كتب الكاتب الفاتح جبرا المتوفرة بمعرض الدوحة
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: Alshafea Ibrahim)
|
عماد ود حسين
سلام
Quote: دوبكم يا ود شيقوق!!!
الله يديكم خير ويكفيكم شرو
يا زول ناسنا من قريب شهر في كبوشية جاهم سيل من "الهواد"...
ولقى البصل تحت، في الجزيرة... بعد ما قلعوه وراجي الشوالات
شالو جت عليهو، صبحو ليهم ما بين حاتل ومطفح
قريب من 250 مزارع... ديل أصبحوا عدمانين |
والله دوبنا يا عمدة والله الناس دخلهم جنس هلع بس ربك فرجا طاب
ياخ مطركم مطر غضب ساى ربنا يعوض المساكين
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: سيف الدولة كامل)
|
ود الكامل
Quote: فرحان يا المسنوح للمطر وخيره ولا عشان العنكوليب , ات العنكوليب ده يا المسنوح ما دحين عيش الريف ولاانا غلتان؟
عقبال ما يقوم الطلح والشاف ,, وتشبع في الموليته ,,, وما تنسي تجيب لينا معاك الحنبك والخريب.
والله عجبنى عرس البنية وعقبال الباقين يا رب ,,, تستاهل كل خير يا المسنووووووووووووح. |
العنكوليب هو الفسيخ يا مسنوح
جنك الطلح
يستاهلك الخير
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: عماد الشبلي)
|
Quote: عقبال ما يقوم الطلح والشاف ,, وتشبع في الموليته ,,, وما تنسي تجيب لينا معاك الحنبك والخريب.
والله عجبنى عرس البنية وعقبال الباقين يا رب |
الطيب
عقب كمان : جيدا جيت انا يابا مستنيك تجيب معاك جركانه من مزيج البردانه .. تجيني ايد ورا وايد قدام . وكمان تبشر بالمطر النزل في الهضبه وترع في الدندر ؟ وود الكامل مايخلي ليه طلح ولا شاف ولا موليته وكمان طالب خريب وحنبك ؟
يعني كده كمندانية البير طارت مننا .. وخالك بعد ده إلا يبقي كمندان ارصاد جوي .. نهاره كله يساكك في السحاب !
والله سووها فينا ناس سلفاكير
مبروك السحابه وعقبال اللبا واللبن والجبنه
تحياتنا عمر علي حسن
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: الطيب شيقوق)
|
Quote: والله الريس كان عرف انه حمدنا الله
جدي ومحجوب عبد القادر( الضب) ود خالتي
بقبل عليك وبوريك نجوم القايلة يا الكنان. |
أخونا الطيب واقف بره السيمافور الخارجي بامر السيرفر اللي طالع عليه اليومين ديل Access denied اما العم حمدنا الله فعلي الراس والعين ويعطيك كامل الحماية .. بس خربتها بي صاحبي محجوب الضب فهو لا يسمع مني الا (الضب خصيم الرب) وقد كانت اول ما سمع مني عندما زرته مؤخرا بالمستشفي فضحك .
وهذا نداء للطيب ليرفع عن ود الكامل طالما رفع البيرق الابيض وعليه اسم خاله المعظم حمدنا الله احمد .. بس كمان قول لي ايه حكاية (تيس الخوالدة) ؟
عمر علي حسن
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: الطيب شيقوق)
|
ود شيقوق تصدق أول (طقطقة) تقع في بلدنا كانت أمس السبت 23/7/2011 م ، ومنتظرين الفرج ... بس الليل بروق ورعد بالجوار جهة دوبة ود الركين وأهلنا ناس الشرق ... عليك أمان الله ودعكر كان ب 65 ج مافي زول شغال بيهو الشغلة اليوم وصل ال 100 ج .. الفترتية كلام تاني .... أها (القصب) حرم بالقطعة... نساءل الله رحمته العاجلة ... عسى مطركم متوالي ... والأرض تغطت بالخضرة ؟؟؟ الشفيع
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: Alshafea Ibrahim)
|
الشفيع
تصدق أول (طقطقة) تقع في بلدنا كانت أمس السبت 23/7/2011 م ، ومنتظرين الفرج ... بس الليل بروق ورعد بالجوار جهة دوبة ود الركين وأهلنا ناس الشرق ... عليك أمان الله ودعكر كان ب 65 ج مافي زول شغال بيهو الشغلة اليوم وصل ال 100 ج .. الفترتية كلام تاني .... أها (القصب) حرم بالقطعة... نساءل الله رحمته العاجلة ... عسى مطركم متوالي ... والأرض تغطت بالخضرة ؟؟؟
الف سلامة بس ما بتفضل ليكم قصبة المهم كلم اهلك يرحلوا بالبهائم محلات الخريف والخريف السنة دى ابرق عديل تاني يا ابوى البعرة تبقى بالشئ الفلاني كمان
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: الطيب شيقوق)
|
لا الطيب أخوي البعرة بتقع من النيم ؟؟؟ ههههههه المحل الله لا جابو عليك أمان الله العجل أبو 100 ج سعره يبقى 10 ج ؟ وأهلنا ديل أكان ختو السعية و (بعرها) عليك أمان الله أقرب للصومال ... سنة 2002 تقريبا كان جوع شين أبوي شحن البهائم الصغار في (قندران) والبقرات مع الشباب مشي كداري لغاية ودالنيل وصعيد ... تصدق غنم جزيرة (وريح) أول عشرة ايام مات النصف ؟ والبقرات الواحد تقوم (جارية) البكسي ما يلحقها ؟ المرحوم أبوي بعد نزول المطر عندنا عليك أمان الله شحن الباقي في (لوري) جاب معاه أقل من النصف ، ولسع عندنا (بقرات) في الصعيد رايحات (وسمنا) المنقاش ... ماشين نشوف تيرابن مع العول ... نساءل الله الرحمة بالغيث ليس غيره ... دمت الشفيع ابراهيم
| |
|
|
|
|
|
|
Re: هلا هلا المطر نزل ونهر الدندر وصل وربنا كضب الشينة طااااااااااب (Re: Alshafea Ibrahim)
|
Quote: لا الطيب أخوي البعرة بتقع من النيم ؟؟؟ ههههههه المحل الله لا جابو عليك أمان الله العجل أبو 100 ج سعره يبقى 10 ج ؟ وأهلنا ديل أكان ختو السعية و (بعرها) عليك أمان الله أقرب للصومال ... سنة 2002 تقريبا كان جوع شين أبوي شحن البهائم الصغار في (قندران) والبقرات مع الشباب مشي كداري لغاية ودالنيل وصعيد ... تصدق غنم جزيرة (وريح) أول عشرة ايام مات النصف ؟ والبقرات الواحد تقوم (جارية) البكسي ما يلحقها ؟ المرحوم أبوي بعد نزول المطر عندنا عليك أمان الله شحن الباقي في (لوري) جاب معاه أقل من النصف ، ولسع عندنا (بقرات) في الصعيد رايحات (وسمنا) المنقاش ... ماشين نشوف تيرابن مع العول ... |
والله فعلا كلامك صاح ود عكر دا كان رفع راسو الدهب برقد في الواطة .
| |
|
|
|
|
|
|
|