|
|
 بـــورداب واشــنـطـون .. 2011
|
كل سنة و إنتو طيبين تصوموا و تفطروا علي خير
السنة دي دعوتي ليكم مختلفة شوية !!
تعالوا لي بالراحة كدة و كلكم بدون فرز
|
|
 
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
الفكرة و ما فيها يا جماعة السنة دي ما عاوزين فطور بورداب ..
حق الفطور دا عاوزين نحولوا لي ميزان الحسنات و قالوا الحسنة بي عشرة أمثالها في شهر رمضان و الله
يضاعف لمن يشاء .
عندي إقتراح معين و يقبل التعديل و الاضافة من قبلكم بورداب و قراء من كل ارجاء المعمورة و ياريت الفكرة تعم
و تشمل كل البلدان ، و بدلا عن فطور البورداب و مسابقة احسن فطور خلونا نعمل مسابقة في كيف نفرًح يتيم في يوم العيد؟
العيد فرحة للاطفال ولكن هنالك بعض الاطفال محرومين من هذه الفرحة لعدة اسباب و الاطفال اليتامي هم من اكثر الفئات
المحرومة و بالجد يا جماعة لو كل واحد فينا بس فكر و قرر انه يدفع تكلفة وجبة افطار واااحدة لصالح طفل يتيم في إحدي
قري السودان المنسية ، شوف قدر الفرحة الممكن تدخلها في قلب اليتيم دا ! و شوف مقدار الحسنات الممكن ترجح ليك ميزان
حسناتك في يوم الموقف العظيم
| |
|
|
|
|
|
|
|
|
 Re: بـــورداب واشــنـطـون .. 2011 (Re: heba Elmahi)
|
انا عندي تصور محدد و خطة عمل جاهزة .. بس كمان عاوزة اسمع رأيكم و مدي
إستعدادكم للمشاركة ! و عاوزة اسمع إقتراحاتكم و الدعوة مفتوحة للجميع في شأن
الإقترحات .
تحياتي للجميع و ربنا يقدرنا علي إدخال فرحة في قلب يتيم تشفع لينا يوم القيامة إن شاءالله
| |
|
|
|
|
|
|
|
|
 Re: بـــورداب واشــنـطـون .. 2011 (Re: محمد خليل ساني)
|
Quote: رمضان جميل يا جميل
تصومي وتفطري على خير
وربنا ينجح المقاصد
ومعاكم فى أى حاجه تعملوها
تحياتي للمعاك وكل سنة والجميع بخير |
الله اكرم يا دماااار
كل سنة و انت و كل اسرتك بالف خير ..
الف شكر علي الرسالة الرقيقة في مستهل الشهر الكريم و نأسف علي
عدم الرد نسبة لاسباب خارجة عن الارادة 
تحياتك توصل يا سيدي و إن شاءالله ربنا ينجح المقاصد و إيد علي إيد تجدع بعيد
| |
|
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
Quote: الأخت العزيزه هبه
كون الناس تجتمع وتتآلف وتتحابب فى الله وتترابط أكبر حسنه
وبالتواصل تتوجد الجهود لعمل الخير , لذلك أحبذأجتماعنا فى فطور رمضان
ومن خلاله يمكننا العمل لدعم الأعمال الخيريه الأخرى. |
مولانا عبدالله كل سنة و انت و كل اسرتك بخير و عافية
و حمدالله علي السلامة و ربنا بتقبل الوالدة في منازل الصديقين و اصحاب اليمين ..
انا معاك انه فطور البورداب فرصة كبيرة للتعارف و المشاركة و ملاقاة ناس بتكون ما لاقيتكم قبل كدة
لكن اكيد إدخال فرحة العيد علي قلب طفل يتيم إحساس لا يعادله أي إحساس في الدنيا ..
أتمني انه نقدر نقوم بالعملين في نفس الوقت ، نجمع المال لشراء إحتياجات العيد للاطفال اليتامي
و نعمل فطور البورداب و كمان نفوز بنجمة كوستاوي ( كيتن علي ناس طارق جبريل )
إيدكم معانا
| |
|
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
كوستاوى لازم يحضر هذه المرَه ومعاهو المدام كوستاويه.
السنه المضت طبعا شرَفت إفطارنا أختنا العزيزه سلمى الشيخ سلامه
مما زاد من بهجة الجمع الإفطارى.
يكون جميل إذا بدأ الإستعداد من الآن ,عموما سجلينا من الحضور
طبعا المدام فى مقدمة الحضور.
التحيه لك أختنا العزيزه هبه.
| |
|
|
|
|
|
|
|
|
 Re: بـــورداب واشــنـطـون .. 2011 (Re: ABDALLAH ABDALLAH)
|
كل ستة والجميع بخير وصحة وعافية
هبة الماحي والخالة العزيزة
مولانا الرائع عبدالله والاخت الغالية إخلاص
وكل بورداب واشنطون وسكانها وجيرانهم
تصوموا وتفطروا على خير
ومتجمعين في الخير وعلى الخير
فعلا وزي ما مولانا قال
ممكن يتعملوا الاتنين مع بعض والغرض اللمة والتجمع وأهي عوايد رمضان
ورمضان بيحب اللمة
عموما لازمن تأكدو حضور كوستاوي
حتى لو زول يمشي ميرلاند مخسوس
غايتو أنا بجيب ليهو مديدة حلبة ومديدة دخن -عسى ولعل-
وعشان طارق جبريل يحرد سمح
| |
|
|
|
|
|
|
|
|
|
Re: بـــورداب واشــنـطـون .. 2011 (Re: Deng)
|
Quote: فـكرة نبـيلة
معاكم يا هبة |
ناصر الامين الزول السمح جوة و برة
رمضان كريم و كل سنة و انت طيب
متأكدة من إستجابة الكتير من الاخوان و الاخوات لانه بالجد الموضوع يستحق التكاتف و ربنا يقدرنا
علي فعل الخير
| |
|
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
Quote: كوستاوى لازم يحضر هذه المرَه ومعاهو المدام كوستاويه.
السنه المضت طبعا شرَفت إفطارنا أختنا العزيزه سلمى الشيخ سلامه
مما زاد من بهجة الجمع الإفطارى.
يكون جميل إذا بدأ الإستعداد من الآن ,عموما سجلينا من الحضور
طبعا المدام فى مقدمة الحضور.
التحيه لك أختنا العزيزه هبه. |
مولانا عبدالله لك التحية و التقدير
فعلا" السنة الفاتت فطورنا كان من اجمل اللقاءات و كان حافل بحضور ممتاز
نتمني انه السنة دي نقدر نعمل افضل منه .
كوستاوي و كوستاوية ديل الا نمشي نجيبهم من ميرلاند بقوة مدججة لانهم طواااالي
فاتحين لينا في اي برنامج من برامج البورداب ولا يمكن كوستاوية تكون ما بتعرف
تعمل عصيدة و ملاح عشان كدة ما دايرين يجوا 
كلمهم ياخ قول ليهم ما دايرين عصيدة و ملاح ممكن يجيبوا لينا بيتزا ولا حتي هوت دوغ
تشرف انت و المدام و إن شاءالله الفطور يقوم و خلينا نسمع رأي البقية
| |
|
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
Quote: كل ستة والجميع بخير وصحة وعافية
هبة الماحي والخالة العزيزة
مولانا الرائع عبدالله والاخت الغالية إخلاص
وكل بورداب واشنطون وسكانها وجيرانهم
تصوموا وتفطروا على خير
ومتجمعين في الخير وعلى الخير
فعلا وزي ما مولانا قال
ممكن يتعملوا الاتنين مع بعض والغرض اللمة والتجمع وأهي عوايد رمضان
ورمضان بيحب اللمة
عموما لازمن تأكدو حضور كوستاوي
حتى لو زول يمشي ميرلاند مخسوس
غايتو أنا بجيب ليهو مديدة حلبة ومديدة دخن -عسى ولعل-
وعشان طارق جبريل يحرد سمح |
راااااوية البت المختفية .. مشتاقين يا زولة
كل سنة و إنتو طيبين و ربنا يطمنا علي امي علوية إن شاءالله و السنة الجاية
نشوفها قادلة في شوارع دي سي لووول
اتمني قيام فطور البورداب لو اتفقوا الناس عليه و برنامج دعم الايتام
و فرحة العيد ممكن نطرحه في الفطور و العنده رغبة يساعد اكيد بساعد
من أي موقع .
كوستاوي و مدامه ديل خليناهم عليك غايتو شوفي ليك طريقة جاذبة تقدري تستقطبيهم بيها
| |
|
|
|
|
|
|
|
|
|
Re: بـــورداب واشــنـطـون .. 2011 (Re: طارق جبريل)
|
أنا ما عندي مانع لحضور هذه المناسبة العظيمة بشرط أن تعزموا جارنا عضو المنبر دينق اليهودي الكافر و عضو البور الأمنجي المجرم محمد سليمان و إمامنا الإمام لزوم صلاة التراويح
يا راوية مديدة الدخن دي ما بناباها لو عملتها رجاء
إنتي لو عملتي لينا شوربة كوارع ...الله بدي الجنة.
هبة الماحي
ما معقول تحتكروا عواصم العالم
خرطوم أوباما----أدوا فرصة لناس الهامش.
| |
|
|
|
|
|
|
|
|
Re: بـــورداب واشــنـطـون .. 2011 (Re: Kostawi)
|
Quote:
أنا ما عندي مانع لحضور هذه المناسبة العظيمة بشرط أن تعزموا جارنا عضو المنبر دينق اليهودي الكافر و عضو البور الأمنجي المجرم محمد سليمان و إمامنا الإمام لزوم صلاة التراويح
يا راوية مديدة الدخن دي ما بناباها لو عملتها رجاء
إنتي لو عملتي لينا شوربة كوارع ...الله بدي الجنة.
هبة الماحي
ما معقول تحتكروا عواصم العالم
خرطوم أوباما----أدوا فرصة لناس الهامش. |
الحبيب كوستاوى
حضورك والحاجه كوستاويه وبدون شروط كمان مهم جدا بالنسبه لينا.
وأطالب بأن يكون الحبوب دينق عضو فى لجنة التحضير.
| |
|
|
|
|
|
|
|
|
 Re: بـــورداب واشــنـطـون .. 2011 (Re: Deng)
|
Quote: اها بورداب «قوى الاستكبار» قاموا لي حركاتهم
والله انتو في الليق ما تفوزوا
موش لو رشوة
لو الخردة ذاته اتزعم فطوركم دة |
يا ود جبريل كدي قول بسم الله و صلي علي النبي
نحنا حتي لو قعدنا في بيوتنا و ما عملنا اي افطار برضو الاوئل لووول !!
كل سنة و انت طيب رمضانك مبارك تصوم و تفطر علي خير
| |
|
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
Quote: أنا ما عندي مانع لحضور هذه المناسبة العظيمة بشرط أن تعزموا جارنا عضو المنبر دينق اليهودي الكافر و عضو البور الأمنجي المجرم محمد سليمان و إمامنا الإمام لزوم صلاة التراويح
|
كوستاوي يا خردة رمضان كريم
حضورك انت و المدام ضروري ولا بننزع منك عمودية منطقة واشنطون الكبري ونديها
لمولانا عبدالله اصلو هو مشارك و نشيط اكتر منك !!
بعدين ياخ دينق لا يهودي ولا كافر ما تشوه سمعة الراجل ساي لووول
دينق أكد حضوره و محمد سليمان خلاص ساب ليكم البلد و رجع السودان
و الشيخ هاشم الامام له كامل حرية الاختيار لو عاوز يشرفنا بحضوره
مرحب بيه بكل تأكيد .. إنت بس ابقي داب روحك و أسرتك و ما تنسي
تجيبوا لينا معاكم بيتزا لانه باين كوستاوية ما بتعرف تعمل عصيدة
و ملاح ههههه .
برنامج دعم الايتام ما عاوزنو يروح في جوطة برنامج فطور البورداب
يا خردة بالله ايدك معانا بكل المعينات المتاحة من علاقات عامة و
و غيرها و كلو في ميزان الحسنات باذن الله
| |
|
|
|
|
|
|
|
|
|
Re: بـــورداب واشــنـطـون .. 2011 (Re: heba Elmahi)
|
Quote: هبة الماحي
ما معقول تحتكروا عواصم العالم
خرطوم أوباما----أدوا فرصة لناس الهامش. |
نحن كدة دااااايما" يا خردة ( و أشار بيده الي الاعلي علامة النصر )
ومافي هامش بيأكل معانا عيش لووول
| Quote: وأطالب بأن يكون الحبوب دينق عضو فى لجنة التحضير. |
يا دينق إنتبه لي كلام عمك عبدالله دا و اتصل بي للتنسق
| |
|
|
|
|
|
|
|
|
|
Re: بـــورداب واشــنـطـون .. 2011 (Re: عليش)
|
Quote: شكلو فاتتني ركعه....
عيدي الكلام ده تاني.....
مقدما كده حجا مبرورا..... |
إنتوا آآآآناس الصيام دا كان ما قادرين عليه أفطروا ههههههه
الخطرفة فوق كم !!
كل سنة و انت طيب يا صديقي وربنا يحقق كل امنياتك و إن شاءالله
السنة الجاية نلزمك بي عصيدة و ملاح قووول آميييين
تعال و معك اخرون نتفاكر نتشارك في عمل الخير
| |
|
|
|
|
|
|
| |
heba Elmahi
داليا الكباشى
محمد خليل ساني
ABDALLAH ABDALLAH
ناصر احمد الامين
Rawia
Deng
طارق جبريل
Kostawi
قاسم المهداوى
عليش
فيس بوك
تويتر
انستقرام
يوتيوب
بنتيريست