محمد عمر جبريل الضغاط الشليق ..الخ شايفك أخدت راحتك ع الآخر بهناك .. تعال هنا دا .. البوست داك ما حقنا وما في داعي نملاهو لسيدو بال(ضغط) والسكري عملت ليك واحد مخصوص هنا عشان تاخد راحتك في ضغطي .. يتبع ......
07-20-2011, 09:19 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
Quote: تماااام .. كدا ممتاز خالص نشيد ونرحب بالتطور الإيجابي الأخير الحصل مع أخونا طلحة والله إعتراف ما ساهل منك ياخ .. لكن سلّيت روحنا ياخ ..
كدا ممكن نمشي خطوة لي قدام .. بالنسبة للبوست بتاعك داك والله وقسما بالله .. لمن جيت قلت البوست القادم لطلحة عبدالله كيت وكيت الموضوع ما كان طالع برة المزاح والهزار .. بس إحتمال عشان ديك كانت أول مرة أهزر معاك فاااا شنو هزاري ما وقع ليك ما عندك سينس أوف هيومر أنت ياخ ؟!
أما عن وجهة نظري فيك باعتبارك شمتان في المريخ .. فصدقني دي الرسالة الوصلتني من بوستاتك البتفتحها دي الحاجة البقراها في سطورك يا طلحة .. ورجاءا ما تجي تقول لي المشكلة في فهمك إنت وبتاع .. وتطلعني زول ما بفهم .. وعشان أكون صريح معاك خالص أنا شايفك خطك في نقد المريخ لا يفيد المريخ في حاجة ولا فيهو توجيه .. فقط سيل من الشتائم والنبذ لمدرب المريخ وللاعبيه وإدارته "وارغو والحضري" مثالا ما حصل قريت ليك بوست وجاني إحساس إنك حادب على مصلحة المريخ .. أو إنك مشجع غيور ودائما ما تظهر بوستاتك أثناء كبوات المريخ .. ليه ؟؟! سؤال كبير وعلامة إستفهام أكبر ؟؟؟؟ يالله بعد الشرح القلتو ليك دا كللللو والتبريرات القدمتها دي .. تأكد تماما إني لا أحمل ليك إلا كلو خير والله .. واتمنى أشوف ليك بوست تفرح فيه لفرح المريخ أو تحزن لحزنه .. وشوف لو ما جينا شلناك فوق راسنا من فوق معا من أجل عودة طلحة لصفويته
هههههه شايف الإقتباس الفوق دا يا محمد عمر الضغاط الشليق ..الخ دا كلو تهريج وعوك عاك ساي رجعتني بيهو تاني عشان أخليك تضغطني الضغط القلتو دا وما وريتني لغاية هسع حصل وين ومتين وعشان شنو .. وبعدين عشان ما تتعب ساي ما في طريقة أخلي ليك مجلس السجم والرماد المريخي دا في حالو مالم يستغني عن الكهل الكذاب بائع القيم والمبادىء الحضري ومواطنه الممرن الفاشل الكذاب حسام البدري .. (النقطة دي تحديدا لو عايز تناقشني فيها أكسب وقتك ). يتبع ..
محمد عمر جبريل الضغاط شليق البورد شنو سليت روحنا وطوالي عايز تمش لى قدام ونشيلك في رؤوسنا ونخليك بالجمب .. وين إعترافك إتا بالغلط العملتو لي في البوست وشنو يعني انا شاعر بيك شمتان واللا عيان ؟؟ طيب ما أنا شاعر بيك شليق أشمعني يعني شعورك إتا عادي ما فيهو حاجة وشعوري أنا شخصنة ولازم أكتب ليهو تعهد ووصل أمانة ؟؟ ثم الأهم : شنو عملت نايم من حكاية أنك ضغطتني وأنا شخصنت القضايا..؟ تعال يازول وريني وين ضغطتني..؟ وعشان شنو .؟ ومتين أصلا أنا دخلت معاك في نقاش عشان تضغطني واللا أضغطك ؟؟ تعال أول حاجة جاوب على الكلام دا وبعدين نشوف حكاية تشيلني في رأسك واللا ضهرك . وبعدين كلمتك قلت ليك حكاية تجىء تتهمني بإني شمتان في المريخ دي وتقول دا شعوري نحوك دي ممكن يخليني أتهمك بأية حاجة وأقول دا شعوري نحوك ... يعني ممكن عادي أقول أنا شاعر بيك أنك ماخد قروش أو مستفيد بطريقة ما من الصفقات بتاعت المريخ القاعد أنتقدا أنا دي عشان كدا ناطي لي في كل بوست تتريق وتسخر وتعمل لي فيها أبو الدنان .. ما في حاجة إسمها شاعر بيك شمتان لأنو دا إتهام خطير في نظري أخير منو تقول شاعر بيك حرامي عديل كدا .. كدا تعال نظف الحاجات بتاعتك دي أول وبعد كدا نشوف ممكن نمش لى قدامك واللا نرجع ليك تاني عشان تضغطنا مرة أخري .
07-20-2011, 09:46 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
الحبيب أبو عمير مشيت ياخ فتشت البوست ولقيتو بعد تعب هههههههه شكرا ليك لكن بصراحة كدا احسن تعفيني منو .. ياخ أنا فتحت عشرمية بوست هنا وضحت فيها كيف أن الكهل عصام الحضري بايع قيم ومبادىء وكذاب في أصل وشو وجبت إقتباسات عديل كدا أكد فيها المصريين كذب الحضري الكذاب .. وقلت أن كذبه يتضح بجلاء في تأكيداته المستمرة بأنه لاعب محترف ومنضبط ويخلص للشعار قبل المادة لأن هروبه من الأهلي المصري الذي تربي فيه كرويا وعمل ليهو إسم كان من أجل حفنة دولارات لا تغني ولا تسمن .. وقلت ان مشاكله إستمرت بعد ذلك فتم طرده من الزمالك والإسماعيلي ثم هرب من سيون السويسري الذي اخد منو حقو بعد ذلك على داير مليم .. باختصار كدا يا يا عمر أوضحت كل الحاجات الإتا طالبتني بيها بدل المرة مرات عديدة .. وبعدين يا عمر الزول الكذاب إذا قالوا عليهو كذاب فدي ما خشونة زي ما إتا قلت إنما حقيقة .. هسع إتا يا عمر كلامك عن الحكومة ممكن نقول عليهو خشونة غير مبررة ؟؟ هههههه
07-20-2011, 09:56 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
طلحه بعض اقلام المريخ الصحفيه المميزه جدا مغضوب عليها من مجلس المريخ لانها تواجهه بعيوبه ولا تسبح بحمده بل وصل الحد لاتهام شخص كمعاويه صابر بانه ما مريخابي وهناك قلم مريخي مميز ومحترم جدا هو ابو عاقله اماسا تحس بانه من المغضوب عليهم لجراءه ارائه فعليه يا حبيب لو صنفك محمد عمر جبريل بانك لا تحب المريخ فربما يندرج ذلك من باب انه لا يريد ان يري عيوب في المريخ
طبعا انت اكيد فاهم انه ده ما دفاع عن محمد ولازم يجي هنا يواصل الضغط وبعيد القارئ الحصيف يقرر من الضاغط ومن المضغوط
07-20-2011, 10:28 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا فدياس يا حبيب حريقة في مجلس المريخ إذا كان أنا من ضمن المغضوب عليهم لأني بقول كلام في مصلحة الكيان .. شنو يعني لو غضب علي واللا حباني ؟؟؟؟؟؟؟ لا بدخل الجنة ولا بخش النار .. المهم عندي المريخ ولا أعرف سواه ولا أريد أن يحبني أحد إذا كان الحب دا ضد مصلحة المريخ .. لا أشجع المجالس او الأفراد يا فدياس إنما أشجع المريخ الكيان وما عندي مانع لو كرهني العالم كلو في سبيل ذلك . بالنسبة لمحمد عمر جبريل أو أي واحد هنا أو هنا فما عندي مانع يجىء ينتقدني ويقول دا غلط عشان كدا كدا كدا ودا صاح عشان كيت كيت كيت لكن ما ينط لي في كل بوست يتريق ويرمي لي الودع ويتهمني بالشماتة وأنو أنا فرحان عشان خسارة المريخ ودليلو في ذلك إحساسو وشعورو وما عارف شنو .. ولما نجىء بس نقول ليهو شليق يقعد يكورك ويطالبنا بتعهد ووصل أمانة وكمان يألف كلام من رأسو ساي يقول أنا كل ما أضغط طلحة يشخصن القضايا.. رغم أنو ما حصل ذاتو دخلت مع الزول دا في نقاش لا هنا ولا في أي مكان عشان يضغطني واللا أضغطو فيهو .
هههههههههه والله يا طلحة في علاقة وثيقة بينك وبين أبو الدقيق
جايك يا عمك .. أخلص الفي يدي دا وأجيك
بالمناسبة البوست بتاعك دا ممكن تاخد فيهو راحتك للآخر سميني شليق .. حاوي وكل ما يخطر في بالك من إساءات وتجريح موش البوست بتاعك !! يعني كان ما أخدت راحتك هنا ها تخدا وين تاني؟
07-20-2011, 12:39 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
شليق حاوي دي إساءات وتجريح ؟ خاف الله ياخ .. لكن لو مصر إنها إساءات وتجريح أنا برضو مصر أنو شمتان إفك وإساءات وإتا البديت .. يبقي تعتذر عنها وأنا أعتذر علي دي ونكون صافين لو إنتهينا من دي تكون الباقي ليك حتة توريني بس إتا ضغطتني وين وأنا شخصنت القضايا ..؟؟ ياخ هسع بدل السطرين الإتفلسفت فيهن فوق ديل ما كان أحس لك تجاوبني على السؤال .. بتاعي دا ؟ عشان نمش لي قدام زي ما عايز إتا .. ياخ غايتو شلاقتك دي بتكسر فيك حاجة ..
07-20-2011, 12:46 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
اخد راحتك وتعال بمزاج يا محمد عمر جبريل شليق البورد ..الخ ..
لكن بس اتذكر البوست دا عشان بس تجىء تعترف بى غلطك علي وتوريني بالمرة متين ضغطتني وأنا شخصنت القضايا؟ ركز لي في النقطتين ديل قبل أية حاجة تانية .. عشان ما تجىء تاني تلف لي وتدور وتتزاوغ وفي النهاية تقرر براك كدا أنو دي خطوة كويسة ونحن ماشين لى قدام .. ركز قبل ما تجىء لو عايز فعلا تمش لى معاي لى قدام وتخلق ليك أرضية نقاش .. لكن لو جيتني راجع تاني تعوس وتكوجن وفي النهاية تقول لي نشيلك في رؤوسنا وضهرنا وإحساسي وشعوري يبقي جيتك زي العدما .
07-20-2011, 02:16 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
لا لا لا .. أصلو ما ها أجاريك في اسلوبك منتظر مني مثلا أقول ليك عوير البورد .. وللا فارة البورد ؟!! نو ويييي
بعدين مالك ساكيني شديد في حكاية عصرتك وين دي ؟؟؟ أقرب مثال على إثباتي خطل كلامك البوست الأخير ده موش في النهاية وريناك إنك جيت بس سااااااي عايز تفش مغستك وتمشي ؟؟ وأزيدك من الشعر بيت حكاية شماتك في المريخ دي ما دايرا ليها سحر وجن وشياطين ولا فكاكة وقلب ودع دي كتابتك يا اخينا .. دي سطورك وكلماتك الاختارا عقلك الباطن .. مريخابي ؟؟ بتعشق المريخ ؟! ما مشكلة . لكن معارضتك للمجلس الحالي أعمى بصيرتك وخلاك ما تعرف تنتقي الكلمات المناسبة شفت الموضوع ساهل كيف يا سيد يا جيد يا محترم .. الموضوع ما قلب ودع ولا ثقب لقلوب الناس عشان تعرف فيها شنو
أسألك سؤال واحد .. وأرجو أن تجاوبني عليهو بصراحة .. كم مرة نبذت الحضري في المنبر دا وقعدت تعايرو بي إنو عمرو كبير وما عارف شنو مما يدل على مدى كراهيتك الغير محدودة للزول دا .. وداير تقنعنا وتقنع الناس الهنا إنو الزول دا ما نافع وبضر المريخ أكتر مما ينفعو ..طيب لمن يدخل قوون في الحضري .. بتفرح وللا بتزعل ؟؟
يا طلحة عبدالله معلم البورد والزول المنقطا ..
07-20-2011, 02:29 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا محمد عمر جبريل شليق البورد الضغاط .. ياخ تجاريني في شنو ..؟ أنا لو عايز أشتمك كان قلت ليك دلاهة البورد واللا قبورة واللا أية حاجة من الحاجات الممكن تقولا وأقولا .. لكن أنا قلت ليك شليق البورد لأنك قلت لي شمتان وكذبت عديل قلت لي ضغطتك وقلبت الموضوع شخصي .. يعني شمتان دي تقابلا شليق يا إعتبرم الاتنين شتيمة يا الاتنين مفردات عادية ونكون خالصين . وأنا أزيدك من الشعر صوف كمان إتا شليق لأنك بتجىء براسك لا فاهم أعوج لا عديل وتكضب عديل كدا تقول إنك ضغطتني ولغاية هسع قاعد تلف وتدور ما قادر توريني ضغطتني وين وفي شنو .. ؟ وبعدين يا شليق البورد أنا قلتا ليك ما تناقشني في الحضري ولا غيرو قبل ما تجىء بس توريني وين ضغطتني وأنا قلبت الموضوع شخصي ..؟ بالنسبة لكلامك التحت بتاع أنا منقطا وما عارف شنو فما عارفك جبت الكلام دا من وين رغم انو أنا ما حصل دخلت ليك في بوست قلت ليك دا غلط واللا دا صاح واللا إتا شمتان وكيسك فاضي إلى آخر الهبالة الممكن أي زول يقولا دي ولا كمان عندي بدلة متصور بيها في بروفايلي .. تكون قاصد نفسك يا شليق البورد ؟
ستين ألف تعديل في ساعتين.. مالك ؟ في شنو؟ وفوووووق لنا ليك أخد راحتك قول كل الفي ضميرك قبروة .. وما شاكلها من ألفاظ وخزعبلات وبعدين أنا رديت ليك ياخ .. آخر مثال في البوست الأخير .. جيت طاير بي راسك وشبكتني ما تستفز عشان ما يستفزوك صاح وللا ما صاح .؟؟ مالك هسي عايز تغتغت الكلام ..ووريني وين وفي يا تو بوست؟!! ما متذكر ياخ ياتو بوست .. بس البوست الأخير دا فعلا بشرح للجمهور معنى الشلاقة القادينا بيها دي من قبيل
وأهو زي ما شايفين في ارتفاع في مستوى الكلام من شلاقة بقت هبالة وبدلتك وصورتك الخايف عليها .. واصل واصل أصلو ما تقيف .. الدور الجاي على شنو ؟؟ ما ها أقول عشان نسمع اصطوانتك تاني بتاعت الودع والذي منو
عليك المداخلة الجاية من غير تعديل
لمن ألقى عبارة التعديل دي بتحسس ياخ تصدق..
07-20-2011, 02:59 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
ههههههههههه إتا حنكوش واللا شنو يا محمد عمر جبريل الشليق الضغاط ..؟ ما عارف قبورة يعني شنو ..؟ طييييييب ركز معاي : قبورة دي ممكن تقول عليها زي فارة البورد القلتها اتا فوق دي بس الفرق أنو القبورة دي بتجىء طايرة براسا ساي وتقع توش في نار الرتينة .. أها تعال قول لي نار الرتينة يعني شنو ...
07-20-2011, 02:55 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
ويا محمد عمر جبريل شليق البورد الضغاط طالما إتا مصر على انو انا شمتان ح أصر على انك إتا شليق فما حاول تلتف حول الكلام دا وتدخل في زقاقات تانية من عينة لو عايز أجاريك كان قلت ليك وقلت لانو أنا برضو بقلع وبخش في الزقاقات دي .. إكراما ليك بكرر ليك تاني لو عايزني أسحب الكلمة المضايقاك دي اسحب الكلمة المضايقاني ديك .. وتعال نتفاهم في حكاية إنك ضغطتني وأنا قلبت الموضوع شخصي وأكيد بنصل لى حل يفضي في النهاية للنقاش الجاد والممكن فعلا تضغطني فيهو أو أطلع أنا منقطا زي ما قلتا .. أها ياخ أهو دي مبادرة مني تاني زي مبادرتي الأولي بتاعت الإعتراف القلت لي سليت فيها روحنا ديك .. يلا أعمل لى همة وبادر ياخ اتا كمان عشان تكون المبادرة مشتركة وفيها برتكول..
07-20-2011, 03:00 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا محمد عمر جبريل شليق البورد الضغاط ما تهاتي وتتضاير (مثل زقاقي ) أنا ما بقول ليك قبورة وآخر الخزعبلات لأنك إتا ما قلتا لي فارة وآخ الخزعبلات شفتا كيف ..؟
التعديل دا جليهو ما يلاوز بيك ساي ..
07-20-2011, 03:14 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
Quote: طالما إتا مصر على انو انا شمتان ح أصر على انك إتا شليق
ههههه يعني إنت لمن قلت علي شليق كانت ردة فعل منك ساي صاح ؟ زعلك راي وقلت تنتصر لي نفسك بانك تشبكني محمد عمر الشليق ويا شليق البورد إذا في النهاية دي ردة فعل منك ساي بمحاولة تبادل اطلاق النار ونبذة من هنا ونبذه من هناك والموضوع يمشي بعييييد موش كدا طيب ليه ياخ ما ناقشتني في كلامي ؟؟ وليه ما قلت لي يا محمد عمر جبريل أثبت كلامك دا وإلا الويل والثبور ومكامن القبور
لكن والله مبادرتين في يوم واحد دا ريكورد ها أخش بيهو جينيس للأرقام القياسية
يا طلحة عبدالله المدغوت .. خلاص إنت ما شمتان في المريخ لكن برضو ما تسحب شليق دي خليها .. موش قلت ليك أخد راحتك في البوست دا؟ إنت قايلني بهزر .. أخد راحتك أصلك ما تلاوز وما تعدل رش علي كيف كيفك
07-20-2011, 03:29 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يعني إتا الناقشتني عشان تعرفني شمتان واللا عيان ؟؟؟ ما طوالي جيت طاير كف نف لصقت لي الاتهام دا ساي لا إيدي لا أصبعي .. هسع وينو الرأي الزعلني يا محمد عمر جبريل الضغاط (لاحظ سحبت شليق ) إتا جيت وصفتني بس بالشماتة وأنا وصفتك بالشلاقة .. يا زول خليك جاد هووووووي .. إتا لسة قدامك اثبات الضغط والسكري بعد التطور الملحوظ الخاص بالشماتة .
07-20-2011, 03:45 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
طبعا أشك في أنك يا محمد عمر جبريل الضغاط بتكتب بدون ما تعرف إتا بتقول في شنو والدليل إحتجاجاتك المتكررة كلما ما أرد ليك بنفس طريقتك المتشيطنة دي .. هاك أمسك أها عشان تتاكد أنك بتبدأ لكن ما بتتحمل الرد البكون مقاس كلامك : طبعا شليق دي أنا كررتها ليك عشان إتا كررت لي حكاية شمتان القاطعا من ودعك دي .. أها قوم اتا طوالي نط لكلام كبار كبار زي دا :
عامل فيها سواق ركشة .. ههههههه فقمت طوالي أنا رديت ليك بنفسك طريقتك وقلت ليك :
Quote: ياخ تجاريني في شنو ..؟ أنا لو عايز أشتمك كان قلت ليك دلاهة البورد واللا قبورة واللا أية حاجة من الحاجات الممكن تقولا وأقولا ..
فشنو طوالي نفسك قام :
Quote: أخد راحتك قول كل الفي ضميرك قبروة .. وما شاكلها من ألفاظ وخزعبلات
يعني إتا كلامك الفوق بتاع فارة البورد وعوير البورد ما في ضميرك لكن أنا كلامي في ضميري وقاصدو؟ زي ما عايز توضح لعزيزك القارىء .. شيطنة شديدة ياخ . تاني دا كلامك موش :
Quote: يا طلحة عبدالله معلم البورد والزول المنقطا
تريقة واضحة ما عايزة ليها آلة حاسبة .. لكن الرد عليها ضايقك شديد كما هو واضح لعزيزك القارىء :
Quote: وأهو زي ما شايفين في ارتفاع في مستوى الكلام من شلاقة بقت هبالة وبدلتك وصورتك الخايف عليها
يعني إتا يحق ليك تتريق بأنو أنا منقطا لكن لما يجوا يقولو ليك المنقطا دا هو بتاع البدلة تتضايق وتعمل فيها الحسن والحسين ؟؟ مع العلم أنو الهبالة التحتا خط فوق دي يقابلا كيسك فاضي وما عارف شنو القلتها لي في البوست بتاعي داك .. ههههه .
07-20-2011, 03:54 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
شارحا بإستفاضة وإنتفاضة كدا مالك يا جرجير المجرجراتي ؟ عامل فيها جندي مجهول في مجاهل الغابات يعني ..؟ إن شاء الله يلم فيك محمد عمر جبريل الضغاط دا يضغطك لامن تقول الزبادي .. عشان حركتك دي .
07-20-2011, 04:16 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وبالله يا جرجير روق في علبك واللا لو عايز تلف لف ما تجىء كل مرة ناطي لينا عايز تشرح وتعمل فيها ميكانيكي بلاستيكي دا شنو الفقر دا .. نحن فاضين ليك إتا كمان ياخ ..؟ شوف عامل كيف ..؟؟؟
07-20-2011, 04:19 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طلطل المديغيت* .. وضح جليا وبما لايدع مجالا للشك إنك زول بتتعامل بي ردة فعل ما اكتر وما أقل .. كلمة توديك هناااك وكلمة تجيبك بدون ما يكون عندك رؤية وفيشن لادارة أي صراع .. ما ممكن ياخ تبني استراتيجتك على انتظار الحاجة الها أقولا ليك أنا .. إذا انا قلت حاجة تقوم طوااالي تجاريني في اسلوبي خلي عندك اسلوبك المستقل ياخ .. الحاجة التانية أنا ما طلبت منك تسحب كلمة شليق دي .. أنا طلبت منك تسحبها ؟؟ قلت ليك الكلمة دي زعلتني ؟؟ واصل يا معلم البورد المنقطا إنت .. واصل وما تفاصل .. أهو شوية شوية الواحد بقى يعرف حاجة على شاكلة قبورة تاني في شنو في جرابك ولا يقوتنا أن نشكر الأخ ودالبشرى على ايراده معنى المفردة المذكورة أعلاه .. واهو زي ما شايف البباريك يا طلطل المديغيت بعرف شنو
حاول قوي موقفك شوية في البوست دا عشان ما ينتهي بنفس بواخة منظرك في البوست الفات
وعليك الله برضو لمن تنتهي من مسألة إنت قلت لي كدا عشان كدا أنا كتبت ليك كدا .. حاول جاوب لي على سؤالي الفووووق داك عشان نمشي قدام شوية وننقلك نقلة فنية ونوعية في طريقة الكلام
______________________ * طلطل دي ما باقي لي بتزعلك موش كدا .. غايتو كان زعلتك كلمني .. انا جني وجن تكون زعلان ياخ .. داير مزاجك يكون عالي في البوست دا .. عشان تتحفنا
قال عزيزي القارئ قال أها يا الأمير الكوشي ..
07-21-2011, 09:55 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
الحبيب طلحة ياخ المره دي عليك الله اسمع كلام اخوك ود البشرى لم توفق في هذا البوست صراحة . . تعرف ياطلحة لما واحد يقول ليك غواصة معناه انت نجحت في توصيل رسالتك ولما واحد يقول ليك انت شمتان في المريخ وتضحك بين السطور برضو رسالتك وصلت صاح هل هنا في واحد ينكر انك مريخابي غيور على ناديك لاتنسى المريخاب هنا لايريدون ان تفضح ناديهم امام خصمهم برضو هذا من حبهم لناديهم وبين نفسهم متفقين ان كلامك سليم وصاح ميه الميه كثيرا تكتب اشياء هنا مفيدة لنادي المريخ ومجلسه لو عمل بها واتفق معك في الكثير ... اتمنى انا لايكون اسلوب نقاشك هكذا مع كل من يعترض على رايك وانت في يوم كان ليك صلة كلاعب رياضي وتعلم جيدا مايدور داخل الملعب يعني عادي خليك من جمهور خصمك حتى جمهورك الذي يشجعك عادي ممكن يرشك بكلام لم ترضاه ح تعمل شنو تطلع من الملعب وتمشي تضارب كل الجمهور كما فعلها صديقي هيثم شوشه لاعب الموردة والمريخ السابق مع مشجعي المريخ من قبل والامثله كثيرة ... من الطبيعي انت بتكتب هنا لايمكن ان تفرض على جميع الناس انها تتفق معاك اما الاشياء الصغيرة يمكنك تجاوزها ولايفترض تفتح لها بوستات ونقاشات مطوله لان البوست ينحرف وينزلق الى اشياء غير مفيدة للمتابعين ياريت ياريت والناس تعلم جيدا من هو طلحة وكيف يكتب ان تكف عن هذا البوست غير الموفق ..
ملاحظة اخرى ردك الجميل للاخ عمر فضل المولى كان يكون في نفس البوست وتطلب منه العفو بعدم المواصله حسب رايك .. لاتتجاهل الناس اذا لم يتفقوا معك انت زول صديق وحبيب وهذا من باب معزتك عندنا
Quote: الحبيب أبو عمير مشيت ياخ فتشت البوست ولقيتو بعد تعب هههههههه شكرا ليك لكن بصراحة كدا احسن تعفيني منو .. ياخ أنا فتحت عشرمية بوست هنا وضحت فيها كيف أن الكهل عصام الحضري بايع قيم ومبادىء وكذاب في أصل وشو وجبت إقتباسات عديل كدا أكد فيها المصريين كذب الحضري الكذاب .. وقلت أن كذبه يتضح بجلاء في تأكيداته المستمرة بأنه لاعب محترف ومنضبط ويخلص للشعار قبل المادة لأن هروبه من الأهلي المصري الذي تربي فيه كرويا وعمل ليهو إسم كان من أجل حفنة دولارات لا تغني ولا تسمن .. وقلت ان مشاكله إستمرت بعد ذلك فتم طرده من الزمالك والإسماعيلي ثم هرب من سيون السويسري الذي اخد منو حقو بعد ذلك على داير مليم .. باختصار كدا يا يا عمر أوضحت كل الحاجات الإتا طالبتني بيها بدل المرة مرات عديدة .. وبعدين يا عمر الزول الكذاب إذا قالوا عليهو كذاب فدي ما خشونة زي ما إتا قلت إنما حقيقة .. هسع إتا يا عمر كلامك عن الحكومة ممكن نقول عليهو خشونة غير مبررة ؟؟ هههههه
. . الاخ الفاضل محمد عمر جبيريل اتمنى ان تتوقف عن هذا البوست لان الرياضة ليس هكذا ولازم ناخد الاشياء الجميله منها لان ما نراهو هنا انها مجرد مهاترات وقد تقلل من قدركم الاثنين في اشياء اصلا مافي ليها اي داعي الرياضة محبه واخاء ...
-------------------- معليش محمد عمر وطلحة لعدم وجود ماسنجر كان اختصرنا كل الكلام هذا به
07-21-2011, 10:13 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
محمد عمر جبريل الضغاط ... الهرجلة شاربة شراب ياخ أقول ليك كلام واضح زي الشمس نص النهار بعد المطرة مباشرة تجيء ناطي بس عواك عاك وررروك واك ماك سكج بكج مع وشوش خدرا مدورة وفي النهاية تكضب عديل كدا تقول أنا ضغطت وإتا منظرك بايخ في البوست دا والبوست الفات والبوست القادم .. ما تبدأ بالمطاعنة والملامزة والتريقة وأول ما أخمها أقلبا ليك تاني تقعد في أنا ما بجاريك وأنا ألعب معا فات الفات .. هسع الكلام الفات داك كلو إتجاوزنا بسحبك إتهامك لي بالشماتة وسحبي كلمة الشلاقة العملت ليك هلا هلا وبقيت تكورك فيها وتطالب بالتعهد ووصل أمانة .. ( لو إتراجعت في موقفك تعال تاني قولك إتا شمتان وإتا عيان ما عندك مشكلة ولا أنا عندي مشكلة ) .. هسع الباقي في البوست دا تجىء توريني وين إتا ضغطتنى ؟؟ وعشان شنو ؟؟ ومتين أصلا اتلاقينا أو إتناقشت معاك عشان تضغطني واللا أضغطك ..؟؟
07-21-2011, 10:51 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا كابتن وليد عبد اللطيف حمد ع السلامة ياخ أنا متفهم جدا والله غرضك السمح المدعوم بنواياك الطيبة لكن .. بصراحة كدا قاعد تسبب لي الحرج بطريقتك دي .. دائما مطلعني غلطان وبوستاتي غير موفقة ولا أعرف كيف تقرأ ما أكتبه لكن واضح جدا يا إما أنك ما قاعد تتابعو يا إما كمان ما قاعد تقراه نهائيا بس مجرد ما شفتني دخلت لي في نقاش مع زول طوالي تجىء تقول لي غير موفق .. وراجع موقفك ..الخ .. ياخ معقول أكون أنا ما بفهم أو شراني بالطريقة الشايفني بيها دي يا وليد أخوي ؟؟؟ يعني مثلا جيت بنفس طريقتك دي في بوست طالبت فيهو مهدي الصادق باثبات اتهامو لي في أخلاقي وامانتي بغرض تشويه سمعتي وطلعتني أنا غلطان ودي ما أخلاق رياضية ..الخ (طبعا كلامك دا أنا أزعجني جدا لكن عملت منو نايم وما حبيت أجىء اطلعك غلطان زي ما إتا هسع قاعد تعمل ) لأنو الموقف المتوقع من أي زول يدخل البوست داك هو أن يطالب المدعي باثبات إتهامو أو الاعتذار لكن إتا كان ليك رأي مختلف .. مش غريبة الحركة دي ؟؟ وبرضو عملت الحركة نفسها في البوست بتاع الفواكه رغم أنو صاحب البوست هو من كان يشتم ويسب في حين كنا نحن (أنا وتمبس ) نرد عليهو بأدب دون حتى تلميح بأية كلمة جارحة لكن جيت كعادتك وخميت الكعب مع الشين وقلت دا كلام غلط منكم ( طبعا ما أظنك نسيت كيف انو تمبس زعل من الحركة دي ورد ليك عليها) هسع جيت في البوست دا شايل نفس الفكرة الواحدة دي ورميتا لي دللل كدا رغم انك كتا غائب عن البورد وماعارف أية خلفية عن البوست دا .. والله العظيم حيرتني في دماغي دا وغلبني البعملو معاك عديل .. ياخ على الأقل كان تعرف محمد عمر جبريل الضغاط دا عمل لي شنو وبعد كدا تحكم إن شاء الله تطالب بشنقي .. لا وما أكتفيت بعدم توفيق البوست في عضمو بل حتى ردي على الحبيب عمر طلعتو غلط وأنو انا بتجاهل الناس وما عارف شنو .. ياخ موش ممكن أكون إتفقت مع عمر دا أنو أرد ليهو هنا وننسي البوست داك ؟؟ يجوز ياخ أقنعتو أنو أنا ما بقدر أرد في البوست داك لاعتبارات خاصة هو تفهما .. يا وليد ياخ أنا ما بقول ليك إتا ما بتعرف كيف تتدخل في الحاجات دي لجهل فيك لكن لو سمعتا كلامي حقو تريح بالك وتجليها لأنو إذا أنا اتفهمتها ليك غيري ما بقدر فالحركة مستفزة وتشكك فيك عديل أنك عندك قصد ما كويس (حاشاك طبعا ) لكن صدقني دا التفكير الوحيد الممكن يطلع في رأس أي زول . و لو كمان مصر على أن تكون في موقف الحكيم وعايز تعالج مشكلة زي دي حقو تراجعا وتدرسا كويس مستصحبا خلفياتها ودواعيها وتختها في نقاط وبعد كدا أكيد كلام او تعليقك عليها بكون موزون ومظبوط .
07-21-2011, 11:05 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا كابتن وليد معليش لكن هاك خلاصة الكلام : لو عملت بى طريقتك البتحاول تبلعني ليها دائما دي فيبقي الحل واحد من تلاتة: 1/ أكون مطلشة في البورد للغاشي والماشي والبسوى والمابسوي .. يجيء مهدي الصادق يقول لي إتا حرامي ومرتشي وصعلوق وأي حاجة في راسو الكبير دا .. ويجىء محمد عمر جبريل الضغاط شايل بدلتو في يدو ويتشيطن على ويعمل فيها أبو الدنان وبعد ما يملأ لي البوست عوك عاك وهرجلة وزعيط ومعيط قاطعو من رويسو دا في النهاية يكضب يقول لي أنا قبل كدا ضغطتك وإتا عملت الموضوع شخصي رغم أنو ما حصل قبل البوست الرمي لي فيهو الكضبة دا أي نقاش بينو وبيني وأهو إتا شايف لسع عامل فيها الود حنش محيطات ولسع بكضب بانو ضغطني .. 2/ ما أقول رأيي في المريخ دا نهائيا خوفا من عينة الاتنين الفوق ديل واحد أو أكتب ليهم العايزنو هم وبتوافق مع هواهم وأمزجتم .. 3/ أخلي البورد نهائيا وأهرب منو مع العلم أنو في كل بورد إسفيري يوجد الكثير من عينة مهدي الكضضيب الأشر ومحمد عمر جبريل الضغاط والكضاب برضو .. أها يا وليد عبد اللطيف إختار لي واحدة من التلاتة حلول الفوق ديل.
07-21-2011, 12:22 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
محمد عمر جبريل الضغاط ما كضاب شنو يعني ..؟؟ وحاة الطلاق أول يوم دخلت فيهو البوست بتاعي شايل بدلتك وقلت البوست القادم لطلحة ح يكون كيت وكيت عرفتك زول نفاخ وكضيضيب ما عارف عوك من بوعك .. وبعدين هو وينو باقي كلامي كان أهيف والا شادن الما ح ترد عليهو ؟ انا كلامي القاعد أكرروا ليك من أول يوم دخلت كضبت فيهو وقلت أنا ضغطت طلحة وااااااحد بس .. وين ضغطتني وعشان شنو ومتين أصلا أنا اتناقشت معاك ..؟ وإتا اهو تتزاوغ كدا زي صابونة الحمام وتجىء تهرج وتهبش وأول ما يهبشوك تضرب الكواريك وأكتبوا تعهد وأكتبوا وصل أمانة . .................. يا زول أنا إسمي طلحة ما طللطل الشابكني بيها دي .. يا قول إسمي عديل كدا يا خليهو مرة واحدة يا كمان خلينا نفتش ليك إسم نركبو ليك بس ما تجىء تردح .
07-21-2011, 12:47 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
الله يسلمك تعرف ياطلحة ياخوي انا بشوف انك زول محترف كتابه رياضية بصراحة صراحة الناس بتفتش لكتاباتك هنا عشان تشوف الحاصل وعن نفسي دائما احيانا باخد منك هنا بعض المعلومات التي اريدها وبوضوح كدا كمان في ناس مقربة لادارة مجلس المريخ بتبحث عن كتاباتك هنا لكن في نفس الوقت بتتمسك باشياء غير منطقية يعني شنو لما زول يقول كلام وتجي تقول ليهو اثبت لي وبرر لي ياخي انا قلت ليك حاجاتك البتعمل فيها دي معناه نجحت في دور الناقد
Quote: برضو عملت الحركة نفسها في البوست بتاع الفواكه رغم أنو صاحب البوست هو من كان يشتم ويسب في حين كنا نحن (أنا وتمبس ) نرد عليهو بأدب دون حتى تلميح بأية كلمة جارحة لكن جيت كعادتك وخميت الكعب مع الشين وقلت دا كلام غلط منكم ( طبعا ما أظنك نسيت كيف انو تمبس زعل من الحركة دي ورد ليك عليها)
تمبس كان غلطان هنا وانا اتصلت على حسن سنادة في الامارات وطالبته بالاعتذار لكم لان اي شيء له اسلوب وطريقة معينه لمعالجته ولم يخيب ظني وحضر اليكم واعتذر صحيح ام خطا ودا ماموضوعنا الان بعدين لم تعرف زعل تمبس كان مبني على شنو لان كان مرتبط بموضوع اخر برضو ماعلينا ودا ماموضوعنا الان
Quote: هسع جيت في البوست دا شايل نفس الفكرة الواحدة دي ورميتا لي دللل كدا رغم انك كتا غائب عن البورد
لا والله قاااااااااااااااااااااعد ومتابع لو فتحت الحضور كان بتلاقيني ماقلت اي حته انت بالزات بتكتب فيها بتلاقيني انا بتابعها ومتابع المشكلة بدت من وين الى ان وصلت انت لفتح هذا البوست بصراحة مرات بضحك وبقول دا مستحيل يكون طلحة برضو كنت متابع ليك مشكلتك مع وليد الشفت ماعايز اقول الشغلة دي سوف تصبح ليك عادة والناس بعدها سوف تنفر من مواضيعك ودا كلام اخوان وبقولها ليك بكل صراحة واذا كنت في كل بوست مصادم وتصر على رايك وتفرض على الناس ان يسبحو معك في نفس التيار هذا مستحيل طبعا ياخي الناس في النهاية ليها راي كمان وممكن يكون مختلف تمام عن بتاعك
Quote: لا وما أكتفيت بعدم توفيق البوست في عضمو بل حتى ردي على الحبيب عمر طلعتو غلط وأنو انا بتجاهل الناس وما عارف شنو .. ياخ موش ممكن أكون إتفقت مع عمر دا أنو أرد ليهو هنا وننسي البوست داك ؟؟ يجوز ياخ أقنعتو أنو أنا ما بقدر أرد في البوست داك لاعتبارات خاصة هو تفهما ..
معقول ياطلحة انت بتفكر بهذه الطريقة بالله امشي شوف البوست دخلوهو كم وانا واحد منهم ودخلت اكثر من مره لاني كنت عايز اشوف ردك عشان انا اقدر ادخل بوجهة نظري معقول اي واحد هنا يفتح بوست يقول ياخي دا بوست بين نفرين والتالت بره يعني يعني هسه افهم من هنا ان البوست دا بينك انت ومحمد عمر جبريل ومافي داعي للتداخل به لا ياطلحة لا اكيد انت غلطان زمان كنا بنشوف ابوامنه حامد كيف كان يكتب عن الهلال وبالمقابل ماذا يكتب محمد عثمان دلدوم عن المريخ ونفس الوقت في الحلة اخر ضحك وفرفشة ونستمتع بهم وبكتاباتهم
Quote: و لو كمان مصر على أن تكون في موقف الحكيم وعايز تعالج مشكلة زي دي حقو تراجعا وتدرسا كويس مستصحبا خلفياتها ودواعيها وتختها في نقاط وبعد كدا أكيد كلام او تعليقك عليها بكون موزون ومظبوط .
اذا كلامي لم يعجبك حبيبنا طلحة انا بعتذر ليك بكل امانه ولم تتكرر مع كامل الاسف
07-21-2011, 12:58 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا كابتن وليد معليش لكن هاك خلاصة الكلام : لو عملت بى طريقتك البتحاول تبلعني ليها دائما دي فيبقي الحل واحد من تلاتة: 1/ أكون مطلشة في البورد للغاشي والماشي والبسوى والمابسوي ..
ياخي معقوله ماسمعت الحضري قال الكبير كبير . . وخليك دائما انت الكبير
07-21-2011, 01:37 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
Quote: واذا كنت في كل بوست مصادم وتصر على رايك وتفرض على الناس ان يسبحو معك في نفس التيار هذا مستحيل طبعا ياخي الناس في النهاية ليها راي كمان وممكن يكون مختلف تمام عن بتاعك
يا وليد أخوي انا والله ما بحب الكلام الكتير وبختصر ليك .. إتا لغاية هسع متهمني بإني أنا ما بقبل النقاش وبصر على رأيى .. طيب خليك من مهدي الكضيضيب الأشر الجيت طلعتني فيهو غلطان داك .. هسع في موضوع الكضيضيب الضغاط الإسمو محمد عمر جبريل دا .. أمش شوف موضوع البوست البدأ فيهو الكلام سبب البوست دا لو لقيت الزول دا ناقش واللا حتى مهد لي نقاش قبل ما يتريق ويسخر ويتهمني بالشماتة في المريخ أنا ليك علي أفتح بوست منفصل اعتذر ليك وليهو ولمهدي الصادق الكذاب الأشر الذي إتهمني في أخلاقي وأمانتي .. أناقش منو يا وليد اخوي ؟ ووين هو أصلا الكلام الممكن أناقشو أصلا ..؟؟ ديل عالم تجىء بس تتريق والواحد يعمل ليك فيها أبو الدنان وفي النهاية يلصق ليك أي تهمة تخطر على بالو ويمش .
07-21-2011, 01:44 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا وليد ياخ انا قلت ليك قبل كدا كتييير أنو انا في البورد دا لا عايز أكون كبير ولا صغير .. مستعد أطلع معاك للقمة وأنزل معاك للحضيض ولا يهمني ولا عايز شىء يهمني .. البمشي معاي بطريقتي دي والله حبابو أشيلو في العين والمابمشي والله مصحوبا بالسلامة وكان هو ما خسران أنا ما خسران .
07-21-2011, 01:52 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: أناقش منو يا وليد اخوي ؟ ووين هو أصلا الكلام الممكن أناقشو أصلا ..؟؟ ديل عالم تجىء بس تتريق والواحد يعمل ليك فيها أبو الدنان وفي النهاية يلصق ليك أي تهمة تخطر على بالو ويمش .
ياطلحة ياخوي اشياء زي دي كتير بتحصل ومفروض مانجاريها في مرة رغم اني مسكت نفسي ومارديت على حمزاوي في البوست بتاعي وبرضو رديت عليهو بادب لكن في بوستيك رديت عليهو بكلام مافي محله بالجد زعلت لان كان مفروض اكتفي بالرد في البوست بتاعي فقط ولم اكررها في بوستيك وطبعا لفت انتباهي الى هذا واحد من الاصدقاء المتابعين ومشكور على ذلك وبتحدث اشياء مماثله كثيرة ومافي انسان معصوم من الغلط لكن لازم نجد الانسان الذي يمكن يوريك الغلط من الصاح ياطلحة في مداخلات ممكن نحنا نتجاوزها اذا حسينا انها ممكن تدخلنا في متاهات ومطاولات ضبط النفس اهم شيء
07-21-2011, 02:01 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
يا وليد أنا ما عندي أخلاق وطولة بال للحاجات دي ودا أعتراف منك ليك .. الحل شنو في الحالة دي ؟؟ وبعدين ياخ في ناس تمشي ليهم مرة يرجعوا المرة التانية بطريقة أنتن وأقرف وأشد إستفزازا زي مهدي الصادق لما مشيت ليهو موضوع أنو أنا حرامي جاء المرة التانية قال لي إتا مرتشي .. هههههههه يا وليد إتا راجل مثالي بافراط ياخ .
07-21-2011, 02:40 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
ليه زعلت من كلمة طلطل دي .. ما أهو اسمي بهدلتو زي ما عايز بدون ما ترفرف رموش عيونك
لمن كنت شابكني إلخ .. إلخ دي موش كانت اختصار برضو والله كلام عجيب ياخ .. لكن برضو زي ما قلت ليك أصلو زعلك ما حبابو نحن دايرنك مبسوط ومفرفش 24 قيراط
بعدين يا طاء عين * ما ممكن تكون سنة ناعمة كدا .. إنت وكت ما قدر الدواس وما عندك أخلاق وطولة بال الشلاقة العليك شنو ؟؟ .. وللا ياها بس الفيك بدربو والله خذلتني ياخ .. البوست دا كنت متوقع ليهو مستقبل مبشر .. ما عارفك من أول عصرة كدا بتفك آخرك دي ياها الوسائل المتاحة ليك في النقاش ؟؟!! صورتك وبدلتك ؟؟!! ياخ اختشي .. وللا أخجل وللا أعمل أي حركة
بعدين هسي في البوست دا موش قلت أنا كضاب .. وقسما بالله أيمان مغلظة .. يمين غموس أخش بيها نار جهنم .. زول غيرك كضب في البوست دا مافي والحالة لسة أنا بفتش فيك ساي داير أشوف جرابك فيهو شنو .. أهو للمرة المليون داير تقلب الموضوع شخصي باقحامك لي صورتي وبدلتي .. ياخ أقول ليك حاجة والله إنت أصلا خسارة فيك أي ضغط .. لأنو زي ما شفنا فوق الضغط خلاك زي بستم العربية كيف مرة صورتك ومرة بدلتك .. أها شنو يعني .. هسي المفروض أخجل يعني من كلامك دا وأمشي أغير الصورة .. والله ما قايلك خفيّف كدا .. زي كيس النايلون حبة هواء توديك هناك وحبة هوا تجيبك راجع ولو عارف كدا من البداية ما كان خشيت معاك في بوستيك دا
لكن يالله أنا ها أفرحك خد عندك .. أنت ما شمتان في المريخ .. عادي يا مان أدخل ونبذ اللعيبة والمدربين والإدارة من طرف أنا ما ضغطتك ولا حاجة بس ساي شلاقة مني .. موش أنا شليق إنت الوحيد العارف مصلحة المريخ وين وكيف ونحن بس نقرا وننطمّ
.. خلاص فرحت ؟!! حاسي بي نفسك مبسوط .. خلاص طقطتني كدا يعني ؟؟ مبروك عليك ياخ إنتصارك لي نفسك
________ طاء عين دي اختصار برضو .
07-21-2011, 03:00 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
عمر جبريل الضغاط الكضيضيب طيب إتا لشنو زعلت من أنو قلتا ليك صورتك وبدلتك العيب شنو في الكلام دا ... يعني لما زول يقول ليك صورتك سمحة وبدلتك شديدة البزعل هنا شنو ..؟ من جهة تانية يا كضيضيب إتا منو القال ليك أنطم هسع هنا واللا في أي مكان ... ما تنطم ولا تشخر .. تعال هرج واتفلسف ونظر واعمل العايزو لكن بس ما تتريق وتسخر وتملاني اتهامات وكلام فارغ .. يا كمان لو إصلا ما قادر تناقش وياهو دي عرفتك في النقاش (التريقة والاتهامات والسخرية) فلما يردو ليك بالمثل ما تقعد تردح واكتبوا تعهد واكتبوا وصل امانة .. دا كل الطالبو منك بس .. صعبة دي هسع ؟ ياخ أقول ليك حاجة : جيب لي كود واللا لنك واللا اقتباس واحد بس فيهو نقاش بيني وبينك وح اعتبرك فعلا ضغطتني واعتذر ليك ولو عايز أخلي ليك البورد دا عشان تقعد تتنفخ وتقدل فيهو بى بدلتك الشديدة دي . ................... كوني بدلتك شديدة وسمحة دي ما حاجة بتزعل ياخ .
07-22-2011, 08:01 AM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
طلطل كيس النايلون .. يا راجل إنت موش فرحناك فوق وأديناك الحلاوة في يدك .. مالك تاني متضايق في شنو .. قلنا خلاص إنت منتصر في وهمتك معاي دي أفرح ,, أفرح ياخ
07-22-2011, 09:59 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18023
هههههههههه قبورة القش طيب ياخ من قبيييييييل مالك ما بتعرف تعترف ؟؟ شنو عامل لينا فيها ضبانة حمير كل مرة جائي راكي لينا في بوست تطنطن وتزنزن . أمش خلاص أطلقنا سراحك بعد اعترافك الفوق دا .. أوع تاني تجىء راجع للزن .
07-22-2011, 11:56 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
عمر عبد الله فضل المولى
فدياس نجم الدين
محمد عمر جبريل
محمد البشرى الخضر
وليد عبد اللطيف
فيس بوك
تويتر
انستقرام
يوتيوب
بنتيريست