كتب الكاتب الفاتح جبرا المتوفرة بمعرض الدوحة
|
Re: سوِّد حنان حنانو يا بكري (Re: Ashraf el-Halabi)
|
الفاضل اشرف
اقدر حزنك
ولكن فكر فيها بطريقه آخرى
هؤلاء شعب وليس ارض فقط
وعندما نتحدث عن فقد كانها احد ممتلكاتنا!!
بينما هنالك شعب له رحو وتطلعات وخيارات.
يعني ابنط لو دفنته فانت فقدته بحق.
ولكنه لو غادر منزلك فقط لانه ليس سعيد هذا ليس فقدا.
تسويدنا للمنبر ليس فيه احترام لخيار الجنوبين.
فالنفرح معهم ان كنا نحبهم بخير ونحب سعادتهم
حتى لو كان يؤلمنا فراقهم!!
| |
|
|
|
|
|
|
Re: سوِّد حنان حنانو يا بكري (Re: Tragie Mustafa)
|
Quote: تسويدنا للمنبر ليس فيه احترام لخيار الجنوبين.
فالنفرح معهم ان كنا نحبهم بخير ونحب سعادتهم
حتى لو كان يؤلمنا فراقهم!! |
سلامات أم حازم حزني على وطن ما قدر يجمعنا بسبب سياسات الخرطوم غير المسؤولة وغير المشجعة على الوحدة على مر الحكومات لا يتعارض مع احترامي لرغبة شعب الجنوب وفرحي بنيلهم حريتهم يعني يوم 9 يوليو لو صادفت نقارة لفرح التحرير ممكن عادي أخلي شغلي وأتملي مريسة وأنقز لمن يلموا الكراسي أيام التصويت لتقرير المصير يا تراجي كنت بقول لأصحابي نتيجة التصويت لو كانت في صالح الوحدة (من غير تزوير) الجنوبيين ديل يكونوا مجانين الحزن يا تراجي على عجزنا في الشمال إتوفرت لقادتنا فرص تعليم ومعرفة واستقرار أفضل من إنسان الجنوب وبرضو ما قدرنا نقود البلد لمستقبل أفضل بالعكس قدناها نحو الدمار!
27 دولة أوربية تجتمع تحت علم واحد واحنا ما قادرين نحافظ على دولة واحدة!
| |
|
|
|
|
|
|
Re: سوِّد حنان حنانو يا بكري (Re: قيقراوي)
|
Quote: لكن يا تراجي انظر للجانب التاني ..
بعد زول يقول لي انا ما كنت سعيد في بيتنا الكبير عشان كدا ماشي
مفروض احزن على ( روحي ) دي .. |
بالضبط كدا يا قيقا أحزن على حالي كـ (بق لوزر)
| |
|
|
|
|
|
|
Re: سوِّد حنان حنانو يا بكري (Re: Ashraf el-Halabi)
|
اخي حلبي
تلقيت الرسالة التالية من اخي دكتور عبد الله بدر من الخرطوم:
الاخ طارق ما هي استعدادات البورداب بسودانيزاونلاين في جميع انحاء العالم لاستقبال يوم الحزن الكبير التاسع من يونيو يوم الانفصال . لماذا لا تكون حملة رفض كبيره لهذه الفعلة الانقاذية النكراء ولماذا لا يتبني البورداب الدعوة لاعتبار الانفصال سياسي اما الشعب فواحد الي ان تنجلي غمة الانقاذ. لا احد يلوم الجنوبيين للاحتفال باعلان دولتهم المستقلة ولكن الشعب السوداني كله في الجنوب والشمال يعرف ان الانفصال كان رد فعل طبيعي لسياسات الانقاذ وتبقي حقيقة ان الشعب كله لم يكن يريد ذلك . اري ان يتبني المنبر دعوة واسعة للحداد وتحميل المؤتمر الوطني وحده وزر تقسيم الوطن بكل ما مارسوه من اقصاء وتهميش وظلم للقوي السياسية والجماهير وفشلهمم الذريع في جعل الوحدة خيارا جاذبا كما نصت عليه اتفاقية السلام.
| |
|
|
|
|
|
|
Re: سوِّد حنان حنانو يا بكري (Re: طارق ميرغني)
|
الاستاذ / طارق ميرغني
Quote: ولماذا لا يتبني البورداب الدعوة لاعتبار الانفصال سياسي اما الشعب فواحد الي ان تنجلي غمة الانقاذ.
|
بما ان ( البورداب ) ديل قلوبهم شتى .. ما اعتقد انو في امكانية لموقف ( واحد ) صحيح .. لا يقبل القسمة على اكتر من مقاربة و مدخل ..
فيما يليني .. فعلاً بالنسبة لي الانفصال هو مجرد انفصال بيروقراطي / ادري / سياسي / فوقي لو جارت الجغرافيا .. فهناك الوجدان و وحدة التاريخ و المصير
لا و الاهم الاجتماع .. الاجتماع يرحمكم الله و أين تاريخ المساكنة و المصاهرة و التمازج و الانصهار؟ و ماذا عن الجنوبيين ذوي الاصول الشمالية في الجنوب؟ و ماذا عن الجنوبيين المفصولين من الخدمة المدنية - بعد تاريخ مهني طويل و جميل - في الشمال؟ بالله دا كلام دا العملوهو دا!؟
ماذا عن المسائل العالقة؟ ماذا عن الحقوق الاربعة؟
و عيييييييك!!
------
اشرف شكلي كدا ح احتل في بوستك دا ما بيناتنا مش نحن اصحاب؟
| |
|
|
|
|
|
|
Re: سوِّد حنان حنانو يا بكري (Re: طارق ميرغني)
|
Quote: طارق ميرغني كتب: تلقيت الرسالة التالية من اخي دكتور عبد الله بدر من الخرطوم:
الاخ طارق ما هي استعدادات البورداب بسودانيزاونلاين في جميع انحاء العالم لاستقبال يوم الحزن الكبير التاسع من يونيو يوم الانفصال . لماذا لا تكون حملة رفض كبيره لهذه الفعلة الانقاذية النكراء ولماذا لا يتبني البورداب الدعوة لاعتبار الانفصال سياسي اما الشعب فواحد الي ان تنجلي غمة الانقاذ. لا احد يلوم الجنوبيين للاحتفال باعلان دولتهم المستقلة ولكن الشعب السوداني كله في الجنوب والشمال يعرف ان الانفصال كان رد فعل طبيعي لسياسات الانقاذ وتبقي حقيقة ان الشعب كله لم يكن يريد ذلك . اري ان يتبني المنبر دعوة واسعة للحداد وتحميل المؤتمر الوطني وحده وزر تقسيم الوطن بكل ما مارسوه من اقصاء وتهميش وظلم للقوي السياسية والجماهير وفشلهمم الذريع في جعل الوحدة خيارا جاذبا كما نصت عليه اتفاقية السلام. |
التحية لك وللدكتور عبدالله بدر ... فالانفصال لم يقع إلاّ كُرهاً !!!
شايلين المَحنّة
|
| |
|
|
|
|
|
|
Re: سوِّد حنان حنانو يا بكري (Re: صبري طه)
|
أستاذنا طارق تحية ليك ولدكتور عبد الله وإن كنت أختلف معه في مسألة تحميل المؤتمر الوطني وزر الكارثة وحده الفرق بين حكومة الكيزان وبقية الحكومات السابقة إنو الكيزان سعوا للانفصال بترصد وتخطيط بينما التانيين ساهموا في النتيجة الحالية بعدم تقدير المسئولية غالبا
| |
|
|
|
|
|
|
Re: سوِّد حنان حنانو يا بكري (Re: معاوية المدير)
|
ود المدير يا فردة أخوك حزين لمن بيهناك من نكد الدنيا إنو مرضى نفسيين زي الخال وإسحاق وبقية السايكوبات يكونوا قادة رأي عام!! والخال تسمعه يقول (رويبضة) تقول الزول دا درس سقراط الحكمة! حرم يا خال مافي رويبضة غيرك إلا الجمل ما بشوف عوجة رقبتو
| |
|
|
|
|
|
|
|