوزة ينطلق في الغالب من حنقك على إعلام المريخ الذي يهاجمك باستمرار، ونحن نطالبك أن تنحاز إلى مهنيتك وتراجع الحالة التي جمعت مدافع سيف مساوي مع أحد مهاجمي القطن في الجزء الأخير للمباراة، وتفتينا فيها، هل هي ركلة جزاء كما طالب لاعبو القطن وجهازهم الفني، أم أن قرار الحكم كان صحيحاً فيها؟
* صدق من قال: الفي قلبك بيغلبك!
آخر الحقائق
* نتمنى ألا يتخفى صلاح خلف عبارة (تقدير الحكم)!
* تقدير الحكم عرفناهو، نريد تقديرك إنت!
* للمريخ خمسة لاعبين فقط في معسكر المنتخب، وغيابهم لا يمنع الفريق من مواجهة أهلي جدة.
* من الواضح أن البدري يخشى التعرض للهزيمة أمام الإتي.
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
Quote: حبايبنا خليل ومتولي
صباحكم خير
اها بعد الشفتوه أمس قدام طيش الدوري ده لسع عندكم أمل فى كاس فى افريقيا |
صديقي معاوية محمد الحسن
دي مجرد تمارين وبروفات وبراك شفت سيد البلد كيف الايام دي وكاس افريقيا امدرماني هذه المرة وانا ليك علي اسافر للاحتفال بيهو في امدرمان وتذكرتك علي ومعانا خليل الفردة
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
Quote: وماهو الاتي يا نزار
هل هو اتحاد جدة |
هلا يا ابو الخل...
الاتي...الفي المرارة...
اتحاد جدة داك شعرا ما عندهم ليه رقبة...
وبعدين الدنيا زاتا عقاب رمضان وموسم حج...
منو البديهم تأشيرات....يلعبو مع اتحاد جدة..
زائدا انو البدري ضروري يخاف من هزيمة الاتي
اذا كان كيلو اللحم بي 30 الف وقزازة الشري
بي 150 الف.
وعليه كل المعطيات تؤدي الي
الاتي الفي المرارة ...
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
Quote: يا معاوية
ان كان النهائي في المقبرة سننتزع الكاس ولو لعبنا امام برشلونة |
عزيزناخليل
صباحك خير
ماعملوا ليكم النهائي فى المقبرة قبل كده وما كان قدام برشلونة كان قدام الوداد
مالكم ماانتزعتوا الكاس
ولا اتوبونغ ما كان في؟
غايتو ياخليل الأمل الوحيد للهلال لحمل الكاس هو انسحاب الفرق السابعة الاخري الفى المجموعتين
غير كده الا تشيلوا كاس ..... (الدنيا رمضان)
| |
|
|
|
|
|
|
|
|
|
Re: في المقبرة حيث الحيث (Re: معاوية محمد الحسن)
|
Quote: عزيزناخليل
صباحك خير
ماعملوا ليكم النهائي فى المقبرة قبل كده وما كان قدام برشلونة كان قدام الوداد
مالكم ماانتزعتوا الكاس
ولا اتوبونغ ما كان في؟
غايتو ياخليل الأمل الوحيد للهلال لحمل الكاس هو انسحاب الفرق السابعة الاخري الفى المجموعتين
|
سلام يا معاوية
لو احتسب الحكم هدف الهلال في اول خمسة دقايق لفزنا بالكاس
لكن خلي الفات قديم ارجي البجيك جديد
المرة دي الكاس والاتنين مليون دولار وكاس العالم للاندية محمدنا
| |
|
|
|
|
|
|
|
|
|
Re: في المقبرة حيث الحيث (Re: khaleel)
|
دا كلام صاح
سامسونج تعلن رعايتها للهلال وتدعو تشيلسي الانجليزي للتباري معه
الاثنين 22 أغسطس 2011 الساعة 3:06
اعلنت شركة سامسونج الكورية الوكيل الحصري لاجهزة سامسونج الالكترونية بالسودان رعايتها رسميا لفريق الهلال السوداني في مؤتمر صحفي عقد في الثانية عشرة من مساء امس بصالة كورنثيا ببرج الفاتح شهده حضور اعلامي كبير وشرفه بالحضور سيادة العميد عصام كرار نائب الامين العام لنادي الهلال وعضو المجلس هاشم ملاح ولاعب الفريق محمد احمد بشة والمدرب الصربي ميشو.
وتم تسليم شعار الرعاية من الشركة مطبوعا على قميص الفريق واكد مستر يون المدير الاقليمي ان سامسونج شركة عالمية ترعي اكبر ثلاثة اندية عالمية من بينها تشيلسي الانجليزي سو وون وبلو يبروز الكوري والهلال السوداني الذين يرتدون الشعار الازرق الذي يتناسب مع المزاج اللوني لسامسونج اضافة الى ماهيرته العالمية وهو من افضل الاندية الافريقية في الترتيب خاصة وانه يمثل في دوري الابطال.
--------------------------------------------------------------------------------
..
| |
|
|
|
|
|
|
| |
khaleel
عبدالكريم الامين احمد
بهاء بكري
عبدالكريم أحمد الامين
nazar hussien
الصادق صديق سلمان
معاوية محمد الحسن
MOHAMMED ELSHEIKH
ابراهيم محمد الحسن
abuguta
ahmed khidir
صلاح أبودية
hassan bashir
tmbis
وليد عبد اللطيف
abas
الصادق يحيى عبدالله
لؤى
Mutwali Malik
عبدالمجيد المقابل
محمد آدم النور
فيس بوك
تويتر
انستقرام
يوتيوب
بنتيريست