دخلت ووجدت المذيعة الشابة في قناة الشروق وهي تثني على تعاون سيستمر بين الجزار(The Skinny Boy) ومحمود عبدالعزيز في الألحان، ثم بعد ذلك ولدهشتي الكبيرة دخلت الفرقة الموسيقية في مقدمة أغنية (حنيني إليك وليل الغربة أضناني) ألحان سيد الغناء والألحان الأستاذ العاقب محمد حسن وغناء سلطان الغناء الجميل والتطريب الأستاذ ميرغني محمد أبنعوف. ثم غناها محمود عبدالعزيز والجزار.....!!
صدقوني هذا الموضوع لا يجوز....يا شباب إنتوا الإتنين على أغنية واحدة
- هي إرتبطت في أعماقي بصوت ميرغني الجميل المعبر الذي خبر التعبير عنها كأجمل ما يكون، - أجاد وتسلطن على طريقة آدائها ونظامها وعدد الإعادات فيها، - إحساس ميرغني بها كبيرا وعميقا وليس مسطحا،
- عليه، يا شباب رجاءا أرفعوا أيديكم عن (حنيني إليك) رفقة بالمذكور أعلاه - إنتوا شباب تعالوا بغناءكم الجديد ودعوا لنا غناءنا القديم في سياقه الطبيعي وبالأصوات التي ألفناها - ويا ناس الشروق بالله أشرقوا علينا بفكرة جديدة وريحونا من التكرار الممل ده
ورمضان كريم على الجميع
08-05-2011, 10:43 PM
أمجد الزين أمجد الزين
تاريخ التسجيل: 06-17-2011
مجموع المشاركات: 1140
سلام Azhari Nurelhuda ورمضان كريم غايتو انا أداء الجزار لاغنية (حنينى اليك) مع محمود برضو ما عجبنى لكن صراحة محمود لمن غنى الاغنية دى براهو غير اضاف ليها ما نقص منها شئ مع احترامى للقامة محمد ميرغنى وهسع انا دايرك تسمع الاغنية بصوت محمود بمزاااج كدة واحكم عليها
تحياتى
08-06-2011, 00:07 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
يا أخي إنت الفن ذاتو بس تعرف نفسي أرجع الدوحة وأسجل معاك لقاء طويل عريض عن ما تعرفه أنت عن الموسيقى وحديثك القيم في تلك الليلة الجميلة بدارك العامرة يا صديقي...
وأنا أيضا أضم صوتي لصوتك لوقف كل هذا الإعتداء على الكاشف وأبوداؤود والجابري والطيب عبدالله والقائمة تطول وذلك لحمايتهم من كل هؤلاء المتغولين.
08-06-2011, 10:30 AM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
رمضان كريم وكل سنة وإنت طيب وتصوم وتفطر على خير إن شاء الله..
شكرا على مرورك الكريم يا صديقي
هنالك علاقة طبيعية وثيقة ومنطقية بين لحن الأستاذ العاقب محمد حسن وصوت الأستاذ محمد ميرغني والشجن الذي يحمله وطبيعة وموضوع الأغنية.
والأغنية تأرخة لعملية إبداعية طويلة تتقلب فيها وتستوي وتكتمل تحت ظروف وشروط واضحة تقدم بها للمستمع السوداني الأستاذ محمد ميرغني ووجدت مكانها الكبير في خارطة الغناء السوداني (الأمدرماني) وجلست بوقار تحمل صوت ميرغني وبصمته.
العندو جديد ويملك الإضافة فليقدمه في جديده ويثري به الساحة عوضا عن إجترار تجارب الغير الممل..
Quote: هنالك علاقة طبيعية وثيقة ومنطقية بين لحن الأستاذ العاقب محمد حسن وصوت الأستاذ محمد ميرغني والشجن الذي يحمله وطبيعة وموضوع الأغنية. والأغنية تأرخة لعملية إبداعية طويلة تتقلب فيها وتستوي وتكتمل تحت ظروف وشروط واضحة تقدم بها للمستمع السوداني الأستاذ محمد ميرغني ووجدت مكانها الكبير في خارطة الغناء السوداني (الأمدرماني) وجلست بوقار تحمل صوت ميرغني وبصمته.
سلامات يا ابو الزهـور .. ياخ من زمان بنقول ليكم اكتبو .. تعالوا اكتبو لينا علشان الحاجات دي ماشه في اتجاهات عجيبة جدا .. الحمد لله انني لم استمع لحنيني إليك .. وهي مقطعة الاوصال من الجزار أو محمود ... .. أن تكون للجزار تجارب في الالحان أو يجيد التعامل مع بعض الالات الموسيقية أو له موهبة خاصة .. لا يعني هذا ان يقوم بتشويه الاعمال الخالدة ..
شهادتي في تعاطي الشان الموسيقي .. استمدها دائما من لهم شأن موسيقي وخبروه اكاديمياً وعلى أرض الواقع .. استاذ ازهري للذين لا يعرفونه .. هو ازهري عبد القادر .. عازف الاكورديون الخطير جدا .. والاكاديمي الذي تتلمذ على ايدي الخبراء العالميين بمعهد الموسيقى والمسرح .. أقول المعهد العالي للموسيقى والمسرح ..
يا ابو الزهور .. الكتابة في ناس محمود .. والجزار .. وبعض الفنانين الحاليين يحتاج إلى المزيد من الجراءة .. لتعديل بعض الميل ..
08-06-2011, 11:07 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: ولما الفنان محمد ميرغنى يحقق النقاط الاربعة دى فى داعى تانى فنان يغنيها ؟
مسألة ترديد الفنانين لأغاني الغير ما جديدة يا عبدالدائم فحتى الموسيقار محمد الأمين تغنى لوردي ... وكذلك مصطفى سيد أحمد تغنى لوردي ... والأمثلة كثيرة ...
السؤال: الجديد شنو يعني ؟!
Quote: والسؤال المهم : الهدف من برنامج مع محمود شنو ؟
التوثيق لمحمود عبدالعزيز ... وهذا لا يمنع أن يغني محمود أغاني الغير فهو تميّز بذلك وله أشرطة أنتجها بعقود مع شركات إنتاج فني تغنى فيها بأغاني الغير ...
عن نفسي: أحب أغاني الغير عندما يرددها محمود عبدالعزيز ...
Quote: شهادتي في تعاطي الشان الموسيقي .. استمدها دائما من لهم شأن موسيقي وخبروه اكاديمياً وعلى أرض الواقع ..
د. الفاتح حسين: محمود أنا معجب بيهو شديد وبشكل أداءه ... وأداءه متميّز وربنا أداهو صوت ما أداهو لي زول تاني ... نادر نادر مميّز جداً جداً ... لي زول تاني دي يا تمبس داخل فيها كل الفنانين السودانيين ... من مختص من الوزن الثقيل على حسب اقتباسك الفوق دة
Quote: استاذ ازهري للذين لا يعرفونه .. هو ازهري عبد القادر .. عازف الاكورديون الخطير جدا .. والاكاديمي الذي تتلمذ على ايدي الخبراء العالميين بمعهد الموسيقى والمسرح .. أقول المعهد العالي للموسيقى والمسرح ..
التحية والاحترام لأخونا الأستاذ أزهري عبدالقادر ...
Quote: - عليه، يا شباب رجاءا أرفعوا أيديكم عن (حنيني إليك) رفقة بالمذكور أعلاه - إنتوا شباب تعالوا بغناءكم الجديد ودعوا لنا غناءنا القديم في سياقه الطبيعي وبالأصوات التي ألفناها
بس يا أستاذ أنا بختلف معاك في حتة إنو الفنانين الشباب يخلّوا ليكم القديم وما يرددوه ... فحتى الفنانين الكبار تغنوا بأغاني الحقيبة وبأغاني من سبقوهم ...
أتمنى أن توضّح لي: المعيار شنو في الحتة دي ؟! ولماذا لم يشمل نداءك هذا كل الفنانين ؟!
البصمة .... البصمة لا يمكن للفنان ان يكون صاحب بصمة حقيقية وهو فقط "مردد" لاغاني الغير ... محمود اصبح "رقم" في خارطة الغناء السوداني ما في ذلك شك وخصوصا وسط فئة الشباب، ولكنه تردي كثيرا فى الفترة الاخيرة تاركا مكانه لبغاث الطير، محمود صاحب صوت مميز ونادر بشهادة اهل المهنة ونتمنى له عودة موفقة لقمة الخارطة الغنائية السودانية ورغم ذلك لم تشهد الساحة الغنائية السودانية حتى الآن أي أغنية خاصة بمحمود او غيره يمكن ان تبز "حنيني اليك" او بالعدم "انا والاشواق" هذه اغاني خالدات "كلمات /لحن / اداء" برع فيها القامة محمد ميرغني نسأل الله ان يمتعه بالصحة والعافية واقصى ما يتمني عشاق مثل هذه الروائع ان من يرددها عليه الالتزام بالخط الذي رسمه صاحبها لها لحنا وتوزيعا واداء ... والعاوز يتفلسف طلوعا ونزولا و "كواريكا" فليفعل ذلك فى اغنياته الخاصة حتى تصبح مثل هذه الروائع. انتاج الفنان الخاص هو من يصنع الفنان، لأن ترديده لاغاني غيره قد يظلمه احيانا لأن المتلقى يجعله في مقارنة اداء مع صاحب الاغنية الاصلي ودائما تكون النتيجة في صالح "الاصل" ولو كان "المردد" صاحب صوت نادر ومميز وعندما قلد ابواللمين ومصطفى وردي .... الناس قالت ياسلام والله ابداع وقربوا لكن ما قالوا ادوها احسن من اداء وردي ولا شنو؟ تحياتي صاحب البوست وضيوفه .... ورمضان كريم
08-06-2011, 12:28 PM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
يا صبرى البرنامج مرت منو 5 حلقات لا يوجد اى جانب توثيقى البرنامج عبارة عن لملمة شرائط كاسيت محمود القديمة وبثها حتى الغناء اغلبه غير مباشر .. قارن وجهه الشبه بين برنامج اعز الناس التوثيقى وبين برنامج مع محمود .. اغنية واحدة لوردى طيلة زمن البرنامج تكون محور الحديث
برامج رمضان بتحظى بمتابعة شديدة و شغف ودى فرصة لاى فنان اى يقدم فيها اجمل ما لديه .. التكرار لا يفيد ... لاحظ برنامج اغانى واغانى اصبح تهريج فنى ليس الا ....
بنحب محمود وبنسمع محمدو ولكن ليس بهذه الطريقة .... يعنى السنة الجاية حيكون مع فرفور و القائمة تطول
Quote: ورغم ذلك لم تشهد الساحة الغنائية السودانية حتى الآن أي أغنية خاصة بمحمود او غيره يمكن ان تبز "حنيني اليك" او بالعدم "انا والاشواق" هذه اغاني خالدات "كلمات /لحن / اداء"
Quote: جلال عثمان كتب: واقصى ما يتمني عشاق مثل هذه الروائع ان من يرددها عليه الالتزام بالخط الذي رسمه صاحبها لها لحنا وتوزيعا واداء ... والعاوز يتفلسف طلوعا ونزولا و "كواريكا" فليفعل ذلك فى اغنياته الخاصة حتى تصبح مثل هذه الروائع.
ما رأيك بصراحة ...
08-06-2011, 01:06 PM
جلال عثمان جلال عثمان
تاريخ التسجيل: 09-13-2008
مجموع المشاركات: 1735
الاخ العزيز صبري لك التحية اولا يا سيدي الشكر الجزيل للتسجيل القيم لأولاد شمبات وشكرا للجمال وروعة الباشكاتب في جاني طيفو طايف
ياصبري لن اردعليك حتى اجهز الاوركسترا لاولاد شمبات حيث ان محمدية وسعدالطيب مشغولين في اغاني واغاني تلك مرحلة قد ولت وافلت ياصبري يا اخوي في طريقة الاغاني .. ومعظم اغنيات الحقيبة قد تم تسجيلها واعادة توزيعها من جديد واكاد اجزم ان جيل جيلين كدة تفاجاءوا باقحامك لاولاد شمبات هنا حيث يعتقدون ان الاغنية انما هي للاستاذ وكل من غناها غيره فهو مقلد
فرفور سمعتو بغنيها بصورة جيدة التزم فيها خط اللحن القديم "بتاع الحقيبة" او على الاقل ايقاعه .... ولكن ماقام به ود اللمين ومعها "بدور القلعة" ايضاً شيئا لا ادري كنهه ولا يشبه الا الباشكاتب ... ما اعنيه يا صبري هو الغثاء "الكواريييييييييييك" التى يقوم بها البعض "والساحة ملئية بهذا" والتشويه وعدم الحفظ وما الا ذلك . وارجعك لنقطتى الرئيسية ... تقلد زول تغني غنا زول الناس طبيعي تقارنك بيهو لانو مرتبط في اذهانها وهنا قد تظلم نفسك لكن ممكن تكسر الدنيا في حاجات تتلائم مع طبقات صوتك وخطوط لحنية معدة لك وحق الناس عمروا ما ببقا حقك
08-08-2011, 03:10 PM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
Quote: الأغنية يكتمل جمالها عندما يؤدّيها من يمتلك صوت بإمكانيات عالية ...
الأستاذ محمد ميرغني يمتلك صوت بإمكانيات عالية جدا وفنانة كمان
Quote: ومافي حاجة اسمها سمح الغنا في خشم سيدو !!!
والله (حنيني إليك) دي سمحة في خشم سيده محمد ميرغني ده
Quote: سمح الغنا في خشم من يمتلك الصوت والتطريب الأفضل !!!
نحن ننتظر من يمتلك التطريب والصوت الأفضل أن يقدمه في جديد يثري المكتبة السودانية وليس بالتكرار والإجترار الممل لأعمال الآخرين... والاغنية دي غناها محمد ميرغني في زمن محمود عبدالعزيز كان في جنة الأطفال في التلفزيون..
أخونا إبراهيم عبد الحليم ... لك التحية ورمضان كريم ...
أعي جيّداً أن المقصود في هذا البوست ما ذهبت إليه أنت ... ولكن لو تابعت النقاش جيّداً لأدركت لماذا قمت بعمل مقارنة ... وإقحام تسجيل قديم لأغنية حنيني إليك بصوت محمود عبدالعزيز ...
ولك كل الود والتقدير ،،،
08-08-2011, 09:01 PM
جلال عثمان جلال عثمان
تاريخ التسجيل: 09-13-2008
مجموع المشاركات: 1735
لو كنت مكان محمد ميرغني لتقدمت بطلب رسمي لقناة الشروق بعدم اذاعة هذا التسجيل مرة اخرى واتلاف الشريط حفاظا لهذه الدرة الرائعة من هذا التشويه ..... "الغير متعمد" والا فتح بلاغ رسمي في الناس ديل بي شروقهم
عندما يتحدث ازهري الفنان الشهير بابو الزهور علي (المزيكة) فهنا نحن طوالي نجلس القرفصاء ونعمل (انتباه) بعد صفاء طال ليله في انتظار ازهري العنيد حتي ينضم لينا في الغناوي والنقرشة... في حضور ازهري الي الدوحة وفي جولتي معه في سوق واقف.. فجاة كحل ليهو دكان بتاع ادوات موسيقية وفيهو (اعواد) معلقة فووق كده للبيع وطوااالي صحكبم ده هرول صوب ذلك الدكان هرولة غريبة وعجيبة وكان مشتاقا يسعي الي مشتاق.. وبدون سابق انذار كان هنالك عود يتهادي في صدر ابو الزهور وهاك يا نقرشة.. نقرشة خلت سيد الدكان والبائعين يتلفتون الي مصدرها الذي كان ياتي شفيفا ورقاقا يحاكي روعة الفن في السودان واما حالي واحوالي فقد كنت (اري في تلك النقرشة.. برعي ..بشير عباس.. حسن عطية ورايت ايضا ابو الامين خارجا من جوف تلك النقرشة التي اتي بها ابو الزهور).. وكانت المفاجاة هي عندما افتي ازهري بانه وبعد الحال والاحوال ده لسسع غير ضليع في عزف العوود... يا راااااااجل ------ التحية لهذا البوست النوعي والمكرمة الرمضانية من المشاركين وولعتو فينا جمر الحي ياااخي ومالكم علينا ياااخ فحنيني اليك دي كل ما الزول يسمع موسيقاها بتحول الي شاورمة اسفيرية متحركة ورمضان كريم
معقولة لكين يا صبرى ما تكون عارف انو الفنان محمد ميرغنى ترك الغناء لفترة وعمل كم عملية فى الحبال الصوتية والتسجيل الجبتو ليهو فى سهرة حديثة وكم وكم من الفنانين الكبار الان اصواتهم شاخت امثال محمد ميرغنى والسنى الضوى ووردى ولكن لا يمكن انكار تاريخهم الفنى
عشان المقارنة تكون معقولة جيب تسجيل تلفزيونى قديم او اذاعى لمحمد ميرغنى لاغنية حنينى اليك او رائعته تباريح الهوى
غناء مصطفى سيداحمد و محمد الامين لوردى او الحقبية وغيرهم من فنانى الجيل القديم لا يتعدى اغنية او اغنيتن ، عكس فنانين الجيل الحالى ...
08-09-2011, 10:08 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
عجبوني فنانينا الزمان اللبسوا البدل والقمصان وملأوا الوجدان بالتطريب الفنان وفسروا لينا أجمل الألحان وأنحنا إستسغناها وحبيناها عندهم من زمان والباقي ده كله ببقى طق حنك والسلام ورجائي لازال مرفوعا للفنانين الشبان أن يتركوا هذا الغناء لي أهله الزمان
Quote: اغنية حنيني اليلك سبق لمحمود ان طبعها في البوم غنائي عديل كده
وهذا يعني بالتاكيد حصوله على حقوق ادائها في ذلك الالبوم
بالضبط كدة أخي وليد ... وهذا يعني أن شركة الإنتاج الفني تعاملت مع الشاعر بصفته مالك لكلمات الأغنية ومع الملحّن بصفته مالك لألحانها ... هذا إن لم يقوما ببيعها للفنان الأستاذ محمد ميرغني !!! وفي هذه الحالة تكون شركة الإنتاج الفني اشترت حقوق تسجيلها بصوت محمود عبدالعزيز من الفنان محمد ميرغني ذاتو !!!
دمت بود ورمضان كريم ،،،
08-09-2011, 06:24 PM
خالد عبد الحليم سعيد خالد عبد الحليم سعيد
تاريخ التسجيل: 04-30-2010
مجموع المشاركات: 830
Quote: أخونا إبراهيم عبد الحليم ... لك التحية ورمضان كريم ...
أعي جيّداً أن المقصود في هذا البوست ما ذهبت إليه أنت ... ولكن لو تابعت النقاش جيّداً لأدركت لماذا قمت بعمل مقارنة ... وإقحام تسجيل قديم لأغنية حنيني إليك بصوت محمود عبدالعزيز ...
الكلام ده فيهو إعتراف ضمني - وتأكيد - بأن الأغنية تم تمزيقها ومعطها وتعسيمها في التسجيل المعني (والذي هو موضوع البوست)
شكراً.
08-09-2011, 11:09 PM
anwar abdulmajid anwar abdulmajid
تاريخ التسجيل: 01-14-2008
مجموع المشاركات: 98
الاخ ازهرى نورالهدى اجمل التحايا لك من تجمع الفنانيين بالرياض ونحيك على هذا الطرح الذى يحتاج لكثير من البحث والنقاش وطبعا منكم نستفيد لانكم عاصرتم جيل العملاقة فامل يطرح الامر بصورة موسعة
08-10-2011, 08:59 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: الكلام ده فيهو إعتراف ضمني - وتأكيد - بأن الأغنية تم تمزيقها ومعطها وتعسيمها في التسجيل المعني (والذي هو موضوع البوست)
شكراً.
لكن عنوان البوست هو: محمود عبدالعزيز وتابعه الجزار أرفعوا أيديكم عن (حنيني إليك) لو سمحتوا
بمعنى على محمود عبدالعزيز ألاّ يُغني هذه الأغنية حتى ولو كان لوحده ... وقد أتينا بالأغنية بعد أن أدّاها الحوت لوحده !!!
الثنائيات في برنامج "مع محمود" جهجهت حتى أغاني محمود ذاتها !!! وربما سبب ذلك يعود للأداء الارتجالي "يعني أيّ واحد يخش على أيّ مقطع في الأغنية من غير تنظيم" ومرّات الواحد ما عارف هو يغني ولاّ يخلّي المقطع للآخر فيصمتا معاً فيضيع المقطع !!!
يعني الذنب هُنا يقع على سوء الإعداد والإخراج ... مُش يخلوهم زي الكورة السودانية أيّ لاعب يلعب بخطتو هو ...
Quote: خالد عبدالحليم سعيد كتب: من سخريه الاقدار ان يجبر المستمع السودانى الى الجزار كمغنى او حتى ملحن ( لان اسمه ينسف اى علاقه وديه بينه وبين الفن ) .
ويا حليل القاب الفنانيين الصحى صحى ( الباشكاتب ، العندليب.. الخ) نجى اخر الزمن نسمع للجزار ، ويتم تسويقه كفنان.
ما رأيك في اسم: كمال ترباس
08-10-2011, 02:08 PM
بله محمد الفاضل بله محمد الفاضل
تاريخ التسجيل: 11-27-2007
مجموع المشاركات: 8617
مستحيل أو شبه مستحيل تستمع لأغنية وما يكون في البال مقارنة جارية بين صاحبها الأصلي والمقلد ومن الطبيعي أن يخسر المقلد يا اخي التجاري ما عمرو يكون أصلي (الأصل ما ببقى صورة)
الأكيد كل واحد ولمستو في الأغنية محل رفع اليد بمعنى دخول الحوت عليها يضع عليها بصمته وكذلك دخول الجزار أو أيا كان أسمه يضع عليها بصمته لكن بذهن المستمع (أللهم إلا مستمع جديد لم يسمعها إلا من هؤلاء) ستظل الأغنية مطبوعة بصوت صاحبها الأصلي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Azhari Nurelhuda
أمجد الزين
محمد أبوالعزائم أبوالريش
tmbis
عبد الدائم سيد أحمد
جلال عثمان
إبراهيم عبد الحليم
فدياس نجم الدين
عبدالكريم الامين احمد
قلقو
وليد محمد المبارك
خالد عبد الحليم سعيد
anwar abdulmajid
بله محمد الفاضل
فيس بوك
تويتر
انستقرام
يوتيوب
بنتيريست