|
Like ,,, DisLike
|
Like حلقات مسلسل (بيت الكل) على قناه النيل الأزرق ,, فكره جديده , والتنفيذ جميل (بعين مشاهد) , خاصه التترات وشعار المسلسل ,,
شكل فريد و (تعبئه) جديده للدراما السودانيه في (نايس باكيج),,
|
|
|
|
|
|
|
|
Re: Like ,,, DisLike (Re: داليا الكباشى)
|
DisLike
اعلان (صندليه العنود) على قناه النيل الأزرق ! معقـوله ما لقيتو ولا بت (سودانيه) تنفذ أعلان (أعرق) عطر سوداني !!
لم أمتعض لكميه السائل (الاسود) الذي مسحوا به وجوه (الموديلز) المشاركات في الاعلان, بقدر ما أمتعضت من محاولتهن تقليد (الرقص السوداني), بالاضافه الى المطربه التى تصر على نطق (وانشالله بيييت مالوو عياااال) بلهجه مصريه بحته !
هذا ان تغاضينا عن أنهن -أي الموديلز- كوولهن لابسات التوب غلط !
| |
|
|
|
|
|
|
Re: Like ,,, DisLike (Re: داليا الكباشى)
|
Quote: اعلان (صندليه العنود) على قناه النيل الأزرق ! معقـوله ما لقيتو ولا بت (سودانيه) تنفذ أعلان (أعرق) عطر سوداني !! |
زامر الحي لايطرب يادكتورة....!!!!
سلامات
| |
|
|
|
|
|
|
Re: Like ,,, DisLike (Re: omer osman)
|
Quote: يادكتورة أنت ما شفتي اعلان بوهيات الشروق بتاع الحربوية والا شنو |
DisLike DisLike DisLike شديد جـدا ,, خاصه مع (المخاوف) حقتي المذكوره في بوستيكـ داكا دي اظنها كانت الديسلايك التالته أو الرابعه , لكن سبقني بها عمر عوسمان
أيا كانت الرساله المقصوده من هذا الاعلان , فهو بغيض جدا ومقرف جدا .. ومحير جدا !
| |
|
|
|
|
|
|
Re: Like ,,, DisLike (Re: داليا الكباشى)
|
يا دلوش..
البيفقع المرارة كتير..والحاجة المشتركة انو معظمهم دعايات بوهية..
ناس شمس تطلع مطر ينزل ولا يهمنا..
والتانية بتاعت الراجل ابو عصاية البيدقدق في علب البوهية:كان لقيتو اخدر وطويل اديهو اللبني
وكان لقيتو عوير وهبيل اديهو الاخضر..دعاية غبية ومملة ومافيها اي ابتكار..
لكن الشالت جائزة القباحة بتاعة السحلية ولا الورل الشين دا..ياخي دي دعاية مقززة بمعنى الكلمة
اولادي قاعدين يكوركوا لما يشوفوها..انا بقيت استغل القصة دي ولما اكون عايزاهم يتخارجوا
من جمبي بقول ليهم بجيب ليكم السحلية..جري شديد ههههههههههه
| |
|
|
|
|
|
|
Re: Like ,,, DisLike (Re: رشا سالم)
|
سلامات استاذة رشا
وكان فهمت مقصد الدكتورة صااااح
هي علي الاقل ممكن تجد العذر لبعض الهنات اذا
كانت الموديل سودانية وانا اوافقها تماما
ياخي امسكي عندك
زمااااااااان كان في دعاية صابون كلين
في واحدة خالتنا كده خدرا وماشاء الله ماكنة
ومشلخة تلاتة زي امي ( الله يرحمه )
الحاجة دي لامن تقول ليك : كلييييييييييييييييين
يمين تحس جلابيتك اللابسة بقت نضييييييييييييييييييفة
موبالغة ...مش ....؟
تحيايت
| |
|
|
|
|
|
|
Re: Like ,,, DisLike (Re: داليا الكباشى)
|
تحياتي وسلامات د. داليا رمضان كريم
أتفق معك في الإجمال
تحفظ الذاكرة إعلاناً إذاعياً جميلاً ساد في بداية السبعينات ( طبعاً لم تكوني قد شرفت الدنيا بعد ) كان الإعلان عبارة عن صوتين يتبادلان توصيل المعلومة بطريقة الـ ( ون تو )
الصوت الأول يقول : إيفرست أعلا قمم العالم الصوت الثاني يرد: نياجارا أعظم شلالات العالم الصوت الأول يقول : نجوم المجتمع يلتقون دائماً في محلات عباس رشوان الصوت الثاني يتساءل : عباس رشوان ؟؟ الصوت الأول يؤكد المعلومة ويضيف لها : عباس رشوان أناقة .. ذوق .. عصرية
فتخيلي المعلومات التي تم ضخها في هذا الإعلان و ( الأناقة ) التي تم بها توصيل المعلومة
____________
ليس إنكفاء على الماضي لكن من المحزن أن معظم أشيائنا الجميلة كانت كانت في أمسنا
| |
|
|
|
|
|
|
Re: Like ,,, DisLike (Re: عاطف عمر)
|
سلامات يا داليا أخونا عكود (في سودانيات) عبر عني خير تعبير لما علق على أخونا جمال حسن سعيد
Quote: يا خوانّا أسمحوا لي سؤال خارج الموضوع.
جمال حسن سعيد ده لو سألناهو: يا جمال، هسّع نحن نشرب شاي لبتون ولاّ شاي الغزالتين؟
حيقول شنو يا ربي؟ ______________ |
مستحيل زول يعمل اعلان لمنتج معين وبعد دقائق يعمل اعلان تاني للمنتج الوحيد المنافسو ....
| |
|
|
|
|
|
|
Re: Like ,,, DisLike (Re: haroon diyab)
|
Quote: حلقات مسلسل (بيت الكل) على قناه النيل الأزرق ,, فكره جديده , والتنفيذ جميل (بعين مشاهد) , خاصه التترات وشعار المسلسل ,, |
فيه مشكلة في الصوت ياخ .. حاولت مرة مرتين وما قدرت اتابعو تاني
| |
|
|
|
|
|
|
Re: Like ,,, DisLike (Re: ود الباوقة)
|
Like
جميع الاعلانات التي تعرض على قناه النيل الأزرق الخاصه بمجموعه (دال) ,, برافـو وصفقه قويه ,,
تصوير جميل وشكل مرتب ,, بالاضافه الى المضمون السوداني البحت المقدم بقالب عصري جذاب ,,
قــووود فور يو
| |
|
|
|
|
|
|
Re: Like ,,, DisLike (Re: داليا الكباشى)
|
الاخت داليا، أنا بفتكر نجاح اعلان المنتج تتوقف علي نقد المشاهد للدعاية، يعني ممكن تكون هناك فقرة اعلانية لدعاية غياظه جداً جداً ، يعني بلغة الاعلام انو الاعلان دا ناجح جداً، لانو الهدف هو توصيل المادة للمشاهد او المستمع. تذكري دعاية اعلان الشاي بتاعت الولد الحرامي داك، لقت نقد سلبي واسع جداً لكن المخرج نجح تماماً في توصيل المادة الدعائية للمنتج بفهم مياكفيلي بحت، الغاية تبرر الوسيلة، بغض النظر عن تربية أطفالنا ذي الطفل الكان عايز اسرق خزنة أبوة، المهم المادة وصلت.
| |
|
|
|
|
|
|
|