|
|
 أمي ( بشرية ) عامان من فقدان الاشياء لطعمها
|
في رمضان قبل الماضي وتحديداً في اليوم العاشر منه
غابت أمي بشرية بت عباس عبد الرحمن ابو شعر
رفعنا صيوان العزاء في اليوم الثالث وكان في الساحة
الشعبية بالديوم الشرقية وأقمنا نحن ( كومك ) كما كنتي
تسمينا :
نجلاء عثمان الامين
بخاري عثمان الامين
ندي عثمان الامين
مازن عثمان الامين
ليلي عثمان الامين
صيوان حزن وعزاء بقلوبنا ما ظننت
انه سيرفع قريباً فكل حدث مهما كان بسيطاً
فيهو منك لمحة ..
أنا هنا اخلد ذكراك العطرة وابكي دموع الدم لفراقك
|
|
 
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: omer osman)
|
| Quote: رحمها الله رحمة واسعة اخي بخارى وصبركم على فراقها ...ونسأل الله في هذا الشهر الكريم ان يرحم موتانا وموتى المسلمين .. |
تسلم فائز .. عايز احكي لك باخر مرة شفتها
اول يوم في رمضان قبل الفات دا
جبت ليها المصاريف بتاعت رمضان
قبل ما اقعد كويس قالت لي : القروش اديني ليها قروش
ما تشتري لي الحاجات ( هي كانت مشهورة كأفضل كائن ممكن
يكمل أي مبلغ من المال لذا بقينا نشتري الحاجات عينية وكده )
اديتها 100 جنيه ( بالجديد ) عشرة ورقات .. سألتني : ليه قدر كده ؟
قلت ليها : شوفي بتكفيك كم يوم..
فرت المبلغ في سرير جمبها وعدت طلعت عشرة ورقات ، قالت لي : تجيني يوم عشرة رمضان
تناولت معها الافطار والونسات والقهوة والمشاغلة والمشاغبة والمشاكسة ..
كانت بتقول لي : أصلك ما مربي كويس ، بقول ليها خلاص اوديك لأمي اتكلمي معاها
( دي تربيتك يا بشرية بت عباس خمي وصري )
لم أعد للديم بعدها وفي اليوم العاشر كنت مقرر سلفا انا اذهب لها بعد افطار رمضان
ولكنها واثناء طبخها للافطار اصابتها الذبحة الصدرية ،، ذهبت لها في المستشفي
ولفظت آخر انفاسها وهي في يدي ..
أمي لم يكن اتفاقنا هكذا ، كنت جاي اجيب المصاريف
موش ادفنك ..
اللهم تغمد أمي بواسع رحمتك واسكنها فسيح جناتك
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: بخاري عثمان الامين)
|
Quote: ها الرحمة والمغفرة وفسيح الجنان بأذن الله ....
وربنا يصبركم يابخاري ........
رحلت أمي منذ اكثر من سبعة عشر عاماً ولم يجف الدمع بعد ...
ياااخ الأم دي حاجة عجيبة خلاس ..... |
الله يسلمك يا جنابو ..
والله يا عمر أنا اصلا ما اتخيلت ولو لمرة اني اكون
في الدنيا دي بدون أم فالمسألة ما واقعه لي خالص
اتخيل نحن ابناءها وبناتها شتتنا السبل ولكن كانت
هي الخيط الذي يربطنا فكنا المناسبات تجمعنا عندها
أو كتير تبادر هي بدعوة غداء الجمعة ونتلمي غايتو الحمد لله
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: مدثر قرجاج)
|
Quote: يابخارى والله العظيم احس باحزانك ففقد الام هو من اكبر احزاننا التى لاتنفك تعيش معنا سنوات طويلة ربنا يرحمه ويتقبله وهى بالتأكيد فى مكان اجمل وفى دار خير من دارها ومع اهل الجنة انشالله .
رمضان كريم |
والله يا مدثر هي خليط من احزان واحتياج في لحظات ضعف انسانية
الزول بمر بيها .. نحمد الله كثيرا
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: بخاري عثمان الامين)
|
| Quote: وهى بالتأكيد فى مكان اجمل وفى دار خير من دارها ومع اهل الجنة انشالله |
آمين يا مدثر
هي تستأهل كل خير
بذلت راحتها وزمنها من أجل لقمة
عيش حلال تربينا بيها فعملت في مجال
مبيعات الاطعمة
FMCG
طعمية وفسيخ وزلابية
كما أنها انشات عدد من ( الختات ) مع قريناتها
نساء الحي كبنوك ادخار صغيرة تعينهم في اقتناء
ادوات ووسائل الانتاج بالنسبة للسلع التي يقومون
بانتاجها واتذكر جيدا حفل تدشين ( المفرمة ) الخاصة
بالكبكبي والفول ولمة نساء الحي حولها وابداء الرأي
بجودتها وسعة أنتاجها ...
اللهم أرحم بشرية بت عباس وتقبلها قبولاً حسناً
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: سيف بخيت موسي)
|
Quote: نسأل الله أن يرحم ويغفر لوالدتك بشرية وأن يدخلها أعلى الجنان وجميع امهاتنا
فقد الأم ما عنده مقاس ولا ثمن ، لكن الصبر والدعاء والعمل الصالح لهم يخفف وقع المصيبة |
ربنا يرحمها ونحن ندعو لها صباح مساء يا سيف
فعلاً فقد الام صعب ويا سيف أنا أكتب هنا متأكد
ان اقلامكم تخفف عننا الكثير من هذا الحزن المقيم
شكرا للمرور يا سيف وان شاء الله ما نعدمك
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: مدثر صديق)
|
Quote: هي تستأهل كل خير
بذلت راحتها وزمنها من أجل لقمة
عيش حلال تربينا بيها |
اللهم أرحم بشرية بت عباس وتقبلها قبولاً حسناً
______________________________________
إتذكر تفاصيلها اللطيفة دي معاكم.. أمشي لزول هي بتحبو إتونس معاهو.. أعمل حاجة كانت بتفرح لما تعملها..
أمشي ليها في المقابر إتكلم معاها
تعرف يا بخاري
أنا أبوي كان حبيبي مبالغة
لما مات إندفن في أحمد شرفي
مقابل كلية التربية محل قريت
كنت كل ما أمرق من الكلية زهجانة
أمشي ليهو
وأحكي ليهو
في الأول صعبة
تعرف بعد سنين بقيت أدخل المقابر براحة غريبة
وأمشي عليهو مبتسمة
وأحكي ليهو بفرح
'i hope it helps'
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: محمد أبوالعزائم أبوالريش)
|
Quote: بخاري سلام ...
جرّبت الفقد في كثيرين ..... حتى فقدت الأم، فوجدّت أني الآن فقط عرفت الفقد.
رحم الله (بشرية أم بخاري) وأسكنها فسيح جناته،
صبّركم الله على فراقها. |
محمد ابو العزائم ابو الريش
ازيك يا زميل
أنا مثلك فقدت صديق الروح وتؤمها عماد الامين عبيد الله
وقبله بفترة قصيرة كنت قد فقدت أحب الشباب الي قلبي
شقيقي وصديقي نزار عثمان الامين
في عزاء نزار كانت أمي تناديني : يا بخاري اووب علي كومي نقص
وفي عزاء عماد جات تنوح وتناديني : اووب عليك يا بخاري الليلة غاب رفيقك
وغاب طبيبك ...
عند موتها هي الجمتني المفأجاة أمي : أنا كنت ادخرك ( بكل انانية ) لتخففي
عني مصائب حتماً هي في طريقها الي
والحمد لله رب العالمين
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: بخاري عثمان الامين)
|
ما أبعد من ألم فقد الأم
يا بخاري ود بشرية
.
.
.
.
جعلتني اتحسس روحي/احتمالي
فمنذ قليل فقدت جدتي لأمي
وهي أيضاً كانت بمثابة أمي
وأنزفتني دم روحي/احتمالي ولم تزل
......
يا رجل
لا اتخيلني دونها أبداً
رغم أنه تحجب بيننا المسافات
لكني والله أحسها تعبئها تماماً وتفيض
مؤلم أن تمشي حافي النبضً في شوك الحياة هذه
فالأم هي هذا النبض
فأدمي روحك يا بخاري
أدميها ولا تتوانى أبداً
.
.
.
لكن ما هو أكثر خيراً من ذلك
هو الترحم عليها/الدعاء لها
قراءة القرآن مرات متتالية منكم (كومها) لها
لو أمكن عمرة / حج / عمل صالح مستمر....
جعل الله مثواها الجنة
ومن عليكم بالصبر وحسن العزاء
| |
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: بله محمد الفاضل)
|
Quote: إتذكر تفاصيلها اللطيفة دي معاكم.. أمشي لزول هي بتحبو إتونس معاهو.. أعمل حاجة كانت بتفرح لما تعملها..
أمشي ليها في المقابر إتكلم معاها
تعرف يا بخاري
أنا أبوي كان حبيبي مبالغة
لما مات إندفن في أحمد شرفي
مقابل كلية التربية محل قريت
كنت كل ما أمرق من الكلية زهجانة
أمشي ليهو
وأحكي ليهو
في الأول صعبة
تعرف بعد سنين بقيت أدخل المقابر براحة غريبة
وأمشي عليهو مبتسمة
وأحكي ليهو بفرح
'i hope it helps' |
توما يا غالية يا حبيبة
ابدأ من نهاية مداخلتك ياخ كل حرف ساعدني كثيرا
بس حاولت أمشي المقابر امي بشرية ( دفنتها ) بيدي
في حلة خوجلي وللشيخ خوجلي ابو الجاز وكذلك الشيخ حمد
مكانة كبيرة عندي أسرتي لأمي فكل اخوالي وشقيقي نزار
يرقدون هناك ولكن وحاتك شق علي وصعب وعز فالدموع كادت
أن تفقدني صوابي وعدت ادراجي وحزمت أمري ان لا ازور قبرها
انتي اذا خريجة كلية التربية جامعة الخرطوم ولي مع جامعة الخرطوم
قصة سارويها لك في مضابط هذا البوست فبشرية كانت بطلة قصتي مع جامعة الخرطوم
شكرا كتير لمرورك وربنا يوسع مراقد والدك وتكون الجنة نصيبو
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: بخاري عثمان الامين)
|
| Quote: Fast Moving Consumers Goods |
هذا هو المجال الذي تخصصت فيه أمي بشرية بعد
أن فشلت في دراسة التمريض وقد حكت لي :
( كان حلمي أن ادرس تمريض وابقي سستر لكن
واحد من اخواني مرقني من المدرسة بعد الاولية
عشان اساعد أمي في البيت ) ..
عموما تزوجت من والدي عثمان الامين حامد من جهة القطينة
وهي مولودة بالديوم الشرقية حي التعائشة شمال شرق الساحة الشعبية
بالمنزل رقم 41 بمربع 3HE
لم تستكين لضيق الحال وبدأت في أنتاج السلع سريعة الاستهلاك
وكانت الزلابية والطعمية ضربة البداية
وانشأت شبكة توزيع تستوعب هذا الانتاج
فعرفنا كراس دكان علي
ودكان اللوز
ومدرسة الزبالة ( وكنت احد طلابها )
يتبع
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: توما)
|
Quote: وكانت الزلابية والطعمية ضربة البداية
|
وبعدها ادخلت خط أنتاج للفسيخ
ولم يدخل ضمن شبكة توزيع منتجي الزلابية والطعمية
وانما اعتمد علي البيع المباشر من المنزل ما عدا
بعض ( الدلفيري ) لبيوت بالحي كنت أقوم مع اخواتي
واخواني بتوصيلها ( مجاناً ) والمجان لم يكن بقصد
الاغراء ولكن لانو اي زول كبير في الزمن داك برسلك
ولو قلت لا يا ويلك منو هو ومن ناس البيت ذاتهم
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: بخاري عثمان الامين)
|
الأخ بخاري
رحلت أمي وأنا طالب في الجامعة ولم اتمكن من توديعها إلى مثواها الأخير أو إلقاء نظرة الوداع عليها،
ومنذ ذلك الوقت ومساحات الفرح في وجداني لم تتمدد ابدأ.
نسأل الله تعالى لوالدتكم الرحمة والمغفرة وأن يجعل مثواها ومثوي جميع امهات المسلمين فسيح جناته مع الصديقين والشهداء.
إنا لله وإنا إليه راجعون.
| |
|
|
|
|
|
|
|
|
|
Re: أمي ( بشرية ) عامان من فقدان الاشياء لطعمها (Re: الفاتح ميرغني)
|
Quote:
الأخ بخاري
رحلت أمي وأنا طالب في الجامعة ولم اتمكن من توديعها إلى مثواها الأخير أو إلقاء نظرة الوداع عليها،
ومنذ ذلك الوقت ومساحات الفرح في وجداني لم تتمدد ابدأ. |
الفاتح صباح الخير ( توقيت المنطقة الصناعية الخرطوم بحري )
وهذا بالضبط ما حدث لي فقدت الاشياء طعمها
والله يا الفاتح القهوة لم تعد نكهة بنها ذات النكهة
كان لأمي ( فندك) في نصه عقد من ( أغطية المياه الغازية وكلها بيبسي )
وكانت بتقول لي تعال احضر تنتنة البن وشم الريحة
فكان لصوت المدق في الفندك ايقاع عجيب وقبلها تكون مرحلة قلي البن
ورايحته العجيبة .. ربنا يرحمك أمي بشرية بت عباس
| |
|
|
|
|
|
|
| |
بخاري عثمان الامين
فايزودالقاضي
omer osman
مدثر قرجاج
سيف بخيت موسي
محمد أبوالعزائم أبوالريش
مدثر صديق
توما
بله محمد الفاضل
عبد الحميد المقابل
عبدالمجيد المقابل
الفاتح ميرغني
فيس بوك
تويتر
انستقرام
يوتيوب
بنتيريست