|
كتب الكاتب الفاتح جبرا المتوفرة بمعرض الدوحة
|
|
 Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: عماد شمت)
|
اكثر انسان بائس في اهل الانقاذ هو هذ المصطفى عثمان اسماعيل ....اي واحد في ناس الانقاذ ممكن ارسلو عادي امشي ان شاء الله محافظ....ما بقول لا ابدا ولا بقول لماذا ولا بنقاش بس نعم وحاضر ... ولو عايز امشي اقضي حاجتو بياخذ اذن.....
النجوم الباهتة لا يظهرها الا الظلام الدامس
لك التحية عزيزي معاوية
| |
 
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: طارق جبريل)
|
كتب الزميل الحنظل فى قرية مجاورة
Quote: بالاضافة الى ما ذكره الاخ معاوية عبيد الصائم في سودانيز
استثمارات بالهبل في دولة قطر
ثم يأتيك حاملا ثلاثمائة شيلة لابناء قريته
أن ( تزوجوا فقراء يغنيكم الله )
ومافي زول فيهم شال شيلة من شيلتو
قطر الانقاذ قطر الهنا
بدايتو في قطر ونهايتو هنا
الغنا غنا والما غنا يبكي معانا هنا
فلا تستغرب بعد ذلك يا معاوية ان يمتلك ..
12 بيت فى شارع ال 60 وليس ام الطيور سيتى قريتك
عشرات البيوت فى الكلاكلة , العشرات , من محميات الاسمنت
عشرات القطع فى ام مبدة , فى اطار النزول لمستوى الحركة الجماهيرية
وعشرات القطع فى حى (البستان) فى امدرمان
وشريك مع الطيب النص فى اعمال تجارية
|
لك تحياتى يا الحنظل ...ومعا من اجل تعرية هولاء الفاسدين
| |
|
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: احمد محمد احمد عتيق)
|
يا محمد ابراهيم ,,
لو سمحت داير اقوليك في الماسنجر
ماممكن تسلفنى كم طوبة كده اعملهم لدايات ,,,
لا ادري شخصية مصطفى عثمان تذكرني دائما ببهاء الدين محمد ادريس ,, نفس الملامح والشبه
بس داك ما كان بظهر في التفلزيون ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
| |
|
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: خالد عبد الله محمود)
|
| Quote: محمد إبراهيم أنصحكـ تمشي تعد باقي طوبكـ ده و تشوف ود القاضي جازف منو كم طوبة |
والله ياخالد ادروب ده ما مضمون وهسي تهبشو يعمل ليك الموضوع تهميش ومركز
وانو الطين العملو منو الطوب جاي من اثيوبيا يعني تدخل المحكمة صاحب طوب تطلع منها مطلوب
فبالله يا ود القاضي ابعد من طوبي ده فانا داخرو للاهم فكل طوبة سنكتب عليها اسم من اسماء اللاوطني
فلدي اربعة طوبات من النوع الفاير مدخورة لعتاة اللاوطني من شاكلة نافع وقوش والجاز وقطبي
| |
|
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: معاوية عبيد الصائم)
|
تحياتي يامعاوية وضيوفكم الكرام أصحاب القطع والبدون قطع أصحاب الطوب والأبواب والمستأجرين والمنتظرين كمان ...
يعني مصطفى عثمان إستثناء ؟ ما كلهم طينة واحدة من لوري تراب واحد معجون بموية عكرة زي موية الخرطوم الآن ، يازول منسق (صغير) منسق وين والله ماعارف لأنو المنسقيات كثيرة لا تبدأ بالخدمة الوطنية ولا تنتهي بجمع السلاح ... هذا المنسق الكوز الغبي أشترى مزرعة عائلة مشهورة في الخرطوم عن طريق سماسرة (شاطرين) شالوا منو المقدم ، وجو راجعين بالبشارة وموافقة الأسرة الكريمة بالبيع وبنفس السعر ، طلبوا منو الباقي ويتلاقوا كلهم عند مكتب المحامي (فلان) الكوز صدق وسلم الجماعة الباقي ، ولغاية الليلة ما لقى الجماعة ... بدون خجل قام رفع دعوى على الأسرة يطالب بإثبات البيع وتعديل السجل ؟؟؟؟ والدعوى أمام محاكم الخرطوم ؟ وتفاصيل قضيته تم نشرها في صحف الخرطوم وكان في بوست هنا بنفس الموضوع ؟ تخيلوا المبلغ كان كم (قيمة الأرض) حسب دعوى الكوز ؟ ما يعادل تقريبا ( 520) ألف ريال سعودي ؟؟؟
يالله خلو الحسد ... الرزق كيزان ...
الشفيع ابراهيم
| |
|
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: معاوية عبيد الصائم)
|
Quote: ولعلمكم أنا شخصياً مشيت مناسبة بتاعة دز مصطفى عثمان إسماعيل
بصراحة ما بتشبه مناسبة مسئول في بلد متقشف
وما كانت من الدين من شئ
أو كما قيل |
احد معارفي كوز تقيل مرة في عيد اضحى سنة 93 او 94 ما متذكر ساق معاهو
ولدو البيدرس في الصف السادس لمباركة العيد للشيخ ايام مجدو
الود رجع و نفسياتو في الوطا ... قال شاف الاكل مردوم بكميات مهولة و ما في زول
مدا يدو يأكل حاجة
ولسه في ناس جاية ببكاسي تنزل الخرفان و الثيران و طاخ.
الود حصل ليهو تحول من تلك اللحظة و بقى انتي لحدي اليوم.
| |
|
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: Zoal Wahid)
|
والله لكن برجوازيين كلكم.
قطعة في الوادي البتاع وقطعتين في الخوجلاب وكم الف طوبة!
ياخي نحن عندنا زريبة في سام المدريس البحر هاج وغمرها. رحلونا الخلاء فوووووق آخر الحلة لمان الصيد بقى يجي الدغش يشرب عندنا
بواقي الأزيار والقليلات.
ياخي لمان بقينا ندق في الأجراس امي - رحمها الله- قالت لينا "اسكتوا سااااكت وبطلوا النقنقة
"الصيد جاكن ولا جيتوه"
| |
|
|
|
|
|
|
|
|
Re: مــصطفى عثمان ...مـن اين لك هـــــــذا(الفقير)السابق!!!؟؟ (Re: صلاح جادات)
|
سؤال العم شوقي بدري لمصطفى عثمان اسماعيل في أحد المقالات
(مصطفي سؤال بالمناسبة اذا قلنا انت شغال موظف في حكومة السودان وليك ثلاثين سنة لأن عمرك الآن 54 سنة وبتوفر نص ماهيتك تقدر تقول لي بيتك ده جا من وين. آسف للإزعاج لكن انا واحد من الشحادين وعاوز اعرف. وكل الافندية بتاعين الانقاذ من الوزراء للباشكتبة. القروش دي جابوها من وين. وهل في كرتلة كل المشتركين فيها بيكسبو.
مصطفي اخوي انشا الله اخوك قوندرانياتو الفولفو فرخت. وقراشاتكم اتملت بهم. بجيك صادي.
التحية
ع.س. شوقي)
| |
|
|
|
|
|
|
| |
معاوية عبيد الصائم
Ahmed musa
ABUHUSSEIN
محمد إبراهيم علي
عماد شمت
عمر عبد الله فضل المولى
خالد العبيد
طارق جبريل
Amin Mahmoud Zorba
عمار عبدالله عبدالرحمن
فايزودالقاضي
خالد عبد الله محمود
MOHAMMED ELSHEIKH
معاوية المدير
صلاح جادات
osman righeem
ibrahim alnimma
عبداللطيف حسن علي
قلقو
فيس بوك
تويتر
انستقرام
يوتيوب
بنتيريست