|
شئ من الجدية... ان اراد الهلال الانتصار عليه الاتي
|
ان يلعب بطريقة 433
طريقة هجومية بحته
هجوم الهلال لا يجارى
سادومبا بكري وكاريكا
وسط الهلال موزون
هيثم وسط هجومي وصانع لعب علاء الدين وعمر بخيت
الجبتوه جديد اب شعر ده احتياطي لهيثم والزول بتاع المورده القلشها ليكم احتياطي لعلاء وعمر
الدفاع
خليفة يمين بوية شمال ديمبا علي ضعفه الايام دي وسيف مساوي
شرط ان لا يتقدم الطرفين ابدا فدفاع الهلال اضعف حلقاته ... ووسط الهلال يليه
اما قوة الهلال الضاربة في هجومة
ترموا يا هلالاب قدام بجيبوا فيكم اقوان لكن بتجيبوا اقوان اكتر
اي طريقة غير ده الهلال مرشوش داخل المقبرة
|
|
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: وليد محمد المبارك)
|
Quote: الجبتوه جديد اب شعر ده احتياطي لهيثم |
جني وجن مستوى الهلال .. البحيرك من كورة لي كورة دا .. وجني وجن مهند الطاهر يدخل يلعب ليك حيلو ميت كدا دا اب شعر لسه ما دخل الفورمة يا وليد .. بوية للاسف شكلو ح يقيف مبارة .. إنت التاج دا ما لاقاك ..؟ بكري المدينة اليومين دي داخل على المرحلة الكنت قلتها قبل فترة أول ما جا .. إنو كهربتو عالية لكن مع المباريات الكتيرة بلوفتو بتتوزن .. واي كورة عندو قون مضمون ويعداك يبقى يجازف في بقية الاقوان بتاعت اخوانو .. سادومبا مرعب .. بس يعمل حسابو من مصيدة التسلل لانو ما حريف في الزوغانات .. وهيثم يعمل حساب لي مقاساتو لي سادومبا ما يطوله خالص .. كاريكا مشاوير المحبة وكدا .. بشة اليومين دي ما عاجبني والدفاع فوقو مشكلة كبيرة جدا .. في سرحان كتير وفي مساحات واسعة ..
المهم إنتو الله يطلعكم الليلة من القراقير ما تقول كمان البحر (+) ..
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: tmbis)
|
Quote: تصدق بعد هجوم الهلال الكاسح دا الواحد ما عنده امل الا في مدربهم زي ما قلت |
..
والله منتظر البوست بتاعك السنوي .. لما الهلال يكون لاعب .. مع فريق وتكون ماسكاك الحمى ام برد وقاعد تهضرب زي هضربتك الفوق دي ,, يللا عليك الله نقطنا بي بوستاتك الوهمية اياها .. اها حسع وليد خلص ذمتو كالعادة .. وطبعا هو قايلنا فارات .. مسالة ينزل ليهو بوست وبعدين يجي يمسكنا بيهو دي عارفنها .. مش يجي يقولينا انا كلمتكم .. والله انا القدامك دا ناقشه ..
بالنسبة لي كورة الموردة بتاعت الليلة .. بعدين لما ارسل ليكم زوووووووووط في جوالاتكم .. ارجو الرد .. ما تشبكوني كورة شنو وإنت فارغ وحركات التفطيس دي .. كلامي دا الظاهر لي واضح مش كدا ..؟
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: nazar hussien)
|
يا ولي تلاتة وسط ما جاية خاصة انو هيثم ما عندو اي ادوار دفاعية لازم اربعة لكن ما مهند يا بشة يا توريه و قدام سادومبا وكاريكا و بكري احتياطي ليهم يدخل بعد يكونوا جروا بالباكات و سلو السنتهم يقض لى حبة اللياقة الفاضلة ليهم في الدفاع طبعا ما في حل غير ديمبا ومساوي , علاء الدين اثبت عدم قدرته على اللعب في قلب الدفاع لكن يبقى علاء في رأيي مفتاح انتصارات الهلال و دليل عافيته لو لعب بمستواه البنعرفه عنه في الارتكاز و الله كريم
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: محمد البشرى الخضر)
|
ولى أزيك ...
ورمضان كريم ...
اولا بتفائل ببوستاكك قبل المباريات البتكون ليها اعتبار لقدام بالنسبة ليك ههههههههه
سرقة الاوف سايد البقع فيها سادومبا دى لعبة اتوبونغ بعد التألقم ....
بس سادومبا حاليا هو الاصلح لقيادة هجوم الهلال للتمرس والرجفة من وجود اتوبونغ ودى عظمة الهلال ....
وبكرى يبدأ وكاريكا ينزل بعد يحكوا دفاع الرجاء وبالذات الامين الرباطى دا حريف بس تقيل وبلنتية فى الجيب ...
وهجوم الرجاء لو بوشعيب المباركى فى حالتة الكان بيها اثناء احترافة فى قطر هنا قبل سنوات بتعب دفاع الهلال
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: بابكر التوم)
|
وليد
عبداللطيف بوي موقوف أفريقيا لذلك سيلعب خليفه مقلوب
ولإصابه يوسف محمد سيلعب التاج باك يمين في الوسط علاء الدين وعمر وهيثم وتوريه
مهند راح يكون إحتياطي وده حسب الكوره الشفناها أمبارح
قدام ربما بدأ بكري بديلاً لكاريكا مع سادومبا
قلب الدفاع مساوي وأتير
دي هي الخيارات الأمثل في رأي بعد مشاهده كوره الأهلي
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: بابكر التوم)
|
بابكر التوم وين الحي بيك ياخ ؟
مشتاقين
سادومبا ما حا يقعد السنة دي مع الهلال جهزوا اتوبنق من هسع
بكري المدينة كهربتو زايده لكنه مفيد لحد بعيد
المريخ جاب كاس دبي باتيني كهربتهم زايده عوض الله وعاطف منصور
اما كاريكا فده الولد الحريف ... لو بطل ارتباكه داخل الصندوق بذكرني كندورة كان يحاورك في معلقه .. ونادر ما يجيب قون
كاريكا يتوتر جوه الصندوق
دفاع الهلال قاعد في السهلة انا اونت لو لعبنا ضدهم بنجهجهم
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: محمد البشرى الخضر)
|
مرحب ود البشرى
انا مختلف معاك
لو لعب الهلال بطريقته القدية سيكون فريق عادي وحا يتعب تعب شديد بالخطة القلتها دي الهلال لعب قدام الاهلي والمورده وتعب جدا
ميزت الهلال في هجومه
يلعب مهاجم بثلاث لاعبين هجوم رابعهم هيثم
لكن هيثم وعلاء الدين يوسف الخطة بتكون مرتكزة عليهم في انهم يكون ساتر منيع في الهجمات المرتده ويكلموهم يدو العندهم في شوط واحد ويخصلوا فيه
في الشوط الثاني بعد ما الهلال يكون جاب قون قونين ممكن يطلع مهاجم ويدخل لاعب وسط مدافع ( بتاع المورده القلشها ) لانو عمر وعلاء بكونوا تعبو
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: khaleel)
|
يا ابو الخل
تشكيتك دي حا تودي الهلال التوج
ياخ الدفاع ده مشكلة كبيرة
تقريبا عشرة مباريات وراء بعض لم يلعب اربعة منهم مبارتين كاملتين مع بعضهم !!!!
اتير توماس وديمبار اخر مرة لعبو متين؟
منتصر لعب بتين ؟
اما الوسط عمر وبشة ومهند وهيثم
ده وسط مهاجم في ظل دفاعك المتهالك ده
مهند وهيثم وبشة الثلاثة طريقتهم هجومية هل تعلم انو بشة لحدي قريب ده وكت كان في الحرية كان بلعب راس حربة !!؟؟
المدافع في الوسط ده زول واحد عمر بخيت
والله يلعبو بي خطتك دي كان ما ادوكم 5 مازمبي ما تديني يدك
| |
|
|
|
|
|
|
Re: شئ من الجدية... ان اراد الهلال الانتصار عليه الاتي (Re: khaleel)
|
Quote: ان يلعب بطريقة 433
طريقة هجومية بحته
هجوم الهلال لا يجارى
سادومبا بكري وكاريكا
وسط الهلال موزون
هيثم وسط هجومي وصانع لعب علاء الدين وعمر بخيت
الجبتوه جديد اب شعر ده احتياطي لهيثم والزول بتاع المورده القلشها ليكم احتياطي لعلاء وعمر
الدفاع
خليفة يمين بوية شمال ديمبا علي ضعفه الايام دي وسيف مساوي
شرط ان لا يتقدم الطرفين ابدا فدفاع الهلال اضعف حلقاته ... ووسط الهلال يليه
اما قوة الهلال الضاربة في هجومة
ترموا يا هلالاب قدام بجيبوا فيكم اقوان لكن بتجيبوا اقوان اكتر
اي طريقة غير ده الهلال مرشوش داخل المقبرة |
فتأمل!!!
| |
|
|
|
|
|
|
|