|
طب دنقلا قبول بلاش أم طب الجزيرة قبول خاص أرجو المساعدة ؟؟
|
الأخوة الأعزاء خلاص هرمنا والعيال كبرت ، إبني الكبير تم قبوله بجامعة دنقلا كلية الطب لله الحمد والشكر ، أنا شخصيا مقتنع بأن طب الجزيرة هو الأفضل ولو كان بالقروش ويقال السنة بأكثر من (4000) دولار ، أرجو الإفادة والمساعدة بالنصح هل أتركه بطب دنقلا ؟ أم أتوكل على الكاش طب الجزيرة ... بصراحة مخاوفي وهواجسي أن طب دنقلا (ربما) أقول (ربما) لأنه جديد نوعا لا تتوافر فيه المعامل ، والمشرحة ، والدكاترة المحاضرين ، ألخ ... بما تنصحون ؟؟؟ الشفيع إبراهيم
|
|
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: جعفر محي الدين)
|
الاخ الشفيع تحياتي ورمضان كريم
اعتقد ان طب دنقلا مناسب وخاصة ان ابنك قد تم قبوله هناك
ثم ان التعليم الطبي في كل البلاد متماثل لان هنالك جهة واحدة علمية تشرف عليه
وكليات طب الاقاليم يدرس بها نفس اساتذة جامعات العاصمة
ودائما الدفعة تكون محدودة مما يتيح للطلاب اهتمام ورعاية اكبر
وبعدين وفر ليهو القروش دي للتخصص والعيادة والعربية
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: جعفر محي الدين)
|
يا عمنا اولا نقول ليك الف مبروك وعقبال التخصص كمان وطبعا طب الجزيرة لا توجد مقارنة بينه وبين طب دنقلا وتبقي معضلة الرسوم وفي اعتقادي هذة مفاضلة صعبة وتتعلق بالدخل السنوي لشخصك الكريم من جانب و من جانب اخر يجب النظر اذا كان لديك ابناء علي وشك الدخول للجامعة لانك قد تواجه بمصروفاتهم الدراسية خلال اعوام مقبلة ايضا لذا اعتقد انه لا احد يستطيع ان يقدم لك رأي سديد انت وحدك من يجب ان يجد حل للمفاضلة مع النظر لما تقدم مع تمنياتي له بالتوفيق في دراسته كسرة يا خي الطب دا زاته بقي ما داير دراسة ما شفته بتاع عطبرة دا سواق ركشة و خريج اساس شغال طبيب ستة سنة و كمان جراحاضلة مع النظر لما تقدم مع تمنياتي له بالتوفيق في دراسته كسرة يا خي الطب دا زاته بقي ما داير دراسة ما شفته بتاع عطبرة دا سواق ركشة و خريج اساس شغال طبيب ستة سنة و كمان جراح
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: أحمد محمد عمر)
|
سلام انا من دنقلا و الان فى دنقلا و اقول الاتى طب الجزيرة كلية عريقة نعم و لكن ما فى فرق بين كليات الطب فى السودان كلية طب دنقلا من حيث البنيات ما بطاله بذل المغتربون جهدا كبيرا لتطويرة و اخيرا مركز الابحاث الطبية و هنالك مجموعة طيبة من الاختصاصيين من الاساتذة و الاساتذة الزائرين من الخرطوم مشكلة طب دنقلا عدم الاستقرار الان مغلقة بسبب انو ناس المؤتمر الوطنى ما قادرين يفوزوا فى انتخابات روابط طلابها و مدينة دنقلا بصفة عامة تطورت خلال السنوات الاخيرة ولكن المشكلة الكبرى السخانة فى الصيف و البرد الشديد فى الشتاء و غلاء الاكل و الشراب و المعيشة و ما يميزها الامن و الامان
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: نايف محمد حامد)
|
يا الشفيع أخوي رمضانك كريم وصدقني البلد دي وأسأل أي دكتور عندكم التعليم كله متدهور فيها شديد والله قال ليك لا إمكانيات لا دكاترة والجزيرة قالوا الأعداد مكتظة والفرق لا يسوي الف دولار بين الطبين لا يسوي شيئ والتدريب بقي تعبان شوف عليك الله ياتوا مستشفيات بدربوا فيها والدكاترة البدرسوا بقوا جارين بين عياداتهم والكليات الخاصة وبعدين ذي ما قال ليك عمر صديق في النهاية بتخرجو كلهم بشهادة التخصصات الطبية يعني نفس الشهادة وكلو سلطة امسك في كلام دكتور محمد حسن دا قوي وأفضل تقريه مجانا في دنقلا وتوفر ليه المراجع من برة وكل الاحتياج عشان يتميز علي غيره أو تقريه برة السودان في مصر أو الهند فدي فيها الدراسة الما لعب
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: عبدالغني محمد الحاج)
|
Quote: اعتقد من ااجل مستقبل ابنك القرا بالقروش ما زى القرا بقدراتو قرايتو فى طب دنقلا بقدراتو اما فى الجزيرة بقروش ابوهو و سيظل هذا الخيط ملتصقا بحياته العملية مستقبلا |
الشفيع
السلام عليكم ورمضان كريم .. بصراحة ليس هناك أفضلية في القراية في السودان الا اسم الجامعة وهذه تلاشت مع كثرة الجامعات المسألة في النهاية معتمدة على قدرة ابنك على التحصيل وتميزه لأن الاستاذه هم هم في الجزيرة أو في دنقلا عليك بتوصية ابنك بالاهتمام بالتحصيل العلمي ووفر ليهو القروش دي للتحضير لأن كل الجامعات الحكومية في السودان تدرس ال history of science ولو مصر تدفع احسن يقرأ بره السودان في بيئة تعليمية أفضل واستقرار دراسي احسن الحاجة الاخيرة العايزه اقولها ليك وصي بابنك بالتحصيل المناسب والتميز اي زول بقرأ مجال مفروض ينجضوا كمثال عبد الله الطيب قرأ آداب وشداد قرأ فلسفة ولكنهم متميزون في مجالهم ودي النقطة المفصلية يا حبيب بالعدم رسلو الى أي بلد يقرأ كويس ويعيش كويش بلا وجع بطن وملاريات الجزيرة البتشكر فيها دي فيها دكتور ما عنده شهادة سودانية وقادي 3 مواد اساسية قرأ بره البلد وبقى دكتور ........ والله صحي والحليفة هنا للتأكيد
بالتوفيق
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: النذير حجازي)
|
البيئة التعليمية في دنقلا غير مناسبة مطلقا الجامعة من حيث البنية التحتية للجامعة فقيرة كعادة الجامعات الجديدة في السودان اعضاء هيئة التدريس مع احترامنا الشديد لهم الا ان تظل الحقيقة انهم استاتذة في جامعات تفتقر لابسط مقومات الاسس العلمية للتحصيل العلمي في دولة فقيرة ضربت بعرض الحائط كل القيم والاخلاق وفي هذه الدولة والتي هي دولتنا لاسف الشديد نتحدث عن طب دنقلا وهي كلية جديدة هل اعضاء هيئة التدريس تتوفر لهم المعينات والبيئة المناسبة لتدريس الطب هل المعامل المكتبة وكل الوسائل التعلمية الحديثة لدراسة الطب نجدها في طب دنقلا ومثيلاتها هل دنقلا كمدينة توفر البيئة المناسبة (معيشة / كهرباء /سكن / طقس ............) للطالب حتى يتفرغ للتحصيل العلمي لذا ارى من الافضلب البحث عن البديل
(راي زول كان لصيق بجامعة دنقلا وملم بتفاصيل تاسيس الجامعات الجديدة وافتتاح كليات الطب ومعاناة السنوات الاولى للطلاب وكان دائما يقارن كل هذا بما كان عليه هو عندما كان طالبا في ج الخرطوم)
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: محمد على حسن)
|
الأخوان الأعزاء خالد عثمان الشايقي عباس عوض يعقوب وليد (الشفت) حمد عبد الغفار جعفر محي الدين عمر صديق حبيب الكل عبد الغني الأمين البشاري النذير حجازي نايف (أبن دنقلا) أحمد محمد عمر محمد علي حسن والبقية دون فرز ألف شكرا على الأراء القيمة والنصائح المفيدة ، وبفضلكم عرفت أنها كلية جديدة غير مستقرة لأسباب منها ماهو سياسي ومنها ماهو أهم (موضوعي) بئة الدراسة والتحصيل ... وأعتقد أن ذلك (الأخير) أهم عنصر يجب أن يكون في الحسبان ... ربنا كريم ويهون علينا وعليكم ... ألف شكر مجددا الشفيع ابراهيم
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: Alshafea Ibrahim)
|
Quote: طب الجزيرة أفضل طب في السودان ، توكل على الله وسجل ابنك في الجزيرة
أغلب الدكاتره خارج السودان هنا في أمريكا من ناس الجزيرة وبقدرو يعادلوا الشهاده هنا |
الأخ خالد هل بنيت رأيك بأن طب الجزيرة هو أحسن طب في السودان على هذه المعلومة الخاطئة :(أغلب الدكاتره خارج السودان هنا في أمريكا من ناس الجزيرة)؟ ناس الجزيرة وجودهم مقدر ولكنهم قطعا ليسو بأغلبية هناك أطباء سودانيين في أمريكا من قبل تأسيس جامعة الجريرة وبعدين ده شنو : (وبقدرو يعادلوا الشهاده هنا) يعني ناس الجامعات الثانية ما بيقدروا يعادلوا ولا شنو؟ لو تقييم كليات الطب بيبني على هكذا حيثيات فهنا في أمريكا خريجين من الخرطوم أساتذة في برامج التدريب وكليات الطب ! أرجو أن تتروى في الأحكام وألا تطلق الكلام علي عواهنه ولك الود ____________________________________________
الأخ الشفيع هل يمكن إستيعاب إبنك - قبول خاص - في جامعة الخرطوم؟ لو امكن فتوكل على الله حتى لو دفعت أكثر فهي الذهب الذي لا يصدأ إذا كانت نسبته أقل فعليك بالجزيرة
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: الشامي الحبر عبدالوهاب)
|
بالنسبة للافضل بلا شك الجزيرة تتفوق على جامعة دنقلا
حتى التصنيف بعيد , ومخاوفك في محلها , لو توافرت
لك الاربعة فادفع به واضمن عليها مثلها لكثير من
المطلوبات , عموما بالنسبة للمشرحة وكدا عندك طريق
الانقاذ وطرقها الملتوية كفيلة بضمان الجثث للمشرحة
ولعل ابنكم حفظه الله ووفقه لحين خروجه سيجد ان جامعة
دنقلا ولربما كامل الولاية الشمالية قد اغلقت ابوابها
بفعل شريان الشمال .
....................................................حجر.
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: Alshafea Ibrahim)
|
الشفيع كيفنك والف مبروك للولد اقرأ كلامي ده كويييس
امشي اسأل سؤال واااحد هل يمكن تعديل القبول من خاص لي عام بعد السنة الاولى اذا حقق درجات متقدمة؟ الكلام ده موجود في جامعة السودان والخرطوم ويوجد من استفاد منه في جامعة السودان منصوص عليه في لائحة القبول، في اي سنة يتحصل الطالب على نسبة 75% تسقط عنه مصاريف القبول الخاص
ابني علاء تم قبوله في هنسة المساحة بجامعة السودان ورغبته هندسة مدنية وجلى منها بدرجتين لديه فرصة للتعديل بعد السنة الاولى (عامة) اذا تحصل على تقدير عالي وهو مستعد لخوض التجربة
اذا انطبق الكلام ده على طب الجزيرة، توكل على الله واذا لم ينطبق فدنقلا على طوول -------------------------------------- فائدة التحدي ده بيضمن اجتهاد الولد طوال فترة الدراسة، واذا ما جاب الـ75% فبالتأكيد لن يرسب!!!!!!!!!!
تحياتي وربنا يعينك
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: Alshafea Ibrahim)
|
الاخ الشفيع تحية طيبة كطالب في السودان اعتقد ان التعليم في كل انحاء البلاد متقارب تقريبا فقد طب الجزيرة له سمعة جيدة ولكن سافرت الى دنقلاا في مناسبة تخريج واحدة من دفع الطب ولاحظت ان هنالك اهتمام كبير من الجامعة واهل المطقة بالكلية وهنالك تطوير مستمر للمستشفى التي يدرسون فيها والسكن متوفرر وجيد ارجو ان تهتم اكتر بنظام التدريس وتستفسر عنه وبعد ذلك تقرر وخليك ديمقراطي وادي الولد حقو في الاختيار :)
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: محمد هشام)
|
الاخ الشفيع مبروك لولدك عموما اي استثمار في دراسة الابناء فهو استثمار حقيقي وقدر ما تدفع اكتر قدر ما يكون كويس لو بتقدر تقريهو في امريكا بيكون افضل ولو بتقدر تقريهو في اوروبا قريهو ولو بتقدر تقريهو في ماليزيا او باكستان افضل وبعد داك في السودان ابدأ بالخرطوم ثم الجزيرة وهكذا لكن برضو الكلام ده مربوط بامكانياتك, يعني الاربعة الف دولار دي لو بي تضايقك في اي حاجة تانية مهمه وبتاثر علي مستوي حياة وتعليم بقية افراد الاسرة فعليك بالمجاني حث ابنك علي التفقوق فيه عموما هي معادلة ختها قدامك وفكر بورقة وقلم عشان الحساب يكون صحيح بالتوفيق ان شاء الله
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: Alshafea Ibrahim)
|
سلامات
مليون مبروك ياالشفيع
كان عايز نصيحتي ما تخليه يقرا طب من اصلو لانه الطب بالجد ضيع زمن في السودان واقول لك قولي هذا وفي ذاكرتي بنت اختي التي اصرت على الطب ودرست في الابيض حيث الماء بصرفو ليهم عاشت 6 سنوات ضنكة بعيدة عن الاهل ثم قامت بكل الحاجات التاتية ناس امتياز وخلافه وتقبع اليوم منذ 3 سنوات تنتظر رقم وظيفي.. حتى الامتياز قعدو سنة حتى اتوزعت ماخد بالك 9 سنة دي لو درس هندسة مثلا ممكن يعمل دكتوراه في الفترة دي بعدين دراسة الطب في السودان ذي الزراعة في الارض البور تخسر قروش خرافية عشان المرتب يكون 500 الف في بيئة رديئة وتعب ونصب الزمن السمح حق الدكاترة انتهى المالزيين اولادهم الرغبة الاولى عندهم هي البزنس والا اي والمحاسبة بيكون الطالب جايب كل درجاته امتياز وبيمشى التخصصات دي لانه بتتخرج بسرعة العائدة اعلى ف
Quote: ولو بتقدر تقريهو في ماليزيا |
ماليزيا لا يدخل الاجانب كلية الطب الا بصورة محدودة جدا ولازم يكونو عاملين ايه ليفيل وجايبيبن تقريبا اربعة
| |
|
|
|
|
|
|
Re: طب دنقلا قبول بلاش أم طب الجزيرة قبول خاص أرجو المساعدة ؟؟ (Re: د.نجاة محمود)
|
مبروك ياالشفيع اخوي وانشاء الله دائماً موفق
جامعة الخرطوم هي الافضل ان لم يكن ذلك ممكناً جامعة الجزيرة وذلك مع زيادة اهتمامه بالتحصيل واجتهاده الشديد وعينه تكون على المعادلة انجليزية او امريكية
عانت جامعة دنقلا من عدم استقرار في العام الاخير وممكن ننظر للموضوع من وجهة نظر ثانية وهي ان جامعة الجزيرة اعلى في نسب القبول العام والخاص من جامعة دنقلا بالتالي سيكون الطالب في بيئة اكثر تنافسية وهذا عامل مهم ايضاً في التفوق و ربنا يصلح حال التعليم ----------- تكاليف دراسة الطب خارج السودان في جامعات محترمة اكثر كلفة (الهند كمثال) اما ماليزيا وتكلفة الطب العالية فيها فلا يفتى ومالك(د. نجاة) في المدينة ---- كسرة الشفيع ما تنسا صاحب الشأن فرايه ذو وزن
| |
|
|
|
|
|
|
|