الباكستاني ده بالجد عندو نان وشاي بي لبن سمحات. جيبو لينا طشت نان وكفتيرة شاي بي لبن، وكل وآحد فيكم يجيب قفة طعمية، وخلونا نمشي ايّ حديقة عامة بدل الباكستانيين ديل يقعدوا يهزهِزو في روسينهم فوقنا اليوم كلوووو...
07-20-2011, 00:14 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
سلآمات يا خدر. والله حقو تجي تلحق المولد دا. عشان تشوف المِحن والهوايل. يا أخي تصدق الويترس باكستانيين رجال الوآحد ضفورو فيهن صوف، واليوم كلووو يهزهزو في روسينهم الوآحد زي التور المِتلمي فوقو الناموس، وبعد ده الطلبات تجيك بعد تكون شبعت إنتظار. مطعم رجالي. تصدق ولا تباخة من النوع السُمان البيربُطن نصهن بالمريلة ديييك ما في. تأمّل!!!
07-20-2011, 05:47 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: كامل تضامني مع معاوية المدير. ويا النصري حاول تحس بأخوك معاوية ده شوية. واضح أنو مقهور. بعدين التغير برضو كويس.
بركة بالشوفة يا دينق، ومشكور علي التضامن. المشكلة إنو النصري ده الناطق الرسمي، والمنسق، والدكتاتور الذي لا يُرد له كلآم. شكلنا كده حا ناكل سمك البكستاني في حنانا زااااتو.
تحياتي...
07-24-2011, 08:42 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
بالنسبة للمطعم، المنصور قال ننظر للمضمون وطلب منناعدم النظر لفووووق. من ساعتها لحدي ما مرقنا، وانا نظري ما فات الطربيزة. المنصور شيخي وطلباتو أوامر.
الهكر طبعاً تطرقنا له نسبةً لأنة حديث الساعة. كما حدثنا الأخ جمال ابا يزيد حديث العارف النحرير عن ابار بترول اليمن، وكيف يستخرجون منها النفط عن طريق البطاطين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة