الفائدة التانية وكما اسلف الوجيه ود الصايم انو المنبر بقى عامل زي الخرطوم يوم العيد .. تصفح سريع وناس شوية تقدر تاخد وتدي معاهم في الكلام .. بالاضافة الى يسر وسهولة ايجاد اي موضوع او بوست ..
07-18-2011, 11:43 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
وقد اثبت الاديب المقيم بنواحي مصر المدعو حمور انو زول غتييييت وبطنو غريقة في تعاطيه مع ازمة خاله الاديب امين محمد سليمان ، والذي اتتنا اخباره يانو راسو مقطوع وبيسساق بين المنابر وزقاقات السايبر بحثا عن معلومة تفيد برجوع منبر سودانيز اونلاين للعمل دون جدوى ، في حين انو المدعو حمور ناقش القصة وعامل فيها مجنون ، ورفض رفضا باتا ارسال لنك المنبر الجديد لخاله ..وافادت المصادر انو حمور علق على هذا الفعل بقوله ( خلي الجرايد البيكتب فيها دي تديهو اللنك )
07-18-2011, 11:57 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: لسه الفايدة الكبيرة ما ظهرت وهي من هو الجلابي ومن هم الجلابة وما هي الجلبنة وهل الشمال النيلي كله جلابة ؟
قدونا بيها ولو ما عرفنا الحاصل عليها شنو يبقا ما في فايدة للهكر غير انها اجازة عارضة...
وكما اشار سعادتكم بعاليه اننا نحمد الله كثيرا على ما جرت به المقادير واتاحة الفرصة لجماهير الكادحين للاتكاءة ولو الى حين على فراش الراحة والدعة والتمتع براحة البال والتدبر في نعم الله والنظر بعين فاحصة الى شئون الدنيا وتصاريفها .. والبعد كل البعد عن جدلية الجلبنة وجلب يجلب جلبا فهو جلابي وان لم يسكن على ضفاف النيل ونحو ذلك ..ولله الحمد .
07-18-2011, 12:18 PM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
البدري حيث لا بدر هناك ! الشوق و الهكر هدو حيلنا ... بالله عشان تصل المنبر من لفة للفة و من زنقة لزنقة بالله التقول ماشي للعوض في الكرين ، إيه الأرف ده ؟! بعدين ياخي أنا غايب قبل الهكر ( مشغولياتي الصحفيه لم تترك لي من الوقت شئيا للسمر ) ! لي ساعة بقرا في منبر الهكر و رغم الماساة الحاصلة ضحكت حتي نزلت دموعي : الشباب ديل عندهم sense of humor عجيب ..
اها ، بل الهكر ده بخلص بتين ؟
07-18-2011, 07:54 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
قيقا يا بتاع البنات ( الوشوش ما شغاله عندي ) ! ياخي مالك بقيت بتاع مشاكل كده ، يوم عادل عبدالعاطي و يوم منال ، هسي الله يسالك منال دي بشاكلوها ؟ من هذا البوست أعلن عن مبادرة صلح بين قيقا و منال علي النحو التالي : - أن يعتذر قيقا لمنال عن كل ما بدر و ما لم يبدر منه في بوست يفتح خصيصا لذلك. - لمنال حق قبول أو رفض الأعتذار - لمنال الحق - كل الحق - ببل قيقا متي و كيف شاءت و و لا حق لقيقا غير حق الصمت و الوجوه الضاحكة . و الله من وراء القصد
07-18-2011, 10:18 PM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
يا قيقا والله طلعت بتاع ريدرات ساكت ..اخوك BY THE WAY بتاع NILE COURSE ياحكماء المنبر . . . .. .مسعول من الخير يا قيقا المصيبة الاسمها نوتة الوراهو الدرب منو ؟!!
07-18-2011, 11:37 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
يا بدرنا ، الدرب لقيتو في الراكوبة والله . غير كده كان ممكن أقعد الف سنة مما تعدون ما أعرفو ! --------- قيقا يا بتاع الجكس ! سئيلي الله الوشوش عندي ما شغالة ... مافي حاجة موقعه ليك شعرك غير قلبك الأسود و نيتك السوداء دي ، ياخي مد يدك بيضاء من غير سوء لمنال ، تكن أحسن الناس !! بعدين العميق داك اسمو ريدر سبعة و شكلو مسجل قديم جدا ، حكمة الله ما شفتو إلا يوم بلاني داك ... بوست رحاب داك زي الدببه لازم يعمل Hibernation قبل ما يجي مارق ! بالله كان طقش عينك جيبو لينا .
07-18-2011, 11:45 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: تعرف يا نوتة العوض بقو عليه مصيبتين..وقف استيراد السيارات وتهكير المنبر ...قلبي معك يا شيخ بورداب الداخل ومن لف لفهم
يا زول العوض إن شاء الله ما بتجيهو عوجة ... ياخي والله مشتاق للناس دي زي الشي السمح : العجب وهبه ! تعرف يا بدرنا : اصلو ما بعيد المنبر ده يكون هكرو وهبه ، بكري موقفو ليهو سنتين بقي شايل ليه زي تلاته كيلو من الحقد في قلبو . ما بعيد يكون يكون جاء فكاها في المنبر في شكل هكره !!
07-19-2011, 08:32 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: مافي حاجة موقعه ليك شعرك غير قلبك الأسود و نيتك السوداء دي ، ياخي مد يدك بيضاء من غير سوء لمنال ، تكن أحسن الناس !!
و الله ما في سوء و لا سواد في القصة دي خالص .. على الاقل من جانبي
كان بهمني انها تزيل الفهم الخاتهو ما اكتر
انا اصلاً ما زعلت كلو كلو و لا من العميق داك
ياخ دا رأيو و قرايتو .. و هو حر تماماً ما ممكن نحن نكتب .. و نمشي بهناك نقرأ للناس كمان اصلو شنو هو!؟
نحن المفكرين ديل - زي ما "عالف" - مهمتنا محددة جداً نفكر للرجرجة و الدهماء ديل .. بس ( بكسر الباء! ) الفهم فهم، و الما فهم الله يعينو على نفسو .. و صاحب المرض الله يشفيهو .. دي مشكلتو يفتش ليها حل .. و الالفاظ حسابها عند الله بقى و الله يعينني على نفسي انا
فشكراً للجميع و جعلها الله آخر الاحزان ..
-----
يا امين ياخ نحن الناس العميقين ديل ما زيكم زمنا ما بسمح بإنو نمد يد ما بيضاء .. و تاني نرجعا .. او نمشي نغسلا كويس و نضربا جير و نجي نمدها بيضاء!! اصلو شنو هو!؟ طيب نفكر ليكم متين بالطريقة دي!؟
و الله ما في قبي سوء لمنال و لّ لغيرا فاا شنو!؟
كيس كلوزد .. على الاقل من جانبي
07-19-2011, 09:22 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: تعرف يا بدرنا : اصلو ما بعيد المنبر ده يكون هكرو وهبه ، بكري موقفو ليهو سنتين بقي شايل ليه زي تلاته كيلو من الحقد في قلبو . ما بعيد يكون يكون جاء فكاها في المنبر في شكل هكره !!
والله يا نوتة لقيتك حاقد اكتر من وهبة زاتو ..ياخ انت المشاكل الشخصية البينك وبين وهبة دي مصر تجلبه لينا ها هنا لييييه ؟!! انا طبعا زول حقاني وبقول النصيحة زي الطريفي زمان .. وبالتالي انا متفق معاك في موضوع الثلاتة كيلو حقد التي ينؤ بحملها اخانا وهبة ..لكن ما لدرجة انو يهكر المنبر ... انا اتهم وبشكل علني ومباشر شلة جداد الخلا وعلى رأسهم المدعوة اميرة بت الشيخ ، والمدعو مرتضى عبد القادر الشهير بي مورتا ، والمدعو حسبو عكاشة ..وكي لا انسى احدا يتخيل لي الزول الوراء الكواليس والمساهم مع التلاتة اشخاص ديل وشجعهم عشان يعملوا العملة المهببة دي هو المدعو فتحي والشهير بي قيقراوي ..
07-19-2011, 10:30 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
Quote: بوست انصرافي مفروض جماعة الهكر يختوكم في البوست الشهير داك .. الناس الما عندهم موضوع
شوف يا نوفل من الاخر كدة ..اي بوست مكتوب من قبل المدعوان امين محمد سليمان او قيقراوي ..يمكنك ان تصنّفه وبدون اي تردد على انه بوست انصرافي من الدرجة الاولى .. هذه ناحية اما الناحية الاخرى ..النفرين ديل حبهم الاول في هذه الدنيا تخريب البوستات الجادة وحرف مسارها ..هو انت قايل د.مصطفى محمود عندما اطلق صرخته الشهيرة والتي مفادها ( ان هؤلاء لم يأتوا لحوار ) كان قاصد منو ؟ ما ياهم الاتنين ديل ..
07-19-2011, 10:45 AM
نوفل عبد الرحيم حسن
نوفل عبد الرحيم حسن
تاريخ التسجيل: 02-27-2009
مجموع المشاركات: 2361
ود الصايم كيف حالك ياخ ..الجماعة في المنبر المنبت بي غادي ما قصروا معاك كلو كلو ..يعني معظمهم دافع عن سياسة الترضيات التي تتبعها ها هنا ..المصيبة في حبيبنا تمبس ..ياخ الزول ده في واحد مقتبس ليك اسلوبو بي طريقة عجيبة جدا لغاية انا شكيت وقلت يكون دا ياهو تمبس زاتو ..ياخ في حتة كدة بتاعة واحد دقوهو في الظلط بعد اكلة سمك عند عوضية ..سيناريو عجيب جدا وجدير بالاطلاع ..
07-19-2011, 10:57 AM
ممدوح أبارو
ممدوح أبارو
تاريخ التسجيل: 02-27-2008
مجموع المشاركات: 3162
Quote: أراك والمدعو قيقا تتطاولان علي البروف امين نوتة في علياءه المجيدة!
ممدوح يا حبيبنا ، قيقا و بدرنا الغايب ديل قاعدين ساي : لا ذوق لا أدب و لا مكتبة ، ما عندهم سكة يطلعو العلياء المجيدة إلا علي أكتاف من أنار الله بصيرتهم و بصائرهم من علماء و مفكري هذه الأمة أمثالنا ، فا ......... شنو ؟ أعمل نايم ، فمهما تطاولو لن يعدو أقدارهم !!
07-20-2011, 09:04 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: ممدوح يا حبيبنا ، قيقا و بدرنا الغايب ديل قاعدين ساي : لا ذوق لا أدب و لا مكتبة
انقر ياتا فارقة معاي اكتر!؟
-------
الاخيرة .. الاخيرة و ما لانها الاسهل اكتسابها بس .. لا لا ياخ! .. انا ما غايظني انو حبيبنا بكري ما اداني مكتبة .. الغايظني بذارو دا! .. يدي الحلق للما عندو اضان.
07-20-2011, 10:10 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
الاخيرة .. الاخيرة و ما لانها الاسهل اكتسابها بس .. لا لا ياخ! .. انا ما غايظني انو حبيبنا بكري ما اداني مكتبة .. الغايظني بذارو دا! .. يدي الحلق للما عندو اضان.
شرحو ...شرحو ..يا قيقا ..
الى حين عودة
07-22-2011, 08:32 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
ممدوح حيث لا شيء يستوجب المدح هناك ..سبلام يغشاك ويعم القرى والحضر .. ياخ مشتاقين عديييل والله
Quote: أراك والمدعو قيقا تتطاولان علي البروف امين نوتة في علياءه المجيدة!
المدعو امين نوتة يا ممدوح طغى وتجبر ، فكان لا بد من لجمه ووضع حد لنزعاته التسلطية المجنونة ..ونحن الان بصدد تكوين تنظيم يضم كافة كيانات المتضررين من هذا الرجل الكارثة وسوف نحيطكم علما بكل المستجدات التي من شانها تحقيق الوفاق او الحد الادنى منه في سبيل القضاء على هذا الطاغية..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة