|
|
 ياناس الحركة الشعبية قطاع الشمال
|
الآن وبعد أنفصال الجنوب وقيام دولته وبعد ان اصبحت الحركة- قطاع الشمال - حزباً سياسياً في السودان (الشمالي) ماالحكمة من بقاء عبارة (قطاع الشمال) في اسم الحركة ؟!!ومعلوم ان هذه العبارة كان لها مدلول بوجود قطاع جنوبي وسقط ذلك بانفصال الجنوب واصبح السودان دون قطاعه الجنوبي السابق ... كذلك لاحظت في موقع الحركة الشعبية - قطاع الشمال - انها تحمل شعار وعلم دولة جنوب السودان ؟!!! فهل الحركة الآن تمثل حزباً من دولة جنوب السودان تمارس نشاطها في جهورية السودان ؟!! ام انها حزب سياسي في جهورية السودان ؟!!
وهل يمكن للحزب الاتحادي الديمقراطي مثلاً رفع شعار وعلم دولة مصر وهو حزب سوداني ؟!!!
http://www.splm-north.com/
|
|
  
|
|
|
|
|
|
|
|
Re: ياناس الحركة الشعبية قطاع الشمال (Re: فايزودالقاضي)
|
سلام يا فايز
أصبر عليهم يحدثوا الموقع ياخي. الحقيقة الناس ديل ما اخدوا فرصة يجروا فيها نفسهم زاتو.
المؤتمر الوطني زور الانتخابات و بادرهم بالحرب و محاولات التجريد من السلاح قبل ما يفهموا حاجة.
عشان كده أصبروا عليهم.
رمضان كريم.
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: abubakr salih)
|
حبيبنا ابوبكر... سلامات وكل سنة وانت طيب ..
Quote: أصبر عليهم يحدثوا الموقع ياخي. الحقيقة الناس ديل ما اخدوا فرصة يجروا فيها نفسهم زاتو.
المؤتمر الوطني زور الانتخابات و بادرهم بالحرب و محاولات التجريد من السلاح قبل ما يفهموا حاجة.
عشان كده أصبروا عليهم. |
حبيبنا ابوبكر البقرا اصبر عليهم دي يقول ود القاضي ماحايقبل تسجيلهم كحزب ههههه ..هي مجرد ملاحظة لكن مهمة ..
تحياتي ورمضان كريم..
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: فايزودالقاضي)
|
Quote: الآن وبعد أنفصال الجنوب وقيام دولته وبعد ان اصبحت الحركة- قطاع الشمال - حزباً سياسياً في السودان (الشمالي) ماالحكمة من بقاء عبارة (قطاع الشمال) في اسم الحركة ؟!!ومعلوم ان هذه العبارة كان لها مدلول بوجود قطاع جنوبي وسقط ذلك بانفصال الجنوب واصبح السودان دون قطاعه الجنوبي السابق ... كذلك لاحظت في موقع الحركة الشعبية - قطاع الشمال - انها تحمل شعار وعلم دولة جنوب السودان ؟!!! فهل الحركة الآن تمثل حزباً من دولة جنوب السودان تمارس نشاطها في جهورية السودان ؟!! ام انها حزب سياسي في جهورية السودان ؟!!
وهل يمكن للحزب الاتحادي الديمقراطي مثلاً رفع شعار وعلم دولة مصر وهو حزب سوداني ؟!!!
|
ود القاضى نهارك سعيد انا ارى فى ازداوجيه وكلامك وسؤالك مشروع
ونحن ناس نصيحه الكلام المغتغت ما بنحبو كيف يسمحموا ناس المؤتمر
الوطنى لى حزب يرفع علم دوله تانيه فى دوله يجكمها حزب واحد هو صاحب
الحل والربط دا حق مشروع لنا كمواطتين مهمشين ان نسال هذا السؤال
البسيت دا ال ت دى مقصوده وش ضاحك
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: خالد المحرب)
|
شيخ العرب استاذنا المحرب ..سلامات وكل سنة وانت طيب ..
Quote: ود القاضى نهارك سعيد انا ارى فى ازداوجيه وكلامك وسؤالك مشروع
ونحن ناس نصيحه الكلام المغتغت ما بنحبو كيف يسمحموا ناس المؤتمر
الوطنى لى حزب يرفع علم دوله تانيه فى دوله يجكمها حزب واحد هو صاحب
الحل والربط دا حق مشروع لنا كمواطتين مهمشين ان نسال هذا السؤال
البسيت دا ال ت دى مقصوده وش ضاحك |
ده كلام سليم ياخالد خاصة وان الحركة اصبحت امر واقع بالنسبة للحكومة ويحق لنا نحن المدافعون عن حقها ان تكون موجودة وتمارس حقها كحزب سياسي سليم الشكل والمضمون ولايمنع ذلك ان تكون له - كحزب -علاقة توأمة مع الحركة الشعبية الحزب الجنوبي ..
تحياتي ،،
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: فايزودالقاضي)
|
يا فائز يا اخي اديها صنه
انت ما قاعد معانا وشاهد انه الحركه الشعبيه
قبال ما تخلص من دوشة انتخابات جبال النوبه اندلع القتال؟!
اندلعت الحرب يوم 4/7 واستقلال الجنوب كان يوم 9/7
يعني ما لحقوا يفكروا في علم فهل عايزهم يصمموهوا
وهم بكهوف ولا انت حريص تدعم التيار القاعد يكاوش
على المكاتب الخارجيه
ويعين في الناس وكمان يصمم العلم ويصيغ الموقع!!
يا فائز
اكبر تعداد لعضويه ما تبقى من الحركه الشعبيه
حقيقة بجنوب كردفان عموما وجبال النوبه خصوصا!
اها انت عايز الاقليه الشماليه تصمم العلم ولا ناس النيل الازرق؟؟
خليك واضح....
انا عارفه انه اسئلتك موضوعيه
ولكن فكر ستجد انه اجابتي موضوعيه جدا ايضا.
انتبه يا غائز هذه سياسيه
ولشعب اكتوى من المكاوشه
وكل شيء حيبقى محاصصه.
يبقى روق المنقه و الدنيا ما طايره.
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: Tragie Mustafa)
|
حبيبتنا الشامخة ...تراجي ...سلامات ورمضان كريم ..
Quote: ولا انت حريص تدعم التيار القاعد يكاوش
على المكاتب الخارجيه
ويعين في الناس وكمان يصمم العلم ويصيغ الموقع!! |
ياتراجي تيار شنو ؟!! انا مابعرف عن الحركة الا ما اقرأه هنا ولا اتابع اخبارها كتير كغيرها من الاحزاب رغم ايماني بقضية اهلي في جنوب كردفان العادلة ..ولا بعرف في تيار خارجي وآخر داخلي في الحركة ..معقولة لحقت تبقى تيارين ؟!!!!!!
Quote: يا فائز
اكبر تعداد لعضويه ما تبقى من الحركه الشعبيه
حقيقة بجنوب كردفان عموما وجبال النوبه خصوصا!
اها انت عايز الاقليه الشماليه تصمم العلم ولا ناس النيل الازرق؟؟
خليك واضح.... |
ياتراجي انا لو ماواضح ماكان فتحت البوست ... انا مابتحدثت عن الحركة كعرقيات ولا جهويات ولابعرفها مقسمة لاقلية شمالية ونيل ازرق واغلبية من جنوب كردفان جبال النوبة لانه صراحة مفردة اقلية بشوف فيها تبطين استعلائي يعطي الحق المميز لمن هم اكثرية وده ينافي حق الكل في ان يكونوا وفي حقهم ممارسة حياتهم السياسية فالحقوق والواجبات لا تقاس بالاكثرية والاقلية ..
تحياتي ام حازم ..
| |
|
|
|
|
|
|
|
|
 Re: ياناس الحركة الشعبية قطاع الشمال (Re: Tragie Mustafa)
|
Quote: اندلعت الحرب يوم 4/7 واستقلال الجنوب كان يوم 9/7
يعني ما لحقوا يفكروا في علم فهل عايزهم يصمموهوا
وهم بكهوف ولا انت حريص تدعم التيار القاعد يكاوش
على المكاتب الخارجيه
|
علييييك الله عاين الطيرة دي ؟؟!
الناس بتنضم انهم حزب ليه كامل الحق في ممارسة العمل السياسي بجمهورية السودان
باعتبارهم جزء اصيل منها وليس تابعين لدولة اخري تعتبر اليوم اجنبية
وهي تنضم ليك عن العلم وكيف يصمموهو وكان لكل حزب علم مصمم له اول من يمسك
السلطة في البلد يقوووم كدة يغير ليك علم جمهورية السودان ويعلق علم حزب الحركة الشعبية
زي ما عملوا في دولة جنوب السودان..
بالله زي طراجي ديل عالم يرفعوا ليها علم ؟؟!
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: HAIDER ALZAIN)
|
الناس ديل ما كانو متوقعين إنو ناس المؤتمر الوطني إدوهم الموافقة على ممارسة نشاطهم السياسي
زي ما أداهم أكثر مما توقعوا في إتفاقية نيفاشا
علشان كدا إتفاجأوا زيهم زينا كدا و ما كانو جاهزين بل ما كانو متوقعين إنو إكون ليهم حزب في الشمال
وزي ما شايف مصير السودان أصبح معلق ما بين المؤتمر الوطني و الحركة الشعبية و الإتنين مرض بس
| |
|
|
|
|
|
|
|
|
|
Re: ياناس الحركة الشعبية قطاع الشمال (Re: ABUHUSSEIN)
|
الأخ فايز ود القاضى
للفائدةالعامة نعيد نشر خطاب الرئيس
ومن نافلة القول ذكر أن توصية المكتب
السياسى بشأن العلم اضافة نجمة حتى قيام المؤتمر
لاجازةالبرامج والشعارات ، اما موقع الحركة فأمينه
من جنوب كردفان وكان من الممكن أن يكون أى شخص لأن
التكليف لآ يتم على أساس جهوى كما يحاول البعض الايحاء .
خطاب رئيس الحركة فى الشمال لاجتماع المكتب السياسى
الأحد, 20 مارس 2011 19:50
ملخص خطاب رئيس الحركة الشعبية لتحرير السودان فى شمال السودان للإجتماع الاول للقيادة الانتقالية الرفيق / مالك عقار اير
الحركة الشعبية لتحرير السودان شمال السودان
ملخص خطاب رئيس الحركة الشعبية لتحرير السودان فى شمال السودان
للإجتماع الاول للقيادة الانتقالية الرفيق / مالك عقار اير
1- الحركة ستظل موحدة بأجهزتها القديمة حتي 9/يوليو/2011 موعد الاعلان عن الاجهزة الجديدة التي ستتولي العمل في الشمال وهذا يحتاج الي افكار واراء ومقترحات من عضوية الحركة .
2- نحن نتجه الي مرحلة جديدة وصعبة ولكن ليس اصعب من الماضي توحيد حركتنا والتصدي لمهام البناء وقيادة العمل السياسي وبناء حركة شعبية ستساهم بفاعلية وفي مقدمة القوي السياسية لتغيير السودان الشمالي الي سودان جديد وبناء علاقات إستراتيجية بين الجنوب والشمال والعمل من أجل العدالة الاجتماعية وازالة التهمشين والديمقراطية وإحترام حقوق الانسان والاعتراف بالتنوع والتعدد هذه هي مهامنا إقامة سودان جديد فى الشمال .
3- تم إعتماد مجلس إنتقالي فى بداية الهياكل يتكون من الرئيس ونائب الرئيس والامين العام ونجري معاً تكملة بقية الهياكل وعلي القيادة الانتقالية إصدار المعايير لتكملة الهياكل الانتقالي خصوصاً اضافة ثمانية أشخاص الي القيادة الانتقالية لإيجاد توازنات علي راسها توازن النوع (7+22+8 =30) اعضاء القيادة الانتقالية .
4- الحركة الشعبية فى الشمال ستتكون من ثلاث وحدات القطاع الشمالي ولايتي النيل الازرق وجنوب كردفان علي المستوي التنظيمي الان
الحركة الشعبية فى الشمال سوف تنفتح علي المجموعات التي تؤمن برؤية السودان الجديد وقوي الهامش وكافة القوي السياسية شرعنا فى هذا العمل منذ الامس ونواصله اليوم .
5- الهياكل الانتقالية سوف تنتهي بمجرد قيام المؤتمر العام وانتخاب هياكل دائمة .
6- بمجرد الفراغ من البناء الهياكل الانتقالية سوف نشرع فى تكوين اللجنة التنظيمية لقيام المؤتمر العام وسوف تتابع القيادة الانتقالية ذلك .
وصلنا لهذا الا جتماع عبر عمل مشترك متصل استمر خلال العامين
7- الماضين توج بمؤتمر صحفي الذي شارك فيه الرفاق عبدالعزيز وياسر كأول اشارة علانية بان الحركة الشعبية باقية مابقي الشمال .
. 8- هذا الاجتماع تاريخي ومعلم من معالم تاريخ الشمال الجديد
9- هنالك لجان مؤقتة لصياغة البرنامج والهياكل الانتقالية + العلاقات الخارجية + الموارد .
10 – شرعنا في بناء علاقات خارجية مع دول الجوار وعالمياً منذ اليوم الاول وسوف ترسل وفود من قيادة الحركة الي عدة بلدان .
11- الامين العام والسكرتارية القومية سوف يتولون العمل اليومي في الحركة الشعبية فى الشمال .
12- الحركة الشعبية فى شمال السودان سبورة جديدة يجب ان تكتب عليها ما نريد وفق رؤية السودان الجديد .
13 – قمنا بدمج هذه الوحدات التنظيمية الثلاث واعلنا انتهاء الدمج بقيام القيادة الانتقالية الحالية وسوف نستمر فى تطوير الهياكل .
14 – اجاز إجتماع المكتب السياسي للحركة الشعبية في جوبا خارطة طريق التي تم وضعها من قبل القيادة الانتقالية حسب مسئولياتنا فى الوحدات التنظيمية السابقة ووزعت علي جميع الولايات وهي معكم الان الاطلاع وإعتمادها كوثيقة نهائية .
15- انتخابات جنوب كردفان من اليوم وحتي الاسبوع الاول من مايو هي القضية الرئيسية التي يجب ان نوظف لها كل موارد الحركة ولدينا خيار واحد هو الفوز واكتساح الولاية وتحريرها انتخابيا .ً
16- قضايا المشورة الشعبية والترتيبات الامنية الجديدة في المنطقتين والشراكة من عدمها مع المؤتمر الوطني والترتيبات الدستورية الجديدة فى الشمال والعلاقات مع القوي السياسية ستتابعها الرئاسة مع الامانة العامة وتقديم تقارير للقيادة الانتقالية .
17- تم تكوين لجنة لصياغة الرؤية والبرنامج المقترحيين وعرضهم+علي القيادة الانتقالية للحركة في خلال شهر من الان .
18- هيكل الحركة النهائي وكيفية عمل (15)ولاية عبر اي اجهزة قطاع واحد ام عدة قطاعات سوف يحسم علي مرحلتين الاولي الاجهزة الانتقالية والثانية المرحلة الدائمة بعد قيام المؤتمر ويجب نتقبل مختلف الاراء ديمقراطياً وعبر هياكل الحركة ومؤسساتها .
19- الحركة سوف تكون مستقلة سياسياً وتنظيماً ومالياً عن الحركة الشعبية فى الجنوب ويجب البحث عن اساليب تمويل مستقلة لعمل الحركة الشعبية الاساس بها هو الاعتماد علي ذات وعلي عضوية الحركة .
مالك عقار اير
رئيس الحركة الشعبية لتحرير السودان
شمال السودان
السبت: 19/مارس/2011م – الخرطوم .
| |
|
|
|
|
|
|
| |
فايزودالقاضي
abubakr salih
خالد المحرب
Tragie Mustafa
نزار يوسف محمد
HAIDER ALZAIN
ABUHUSSEIN
فيس بوك
تويتر
انستقرام
يوتيوب
بنتيريست