|
|
|
 Re: عبد الغني كرم الله وخالد عويس بمكتبة مدينة كالقري الكندية العامة (Re: Murtada Gafar)
|
الاخ مرتضى
تحياتي
جميل ومؤسف في نفس الوقت انه الرواية السودانية ما تلقا ما تستحقه في بلادها وتجد الاهتمام عند الغير
لكن ده حال بلادنا او بالاصح حال من يديرون شئون بلادنالانه تظل بلادنا باقية ورافد لكل ابداع جميل
في راوية اسمها عندما تمطر الخرطوم من اكتر الروايات الرائعة في الادب السوداني برضو من الروايات الما متوفرة في السودان
تحياتي لسامية وطالع وتمنياتي ليكم باقامة جميلة في كندا (حسب البوست يبدو انكم في كندا)
| |
 
|
|
|
|
|
|
|
|
Re: عبد الغني كرم الله وخالد عويس بمكتبة مدينة كالقري الكندية العامة (Re: maia)
|
| Quote: في راوية اسمها عندما تمطر الخرطوم من اكتر الروايات الرائعة في الادب السوداني برضو من الروايات الما متوفرة في السودان |
العزيزة مايا تحياتنا...
حقيقة لم أقرأ الرواية التي تفضلتي بالإشارة إليها وسنبحث عنها
وضع الإبداع (في(سوان الإنقاذ) مايل شأنه شأن بقية أوجه الحياة في زمنهم الكالح الجديب
شكراً لمن يصرون على الإبداع وإنتاجه المضني (د. أمير تاج السر، عبد الغني وخالد وغيرهم)
لك وافر تحاتي وتحيات سامية وطالع ( فأنت من تذكرين طالع وهو في الأحشاءوالخيال ) طالع هسة عندو 11 سنة شفتي كيف؟!
| |
|
|
|
|
|
|
|
|
|
Re: عبد الغني كرم الله وخالد عويس بمكتبة مدينة كالقري الكندية العامة (Re: Murtada Gafar)
|
شكراليك يا مرتضى وانت تتناول الابداع السوداني المفقود في ظل اناس يحملون معاول الهدم لكل ملمح سوداني جميل
رواية عندما تمطر الخرطوم في رأي واحدة من اجمل الرويات السودانية ، دايما مرتبطة عندي برواية موسم الهجرة للشمال يمكن لاني قريتهم لاول مرة مع بعض لكن هي من الروايات البتبقا في الذاكرة ملونة بطعم السودان النقي
يا سلام ماشاءالله على طالع الذي عرفته منذ ان كان في رحم والدته سامية وقبل رؤيته للدنيا وانتم وسامية قد منحتموه اسم طالع ليحمل اسما مميزا
ربنا يخلي ليكم طالع انت وسامية وتشوفوه دايما ناجح ، يحمل من السودان اجمله واروعه وانقاه وليحمل من تميز اسمه كل جميل
| |
|
|
|
|
|
|
|
|
|
Re: عبد الغني كرم الله وخالد عويس بمكتبة مدينة كالقري الكندية العامة (Re: Murtada Gafar)
|
Quote:
رواية عندما تمطر الخرطوم في رأي واحدة من اجمل الرويات السودانية ، دايما مرتبطة عندي برواية موسم الهجرة للشمال يمكن لاني قريتهم لاول مرة مع بعض لكن هي من الروايات البتبقا في الذاكرة ملونة بطعم السودان النقي
|
مايا..حبابك يا صديقة
يااااااااااه..!
يزن في خلايا الذاكرة الورانية موقف على احد ابطال الرواية..!
الرواية كتبها الدكتور الفاتح عمر مهدي (طبيب اسنان..و دي مهمة.. لأنو ابكر ادم كان برلومو في الحسبة..و تاج السر برلوم ابكر ادم..)..و اتنشرت في 1986 او 1985 ان لم تخني الذاكرة..
في تلك الأيام ( و البلد ديموقراطية)..كانت المكتبات تعج بروايات دكتور بابكر ديومة ( الخرطوم وداعا ، الوجيه كمال)..و رواية زينب بليل ( الإختيار).. ثم صدرت رواية للكاتبة الشابة وقتها عائشة حسن ( تقريبا اسم الرواية اللون الآخر)..!
رواية عندما تمطر الخرطوم..من الروايات النادرة التي جعلت من مجتمع جامعة الخرطوم مسرحا لأحداثها..هي و رواية اخرى اسمها (لا تؤرقي صمتي) للكاتب ابراهيم محمد زين..و هو كاتب من مدينة الأبيض له روايات اخرى جميلة.. مثل (دوامة الماضي 1974) و (بحر العدم 1984) ..ولا تؤرقي صمتي كانت في 1968 و هي الرواية الوحيدة التي وثقت للحياة الإجتماعية ابان ثورة اكتوبر و اغتيال الشهداء بابكر عبد الحفيظ..و القرشي..!
فعلا رواية عندما تمطر الخرطوم فيها نقاء في الحكي و اللغة الشاعرية..!
كتر خيرك على هذه الوقفة..
كبر
| |
|
|
|
|
|
|
|
|
Re: عبد الغني كرم الله وخالد عويس بمكتبة مدينة كالقري الكندية العامة (Re: Kabar)
|
مرتضى..حبابك يا صديق
مرحب في كالقري..
صدفة عجيبة ياخي..!
قبل اشهر عملت ريبورتاج عن غربة هذه الكتب في مدينة كالقري..(و هي موجودة في معظم فروع المكتبة العامة و عددها 17 مكتبة)..و الغريبة برضك اخترت عنوان مقارب عن وجود عبد الغني كرم الله في كالقري..و بقية الكتاب الذي جملوا ليالي الجليد في هذه المدينة العجيبة..!
الجزء الثاني من الصدفة..منذ زمن لم التقى بعض الأصدقاء..و التقيتهم ليلة البارحة..و من ضمن نقة الحنين اياها اشارة لهذه الكتب..!
و اليوم ظهرا التلفونات تتطاقش..ولا اخفيك احدهم داعبني قائلا ( يعني تشف من سودانيز اونلاين و تجي تحكي لينا)..!
المهم مرحب بيك يا صديقي..ووكتين لحقت تعمل البطاقة فانت جاي بي سنونك..و نتمنى ليك اقامة طيبة في كالقري..!
طبعا ..اكيد قصة الشمش بتغيب الساعة عشرة دي لسع ما وقعت ليك ( مافي مشكلة لغاية شهر اطناشر ح تغيب الساعة اربعة)..!
من طرائف المكتبة.. الغرامة يا مرتضي..و منذ سنة 2009 و لغاية اليوم دافع لي غرامة قريب الميتين دولار..
الكتب بيتم استلافها لمدة اسبوعين.. قابلة للتجديد تلاتة مرات..اما المرئيات ( افلام و كده) لمدة اسبوع ..برضك قابلة للتجديد..!
قروش الغرامة تذهب لدعم برامج المكتبة..
في الفرع الرئيسي السنتر.. في الطابق الأرض.. ممكن برضك تلاقي سي ديهات الفنان مصطفى السني..و سلمى العسل..و غيرها من المزيكا السودانية..!
كبر
| |
|
|
|
|
|
|
| |
Murtada Gafar
توما
عمر عبد الله فضل المولى
صلاح أبو زيد
Kabar
مامون أحمد إبراهيم
فيس بوك
تويتر
انستقرام
يوتيوب
بنتيريست