|
|
|
 Re: الرووووووووب ....عندنا سخانة تلحم (Re: النصرى أمين)
|
قول الحمد لله .... يا حبيب قسماُ بالله و صلنا كم و تسعين كدا!
نجاااااااض
البنات يعلم الله لابسات مافى !
الايسكريم ساح فى التلاجة !
العيون حد الشوف كم متر كدا ؛ رأفةَ بالناس .
كرهنا الاسنو ؛ و الشمس ؛ المشكلة رمضان ! ؟
ربنا يعينكم و الجميع
غايتو كندا باى باى ....!
______________________
لو فى إفتاء بنقص القصة دى ؛ فى عرضك!
| |
 
|
|
|
|
|
|
|
|
Re: الرووووووووب ....عندنا سخانة تلحم (Re: عبدالرحمن عزّاز)
|
سلام عبدالرحمن
المشكلة انو البيوت مبنية على اساس انها تحفظ الحرارة..يعنى معظم الشبابيك
بسموها energy saver بحيث انها تحبس الحرارة فى الداخل وكده تساعد فى تخفيض
فاتورة التدفئة .....
والله يا عبدالرحمن ما عارفين نعمل شنو!!
الشتاء موت احمر
والصيف جهنم عديل ؟؟؟
ده كلو كوم ورمضان السنة دى ......
سمعت فتاوى تقول انو الناس تفطر على اقرب زمن مكة وما تتقيد بالشمس البتغيب الساعة 11 دى
| |
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
النصرى يا استاذنا و حبيبنا ... !
غايتو عندى كم حاجة منها القرحة الواحدة دى ! ما بعرف أفطر رغم الخرم بتاع السجاير ، ناس التمباك الله يطول اليوم عسى و لعل يستفيدوا !
المشكلة بقت العطش ؟
و الساعة الغريبة ؛ الحالفة ما تغيب دى !
أقول ليك حاجة ؛ سجن سجن ؛ غرامة غرامة ؛ عمك رمضان أحسن يفتش غيرنا ؛ ياخ دا شعب الشيوعى بكون راجى الاذان عشان السفة ؟
و بعد يعدلها ينعل ليك سنسفيل أبو الاسلاموعربية !
مقدماُ رمضان كريم ...
,...
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
تعرف يا عبدالرحمن ..عندنا واحد صاحبنا عنده جميع الامراض البتمنعو من الصوم
وهو مصر يصوم رمضان كلو ...ا
قلت ليهو ان الله يحب أن تؤتى رخصه ..
وهو برضو مصر......
قلت ليهو الرخص دى ما بتتحول ملكيتها .....
غايتو نحن صايمين صايمين حتى لو اليوم بقى 23 ساعة
لكن ذلك لا يمنعنا من الشكوى
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
شلش لمن بي هنااااك يا النصري
قبل كدة واحد سالني قال لي رمضان متين الكلام دة كان في ابريل
قولتا ليهو احتمال في بداية ستة
الشهور العربية دي صعبة ما بقدر احسبها واقارنها مع الافرنجي.
عيلا بالجد كدة يا النصري فاضل ليهو كم ؟؟؟
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: أمجد الزين)
|
Quote:
رمضان حيكون ان شاء الله يوم الاتنين 1 اغسطس
يعنى بعد اسبوعين بالظبط |
طيّب طالما فاضل إسبوعين، الجِرسة من هسّع
لالالالازمتا شنو؟؟؟
يالنصري يوم الأحد أنا كنت بايت في كالقري،
وغادرتها يوم الإتنين حوالي الساعة 4 عصراً.
فعلاً السخانة كانت مبااالغة. أها بعد وصلت الغزالة
الحمراء، قلت اشوف سودانيز فيها شنو، ومنبر
الهكر فد مرّة. وحاتك دووب ما انتهيت منهن المطر
دي قالت لك شووووو، والجو بقى اكتر من فرايحي.
If you don't like Alberta weather, wait five minutes
ما تسعلني تقول لي ما جيت غاشيني ليه؟
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: معاوية المدير)
|
معليش يا النصري يا اخي. ربنا يبرد عليكم
لكن كمان ما تتطلع إشاعات علي امريكا ساي كده. قال فرن قال. أنا يا سيدي في مدينة اعلي درجة حرارة ح تصلها طوال الاسبوع ده 28 و اقل درجة حرارة 15. الجو بيسخن ساعتين تلاته بالنهار، باليل تفتح الشبابيك و يجيك الهمبريب. و رغم كده البيوت بمراوح و مكيفات.
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: smart_ana2001)
|
تعرف لما قريت العنوان ... قلت يا ربي النصري ده جا يصوم عندنا في الرياض وما كلمنا ولا شنو؟؟؟
الشيء المزعج في كلامك حاجتين ...
الأولى طول ساعات النهار ... وغايتو فتشوا ليكم من أسه فتوى لتقصير ساعات الصوم ...
التانية وهي أكثر إزعاجاً من الأولى ...
كمية التلج المتوقع يذوب عندكم السنة قدر كيف وتأثيره شنو؟؟؟
بعدين في ناس كتار هنا المسألة دي بتساعدهم في تكسير التلج القاعدين يمارسوا فيهو ولا شنو؟؟؟
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: عبد الباقي الجيلي)
|
سلام حمد
| Quote: 28 دي نحن بنتغطى بالبطانيات |
كلام ساى...
حرم امبارح قاعد فى البيت بالملابس الداخلية...
جرس الباب ضرب ..
فتحت الباب لقيتها مرة معارفنا ومعاها ولدها
فى اللحظة دى اكتشفت انى لابس من غير هدوم ..
لحظات محرجة ..لكن انا متاكد انها متفهمة لاننا كلنا فى قارب واحد
قال بطانية
| |
|
|
|
|
|
|
|
|
 Re: الرووووووووب ....عندنا سخانة تلحم (Re: النصرى أمين)
|
Quote:
كلام ساى...
حرم امبارح قاعد فى البيت بالملابس الداخلية...
جرس الباب ضرب ..
فتحت الباب لقيتها مرة معارفنا ومعاها ولدها
فى اللحظة دى اكتشفت انى لابس من غير هدوم ..
لحظات محرجة ..لكن انا متاكد انها متفهمة لاننا كلنا فى قارب واحد
قال بطانية |
ههههههههههههههههههه... إلخ
أخير مِنّك منصور.
والله صحي...
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: معاوية المدير)
|
Quote: الشتاء موت احمر
والصيف جهنم عديل ؟؟؟
ده كلو كوم ورمضان السنة دى ......
سمعت فتاوى تقول انو الناس تفطر على اقرب زمن مكة وما تتقيد بالشمس البتغيب الساعة 11 دى |
سلام يا النصري يا حبيب
شفتا الأجواء كيف عندنا في كندا؟؟؟
أمبارح إدمنتون خليها سااااااااااااي يا أخوي
انقول شنو بس ربك كريم
مقدما...رمضان كريم
..............................
غايتو رمضان السنة دي.........جرسة من حسي
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: عبدالكريم عبدالله)
|
سلام يا امجد
| Quote: يازول استمتع بالجو البديع العندك دة |
صباح اليوم استرقت السمع لاتنين كنديين بيض وهم بسلمو على بعض
بعد التحية طوالى بدأو يتكلمو عن المناخ(كلهم كده)
الاول:- ياسلام ..الجو جميل جدا اليوم.. اتمنى ان تكون مستمتع به
التانى: ياخ ده ساخن شديد ..انا اكرهه ولا احبه..
الاول : اظنها ستمطر اليوم وغدا وبعد غدا .
الثانى : عظيم ...نحتاج لبعض المطر حتى يبعد هذه السخانة المؤلمة..
الاول : احب السخانة جدا واتمنى ان تستمر طول الوقت ...
انتهى الحوار المتصنت عليه
لاحظت ان الشخص الاول الذى يحب السخانة نحيف وقليلونى
اما الثانى (كاره الحر) فهو كبير الجثمان (زى ما حاول واحد قريبنا يوصف بت جسمها جميل)
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
يا معاوية ياخ انا متجرس من رمضان ده من اول يوم فى عيد الفطر الفات....
لكن الحمدلله السنة الجاية ناخد الاجازة السنوية ونصوم مع ناس خالد العبيد
فى استراليا ..
كل شء ولا الحر .....
اى حاجة بنقدر عليها
ثلوج...هوركين ...تويستا...سايكلون....توريندو ...زلزال...هيل
بس حر ما معانا .....
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
يا اسمارت انا قاصد امريكا الضهارى
ناس لويزيانا والجنوب والميد ويست
ديل درجة الحرارة اكتر من 100 فهرنهايت ...
اظنك فى تلك الولاية الجميلة (اللى الواحد يحلم يزورها من سنين طويلة)
فعلا رجعت للنشرة الجوية لقيت درجة الحرارة عندكم 62 فهرنايت يعنى اقل
من 20 درجة عندنا وهى معقولة ومقبولة......
اليوم عندنا الجو زيكم جميل جدا جدا (20 درجة) عشان كده المعنويات فى السما)
وكمان جايبة لينا مطرة ....
المزاج اليوم للفول بتاعى المصلح الخطير داك ..
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
سلام يا عبدالباقى
تعرف الفرق بينا هنا وبينكم شنو ؟
لو درجة الحرارة عندكم فى الرياض وصلت 60 درجة ما بتفرق ..
لانو الناس هناك ..والحياة نفسها مصممة بانو الناس ما تحتاج تتعامل مع الشمس ..
يعنى انت مثلا .. كم دقيقة فى اليوم بتكون ماشى فى الشمس لمن درجة الحرارة تصل 50
درجة ....الاجابة قد تكون 35 دقيقة اليوم كله ..
البيت مكيف وكذلك العربية والمكتب والمتجر والحمامات والاسواق ومحل البتزا وموقف العربات....
يعنى انتو ما بتعانو من السخانة الا لدقائق معدودة ...وما فارقة اذا كانت 40 او 60 درجة ...
نحن هنا العكس ..
الحياة مصممة بان يقضى الناس فترة معقولة فى الشوارع والطرقات والحدائق..
يركبون البصات والقطارات فى طريقهم للعمل ...كثير من اماكن العمل غير مكيفة....
البصات غير مكيفة ..
المحطات غير مكيفة...
القطارات غير مكيفة ....
البيوت غير مكيفة ...
هذه ال 28 درجة يشعر بها الناس وكانها 45 درجة لانهم يعايشونها طوال اليوم ....
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
سلام عبدالكريم
التقارير الجاتنا من اونتاريو انو امبارح درجة الحرارة وصلت 50 درجة(بحساب عامل
الرطوبة) لكن الرسمية 38 درجة ...طبعا دى جهنم عديل بدون مكيفات ...
صاحبى حكى لى انو رجع البيت اخر اليوم يشعر بصداع شديد وفتور والتهاب فى الحلق, واضاف
انو اليوم كان من اصعب الايام المرت عليهو فى السنين الاخيرة ....
نحن هنا فى كالقرى الجو جميل جدا وممتع ..شوية مطرة شكشاكة وغيوم ..
حاجة تفتح النفس وتستعدل المزاج ...
اظنكم فى ادمنتون عندكم نفس المناخ
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: الطيب رحمه قريمان)
|
سلام يا الطيب
فعلا العالم اصبح مخيف جدا ...
قبل شوية كنت بتونس مع صاحبى ..قال لى انه شاهد برنامج تلفزيونى
امس ..سمع فيه خبير يقول ان الحرب العالمية الثالثة ستقوم بسبب النقص
فى الطعام .....
زى ما عارف اسعار المواد الغذائية هنا فى كندا مخيفة جدا وهى بلد زراعية
ضخمة ..ما بالك فى دول منتهية زى السودان ....
كل المشاكل تلف وتدور وترجع الى تغير المناخ ....
فيضان تدمر المحصولات الزراعية
جفاف وتصحر ينهى مواسم زراعية كاملة
ده غير الزلازل والهوركينات ....
شئ مخيف فعلا
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: النصرى أمين)
|
انا اعيش في دالاس تكساس ..
بعدين لما تتكلمو عن درجة الحراره حسبوها لينا كم درجة فهرنهايت وكم درجة زفت طين لاننا لينا اكتر من 22 يوم فوق لل 103
شوف انا روحي محرقاني وما عايز اي واحد اتكلم عن سخانه وزفت ايمان ناهيك عن رمضان وملحقاتة
برضو شفقان على ناس السودان ( هيعععع ) اهلي الغبش لابشكو لابملو بصومو ناشف لااكل لامويه ولا كهربه
ولا ولا ولا ولا ولا ولا .....
اخوي الاغبش علي ميرغني لاقال لي يوم عايز ولا قال سخانه ولاقال كسوة العيال .. صوووووم ناشف كده
لما خجلنى من الشكيه من امركا لانو زول بسيط مابعرف كلامي وكلامكم ده ..
دحين اخواناي كلامكم ده ما كتر على اخوانا الفي الدنيا التانيه ..
بجيكم بحكي ليكم عن صحبي القفل لي التلفون في وشي ..
رمضان كريم خاااااااااااابص
| |
|
|
|
|
|
|
|
|
|
Re: الرووووووووب ....عندنا سخانة تلحم (Re: محمد ميرغني شاطر)
|
28 درجـة دى كتيرة.. اقترح على سودانيى كندا يرحلوا السويد محل ولدوهم واترعرعوا..
بعدين يا استاذ دى من عمايلكم.. القال ليكم دمروا البئية منو.. والقال ليكم قدوا الأوزون منو؟
استنوا ارجو الراجيكم.. يذوب جبل جبلين من جليد القطب الشمالى.. واللا سيبك من القطب، بس تتدلى
المصايب الشايلاها جبال الاسكا عليكم عشان تعرفوا الله واحد.
حولتم الكرة الأرضيـة لفرن الى وهسى تحتجوا
بمناسبة رمضان.. صوموا مع القاهرة وافطروا مع كولالامبور.. وفى نهاية الشهر جيبوا هندى احمر عشان
يشوف ليكم الهلال ونصو ورا الشمس.
.
| |
|
|
|
|
|
|
|
|
 Re: الرووووووووب ....عندنا سخانة تلحم (Re: Abureesh)
|
رجال من شمع_(قال تلحم قال)
ياخى الفينا مشهوده سخانة شنو ######ينة شنو
ياخ الناس كانت بتتشلخ وتطهر وما زالت وكذلك تدق الشلوفه
وهى تبتسم تقولى سخانه ياخ هاك التيبار دا!!!!!!!!!!!!!!!!!
موعدنا غدا
منصور
| |
|
|
|
|
|
|
| |
عبدالرحمن عزّاز
خالد العبيد
احمد محمد بشير
حمد عبد الغفار عمر
أمجد الزين
معاوية المدير
smart_ana2001
عبد الباقي الجيلي
عبدالكريم عبدالله
الطيب رحمه قريمان
محمد ميرغني شاطر
Abureesh
munswor almophtah
فيس بوك
تويتر
انستقرام
يوتيوب
بنتيريست