بل قل يا صديقنا جلال النعمان؛ أن شعب وأرض شمال السودان بلا دولة !

Quote: بل قل أخي جلال النعمان ؛ أن شعب وأرض شمال السودان .. بلا دولة ! وأستميحك عذراً بأنني سأفتح ركن نقاش بهذا العنوان ... إن أذنت لي ! " بل قل يا صديقنا جلال النعمان؛ أن شعب وأرض شمال السودان بلا دولة !" كل الود والتقدير __________ أبوفواز

Quote: اخونا صديق ازيك طبعا يا اخي تفتح بوست زي ما عايز ومع كامل احترامي لوجهة نظرك اعتقد ان الشعب هو الذي يبني الدوله وليس العكس! لو كان هنالك شعب في شمال السودان لكان قد أوجد الدوله التي تناسبه بالضروره! الدوله الموجوده في شمال السودان تناسب الناس الموجودين! لو كانت لا تناسبهم كانوا غيروها مهما كانت التكاليف والتضحيات! لكن صدقني الناس قبلانيين بالحاصل عشان كده الانقاذ استمرت كل هذه الفتره! واقول ليك حاجه ... الحكومه دي لو طٌلعت قرار إنه اي زول يجي الصباح بدري يأخد عشره جلدات حتي بعد داك يمشي الشغل حا تلقي الصفوف مبالغه! الوضع في السودان اصبح سخره! ملايين الناس اصبحوا مسخرين لخدمة مجموعه محدده! لذلك لم يعد هناك بد.. إن كان هنالك أمل في تغيير سيكون دمويا للغايه.... للاسف!

Quote: الليبين تظاهروا ضد القذافي ولمان قتلهم بالالاف شالوا سلاحهم واستنجدوا بالعالم ومروقوا عليه قتال حده النهايه المصريين خرجوا بالملايين مات من مات وقهروا مبارك ونظامه في النهايه انهار النظام السوريين يواجهون الرصاص وحا يقلعوا نظام بشار اليمنيين ليهم سته شهور مظاهراتهم ما وقفت رغم الضرب والموت اليومي وحا يقلعوا النظام مع ملاحظة ان كل الانظمه اعلاه لم تقسم البلاد ولم ترتكب من الجرائم عشر ما ارتكبته الانقاذ في ما يسمي بشعب السودان المشلكه الاساسيه انه البلد ما فيها رجال والله لو فيها رجال الناس ديل ما يقعدوا يوم واحد مع عمايل الانقاذ دي الواحد كان بتوقع انه الناس كلها تكون في الشارع يموت من يموت والبفضل يعيش بكرامه لكن لانه ما في ناس ولا شعب عشان كده الانقاذ سارحه غنم ابليس في الناس تدق وتنهب وتقتل وتفصل البلد والناس (قالوا ايه) حزنانيين! طيب فارشين وين عشان نجي نرفع معاكم الفاتحه!

Quote: لمشلكه الاساسيه انه البلد ما فيها رجال والله لو فيها رجال الناس ديل ما يقعدوا يوم واحد مع عمايل الانقاذ دي الواحد كان بتوقع انه الناس كلها تكون في الشارع يموت من يموت والبفضل يعيش بكرامه

Quote: أين هنا يا صديقي النعمان ؛ الشعب

Quote: المواطن العادي يحتاج إلى قيادة ... ونحن لها !

Quote: هذا صحيح ، الشعب موجود لكنه محبط ومغيب ، الشعب السوداني قاد ثورتين شعبيتين في زمن كانت كل الشعوب المحيطة بنا لا تعرف معنى كلمة مظاهرة ، لكنه في المرتين لم يجن سوى الهشيم و للاسف اظنه قد وعي الدرس واصبح لا يهمه من يحكم ومن يذهب فكلهم سواء ، لا يمكن بأي حال من الاحوال ان يكون الشعب يؤيد هذه الحكومة واقصد بهذا غالبية الشعب فهذا ضد الفطرة البشرية السليمة ، لا احد يحب اللصوص ولا احد يحب القتلة الا مشاركيهم واقرانهم ن كل ما يريده الشعب هو ضمانات لقيادة راشدة مؤمنة بهذا الوطن اكثر من اي مبادءى او ايديولوجيات اخرى وعندها فقط سنرى مفجري ثورات اكتوبر وابريل . لكن للاسف لا توجد لدينا احزاب وطنية قوية ولا توجد لدينا معارضة حقيقية ودونكم هذا المنبر ... فهو خير شاهد ، تجدهم يقذفون بعضعهم ويشتمون ويخونون ، بعضهم يعارض من منطلقات عرقية وبعضهم من منطلقات ذاتية ومرارات شخصية وكلهم في سعي محموم لتحقيق انتصارات صغيرة شخصية وهو يظن ان الجماهير ستخرج للشارع تهتف بأسمه وتنادي به آمرا وناهيا لهذا الوطن البائس !! " حصل شفتوا كيزان بشتموا في بعض او جاريين ورا بعض في المنبر ده " ؟؟