|
يوميات صائم
|
رمضان كريم تصوموا وتفطروا على خير يوميات صائم محاولة للكتابة دون التقيد بادبيات اللغة واهل مكة ادرى بشعابها والفكرة حكاوى عن السودان ولان العبد الله كرمه بالحوامة فى السودان القديم رايكم شنو نبدا بأول يوم تحت عنوان رمضان سوق نيفاشا سوق نيفاشا للناس الماعرفنه بديكم الوصف ده لناس امدرمان عليكم بركوب بص الوالى البيقطع كبرى النيل الابيض تحت حراسة دبابات السلاح الطبى ناحية امدرمان مطلوب من ركاب البص وضع كيس الصعود فى منديل ورق حتى لا ينتشر غاز ثالث اكيد العطرون ويدوخ الحنكوشات والحناكيش اما مريدى الحقه وهى علبة صغيرة اشهر مصادرها علبة التباكو المستورد وتتفاوت فى الحجم حتى تصل الى علبة كريم نيفيا التى يعشقها الهلالاب للونها الازرق وكريمها الابيض وانا مستغرب الكريم ده اختفى من الاسواق بعد استلام جمال الوالى لنادى المريخ موية ونور رغم تشكيل لجان الحكومة لادارة ناديا المريخ والهلال شوف نضاجة الزول ده عمل نفسة رئيس مجلس ادارة نادى المريخ بينما فى حى العرب استلم اخو معتمد الخرطوم الحالى رئاسة نادى الهلال (الكيماوى) ولو فى زول بقعد مع ناس الكورة بسمع استلام نادى الهلال اموال من المؤتمر الوطنى وده النغمة اليومين بين جيران حى العرب والعرضة وانا بقول ليهم ناس الحكومة مسكوا كل شيى جمال الوالى قاعد والكيماوى اخو معتمد الخرطوم قاعد افهومها يا ناس . نرجع الى الوصف عند وصول البص الى المحطة الاخيرة نلاحظ تسكع النازلين وهرولة الراكبين والسبب الكندشة الفى الداخل وكانون الفحم فى الخارج يعنى الكل خسران يا ضربة شمس أو رطوبة كندشة حرم باصات الوالى ده لو استمرت معانا كده ناس الامدادات الطبية يبقى شغلهم استيراد وتصنيع حبوب الرطوبة سوق نيافشا بتكون وصلت ليه بالاتجاه شرقا على امتداد شارع الجمهورية واول ما تشم رائحة عاشر اكيد البالونيك وللناس الشمامين اكيد يتاثروا ببروميد المصرانويك فى رمضان ,حال السوق ياهو ذاتو ببنات الشاى والعصيدة يعنى كل حاجة فى على الصائمين المدخنين ووبتاعن الصعود الابتعاد فى رمضان والواحد لو داير ليه جزمة او شبط وحاجات تانية بلبسوها تلقاه مشرورة فى الترابيز ذى كمونية سوق صابرين الفيه المجوخ والطين احسن يجى بعد الافطار ,كل بضائع السوق مستورده بس العتب على النظر اياك تشترى وتفوت عليك الحكاية بعد ما تشترى حاجتك تلقى البائع بيضحك وبالرطانه يتمم لما سالته واحد اتوه قاصدين بالمنظر ده شنو عرفته بعد الضحكة والتمتمه الترجمه بتقول بالله شوف المرحوم كان مقاسه اكيد فى ناس كتار ركبوا قطر سوق نيفاشا للمراحيم اما عن الموبايلات بصراحة بتعجب بس لو ما كنته تفتيحة بتمر عليك حكااية الموبايل شغال لكن الشبكة المافى ده بسبب البطارية النازلة ولو لقاك مفتح ببرمة بوحدة تانية اصلوبرندات السوق بتععمل تشويش للشبطة و لوما نفعت بيدك العين المجردة من البياض وما عليك الا الذهاب او الوقوع فى فخ العذاب ماداير اكتر الكلام وباكر نشوف لو انته جاى من بحرى بتصل لسوق نيافشا كيف نواصل
|
|
|
|
|
|