|
لعناية الأخوات/ة بورداب الخرطوم و ضروري جداً
|
تحية لكم جميعاً اخواتي واخواني بورداب الخرطوم و المقصود الخرطوم - بحري - ام درمان اعزائي بيننا في هذه الايام اخوان واخوات كرماء في اجازتهم السنوية فالرجاء أن نلتقي ترحيباً بهم في يوم الخميس القادم عند اختنا حليوة جوار المركز الثقافي الالماني (غوته) .
ولكم التقدير
|
|
|
|
|
|
|
|
Re: لعناية الأخوات/ة بورداب الخرطوم و ضروري جداً (Re: مزمل خيرى)
|
Quote: هم بكرى عباس ابوالعزائم و معتز القريش وسمعنا انو محمد E سليمان الشهير بالحبشى برضو فى الخرطوم ولا ننسى ضيفنا الاجنبى شول اشوانق برضو |
سلام يا مزمل ونرحب بكل الاخوة الذكرتهم واظن في اكتر من كدا بس شول اشوانق دا يا حبيب من عيال ابيي وابيي دي رئيس المؤتمر الوطني قال شمالية اها عندك راي تاااااني ؟
| |
|
|
|
|
|
|
Re: لعناية الأخوات/ة بورداب الخرطوم و ضروري جداً (Re: heba Elmahi)
|
اي ياخ طول عمرك عاااااقله
Quote: بالاضافة الي انه حيكون معاكم ضيوف بورداب من عندينا و سوف يرصدون اي تحركات مثيرة للشك ولا شنو يا هواري ؟؟
|
لو قصدك هواري نمر النطمنك اكتر هواري من اهل اللسته الوقفت من سودانيز لذا هو واقف من المنبر ولذا اكتر كتير لا نعتبره من البورداب ههههههههههههه يطلب الله ويمشي علي حته تااانيه مش قلته ليك اطممممممني .
| |
|
|
|
|
|
|
Re: لعناية الأخوات/ة بورداب الخرطوم و ضروري جداً (Re: طارق جبريل)
|
Quote: بالله يا سفيان طلب الزول الاسمه هواري نمر دة تمسكه في ابو جنزير وتعاين ليه كويس وتقشطه بونية في عينو وتقول ليه طارق جبريل بسلم عليك
|
يا خال كلامك علي العين والرأس و الله بس كمان انا ما بقدر علي هواري ياخ الراجل ما شاء الله طول في عرض وعندو حصانة امريكا طبك عديييل كدا انت عايز تضيعني ولا ايه ؟ خلاص قنعته من ود اختك ؟
Quote: تليشة: يا بت الماحي لو منتظرة هواري نمر يطمنك واطاتك اصبحت بعدين ود اختي دة زي ود الموية
|
ياخ زي ما بقول صاحبك ملاسي عالج عالج ما تفالج دا شنو دا ههههههههههههه
| |
|
|
|
|
|
|
Re: لعناية الأخوات/ة بورداب الخرطوم و ضروري جداً (Re: طارق جبريل)
|
الأخوة عمر صديق ، بدر الدين اسحاق ، بكري عباس (العريس) عمر محمد (العريس برضو) ، معتصم الدار و الأخت منال محمد الشيخ ، صلاح غريبة . تحية طيبة لكم أتمنى أن يوفق الجميع بالحضور بخصوص الوصف يا عمر محمد حليوة جوار المركز الثقافي الالماني (غوته) في شارع المك نمر شرق شركة عزة للنقل وممكن تصل من اتجاهين هم :- تقاطع البلدية مع المك نمر ثم تتجه الجنوب الجغرافي في شارع المك نمر أول بلوك شرق الظلط انساهو تاني بلوك دا هو غوته . أو وانت جاي من اتجاه مستشفي اللخرطوم وداخل علي شارع المك نمر ومتجه الشمال الجغرافي عدي الاستوب الاول قبل الاستوب التاني في نفس اتجاه الشمال الجغرافي دا بتلقى غوته شرق الظلط علي يدك اليمين في البلوك قبل الاخير من الاستوب التاني .
| |
|
|
|
|
|
|
Re: لعناية الأخوات/ة بورداب الخرطوم و ضروري جداً (Re: سفيان بشير نابرى)
|
Quote: بخصوص الوصف يا عمر محمد حليوة جوار المركز الثقافي الالماني (غوته) في شارع المك نمر شرق شركة عزة للنقل وممكن تصل من اتجاهين هم :- تقاطع البلدية مع المك نمر ثم تتجه الجنوب الجغرافي في شارع المك نمر أول بلوك شرق الظلط انساهو تاني بلوك دا هو غوته . أو وانت جاي من اتجاه مستشفي اللخرطوم وداخل علي شارع المك نمر ومتجه الشمال الجغرافي عدي الاستوب الاول قبل الاستوب التاني في نفس اتجاه الشمال الجغرافي دا بتلقى غوته شرق الظلط علي يدك اليمين في البلوك قبل الاخير من الاستوب التاني . |
وصف بتاع تكاســى بس ما شاء الله
| |
|
|
|
|
|
|
Re: لعناية الأخوات/ة بورداب الخرطوم و ضروري جداً (Re: ahmed haneen)
|
Quote: وصف بتاع تكاســى بس ما شاء الله |
هاهاها شفته كيف وكلامك صاااااح انا مربيني أب (ربنا يديهو طول العمر) من سواقين تكسي الخرطوم زمااان لما كان في هنتر وموسكوفتش .
Quote: لقد اتصلت بالاخوة بكري وابو الريش ووجهت لهم الدعوة لحضور امسية الحقيبة ويا ريت كل الاخوة البورداب يشرفونا الليلة في بيت الفنون ..
|
سلام علاء صاحبي و اتمنى لكم امسية سعيده مع الغناء ومع الاصدقاء
Quote: جايين جايين
عشان الناس الرائعين
وهي فرصة نشوف برامج رمضان والعيد كيف |
احمد ياحنين مشتاقين واهو نشوفك وننسق .
| |
|
|
|
|
|
|
|